سه ر له لی شیویان مه گه ر چه س؟


نه قصه ت راسه نه وه قه ول که س که ی
نه ری وه راس به ی نه هاوار ده رکه ی

هه م بی اعتمادی هه م اعتماد نه یری
وه یجوره زانم تو فره سه یری

زه خم زوانت زه ره ر له خوه ت ده ی
کی قازانچ که یتن کی منفه عه ت به ی

یه ک جه م نیشتنه له بان تا وه خوار
هه رکه س وه شکلیک مه که یتن هاوار

یه کی نقوض ده ی یه کی که ی ته فسیر
له لیان هالی ناوم وه صداقه ت پیر

نه وه گفتار باوه ر که ی نه یچ خو وه قه له م
که س راس ناویشی یا خو من هه له م

گشتی وه قصه تومه ت بار یه ک که ن
وه هاوار هاوار وه دادو شیوه ن.

بایه د جور سه رباز فه رمانبه ر بیمن
له تصمیم گیری بی خه وه ر بیمن

بیست و هه شت سال نه و که ری بیگانه به سه
ته فره قه و دو دلی، ئیمه خواست ناکه سه

ده س قه یبیک له کوروه بایت بیه یت نجاتمان
خو بیگانه یچ هه رگز ناکه ی خه لاتمان

فقط خوه مانیم چاره ی خوه مان که یم
با له بیگانه ده س دریژ نه که یم

یه ک ریگای راسی بخه نه وه رمان
تا بزانیم چه که یم خه رگ وه سه رمان

ئه وقه ره وه تیم ئه وقه یچ ژنه فتیم
هه مرای هیچ نه ویه گشت له پا که فتیم


بشیر له فنلاند 12.2.2007