|
ئەڵڵا ..ئەڵڵا.. کە چ عەقڵ و چ کەماڵێکی هــــەیــە! لەگەڵ ئەو عەقڵ و کەماڵە چ جەماڵێکی هـــــەیــە! دڵڕفێنێکە لە بۆ مەدحی، سەراپایی ئــــــــــــــــەوێ واجبە مەدحی بکا هەرچی کە ماڵێکی هـــــەیــــــە ئەهلی ئەم شارە هەمو نۆکەر و ئەتباعی ئــــــــەون یوسفی میصرە، عەجەب جاه و جەلالێکی هـــەیـــە! گەر خەیاڵی دەهەنی بینمە نێو ئەم غـــــــەزەلــــــە، دێن دەڵێن ئەم غەزەلە وردە خەیاڵێکی هـــــەیـــــــە! خەطی سەبزی لە کەناری لەبی، ((نالی))! هەروەک ((خضری زیندە)) لەسەر چاهە، زولالێکی هــەیـــــــــە |
پەچەیی پەرچـەمی یو پرچی ســیا هەر دەڵێی مانگە شەوە کوڵمی تیا لادە دەسرۆکەیی هەوریی لەجەبین دەرکەوێ شەمس و قەمەر نوورو زیاء لێوی تۆ ئــــاوی بەقـــا مـــــن خــزرم فەیزی تۆ ڕحمەت و من سەوزە گــیا فەرشی کەففی بەری پێتە نەرگس سەری داخستووە وەک چاوی حەیا مەمـــخەرە هاوییەیی هەولی فیراق دەســتی من دامەنی تۆ ڕۆژی قـــیا گێل ئەگەر تورکی تەعال ئەر عەرەبی بێ ئەگەر کوردی ئەگەر فورسی بیــا سەری فەرهادم ودندووکی قوڵــــنگ دەســــتی مەجنونم ودامێنی چــــیا خاتــری زاهــیــدی خــاڵیی خــاڵیی نییە ئـەڵـبەتە لــە بێـــنێــکـــی ڕیــــا دوور لە تۆ ئیـــدی مـەپرسـە قوربـــان حاڵی(نالی) کــە نەمردو نـــە ژیـــــا |
ماچی دەمەکەی دامێ کە دامێ سەروماڵم بنــــــــوار چ ســیادە چ جەللادە بەحــــــاڵم عاشق . دڵی - نابێ کە بدا خۆی لـــە داوم زوڵفم کە هەمووی داوە هەموودانەیە خــاڵم بۆتۆزێ رەهت دیدە سەقا و موژە جـــــــارون ترسام کە لە پێت چێ دەمێ جێت بــــماڵم یاری غەمی جان ئەبرووەتی تیروکەمان کرد یەعنی قەدەکی ئەلفی منە ئێستەکە داڵم دەستم مەخەسەر یاقەدم سوتووە . چاووم یاخود بەشیفا هاتووی؟ چەندێکە ئــــــەناڵم رەنگینە بەخوێناوی دەروونی دڵی "نــــاڵی" بنوارە دەڵێ خۆ خەنەیە پەنجەیی ئــــاڵم!!! |
گرفتــــــــــــــارم بە نازى چاوەکــــانى مەستى فەتتانت بریندارم بەتیرى سینە سووزى نێشى موژگـــــــــــــانت بەتــــــــــــــــاڵى پەرچەمى ئەگریجەکانت غارەتـت کردم دڵێکم بوو ئەویشت خستە نـــــــــــاو چاهى زەنەخدانت بەقوربان،عاشقـــــــــان ئەمرۆ هەموو هاتوونە پـــابۆست منیش هـــــــــــــــاتم،بفەرموو بمکوژن،بمکەن بەقوربانت تەشەککور واجیبە بۆمن ئەگەر بمرم بەزەخمى تـــــــــــۆ بەشەرتێ کفنەکەم بدرووى بەتاى ووڵفى پەرێشانــــــت لە کوشتن گەردنت ئازا دەکەم خۆت بێیتە ســــەر قـەبرم کە ڕۆژى جومعە بمنێژى لـــــەلاى نەعشى شەهیدانــت کەێ تۆ کوشتبێتت لە ڕۆژى حــــەشرا زەحمەتى نـــادەن ئەگەر وەک من لەم دونیایە سوتابێ لـــــــــــەهیجرانـــت هەمیشە سوژدەگاهم خاکى بەر دەرگانەکــــــــەى تۆیــە ڕەقیب ڕووڕەش بئ چۆن نالێ بگـــــــا دەستم بەدامانـت دڵـــــــــم مەشکێنە چونکو مەخزەنى دەرد و خەمى تۆیـە فیداى شەرت وەفات بم چى بەسەرهات مەیلى جـارانت ئەتۆ ئەمڕۆ لـــــــــــــــــــــە موڵکى دڵبەردا نــادرەى دەهرى بەڕەسمى بەدەنگى(مەستتورە) وا هـــــــــــــاتۆتە دیوانت مستوره |
دەرونم پڕکەبـــــــاب و دەردە بێ تۆ دڵم گەرمە و هەناسەم سەردە بێ تۆ خەریکی شەش دەری هات و نەهاتم خەلاسیم قەد نییە لەم نەردە بێ تۆ لیباسم ماتەمە، شینە ، لە شیندام سوروشکم سورە، ڕەنگم زەردە بێ تۆ عەزیزم دڵ ڕەقە و ، خۆم فەرد و تەنهام دەترســـم بمکوژێ ئەم دەردە بێ تۆ بە بێ دیــــــداری تۆ خـــۆ لاڵە "نالی" عەجەب هەستاوە ئەم چەن فەردە بێ تؤ |
گوڵ که یاغی و ده‌م دڕاو بوو،که‌وته لاف و ره‌نــــگ بۆی باغه‌بان گوێی گرت و ،واهێنای به‌ده‌ستی به‌سته بۆی ره‌نگی زه‌رد و سوری خه‌وف و خه‌جڵه‌تی،ئاوی حه‌یای واتکاو،ئه‌رجوو ده‌که‌ن عه‌فوی بکا وه‌ک عه‌بدی خــــۆی چونکه بێنی بێ وه‌فایی و ناز و شۆخی لێ ده‌هات ناردییه بازاڕی ریسوایی که بیدا شوست و شــۆی ده‌ست به ده‌ست چوو تا گه‌یشته ده‌ستی عه‌تتاری سه‌فیهـ نایه سه‌ر نار و عه‌زابی رۆحی دا و سفت و سۆی چونکه مه‌نشووری گوڵ ئه‌ندامی به ناوی خۆی ده‌دوێ یار،ئه‌گه‌ر له‌و باغییانه که‌س بمێنێ ،عاره بـــــــۆی مه‌هـ به شه‌و هه‌ڵدێ، و په‌نا ده‌گرێت و ده‌نوێتن به رۆژ دابگاته سیڕڕی په‌چچه‌ی په‌رچه‌م و وه‌سفی برۆی گه‌ر بڵێم:شه‌مسی،ده‌ڵێ:ئه خۆش روو بێ په‌رده‌یه وه‌ر بڵێم:سه‌روی،ئه‌ڵێ:ئه‌و ئه‌حمه‌قه کوا گفتو گۆی! دیده و دڵ هه‌ردوو وا جۆبار و جۆیای قه‌ددی تۆن سه‌روی دڵ جۆی عه‌ر عه‌ر و ،دڵ جۆی نه‌مامی دیده جۆئ چونکه باوکی رۆمی و دایکی حه‌به‌ش بوو،ما به به‌ین رۆژ و شه‌و،کافوور و میسکی ،رووگه‌نم،خاڵ ده‌نکه جۆی من گوتم: سه‌روی قه‌دت مه‌و زوونه،ئه‌م ته‌بعه هه‌یه ئه‌و گوتی (نالی))به میزابی کینایه‌تمان ده‌شۆی |
لــــــــه دڵدا ئاته‌شى عيشقت بلێسه‌ى ميسلى ته‌ندوره شـه‌تى ئه‌شكم نه‌بێ مانيــع، ده‌سوتێم ده‌بمه كۆى نووره به نـارى عيشق و ئاوى دڵ, جه‌سه‌د وه‌ك حه‌زره‌تى موسا ته‌ريقی: به‌حــــــــرى فيرعه‌ون و, ڕه‌فيقى ئاته‌شى تووره ده‌چێ بۆ لاى رِه‌قيب خۆشه, وه‌لێ ئه‌و داخــه كوشتومى له كـن ئه‌و چه‌نده مه‌جبوره, لــــه لاى من چه‌نده مه‌غروره په‌یامت هــــات و په‌یكت ڕۆى, خـــــــه‌ياڵم ناردوو نه‌یگه‌یێ رِه‌سوڵم كـــــــــــه‌وته رِێ، گرتی، هێناى وه‌ك ئاگره سوره كه ديتـــم شكلى سه‌د ڕه‌نگــــی, گوتم: بابايى عـــه‌ییاره كه بيستم له‌فزى بێده‌نگی, گـــــــوتم: شه‌یپوری شاپووره گـوتم:راستى سه‌بـــا هه‌ڵسه، گوتی: مه‌شره‌ب موخالیفه گــــــوتم: نارێ، گــــــــــــوتى: بایه، ئه‌وجێ، گوتی: دووره گــوتم: قوربانى تۆ من بم، گــوتی: قوربانى تــۆ سه‌گ بێ گوتم: شيشه‌ى دڵـــم ناتوێ، گـوتی: بۆ چیمه، مه‌كسوره خــه‌راباتى دڵــــــى (( نالــــى )) مه فه‌رموو: خاڵیه، نـايه‌م بـه مه‌رگی تۆ قه‌سه‌م، چــاوم! به زيكرت به‌يتى مه‌عمووره |
مەکە ئیخلافی ئەو وەعدەی کە فەرموت دەخیلت بم کە خانەی صەبرەکەم سوت لە ڕوت و قوتی وەک من ڕو مە پۆشە کە وەصڵی تۆیە قوتی عاشقی ڕوت موژەت قوللابیە هەم تیر و هەم شیر برۆت میحرابیە هەم تاق و هەم جوت لە سندوقی پڕی سینەم بترسە کە ئاگر بەر بداتە تەخت و تابوت لەبەر خەندەی لەبی لەعلی ئەتۆ بو کەوا شەککەر دەباری گوڵ دەپشکوت دەکەی نەخچیری صەد دڵ هەر بە تیرێ ئیلاهی هەر بمێنێ دەست و بازوت چ شیرینە خطوطی دەوری لێوت بەڵێ مەعلومە خۆشە خەططی یاقوت ها (نالی ) بەڵکو بیکێشی بە ناڵین بناڵە دامەنیشە مات و مەبهوت |
با ڕه‌فیقانم بکه‌ن شینم که وه‌قتی زارییه قه‌ط مه‌که‌ن ته‌قصیری له گریان ، شیوه‌نم یه‌ك جارییه تیره‌که‌ی ئه‌و ڕۆژه مه‌حبوبه‌م که لوطفی کرد به من گه‌ر نه‌به‌خشێ مه‌رهه‌می وه‌صڵی ، برینم کارییه حه‌پسی چاهی میحنه‌تم ، کافر به حاڵی من نه‌بێ کار و پیشه‌م دائیمه‌ن گریان و شین و زارییه هه‌ر به ئومێدی عه‌یاده‌ت به‌ڵکه جارێ بێێته لام من ، ئه‌گه‌ر چی بیشمرم ، پێم خۆشه ئه‌م بیمارییه که‌س نه‌کا مه‌نعی گوڵم ، گه‌رچی دڵی کردومه خوێن چونکه مه‌علومه که ئیشی خونچه هه‌ر خوێن خوارییه کۆچه کۆچه خونچه‌که‌ی په‌یکانی موژگانی دڵم بۆ شه‌هیدی شاهید دائیم که خوێنم جارییه هه‌رچی مه‌حبوبان ده‌که‌ن خۆشه ، به‌ڵام داخی ڕه‌قیب ده‌مکوژێ ، طه‌رحی مرێ، هه‌روه‌ك که‌ری بێگارییه ناڵه ناڵی ((نـالی))یه وا خه‌ڵقی خسته زه‌لزه‌له یا نه‌خۆ حه‌شره ، گونه‌هکاریه وه‌سا هاوارییه |
یار دڵی خوێنین و چاوی پر له گریانی ده‌وێ ئاری ئارێ گوڵ له باغان ئاوی بارانی ده‌وێ هه‌ر که‌سێ ڕوی تۆ ده‌بێنێ خۆی به قوربانت ده‌کا چونکه ئه‌برۆی تۆ هیلالی عیده قوربانی ده‌وێ ئاو له چاوانم به خوڕ دێ ئاگری دڵ ناکوژێته‌وه وه‌ك جه‌هه‌ننه‌م ئه‌م ته‌نوره ئاوی طۆفانی ده‌وێ عه‌شق سوڵطانێکه هه‌ر گا ڕو له وێرانێ بکات ئاهی سه‌رد و ئه‌شکی گه‌رم و قه‌لبی بوریانی ده‌وێ دور له تۆ دڵ هێنده بێ ئارام و بی حاڵ که‌وتووه ئه‌ی مه‌سیحای عه‌صر ! له‌و لێوانه ده‌رمانی ده‌وێ ڕوم ئه‌وا زه‌رد بو وه‌کو پایز له هیجران ((نالیا)) عه‌شق ئیستاکه‌ش له من سه‌یلی به‌هارانی ده‌وێ (حه زره تى نالى) |
| اکنون ساعت 01:10 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)