دەنگی شێعر
پێم خۆشه نووسراوەكانم، كۆڕی منداڵان بیخوێنن
دایكان بیكەن به لای‌لایه و كۆرپـەكان‌یان بخـەوێنن
شـێعرم لەو نامانەی‌دا بێ؛ كوڕه لاوی كوردەواری،
گوڵی له سەر دادەنێت و دەی‌خاته بەر پێی دڵداری
دەست و پەنجەی كیژه كوردێ له دەفتەری ئەوینداری
بەخـەتێـكــی كەنیـشــكانـه، بینـووســـێ بـۆ یادگــاری
شێعری شـادی بێت و جوانی؛ بێ به ئاواز و گۆرانی
بكرێته بەستەی هەڵپەڕكێ، ڕەشبەڵەك و مەریوانی
پێم خـۆش نەبوو شێعرەكانم له قەبرسـتانی شـارەوه
به ڕنگی ڕەش خۆی بنوێنێ، به بەردی سەر مەزارەوه
بـریـــا ئــازاری زنجیـر و ڕەنجـی كەلەپچـه نەبوایـه!
بمردام و دەنگی شێعرم شینی هەڵەبجه نەبوایه
شەریف حسەین پەناهی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
ویرایش توسط behnam5555 : 02-23-2015 در ساعت 08:33 PM
|