یه‌یشه چوده سه‌ر
دله‌گه‌م چه‌ته هم بێ قه‌راری؟
له جه‌وری شێتان له نو خه‌مباری؟
دله‌گه‌م چه‌ته ئه‌را گیریایده
هم و شلاق کینه بریایده؟
نه‌خوش و خه‌مین هه په‌ریشانی
هه‌ر چه‌ن شکییدن هه مێهره‌بانی
ت که و کسێ کارێ نیاشتی
و ناو خۆد بؤدهو دۆنیای تر داشتی
له ره برده‌نه‌ت خسه‌نه‌ته دام
له ئاگرێ ت یه‌سه م سزیام
ساده و سه‌میمی کارێ نه‌کردی
ناوه له کسه و گه‌نو نه‌وردی
زامه که‌سیگیش ت نه‌کولانیت
مال که‌سیگیش ت نه‌ره‌مانیت
چه ولید توان شیتان په‌ره‌سه‌سیل
رێ ئمامیل گر خه‌نجر و ده‌سیل
چه ولید توان سیه دله گان
ناله‌ردۆم ته‌رین قوم مد زه‌مان
ده‌له‌گه‌م بێمین خودا گوراسه
هه‌ر چه‌ن زێمانه له‌نگو ناراسه
ته‌هه‌مول به‌که یه‌یشه گه‌زه‌رێ
زه‌مانه ئه‌رامان یه روژ خوش تیه‌رێ
ده‌له‌گه‌م دۆنیا وی یجوره نیه
دوشمه‌ن گه‌نزات بوده رؤ سیه
کزه خۆت مه‌که یه‌یشه گوزه‌رێ
ئی ده‌ره به‌سیاس واز بودن ده‌رێ
ئیوشه باخ دڵ پر بو له ئێحساس
یه ئمتێحانه مه‌ردمان به ناس
ناهید محمدی
|