[behnam5555]

چۆارینه‌کانی خه‌ییام به‌ لاتین

( 18)

هه‌ر شه‌و بوو له‌ مه‌یخانه‌ ده‌هات ئاوازێ:
خۆشی له‌ که‌سێک له‌ ئێمه‌ مه‌ی ده‌خوازێ
بۆ مات و کزی؟ گه‌لێکی وه‌ک تۆ گه‌ردوون
کردوونی به‌ تۆز و خۆڵی سه‌ر ڕێبازێ


he‌r shew bú le meyxane dehat awazé:
xoshí le kesék le éme mey dexuwazé
bo mat u kzí? gelékí wek to gerdún
kirdúní be toz u xollí ser rébazé


تا هه‌ل هه‌یه‌ دڵخۆش به‌، ژیان ڕاده‌برێ
له‌م خانوه‌ ڕه‌شه‌ی له‌شه‌ گیان ده‌ر ده‌کرێ
ئه‌م کاسه‌ سه‌رانه‌ی که‌ ده‌بینی، سۆزی
ژێر قاچ و قولی کاسه‌که‌ران ڕاده‌خرێ


ta hel heye dillxosh be, jhíyan radebiré
lem xanwe reshey leshe gíyan der dekiré
em kase seraney ke debíní, sozí
jhér qac u qulí kasekeran radexiré


شه‌و فێنک و ده‌ر سه‌وز و وه‌ها مانگه‌ شه‌وێ
با بخۆینه‌وه‌ کوا هه‌لێکی دی هه‌ڵده‌که‌وێ ؟
مانگ هه‌ردێ ، به‌هار دێته‌وه‌ ، ته‌نیا ئێمه‌ین
ده‌مرین و ده‌بینه‌ گیاو و گڵ لێر و له‌وێ


shew fénk u der sewz u weha mange shewé
ba bixoynewe kwa helékí dí helldekewé ?
mang herdé , behar détewe , teníya émeyn
demirín u debíne gíyaw u gll lér u lewé


هه‌ر پنجه‌ گوڵێکی سوور له‌ گوڵزارێک بوو
ئه‌و سوورییه‌ خوێنی دڵی دڵدارێک بوو
هه‌ر په‌لکه‌ وه‌نه‌وشه‌یه‌ک له‌ هه‌ردێ ده‌ردێ
خاڵێکه‌ له‌ سه‌ر ڕوومه‌تی نازدارێ بوو


he‌r pnje gwillékí súr le gwillzarék bú
ew súríye xuwéní dillí dilldarék bú
he‌r pelke wenewsheyek le herdé derdé
xalléke le ser rúmetí nazdaré bú