[behnam5555]

چۆارینه‌کانی خه‌ییام به‌ لاتین

( 32)


به‌ خوێندنه‌وه‌ کراوه‌ فرچک گیانم
زانسته‌ مژیم و بۆته‌ ئاو و نانم
حه‌فتا و دوو ساڵه‌ بیر ده‌که‌م ، ده‌خوێنم
وا تازه‌ ده‌زانم چ له‌ هیچ نازانم!!

be xuwéndinewe kirawe fir ck gíyanim
zanste mjhím u bote aw u nanim
hefta u dú salle bír dekem , dexuwénim
wa taze dezanim ci le híc nazanim!!


گیراوه‌ قوڕم ، خرامه‌ قالب ، خشتم
بادراوی یه‌کێ ترم که‌ خاوم، گشتم
چاتر له‌وه‌ بم که‌ هه‌م ، له‌ده‌ستم نایه‌
خوا ڕۆژی به‌رێ به‌و کله‌ چاوی ڕشتم

gírawe qurrm , xirame qalb , xishtim
badirawí yeké tirm ke xawim, gishtm
catir lewe bm ke hem , ledestim naye
xwa rojhí beré bew kile cawí rshtim


خوا داوی ده‌ناوه‌ داوی ئه‌و با ناده‌م
ده‌عبایه‌کی گرت و ناوی لێ نا ئاده‌م
ڕاوی ئه‌وه‌، داوی ئه‌وه ‌، دانه‌ش هی ئه‌و
ده‌مخاته‌ ته‌ڵه‌ و گه‌رکیه‌ خۆشم ڵاده‌م

xwa dawí denawe dawí ew ba nadem
de'bayekí girt u nawí lé na adem
rrawí ewe, dawí ewe ‌, danesh hí ew
demxate telle u gerkíye xoshm lladem



چاو جوان ده‌ مه‌ڕۆ تێری دڵم بت بینم
گوڵ چین؟ که‌ له‌ سه‌ر ڕوومه‌تی تۆ گوڵچینم
داخم که‌ هه‌بێ له‌ گێژه‌ڵووکه‌ی مه‌رگه‌
وه‌ک په‌لکه‌ گوڵێ هه‌ڵده‌وه‌رێنێ ژینم

caw jwan de merro térí dillm bit bínim
gwill cín? ke le ser rúmetí to gwillcínim
daxm ke hebé le géjhellúkey merge
wek pelke gwillé helldeweréné jhínim