[behnam5555]

بەشی 28

: سەگ :

سەگ لە خەودا پیاوێکی خراپە کارە ، ئەگەر بوەرێ پیاوێکی خەراپ و بێ ئابڕوە ، ئەو کەسەی سەگ گازی لێ بگریت


دوژمنەکەی زیانی لێ ئەدا‌‌‌ت یان لەلایەن هاورێ یەکی یەوە کارەساتیکی بەسەر دێت و بەو هۆیەوە زەرەر و زیانی


زۆری لێ ئەکەوێت ، ئەوکەسەی سەگ جل و بەرگی بدڕێت پیاویکی خراپە کار هەلی ئەخەڵەتێنی ، ئەگەر گوێ ی


لە وەرینی سەگەکە نەبێت ئەوەیان دوژمنە ، سەگی مێینەش ئافرەتێکی خراپە کارە و توتکە سەگیش کورێکی


خۆشەویستەو ئەگەر سپی بێت ئەوە باشەو ئەگەر رەشیش بێت ئەوە ڕووی کەس وکاری رەش ئەکات ، هەروەها توتکە


سەگ منداڵێکی زۆڵەو پیاویکی ناپاك پەروەردەی ئەکات .


بینینی سەگی شوان لەخەودا باشەو سوودی هەیە سەگی ئاسایش دوژمنەو سەگی راو یان تانجی پلەو پایەی بەرزە


ئەو کەسەی لەخەودا بچێتە ڕاو و لە ڕاوەکەی دا سەگ بەکار بهێنێت هەموو ئامانج و نیازو مەبەستی بەدی دێت ،


لەخەودا سەگ کوشتن مانای زاڵ بوونە بەسەر دوژمن ، گەڕانەوەی تانجی لە ڕاو مانای نەمانی ترسەو بڵاوبوونەوەی


دەست بەتاڵی و بێ ئیش و کاری یە -


هەندێ جار سەگ بە مانای نەخۆشی گرانە تا دێت ، هەموو جۆرە سەگەکان بە مانای میللەتی سەر شۆڕ و مل کەچ دێت


بینینی سەگی ئاو لەخەودا باش نی یە چونکە هەرچ کارێکت بەدەستەوە بێت یان بە نیاز بیت بی کەیت پێت ناکرێت و


لێت تێك ئەچێت ، لەخەودا سەگ بوەڕێتە سەر یەکێك ئەو کەسە لە لایەن کەسێکی خەراپەوە قسەی سوك و ناشرینی


پێ ئەوترێ ، ئەوکەسەی لەخەودا گۆشتی سەگ بخوات زاڵ ئەبێت بەسەر دوژمنەکەی و پارەی لێ وەرئەگرێت ، جاری


وا هەیە سەگ لەخەودا بە مانای پاسەوان دیت ، خواردنەوەی شیری سەگ ترسە ، هەروەها سەگ لەخەودا ئافرەتێکە


هەمیشە مێردەکەی خۆش ئەوێت و ئەی پارێزێت و منداڵی زۆریشی ئەبێت ، بینینی سەگی (اهل الکهف) مانای ترس و


زیندانی و هەڵاتنە .


: زیو


لەخەودا پارەی کۆکراوەیە یان ئافرەتیکی خزمەت کاری جوانە ، ئەو کەسەی لەخەودا زیوی زۆری دەست کەوێت ڕزقی


زیاد ئەکات و پارەی زۆری بۆ دێت ، ئەو کەسەی لەخەودا زیو بتاوێنێتەوە لەگەڵ هاوسەرەکەی ناخۆشیان ئەبێت و خەڵکیش


باسیان ئەکەن ، قاب و بەرداغی درووستکراو لە زیو ئەو کارە چاکەیە کە ڕێگەی بەرەو بەهەشتە .


: فلس


لەخەودا قسەو باسە ، ئەو کەسەی درهەمێك قووت دات وفلسێك دەربهێنێ ئەو کەسە زەندیقە ، ئەو کەسەی دینارێك


قووت بدات و فلسێك دەربهێنێ ئەو کەسە کفر ئەکات ، فلس لەخەودا کفر وفێڵ ماندوو بوون و خەم و خەفەت و قسەو باس و


رزق و رزگار بوونە لە گیرو گرفت .


: دەم


لەخەودا کلیلی کاروباری خاوەنەکەیەتی عەمباری چاکەو خەراپەو ڕێ ڕەوی ڕزقیەتی ، ئەوەی لەدەم دەرچێت بەمانای قسەی


خێر و قسەی شەڕ دێت ، ئەوەی لەخەودا دەمی داخرێت ئەو کەسە کافرو بێ ئیمانە ، هەرەوها دەم لەخەودا بە مانای


ژیان و مردن و قسەو نیشتەجێ بوون و زیندان و گەرماو ودەستارو هاوسەر وپەرستگاو ڕزق دێت ، نەخۆش لە خەودا ببینێ


دەمی گەورە بووە و چاك بۆتەوە ئەو کەسە لەژیاندا بەردەوام سەلامەت ئەبێت .


: بەرداغ


لەخەودا ئافرەتە یان خزمەت کارە ، بەرداغی گڵاس مانای ئاشکرا بوونی نهێنی یە ، بەرداغی پڕ ئاو ئافرەتی سگ پڕە


ئاوی ناو بەرداغەکە بڕژێت مندالەکەی لەبار ئەچێت ، بەرداغەکە بشکێت ئافرەتەکە ئەمرێت ، ئەو کەسەی بەرداغێکی


بەدەستەوە بێت و لەدەستی بکەوێت و بەرداغەکە بشکێت و ئاوەکەی بمێنێتەوە دایکەکە ئەمرێت و منداڵەکەش ئەمێنێتەوە


ئەگەر ئاوەکە بڕژێت و بەرداغەکە نەشکێت منداڵەکە ئەمرێت و دایکەکەش ئەمێنێ ، ئەو کەسەی لەخەودا بەرداغ بخوات


تووشی کارەسات ئەبێت ، ئەو کەسەی هاوسەرەکەی دوو گیان نەبێت یان هاوسەری نەبێت لەخەودا بەرداغەکەی بشکێت


ئەو کەسە ئەمرێت کە ئاوی ئەداتێ .


: قەساب


لەخەودا مەلائکەی ڕوح کێشانە ، ئەوکەسەی قەسابێك لە خەودا ببینێ و چەقۆکەی لێ وەرگرێت نەخۆس ئەکەوێت و


چاك ئەبێتەوە ، ئەو کەسەی لەخەودا باوکی خۆی سەربڕێت و خوێن نەبینێت ئەوە پتەوبوونی پەیوەندی نێوان کوڕەکەو


باوکیەتی ، دەسەڵات داری ووڵات خەڵکی سەربڕێت زوڵمیان لێ ئەکات ، بینینی ئەو قەسابانەی کە لە بازار گۆشت


ئەفروشن باش نی یە چونکە گیروگرفت و مردنی نەخۆش و ترس و زەرەر و زیانی دەوڵەمەندی بەدواوەیە ، هەروەها ووتراوە


قەساب خوین ڕێژ و خاوەن شمشێرە ، بینینی قەساب لەخەودا بۆ ئەو کەسانەی غەمبارن یان لەزیندان دان خێرو خوشی یە


ئەو کەسەی قەسابێك بکوژێت لە نەخۆشی رزگاری ئەبێت ، هەروەها قەساب لەخەودا مانای دابەشکردنی میراتە .


: دڵ


لەخەودا کاروباری ئازایەتی و چاو نەترسی و ڕەوشت و ڕەفتاری مروڤە ، ئەوکەسەی لە دڵی دا ترس هەبێت خوای گەورە


هیدایەتی ئەدات و روو لە ڕێگەی هەق ئەکات ، دڵ پادشای هەستەو وهەڵسوڕێنەری کاروباری دونیاو ئاخیرە و باری ئاشکراو


نهێنی ئادەمیزادە ، ئەو کەسەی لەخەودا دڵی لەسنگی بێتە دەرەوە لەبواری ئایین دا خۆی چاك ئەکات ، ئەو کەسەی


نەخۆش بێت و لەخەودا ببینێ دڵی پارچە پارچە بوە چاك ئەبێتەوە ، پیاو دڵ لەخەودا ببینێ ئەوە هاوسەرەکەیەتی چونکە


ئافرەت هەڵسوڕێنەری کاروباری پیاوە ، هەروەها دڵ ئایین و زیرەکی ئادەمیزادە ، ئەو کەسەی لەخەودا ببینێ دڵی چاوی


هەیە ئەوکەسە زیرەك و لێهاتوو قسەزانە و ئایینیشی لەبارێکی چاك دایە ، ئەو کەسەی لەخەودا دڵی لە جێ ی خۆی


نەمێنێ تووشی ترس ئەبیت و باری ئایینیشی تێك ئەچێت ، ئەو کەسەی دڵی ڕەش بێت گوناهبارە ، ئەوکەسەی دڵی لێ


بدات دوژمنایەتی کەس ناکات یان سەفەر ئەکات یان زەماوەند ئەکات .


: ڕەشکە


سوود و یارمەتی یە لە پیاوێکی غەریب و بەتوانا .


:شان


لەخەودا ئافرەتە ، یان هێزو توانایە ، شان لەخەودا هەر چ زیادو نوقسانیەکی هەبێت ئەوە لە هاوسەرو هێزو توانای ئەو


کەسەدا ئەبێت ، ئەوکەسەی لەخەودا بیەوێت سەیری شانی خۆی بکات و نەتوانێ ئەو کەسە چاوی خێل ئەبێت


هەڵگرتنی باری قورس لەسەر شان تاوان و گوناهه .


: حەوت ئەستێرە


حەوت ئەستێرە ئەکەوێتە لای جەمسەری باکور و لە نزیکیان دا حەوت ئەستێرەی تریش ئەبیندرێ ، بینینی ئەم حەوت


ئەستێرەیە لەخەودا مانای بینینی پیاوێکی زاناو شکۆمەندە ، کەوتنی ئەو ئەستێرانە لەخەودا مانای مردنی زانایانی ئەو


شارەیە ، ئەو کەسەی لەخەودا ئەو ئەستێرانەی بدرێتێ کوڕێکیان ئەبێت یان زەماوەند ئەکات یان هاوڕێ یەتی لەگەڵ


یەکێك دا ئەکات .