[behnam5555]

چۆارینه‌کانی خه‌ییام به‌ لاتین

( 13)

ناچاری ئه‌شێ باری مه‌رگ هه‌ڵبگری
ناشێ هه‌موو ده‌م له‌ ترسی مردن بمری
خوێن و ڕه‌گ و پێستێک و دوو سێ ئێسقانێک
وه‌ بزانه‌ نه‌بوون ، بۆچی یه‌ خه‌م داده‌گری ؟


nacarí eshé barí merg hellbigrí
nashé hemú dem le tirsí mirdin bmirí
xuwén u reg u pésték u dú sé ésqanék
we bizane nebún , bocí ye xem dadegirí ?


بێ خه‌م به ‌، ژیان هه‌لێکه‌ هاکا مردی
تاوێری مه‌رگ گلا و له‌ بنیا وردی
نازانی له‌ کوێوه‌ ناردراوی ؛ سا به‌ خودا
ناشزانی مه‌رگ ، که‌ مردی بۆ کوێی بردی


bé xem be ‌, jhíyan heléke haka mirdí
tawérí merg gla u le biníya urdí
nazaní le kuwéwe nardirawí ؛ sa be xuda
nashzaní merg , ke mirdí bo kiwéy birdí



خه‌م بۆچی له‌ سه‌ر بوون و نه‌بوون داده‌گری؟
دوا ڕۆژ چیه‌ که‌ی دێ؟ چته‌ وا بۆی ده‌گری؟
مه‌ی فڕکه‌! مه‌ترسێ به‌ قه‌رز، نازانی
نێوانی هه‌ناسه‌یه‌ک ده‌ژی یان ده‌مری؟


xem bocí le ser bún u nebún dadegirí?
duwa rojh cíye key dé? cte wa boy degirí?
mey fir rke! metirsé be qerz, nazaní
néwaní henaseyek dejhí yan demirí?



ئه‌و کۆشکی مله‌ی ده‌کرد ده‌گه‌ڵ عاسمانێ
شاهانی ده‌که‌وته‌وه‌ له‌ ده‌رک و بانێ
دیتم په‌پوسێمانه‌یه‌ لێی ده‌خوێنێ:
کوا بگره‌ وو به‌رده‌ت‌؟ ، به‌زم و ڕه‌زمت کوانێ؟


ew koshikí mley dekird degell 'asmané
shahaní dekewtewe le derk u bané
dítim pepusémaneye léyí dexuwéné:
kwa bigre ú berdet‌? , bezim u rezimt kwané?