[behnam5555]

ئاو پێویستییەكی گرینگە بۆ گورچیلە

زانایان ڕایانگەیاندووە كەوا بۆ ئەوەی گورچیلە بە ڕێكوپێكی كار بكات، دەبێت ڕۆژانە بەلایەنی كەمەوە 1 لیتر ئاو بخورێتەوە. ئاو یەكێكە لە پێداویستییە گرینگەكانی ژیان و بۆ تەندروستی لەشمان بە تایبەتی بۆ گورچیلەكانمان زۆر پێویستە.

مرۆڤ تا تەمەنی دەچێتە سەرەوە، ئاوی لەشی كەمتر دەبێتەوە، هۆی سەرەكیی پیربوونیش ئەمەیە. كاتێك ئاو لە لەشدا كەم دەبێتەوە، لەش بەرە بەرە ڕێ لە فڕێدانی ئاوی لەش دەگرێت.
بۆ ئەوەی خوێن بتوانێت بە ناو لەشدا هاتوچۆ بكات، لەش میز ڕادەگرێت و پاڵەپەستۆی ( له خته ی ) خوێن بەرز دەبێتەوە، بە تایبەتی لە وەرزی هاویندا منداڵان تووشی سكچوون دەبن، چونكە هەوا گەرمە و تووشی ناتەواوی گورچیلە دەبن.

كاتێك لەش %1ی ئاوەكەی لەدەست دەدات، مرۆڤ هەست بە تینووییەتی دەكات، كاتێك ئەم ڕێژەیە دەگاتە %10، هۆشی لە دەست دەدات، تەنانەت لەوانەیە ژیانی لە دەست بدات.

هەر بۆیە ئەو كاتانەی كە پلەی گەرمیی هەوا دەگاتە سەرووی 28 پلە، نابێت ماوەیەكی زۆر لە دەرەوە ڕاوەستن.
بۆ ئەوەی تووشی كێشەی گورچیلە نەبن، دەبێت ڕۆژانە لە لیترێك ئاو كەمتر نەخۆنەوە، ئەمە لە كەسێكەوە بۆ كەسێكی تر دەگۆڕێت، لەوانەیە ئەم ڕێژەیە بگاتە 2.5 لیتریش. ئەو كەسانەش كە نەخۆشی گورچیلەیان هەیە، دەبێت زیاتر لە كەسانی ئاسایی ئاو بخۆنەوە و لە سوێری خۆیان دوور ڕاگرن و لەو خواردنانەی كە پرۆتینی زۆریان تێدایە خۆ بپارێزن .