[behnam5555]

نوێترین توێژینەوە پزیشكییەكان دەریانخستووە كە هەنگوین چارەسەرێكی گرنگ و كاریگەرە بۆ چارەسەركردنی كۆكەی شەوانەی منداڵان كە تا ئێستا بەشێوەیەكی كۆتایی چارەسەریی درەمانیی بۆ نەدۆزراوەتەوە.
توێژینەوەیەكی زانستی كە لەلایەن زانكۆی هانۆڤەری ئەڵمانییەوە ئەنجام دراوە دەریخستووە كە هەنگوینی سروشتی یەكێكە لە كاریگەرترین چارەسەر بۆ كۆكەی شەوانەی منداڵان، كە نەخۆشییەكی باوی بێچارەسەری كۆتایی ئەو منداڵانەیە كە تەمەنیان لە نێوان 8 مانگی یەكەم تەمەن تا تەمەنی 2 ساڵانەوەیە.

توێژینەوەكە كە تیمێكی شارەزا و پسپۆڕ لە زانكۆی نێوبراو سەرپەرشتیان كردووە و پشكینین و توێژینەوەی وردیان لەسەر 800 منداڵ كردووە كە بەدەست كۆكەی شەوانەوە دەناڵێنن.
لە ئەنجامیشدا بۆیان دەركەوتووە كە ئەو كۆكە كۆكەیەی شەوان هۆكارە سەرەكییەكەی هەوكردنی بەشی سەرەوەی كۆئەندامی هەناسەدانە كە تا ئێستا زانستی پزیشكی نەیتوانیووە چارەسەرێكی پزیشكیی تەواوی بۆ بدۆزێتەوە.
بەڵام تیمی توێژینەوەكە پاش سێ مانگ لە چارەسەركردنی ئەو منداڵانە لە ڕێگەی هەنگوینی سروشتییەوە بۆی دەركەوتووە كە هەنگوین بەشێوەیەكی كاریگەر و بە ڕێژەی 85% چارەسەری كۆكەی شەوانەی منداڵان دەكات.

لەبارەی شێوازی پێدانی هەنگوینەكە و بڕەكەیەوە، پزیشكە پسپۆڕەكانی سەرپەرشتیاری توێژینەوەكە دایكیان ڕاسپاردووە كە منداڵانی خوار تەمەن یەك ساڵ و سەروی شەش مانگ كە بەڕێژەیەكی بەرز تووشی كۆكەی شەوانە دەبن، لە شەو و ڕۆژێكدا دەبێت بە چوارجار پڕی كەوچكە چاییەك هەنگوینیان بدرێتێ.

بۆ منداڵانی سەرو تەمەن یەك ساڵا تاكوو 2 ساڵان كەوچكێكی زەڵاتە و بۆ منداڵانی سەرو تەمەن 2 ساڵانیش بەهەمان كات و جار كەوچێكی چێشتخواردن هەنگوینیان بدرێتێ، بە دڵنیاییەوە تا ڕادەیەكی زۆر مندالەكەت لە كۆكەی شەوانە ڕزگاری دەبێت.