[behnam5555]

چۆارینه‌کانی خه‌ییام به‌ لاتین

( 29)

مه‌یگێڕ وه‌ره‌ لام چ ده‌ربه‌سی به‌دناویم؟
پاراوکه‌ دڵم، سیس و کزی بێ ئاویم
مه‌ڕوانه‌ که‌ پیرم ، ده‌مێ سه‌رخۆشم که‌ی
پێم وایه‌ شل و شه‌نگه‌ نه‌مامی لاویم

meygérr were lam ci derbesí bedinawím?
parawke dillm, sís u kzí bé awím
merrwane ke pírm , demé serxoshm key
pém waye shl u shenge nemamí lawím


چاومه‌سته‌ ده‌هه‌سته‌ بێره‌ لام خونچه‌ گوڵم
ماچم ده‌یه ‌، بم دوێنه ‌، مه‌شکێنه‌ دڵم
له‌م ده‌فری مه‌یه‌ت کاسه‌یه‌کم بۆ تێکه‌
تا نه‌بووه‌ به‌ ده‌فر و کاسه‌ و گۆزه‌ گڵم

cawimeste deheste bére lam xunce gwillm
macm deye ‌, bm duwéne ‌, meshikéne dillm
lem defir í meyet kaseyekm bo téke
ta nebúwe be defir u kase u goze gllm


سه‌رکۆنه‌که‌ران ده‌ڵێن که‌: مه‌ستی باده‌م
من گوێچکه‌ به‌وان ته‌وس و توانجان ناده‌م
سه‌رخۆشم و مه‌یخانه‌ په‌رستم بۆچی؟
هه‌ربۆیه‌ که‌ خۆ له‌ خۆپه‌رستی لاده‌م

serkonekeran dellén ke: mestí badem
min guwécke bewan tews u twanjan nadem
serxoshm u meyxane perstim bocí?
he‌rboye ke xo le xoperstí ladem


با هه‌ستم و چاومه‌ست و مه‌یێکی جور که‌م
به‌س زه‌ردی خه‌مان بم و به‌ مه‌ی ڕووسوور که‌م
ڵاوێچێ به‌ ڕووی هۆشی بزۆزم داده‌م
با تاوێ له‌ خه‌و ڕاچێ له‌ خۆمی دوور که‌م

ba hestim u cawimest u meyékí jur kem
bes zerdí xeman bm u be mey rúsúr kem
llawécé be rúy hoshí bizozim dadem
ba tawé le xew racé le xomí dúr kem