بازگشت   پی سی سیتی > ادب فرهنگ و تاریخ > شعر و ادبیات > زبان ادب و فرهنگ کردی

زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture

پاسخ
 
ابزارهای موضوع نحوه نمایش
  #1  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض به‌رهه‌مه‌کانی به‌ندی عه‌لی


به‌رهه‌مه‌کانی به‌ندی عه‌لی




شەوێکی پاییز.

شار بەقژی پەخشانی شەو
خۆی داپۆشی
درەختەکان ڕووت و قووتن
ھەناسەیان ئەبێ بەتەم
گەڵا زەردە وەریوەکان
ڕەدووی ڕەشەبا ئەکەون
ھەور یەخەی خۆی دائەدڕێ و
بەخوڕ ئەگری .. ھاوسێکانم
لەکەنار دەریاچەی خەوا
ڕاوی ماسیەسوورەکانی خەون ئەکەن
ژوورەکەم ، کپ و خامۆشە
شەقام لەودیو پەنجەرەوە
ھەڵدەلەرزێ و
قژی شەو قەترانی خەمی لێ ئەچۆڕێ
پشیلەی ماڵە ھاوسێکەی بەرامبەرمان
ئەویش لەپشت پەنجەرەوە
تێم ئەڕوانێ و
بەبزەی سەر لێوی زەردی گڵۆپەکان
چاوەکانی بریسکەیان دێ
من لەدەفتەرەکەی روحا
شیعرێک بۆ غوربەت ئەنووسم
ئەویش پەڕەی تەنیایم ئەخوێنێتەوە
ئای .. خودایە
ئەگریجە ڕەشماریەکانی شەوی غوربەت
چەند درێژن.



ببوورن، ئه‌گه‌ر بێزارم کردن.
ئه‌م سپێده‌یه‌ش
که‌له‌هه‌مان
سپێده‌کانی تر ده‌چێ
به‌زرینگه‌ی زه‌نگی هه‌مان
کاتژمێری قوڕمیشکراو
له‌هه‌مان سه‌ری کاژمێراو
له‌سه‌ر هه‌مان
جێخه‌وی لوولی ده‌ق گرتوو
به‌هه‌مان په‌یکه‌ری گیانه‌وه
له‌خه‌و ڕاده‌چڵه‌کی و چاوت
هه‌ر به‌هه‌مان
دیکۆری دووباره‌وه‌ بووی
هه‌مان درزی
په‌نجه‌ره‌ی نیوه‌ داخراوی
سه‌ر هه‌مان تاقی تاقانه‌ی
دیواری بێزاری هه‌مان
ژووری نیوه‌ تارو ڕوونی
هه‌مان ئه‌پارتمانه‌وه‌ ، هه‌ڵدێ
پاشان هه‌مان جووته‌ که‌وشی
نێوماڵ له‌پێ ده‌که‌یت و
هه‌ر به‌هه‌مان له‌نجه‌ ده‌ڕۆی
له‌به‌رده‌م هه‌مان ئاوێنه‌ی
لێڵی هه‌مان توالێتا
هه‌ر به‌هه‌مان جۆری سابون
ده‌م و چاوی
خوماری پاش هه‌مان خه‌ونی
مۆته‌که‌یی شه‌و ده‌شۆری
به‌هه‌مان گوێزانی کولیش
ڕیشی چه‌رمووت ده‌تاشیت و
به‌هه‌مان فڵچه‌ی ددانیش
له‌سه‌ر هه‌مان کێشی په‌نجه
سه‌رو خواری ددان ده‌شوێ
له‌سه‌ر هه‌مان مێزو کورسی
هه‌مان جۆری چا ده‌نۆشی
هه‌ر هه‌مان به‌رچایی ده‌خۆی
ئه‌وجا که‌وڵی هه‌مان به‌رخی
نێو هه‌مان ڕان ده‌پۆشیت و
هه‌ر به‌هه‌مان توله‌ڕێدا
به‌هه‌مان پاسی سیخناخیش
به‌ره‌و هه‌مان ده‌باخانه‌ی
ڕه‌نگ کردنی دۆزه‌خی ژین
به‌بۆیاخی به‌هه‌شت ، ده‌ڕۆی
له‌وێ هه‌مان
ڕوخساره‌کان ده‌بینیت و
له‌گه‌ڵ هه‌مان ئامێری کوێر
ده‌که‌ویته‌ زۆرانبازی
که‌ماندوو بووی هه‌مان تانجیی
هه‌مان ڕاوچی پێت ده‌وه‌ڕێ و
ده‌سته‌و یه‌خه‌یت
تا دواهه‌مین گه‌ڵای هه‌مان
چڵی توانات هه‌ڵده‌وه‌رێ
ئه‌وجا گه‌ردن ئازاد ده‌بی و
دیسان هه‌مان ڕوخساره‌کان
جێده‌هێڵی
هه‌ر به‌هه‌مان توله‌ڕێداو
به‌هه‌مان پاسی سیخناخیش
به‌ره‌و هه‌مان ئه‌پارتمان و
له‌سه‌ر هه‌مان مێزو کورسی و
به‌هه‌مان که‌چک و چه‌تاڵ
له‌هه‌مان قاپی بێ ده‌نگا
هه‌مان خوانی ئێوارانی
جاران ده‌خۆی
ئه‌وجا که‌مێ
سه‌یری هه‌مان پرۆگرامی
هه‌مان ته‌له‌فیزیۆن ئه‌که‌ی
به‌ر له‌ئه‌وه‌ی که‌مۆته‌که‌ی
هه‌مان خه‌ون سوارت ببێ
هه‌ربه‌هه‌مان فڵچه‌ی ددان
له‌سه‌ر هه‌مان کێشی په‌نجه‌
سه‌رو خواری ددان ده‌شۆی
پاشان له‌سه‌ر
هه‌مان جێخه‌وی ده‌ق گرتوو
به‌هه‌مان په‌یکه‌ری گیانه‌وه‌
هه‌مان گڵۆپ خامۆش ده‌که‌ی
تاکو سپێده‌یه‌کی که‌ی
که‌له‌هه‌مان
سپێده‌کانی تر ده‌چێ.




ته‌رازوو
پڕ به‌دڵ منیش تامه‌زرۆم
ته‌نهاو ته‌نها
چیرۆکه په‌مه‌ییه‌کانی عیشقتان
بۆ بگێڕمه‌وه‌و
له‌گه‌ڵ هه‌ڵاڵه‌کانا سه‌فه‌رکه‌م
له‌م گوڵه‌وه‌ بۆ ئه‌و گوڵ و
له‌په‌پووله مه‌سته‌کانیشه‌وه‌ فێری
هونه‌ری سه‌ما ببم
ئه‌ی چی له‌باسی ژنه خه‌ڵوزیه‌کانی
نێو ته‌نووره سارده‌وه‌بووه‌کانی شه‌ره‌ف و
باڕه‌شه‌ نه‌فره‌تیه‌کانی نه‌ریت و
غه‌دره‌ سه‌رمه‌دیه‌که‌ی چرا بکه‌م

پڕ به‌دڵ منیش تامه‌زرۆم
هه‌موو شه‌وێ تاسپێده‌
ته‌نهاو ته‌نها
شیعر بۆ چاوی که‌ژاڵ و
لێوی ئاڵ و په‌نجه‌ نه‌رم و نۆڵه‌کانی
حه‌بیبه‌که‌م بنووسم و
له‌که‌ناری ڕووباره‌ شه‌رابێکی به‌هه‌شتا
به‌ڕووی خۆشبه‌ختیا ، ده‌م ده‌م
پێکی جاویدانی هه‌ڵده‌م
ئه‌ی چی له‌دۆزه‌خه‌ ئاپۆڕه‌که‌ی زینده‌گی و
دڕکه‌ تینووه‌کانی بازاڕ به‌خوێنی جه‌سته‌م و
حه‌زه‌ بێ کۆتاییه‌کانی
خونچه‌ خنجیلانه‌که‌م که‌م
که‌ده‌ڵێی سێبه‌ری خۆمن
هه‌ر ده‌ڕۆم و .. پێیان ناگه‌م

پڕ به‌دڵ منیش تامه‌زرۆم
ته‌نهاو ته‌نها
نزیک له‌که‌ناره‌کانی دڵنیایی
له‌گه‌ڵ نه‌وره‌سه‌کانا بفڕم و
مژده‌ی گه‌یشتن به‌ووشکایی بده‌م
به‌و که‌شتیه‌وانانه‌ی
گێژاوه‌کانی زه‌ریا گێژی کردون
ئه‌وجا له‌په‌لکه‌زێڕینه‌یه‌کدا نغرۆ بم و
تێر تێر ببم له‌ڕه‌نگه‌کان
ئه‌ی چی له‌هێزی جه‌زب که‌م ، به‌ئه‌رزه‌وه‌
که‌ده‌ڵێی قولاپی ده‌ستی ڕاوچیه‌که‌و
تامردنیش له‌لێوم نابێته‌وه‌

پڕ به‌دڵ منیش تامه‌زرۆم
ته‌نهاو ته‌نها
کامێره‌ دیگیتاڵه‌که‌ی چاوم
وێنه‌ی سیما جوانه‌کان و
نیگاره دڵفڕێنه‌کان و
سه‌یران و ئاهه‌نگه‌کان و
گوڵه‌ڕه‌نگاو ڕه‌نگه‌کانی به‌هار بگرێ
ئه‌ی چی له‌دێوه‌زمه‌کانی سیاسه‌ت و
خه‌راباته‌کانی نه‌فس و
زێرابه‌کانی گه‌نده‌ڵی و
که‌لاوه‌ خاپووره‌کانی نیشتمان و
داره‌ ڕوتوقوته‌کان پاییزی ئازادی بکه‌م.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
جای تبلیغات شما اینجا خالیست با ما تماس بگیرید




  #2  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


عه‌یامی هیچ.

له‌ سێبه‌ری جه‌سته‌کانا
بۆ جیاوازیه‌کان ده‌گه‌ڕێین
له‌ژیر عه‌بای شه‌وه‌زه‌نگا
بۆ ده‌رزیله‌کانی لێکچوون
زریانی پرس و گله‌یی
ئه‌که‌ین به‌گژ
په‌یکه‌ره خه‌مباره‌کانی ڕابردووا
پیاوه‌ سه‌رابیه‌کانی ئه‌مڕۆش
ده‌خه‌ینه‌ سه‌رشان و ده‌ڕۆین
ڕوو له‌خه‌راباتی عه‌ده‌م
له‌وێش وه‌ک نه‌ریتێکی کۆن
له‌ئاهه‌نگی سه‌رکه‌وتنا
پێکێ له‌شه‌رابی وه‌هم هه‌ڵئه‌ده‌ین و
گیرفانه‌کان پڕ پڕ ده‌که‌ین
له‌نوقڵی .. هیچ
که‌دێینه‌وه‌ بۆ خاڵی سفری ده‌ستپێکیش
شه‌که‌ت ، ماندوو ، هه‌ناسه‌سوار
وه‌ک ئه‌وه‌ی پیره‌مه‌گروونێکمان
هه‌ر به‌کۆڵ گواستبێته‌وه‌
له‌سه‌ر گازی پشت ڕاده‌کشێین
بۆ سه‌رخه‌وێکی کورت و کوێر
به‌ر له‌خولێکی نوێی تری
گه‌ڕان به‌شوێن مانای هیچا
له‌نێو بازنه‌ به‌تاڵه‌که‌ی نیشتیمانی
پڕ پڕ .. له‌هیچ
پڕ پڕ له‌کاوێژی درۆو
نیگاره‌ خۆڵه‌مێشیه‌کان.


من و تۆ.

-1-
له‌خۆر ده‌چیت
ساتی دووریت
وه‌رزی زویر بوون و تۆران
ژیان ده‌بێته‌ یه‌خچاڵ و ماڵی دڵم
به‌جه‌مسه‌ری سه‌هۆڵبه‌ندان
ساتی نزیک بوونه‌وه‌ش لێت
نه‌ک هه‌ر جه‌سته
په‌پووله‌ی روحیش ده‌سوتێت.

-2-

له‌مانگ ده‌چیت
بێ تو ، شه‌وم قه‌ترانیه‌و
نغرۆی خه‌م و ئاهی سه‌ردم
وه‌ک مه‌لێکی له‌پۆل جێماو
ته‌ره‌و ته‌نیاو بێ هاوده‌ردم
که‌ده‌بیته‌ چوارده‌شه‌ویش
خۆ ناپرسی
ئاخۆ ماندووم یان شه‌که‌تم
خه‌و له‌چاوم ده‌تۆرێنی و
ده‌ڵێی له‌مه‌حکه‌مه‌ی ده‌هرا
تۆ موده‌عی و
منیش باوان کوژه‌که‌تم.

-3-

له‌ئاو ده‌چی یان له‌باران
گه‌ر نه‌بارێی یان نه‌چۆڕێی
من خۆم ده‌بم به‌ده‌شتی دێم
ته‌مه‌ن ، وه‌رزی ووشکه‌ساڵی
ساتێ له‌ناکاویش که‌دێی
وه‌کو تۆفان ، وه‌کو زریان
یان له‌خۆتا نغرۆم ده‌که‌ی
یان وه‌کو که‌پرێکی خاپوور
ڕامده‌ماڵی.

-4-

له‌با ده‌چیت
یا هه‌ر نایه‌یت
له‌جۆزه‌ردانی ته‌مه‌ندا
گیانم شه‌ڵاڵی شه‌ونمی شه‌رم ده‌که‌ی
یان که‌هاتی ، ده‌مه‌و خه‌زان
وه‌ک ڕه‌شه‌با
سوچ به‌سوچ ، قوژبن به‌قوژبن
پوش و خه‌رمانی ئاره‌زووم
له‌جیاتی له‌شه‌نێکدا
له‌یه‌کتر ده‌که‌یته‌ دوژمن.

-5-

له‌هه‌رچیه‌ک بچی ته‌نیا
له‌خاک ناچی
چونکه‌ ئه‌و له‌م عه‌یامه‌دا
که‌بازاڕی هه‌ڕاجی گشت به‌هاکانه‌
نرخی له‌سه‌ر دانراوه‌و
ده‌شێ بۆ ئاڵوگۆڕ کردن
له‌گه‌ل نرخی زێڕو زیودا
ده‌شێ هه‌ڵچێ و
ده‌شێ .. داچێ.




نامۆیه‌کی هه‌زاره‌ی دووه‌م.
-1-
حاڵی نه‌بوون
به‌خشینی خودایه‌ بۆ به‌رد
ته‌نیایی ئه‌به‌دی ، بۆ مانگ
هه‌توانی بێ عاریش بۆ زام
له‌م زه‌مینه‌ ئاپۆڕه‌یا
چ به‌ڵایه‌کی گه‌وره‌ی
ئه‌ی فام.


-2-

نابینایی
قه‌ده‌رێکی میهره‌بانه‌
بۆ ئه‌وانه‌ی په‌ڕه‌ی دڵیان
له‌باڵه‌کانی په‌پووله‌ ناسکتره‌
که‌ئه‌م ده‌هره نیگارێکی لێواولێو بێ
له‌بێ ڕه‌نگی ، له‌دێوه‌زمه ، له‌قێزه‌وه‌ن
له‌م زه‌مینه‌ ئاپۆڕه‌یا
چ بارێکی قورس و پڕ خاری
ئه‌ی ته‌مه‌ن.


-3-

که‌ڕو لاڵی
خۆشبه‌ختیه له‌سه‌رده‌می ژاوه‌ژاوا
که‌زینده‌گی دره‌ختێکی
هه‌میشه‌ ڕوته‌ڵی ووشک و
پڕ چۆله‌که‌ی چه‌نه‌باز بێ
هه‌مووش پێکه‌وه‌ بخوێنن
ئیدی کێ گوێ له‌کێ بگرێ
له‌م زه‌مینه‌ ئاپۆڕه‌یا
به‌خوێنی یه‌ک چه‌نێ تینوون
ئه‌ی زارو گوێ.


-4-

خۆ ئه‌گه‌ر گوڵ
متمانه‌ی به‌میهری ڕۆژگار بکردایه‌
ئه‌به‌د خاری به‌پاسه‌وان ڕا نه‌ده‌گرت
گه‌رچی منیش نه‌سلی گوڵ نیم
بریا بم توانیایه‌ جارجار
دڵم بته‌نیایه‌ به‌خار
بۆ ده‌ست و په‌نجه‌ی هه‌ندێ دۆست
به‌ر له‌ئه‌غیار.


-5-

خۆ ئه‌گه‌ر با
متمانه‌ی به‌بستێ خاکی
نیشتیمانێک بکردایه‌
ئه‌به‌د نه‌ده‌بووه‌ موشته‌ریی هه‌میشه‌یی
کۆچ و فڕین
له‌م خووه شێتانه‌یه‌دا
من و ئه‌و زۆر له‌یه‌ک ده‌چین.


-6-

خۆ ئه‌گه‌ر ئاو
متمانه‌ی به‌کۆشی زه‌ریا بکردایه‌
ئه‌به‌د ڕه‌دووی هه‌ور نه‌ده‌که‌وت
ئه‌گه‌ر متمانه‌ی به‌هه‌وریش بکردایه‌
کۆشی لۆکه‌یی ئه‌ویشی جێ نه‌ده‌هێشت
دیسانه‌وه‌ به‌ره‌و کۆشی خاک و زه‌ریا
ده‌شێ حیکمه‌تی مانه‌وه‌ی ئاو
له‌وه‌دابێ ، ئۆقره‌ نه‌گرێ
بریا منیش
وه‌ک ئاو بێ ئۆقره‌ بوومایه‌
بێ ناو نیشان و نیشتیمان
تائه‌و ڕۆژه‌ی گیانم به‌ره‌و دوا مه‌نزڵی
عه‌ده‌م ده‌برێ.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #3  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


ئازادی له ‌هه‌واری نێوان دوو رووبارا.

-1-
ته‌رمێکه‌ قورسه و
ڕیش سپیه‌کانی هه‌وار
کۆڵان به‌کۆڵان .. جاده‌ به‌جاده‌
به‌شان ده‌یگێڕن
ئه‌وه‌نده‌ش ئازیزه‌ لایان
چاویان به‌رایی نایه‌
دواجار ، به‌خاکی بسپێرن.

-2-


ئاڵایه‌کی شه‌کاوه‌یه‌ به‌سه‌ر
کۆشکه ته‌لبه‌ندکراوه‌کانی ناوچه‌ی سه‌وزه‌وه
خه‌ڵوه‌تگای سیاسه‌تچیه‌کانی هه‌وار
ئه‌وانه‌ی زۆربه‌یان ، تا دوێنێ
له‌باڕه‌کانی تاراوگه‌یا
به‌مانگانه‌ی په‌ناهه‌نده‌یی
بێتامترین جۆری بیره‌ مه‌ستی ئه‌کردن و
ئه‌مڕۆش لێمان بوونه‌ته‌
شۆڕه‌سواری داستانه‌کان.

-3-


گۆرانیه‌کی داواکراوی دووباره‌یه‌
هه‌موو سپێده‌یه‌ک
له‌ڕادیۆی پاسه‌ سیخناخه‌کانی ناو شارا
گوێبیستی ئه‌بین و که‌داش ئه‌به‌زین
جه‌سته‌مان شه‌ڵای ئاره‌قه‌یه‌و
که‌سمان دڵنیا نین له‌وه‌ی
له‌شه‌رمانه‌ یان له‌گه‌رمان.


-4-

خه‌وێکی ناسکی په‌شمه‌کییه‌و
هه‌موو شه‌وێ چاوڕێین
په‌رییه‌کی ژێر سنگ سپیی باڵ په‌مه‌یی
بمانداتێ و .. وه‌لێ حه‌یفێ
ناگاته کازیوه‌ی سبه‌ینێ
تاله‌خه‌و هه‌ڵئه‌سین
له‌ژێر زمانمانا ئه‌توێته‌وه‌.


-5-
سێوه‌ لاسووره‌یه‌کی خڕوخه‌پانی
بریقه‌دارو به‌تامه‌
له‌دارستانه‌که‌ی والیا ، دووره‌ ده‌ست
به‌دره‌ختێکی به‌رزه‌وه‌ هه‌ڵواسراوه‌
بۆن و به‌رامی
که‌لله‌ی نیگاکارانی مه‌ست ئه‌کاو
وه‌لێ به‌خه‌تێکی کوفی له‌لایه‌وه‌ نووسراوه‌
ته‌نیا بۆ بینینه‌و
له‌ڕۆژانی ئاده‌م و حه‌واوه‌
ده‌ست لێدانی حه‌رامه‌.

-6-
جۆره‌ بنێشتێکی خۆماڵیه‌
له‌ژێر ددانی فه‌یله‌سوفه‌کانی هه‌وارا
ئه‌وانه‌ی ژماره‌یان
له‌شاره‌ مێرووله‌کان زیاد تره‌و
هه‌ر یه‌که‌و به‌ڕه‌نگێ
بۆیاخی په‌یکه‌ری حه‌قیقه‌ت ئه‌که‌ن
به‌مه‌رجێ له‌گه‌ڵ مه‌زاجی
فیله‌کانا بگونجێ.


-7-

تابلۆیاکی گران به‌های
دانسقه‌یه‌و له‌یه‌ک ساتا
له‌هه‌موو گه‌له‌ریه‌کانی هه‌وارا
دانراوه‌و هه‌ر کتومت
له‌مۆنالیزاکه‌ی داڤینشی ئه‌چێ
ئه‌وه‌نده‌ی دڵگیرو ڕه‌نده‌
ئه‌وه‌نده‌ش ته‌ماویه‌
بزه‌ی سه‌لێوی.

-8-
ڕۆمانێکه‌و له‌جوانیا
هه‌ر له‌ڕه‌نگاڵه‌کانی به‌هه‌شت ئه‌چێ
وه‌لێ هه‌رده‌م له‌فڕیندایه‌و
له‌سه‌ر چڵێکی دره‌ختی به‌ختی
لانه‌وازه‌کانی ئه‌م هه‌واره‌ش
ئه‌به‌د هه‌ڵناکوڕمێ.

-9-
له‌نجه‌ولاری ئاسکه‌مێیه‌کی
نه‌رم و نۆڵه‌
به‌به‌ر چاوی شێره‌ نێره‌کانی هه‌واره‌وه‌
دێت و ده‌چێ و
چاوه‌ڕێی میهره له‌قه‌ده‌ر.

-10-

ئازادیه‌که‌ی له‌مه‌ڕ ئێمه‌
شیڕه‌ی جوزه‌له‌یه‌کی ژه‌نگاوی و
گرمه‌ی ده‌هۆلێکی بۆشه
هه‌موو بۆنه‌یه‌ک گوێبیستیان ده‌بین
سه‌دای ده‌نگیشیان
هه‌ر له‌دوور خۆشه‌.




جوانێکی مه‌نگ.

چاوه‌کانی
له‌هه‌وری گه‌واڵ گه‌واڵی
پاییز ده‌چن
به‌ئاسته‌م نه‌رمه‌ وه‌شتێکی
خه‌می دڵیان لێ ده‌بارێ
خودی ته‌بعی خۆیان وایه‌
هه‌ر بۆیه ، هه‌ر دڵۆپێکی
ئه‌وه‌نده‌ی نرخی یاقوتێ
له‌دڵما گران به‌هایه‌

قامه‌تی ، به‌ژنی دارێکی
به‌ئه‌زموونه‌ له‌گه‌ڵ جه‌ورا
گوڵی .. یاخی
چڵی .. سه‌رکه‌ش
چنگی ڕه‌گی ، گیره له‌خاک
خودی ته‌بعی خۆیه‌ وایه‌
بۆیه هه‌رگیز ، خورپه‌ی سڵ و
له‌رزی گه‌ڕیانی ڕه‌شه‌با
به‌جه‌سته‌یدا ، ئه‌به‌د نایه‌

دڵی ، ده‌ریایه‌کی په‌نگه‌
لێوان لێوه له‌زینده‌گی
وه‌لێ نه‌نگه‌ ، وه‌ها ئاسان
مه‌رام و ڕاز بدرکێنێ
خودی ته‌بعی خۆیه‌ وایه‌
بۆیه‌ که‌س نازانێ ، که‌نگێ
له‌هه‌ڵچوونه‌و ئه‌دی که‌نگێ
له‌خه‌ڵوه‌ت و سکونایه.




لێکۆڵینه‌وه‌.

گوڵه‌ مێخه‌کێ له‌باخی میرا له‌توپه‌ت کرا
ووتیان .. ئه‌و بۆ خۆی ماخۆلانی بوو
ده‌ستبازی له‌گه‌ڵ دڕکی پیر ئه‌کرد

ڕه‌نگاڵه‌یه‌کی باڵ ئه‌رخه‌وانی
له‌ئاسمانه‌که‌ی ماڵی پاشایا درایه‌ به‌ر تیر
ووتیان .. ئه‌و بۆ خۆی هارو لاسار بوو
ڕێی له‌تیر ئه‌گرت

له‌کارێزه‌که‌ی ماڵی کوێخایا
سووره‌ ماسیه‌کی عاشق ڕاوکرا
ووتیان .. ئه‌و بۆ خۆی غه‌ریب مه‌زاج بوو
لێوی له‌لێوی قولاپ گیر ئه‌کرد

ڕۆژێ میرو شاو کوێخا فه‌نا بوون
ووتم .. به‌دۆزه‌خ
مووه‌یه‌ک له‌جه‌سته‌م نه‌نگه‌ ببزوێ
ئه‌وان بۆ خۆیان گێل و نه‌فام بوون
ده‌ست و په‌نجه‌یان تێکه‌ڵ به‌کاری
عیزره‌ئیل ئه‌کرد.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #4  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


به‌ڵگه.

به‌ ئه‌سپایی ده‌ستم هێنا
به‌سه‌ر قژی ئاوریشمیا
په‌نجه‌کانم
بوون به ‌په‌پووله‌ و هه‌ڵفڕین
به‌ چرپه ، نهێنی ناویم
بۆ مانگ درکاند
مانگ بوو به ‌پاسه‌وانێکی مت
له‌به‌رده‌م حه‌زره‌تی حوسناو
عه‌جه‌ب یاران
بن ده‌وه‌نی لێوی منیش
شکۆفه‌ی گرت
له‌ژێر په‌رده‌ی چاویلکه‌وه‌
چاوم شه‌به‌نگێکی دزی
له‌ پڕشنگی ئه‌ستێره‌کانی چاوی ئه‌و
عه‌جه‌ب یاران
ئه‌شکه‌وتی بێ چرای ناخم
بوو به ‌کۆشکی کریستاڵی و
پڕ بوو له ‌په‌لکه‌زێڕیه‌ی ڕاز و موراد
که ‌سروه‌ی هه‌ناسه‌که‌شی
خۆیدا له رووم
ئه‌وجا زانیم
له‌م گۆڕستانی عیشقه‌دا
هێشتا روح له‌به‌رێکی زیندووم.




نغرۆ له عیشقا.

ده‌ستم ناگا به ‌پوشێکی
سه‌رئاو که‌وتووی میهری خودا
گوناهی ده‌ست کورتی خۆمه‌
یان گوناهی بێ میهریی ئه‌و
نیگام نغرۆی چه‌می زاره‌ و
دڵم خوناوی لێ ئه‌تکێ
ڕه‌نگی به‌ختی تۆیه‌ ئه‌ی ناخ
یاخو زولفی قه‌ترانیی شه‌و

دڵم بورکانێکی ماته‌
له‌ژێر کێوی به‌فر پۆشا
له‌نێویا گڕ سه‌ماکاره‌و
سه‌ری له‌کۆشی ته‌مدایه‌
له‌پاییزیا ڕاز ئه‌بارێ
به‌هاریشی خه‌م ئه‌پشکوێ
موچڕکه‌ی ، نه‌عره‌ته‌ی عیشقه‌و
ماته‌می ، شینی زه‌ریایه‌

توخنی گه‌ڵای زه‌ردی عومری
وه‌ریوم مه‌که‌وه‌ ئه‌ی با
من دره‌ختێکی بێ عارم
هه‌موو عومرم گوڵێ ئه‌گرم
نه‌که‌ی کوڵمی بڕوشێنی
به‌سروه‌یه‌ک ، به‌چرپه‌یه‌ک
گه‌ر له ‌فیرده‌وسه‌وه‌ هه‌ڵکه‌ی
ڕه‌گ و ڕیشه‌ت له‌بن ده‌بڕم

به‌ هه‌ندی وه‌رگره ئه‌ی با
گه‌مه‌ی جه‌نگت له‌گه‌ڵ ناکه‌م
دڵم بورکانێکی ماته ‌و
من له‌نه‌سلی دڕک و خارم
گه‌ر به‌لاما گوزه‌رت کرد
تائه‌توانی دوورکه‌وه‌ لێم
نه‌ک به‌ڕێکه‌وت لێم بکه‌وی
من دره‌ختێکی بێ عارم.



خه‌و

دوێشه‌و که‌سێ هاته‌خه‌وم
ووتم تۆ کێی
ووتی ئه‌گه‌ر خوا بناسی
من هه‌واڵنێره‌که‌ی ئه‌وم
ووتم باشه
له‌ عه‌رشی ئه‌و ره‌حمانه‌وه
چ هه‌واڵێکی نوێت پێیه
بۆ ئه‌وانه‌
چاوه‌ڕێی سێبه‌ری ته‌رمی
ئه‌و په‌پووله‌ پاییزانه‌ن
باڕه‌شی بێڕه‌نگی ئه‌نفال
فڕاندنی
چ هه‌واڵێکی نوێت پێیه
له‌وه‌ڵامی ئه‌و نامانه‌ی
کچه‌ یاخیه‌کانی زه‌وی ناردیانن
ئاگری دۆزه‌خه‌ی ئه‌ویش
سوتاندنی
چ هه‌واڵێکی نوێت پێیه‌
بۆ قه‌ره‌بوی
پێنج هه‌زار نێرگزی خنکاو
به‌بۆنی سێو
دارسێوه‌کانی بێستانی به‌زه‌یی خوا
ئه‌و دارانه‌ی که‌بۆ ئێمه
بوون به‌سێداری سێداره‌ و
مه‌رگێکی ناوه‌ختی ناکاو
ووتم ده‌بێژه‌ ده‌ی توخوا
فریشته‌ی چاوزه‌قی دانڕیچ
له‌ عه‌رشی ئه‌و ره‌حمانه‌وه‌
چ هه‌واڵێکی نوێت پێیه‌
بۆ وه‌ڵامی ئه‌و هه‌موو ده‌رده‌ به‌سوێیه‌
ووتی هه‌ر هیچ
منیش له‌حه‌سره‌تی وه‌ڵام
که‌وه‌ک دوپشکێ پێوه‌ی دام
چون زه‌ڕنه‌قوته‌یه‌کی ڕووتی
ژێر ڕه‌هێڵه .. له‌خه‌و هه‌ستام.




خه‌مبار مه‌به.

خه‌مبار مه‌به ئه‌ی ڕێبوار
گشت ڕیگه‌کان
هه‌ر ده‌چنه‌وه‌ بۆ سه‌رکانی
چێژی کۆچیش له‌وه‌دایه‌
له‌گاپێڵ و له‌هه‌ورازا
هه‌ست به‌دڕکی غوربه‌ت بکه‌ی
له‌ژێر پێتا
له‌شه‌وه‌ پاییزیه‌کانیشا
هه‌ڵاڵه‌ی خه‌وه‌کانت بفڕن
له‌گه‌ڵ با
ئه‌و خه‌وانه‌ی له‌ئامێزی
عه‌با لوول بووه‌که‌ی شه‌وا
هه‌ر به‌ڕوخساری مانگه‌وه‌
ده‌یانبینی و به‌یانیانیش
یان بۆڵه‌بۆڵی هه‌ورێکی وێڵی جێماو
دیه‌ت له‌خه‌و ده‌تۆرێنێ
یان خرینگه‌ی ڕێژنه‌ بارانێکی توڕه‌
که‌له‌وه‌ختێکی ناوه‌خت و
له‌جێیه‌کی نابه‌جێا دێته‌خوارێ
تۆش هه‌ر چاوه‌ڕێی هه‌تاوی
بۆ بژاری سه‌رو مایه‌ت
هه‌موو دێن و هه‌موو ده‌ڕۆن
ئه‌و هه‌ر نایه‌ت
خه‌مبار مه‌به ئه‌ی ڕێبوار
گشت ڕێگه‌کان
هه‌ر ده‌چنه‌وه‌ بۆ سه‌رکانی
هه‌ر هیچ نه‌بێ خه‌ونت هه‌یه‌و
خه‌ویش .. هیوا
له‌کۆچێکی به‌ره‌و ژوورا
خۆ ئه‌گه‌ر به‌ر له‌مه‌رگیش بێ
ئه‌شێ ڕۆژێ
ماڵی چۆڵ و هۆڵی روحت
پڕ بێته‌وه‌ له‌گۆرانی
خه‌مبار مه‌به‌ .. ئه‌ی ڕێبوار
گشت ڕێگه‌کان
هه‌رده‌چنه‌وه‌ بۆ سه‌رکانی.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #5  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


هه‌واڵێکی سه‌یر


په‌نجه‌ره کریستاڵیه‌کانی
ژووری خه‌وتان توند کڵۆم ده‌ن
په‌رده‌کانیش باله‌پێستی وورچ و گابن
خه‌ونه‌کانیش به‌و به‌تانیانه‌ داپۆشن
که‌نیگاری پڵنگێکیان له‌سه‌ر نه‌خشه‌و
نه‌که‌ن ده‌رکی دۆڵابه‌کانی نهێنی و
جلکی شه‌وتان به‌کراوه‌یی جێ بهێڵن
له‌هه‌ر سوچ و قوژبنێکی ماڵه‌که‌شدا
ته‌ڵه‌ی مشکتان بیر نه‌چێ و
قوفڵێکی گه‌وره‌ی گومانیش
له‌دوا ده‌رگای متمانه‌ ده‌ن
چاوه‌زارێک ، بۆ چاوی پیسی به‌دکار و
ناڵی بارگیرێکی شه‌لیش
به‌گوێسه‌بانه‌که‌ی به‌ختا شۆڕکه‌نه‌وه‌
نه‌وه‌ک سواڵکه‌رێکی به‌رباد
ئیره‌ییتان پێ به‌رێت و یان بکه‌ونه‌
به‌ر نه‌فه‌سی قه‌ره‌جێکی بێ نیشتیمان
فه‌رشی دڕکیشتان بیر نه‌چێ
له‌به‌ر ده‌روازه‌که‌ی حه‌وشه‌
ده‌ڵێن گوایه‌
ده‌عبایه‌کی زۆر بێ شه‌رم په‌یدا بووه‌
به‌گشت که‌له‌به‌رێکدا ده‌چێ
ناوی (حیزبه‌)و .. کاتێ که ‌دێ
خۆیتان لێده‌کا به‌وه‌نه‌وشه.


ئاو

سفری ده‌سپێکی سه‌فه‌ری هه‌موومانه‌
بێ ڕه‌نگه‌ وه‌ک حه‌قیقه‌ت و
بێ ده‌نگه‌ وه‌ک
چرکه‌ساتی ژوانی نوتفێ به‌هێلکه‌
له‌نجه‌ی له‌له‌نجه‌ی په‌نهانی ڕۆژگار ده‌چێ
سیحری ، له‌سیحری زینده‌گی
تامی له‌گه‌ڵ تامی روحا خۆی ده‌گۆڕێ
شیرین وه‌کو کارێزه‌کانی موحیبه‌ت
سوێر وه‌ک شه‌ونمی جه‌بینی
گه‌ڵا وه‌ریوه‌کانی ڕه‌نج
تفت وه‌ک به‌هێی نه‌گه‌یو
له‌وه‌رزی گومڕایی فاما
بێ تام و بۆن
وه‌ک دڵۆپه‌ی گوێسه‌بانه‌کانی شه‌رم
کاتێ به‌لاجانگی لووسی عورفو نه‌ریتا دێته‌خوار
ترش وه‌کو فرمێسکه‌کانی تیمساح و
ڕێژنه‌ بارانی به‌خوڕی چاوی گورگ
هه‌ندێ جاریش زه‌ردو بۆگه‌ن
وه‌کو لیکی لاشه‌ویلگه‌ی خیانه‌ت و
ڕشانه‌وه‌ی چاوچنۆکی
تاڵیش وه‌کو قه‌ترانی ناخێکی بیمار
له‌به‌ر بێ میهری و بێ دادیی
دادخانه‌که‌ی ئه‌م زه‌مانه
بێ ڕه‌نگه‌ وه‌ک حه‌قیقه‌ت و
سفری ده‌ستپێکی سه‌فه‌ری هه‌موومانه‌.

بـا

له‌ئه‌فسوونا
له‌باڵنده‌ ئه‌فسانه‌ییه‌کانی دورگه‌ی
خه‌یاڵ ده‌چێت
یان مناڵێکی بزێوی
سرک و ده‌ستباز .. له‌یاریا
له‌میهره‌بانیا ده‌ڵێ
له‌ده‌ربه‌ندی دڵی دایکه‌وه‌ هه‌ڵده‌کاو
له‌غرورا ، له‌جنسی پیاو
له‌ڕق و توڕه‌ بوونا .. گا
له‌عیشقیشا ته‌ته‌رێکی به‌ئه‌مکی
نێوان گوڵ و هه‌ڵاڵه‌یه‌و
له‌مه‌کریشا ، بزه‌ی لێوی مۆنالیزا
هاوسه‌فه‌رێکی روح سوکه‌
له‌ئێواره‌ی گه‌رمه‌سێرا
وه‌لێ جێی متمانه‌ نیه‌و
ده‌شێ له‌دزه‌ نیگایه‌کدا
مه‌زاجی بێ ئه‌مانی خۆی وه‌ربگێڕێ و
دژ به‌که‌شتیی نیاز بجمێ
هه‌ر ئه‌ویش بوو عه‌یامێکی دوورو درێژ
کۆلاره‌کانی خه‌یاڵی فریو ئه‌داین
تاکو به‌رزترین مه‌داو
له‌پڕ خۆی لێ وون ده‌کردین و کپ ده‌بوو
له‌مه‌یاندا ، هه‌ر کتومت
له‌نووسه‌ره‌ ده‌رباره‌کانی هه‌واری خۆمان ده‌چوو.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )

ویرایش توسط behnam5555 : 07-17-2014 در ساعت 05:22 PM
پاسخ با نقل قول
  #6  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


خۆڵ

ئێمه‌ش ده‌بینه‌وه‌ به ‌ئه‌و
پاش دوا سه‌فه‌ری بێگه‌ڕانه‌وه‌ی جه‌سته ‌و
دوافڕینی بێ نیشتنه‌وه‌ی
هه‌موو ڕه‌نگاڵه‌کانی ‌هه‌ست
په‌یکه‌رتاشێکی به سه‌لیقه‌ش
له‌ ئاوی ماره‌ی ده‌کات و
روح ده‌کاته‌وه‌ به‌ری
که‌ سروشتیش تووڕه‌ ده‌بێ
ده‌یبارێنێ به سه‌رماندا و هه‌ندێ جارێش
ده‌بێت به‌ گۆزه‌ی سه‌رشانی
کیژۆڵه‌ که‌مه‌ر ته‌نگه‌کانی دێ
تا نهێنیه‌کانی سه‌رکانی
بۆ کوڕه‌ چاوبرسیه‌کانی
جورمی عیشق ، بدرکێنێ
ناو به‌ناویش هارونه‌کانی نیشتیمان
له ‌جێی کل ، چاومانی پێده‌ڕێژێن
گه‌رچی نرخیشی جیاوازه لێره‌ و له‌وێ
به‌ڵای گه‌وره‌ ئه‌و ساته‌یه‌
له ‌داستانی گیانبازیا
قه‌زای پڕ به ‌چنگێکی ئه‌و
له ‌هه‌زاران عاشقی سه‌رگه‌رم و شه‌یدای
باخه‌ هه‌ڵواسراوه‌کانی
شاری ئازادی ده‌که‌وێ.


بێده‌نگ نابم.



بێده‌نگ نابم
ئه‌گه‌ر زمانیشم ببڕن
په‌نجه‌کانم دێنه‌ دووان
بێده‌نگ نابم
په‌نجه‌کانم هه‌ڵوه‌رێنن
سوپایه‌ک برژانگی دیده‌ له‌سه‌نگه‌ردان
بێده‌نگ نابم
من مناڵی هه‌وری تووڕه‌ و
گه‌رده‌لوولێکی سه‌رکه‌شم
بێده‌نگ نابم
له‌گه‌ڵ په‌پووله‌کانی عیشقا
نه‌رمه‌ وه‌شتم
بۆ زه‌رده‌واڵه‌کانی غه‌دریش
ڕه‌هێڵه‌یه‌ک .. له‌ئاته‌شم
بێده‌نگ نابم
ئه‌گه‌ر کوڕه‌ به‌نازه‌که‌ی مریه‌میش بی
بێده‌نگ نابم
ئه‌گه‌ر دوانه‌سڵی بێگه‌ردی ئاده‌میش بی
بێده‌نگ نابم
ئه‌گه‌ر میر و ئه‌گه‌ر شا بی
بێده‌نگ نابم
نه‌ک هه‌ر شازی بوونه‌وه‌ر بی
ئه‌گه‌ر خوا بی
بێده‌نگ نابم.



خه‌وی فیرعه‌ونیی

هه‌موو ده‌ریا
له‌ پێکێکدا ده‌خواته‌وه‌ و

لێوی ووشکه‌

به ‌ماسیه‌ جه‌حێله‌کانی

ژێر به‌رده‌ لووسه‌کانی

چه‌مه‌ گچکه‌کانیش ده‌ڵێ

ئاژاوه‌چی

باوه‌جوو ، ئه‌و

ئۆقیان به‌موڵکی خۆی ده‌زانێ

موڵک ، به‌ دیاریی یه‌زدان و

خۆیشی به ‌فریشته‌ی ده‌ریا

ده‌شیه‌وێ ئێمه‌ش به‌ کۆمه‌ڵ

له‌ مه‌داره‌ ئه‌فسوناویه‌که‌ی ئه‌ودا

وه‌ک پۆلێ شه‌پۆلی سه‌رشێت

شه‌پۆلی بێ نرخ و گه‌لحۆ

به‌ ده‌وریدا

سه‌مای کڕنووش ، سه‌مای زیکر و

ته‌زبیحاتی ئه‌مه‌کداری

بۆ ئه‌وی تاقانه‌ ڕێکخه‌ین

وه‌لێ .. هه‌یهات

له‌م عه‌یامه‌ جه‌نجاڵه‌دا

ده‌ستی هیچ زاتێ به ‌سێوی

خه‌وێکی فیرعه‌ونیی ناگات.


__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #7  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض



باڵنده‌کان.

باڵنده‌کان به‌خته‌وه‌رن
پرسی مۆڵه‌ت له‌که‌س ناکه‌ن
وه‌رزی سه‌فه‌ر
له‌شه‌قه‌ی باڵ ئه‌ده‌ن
ئه‌فڕن
نه‌پێویستیان به‌ڤیزه‌یه‌و
نه‌پاسپۆرت و
نه‌چاوساغی ڕێ و نه‌ته‌ته‌ر
باڵنده‌کان به‌خته‌وه‌رن
گوێ ناده‌ن به‌ده‌شتی مینی
ناوچه‌ حه‌رامکراوه‌کان
ترسیان نیه‌
له‌ خاڵه‌کانی پشکنین
باکیان نیه‌
له‌ته‌لبه‌ندی
سه‌ر سنووره‌ داخراوه‌کان
نه‌پاسه‌وان
کۆڵه‌پشتیان ئه‌پشکنێ و
نه‌زه‌ڕڕه‌یه‌ک سڵیان هه‌یه‌
له ‌شه‌پۆله‌ شێته‌کان و
گێژاوه‌کان
نه‌زیندانه‌ تاره‌کانیش
دوا هه‌واری سه‌فه‌ریانه‌
به‌ره‌و شه‌به‌نگ
نه‌کۆڕه‌ویان شه‌وانه‌یه‌و
نه‌ئه‌بنه‌ خۆراکی نه‌هه‌نگ
باڵنده‌کان به‌خته‌وه‌رن
نه‌ڕۆژنامه‌ زه‌رده‌کانی
ئه‌م سه‌رده‌مه‌ ئه‌خوێندنه‌وه‌
نه‌گوێ بۆ ئێزگه‌ ساخته‌کانیش
شل ئه‌که‌ن
نه‌گۆرانیه‌ سواوه‌کان ده‌ڵێنه‌وه‌
نه‌به‌سووتوی
روحه‌ سوتاوه‌کانی عیشق
چاوی حه‌یا ، به ‌کل ده‌که‌ن
له‌هه‌ر شوێنی
ماندوێتی یه‌خه‌ی گرتن
په‌ریی خه‌ویان ئاماده‌یه‌
بۆ سه‌روه‌نه‌وه‌ز
باڵنده‌کان به‌خته‌وه‌رن
ساڵی یه‌ک وه‌رزی سه‌فه‌ر و
ڕه‌ویان هه‌یه‌
نه‌ک کۆڕه‌وی .. هه‌میشه‌ سه‌وز.


عیشق و من و ئه‌و .

ئه‌و ده‌ڵێ هه‌لوه‌سه‌ی نه‌فسه‌و وه‌سوه‌سه‌ی شه‌یتان و خێو
من ده‌ڵێم کۆنسێرتی روحه‌ .. سۆزی عیشقی نێرو مێ
ئه‌و ده‌ڵێ تێزابی کوفره‌و ژه‌هری دوپشکی بزێو
من ده‌ڵێم تۆفانی هه‌سته‌ .. شه‌ونمی لێوی به‌سوێ

ئه‌و ده‌ڵێ سێوی ناکامه‌ .. سومبلی مه‌کری حه‌وا
من ده‌ڵێم ئه‌وپه‌ڕی تامه‌ .. چێژی میوه‌ی باخی یار
ئه‌و ده‌ڵێ عه‌ینی نه‌فره‌ت بوو .. ئاده‌مێکی ته‌فره‌دا
من ده‌ڵێم ڕه‌شماری زوڵفه‌ .. حاریسی ماهی ڕوخسار

ئه‌و ده‌ڵێ تیری تاوانه‌و شه‌راره‌ی جورمی ئه‌نقه‌ست
سه‌وزو ووشکت ده‌سوتێنێ .. چون بڵێسه‌ی جه‌هه‌نه‌م
من ده‌ڵێم شاباشی خۆره‌ ، نیگای جووتێ چاوی مه‌ست
ده‌عوه‌نامه‌ی پڕ نییازی .. خاتو زینێکه‌ بۆ مه‌م

ئه‌و ده‌ڵێ ئه‌م به‌زمه‌ ڕاوی روحی بێگه‌رده‌و ، ده‌روون
نوقمی گۆمی زه‌وق ئه‌کات و ته‌متومانی ته‌فره‌دان
من ده‌ڵێم ئه‌م هێزی جه‌زبه .. حیکمه‌تی بوونه‌و نه‌بوون
کۆشی گه‌رم و نه‌رمی عیشقه .. نیشتیمانی عاشیقان

ئه‌و ده‌ڵێ وانه‌ی گوناهه‌و مه‌کته‌بی عه‌یب و حه‌رام
باسی عیشق و هه‌ر هه‌وارێ بۆنی عیشقی لێوه‌ بێ
من ده‌ڵێم بوستانی ژینه‌و پڕ گوڵ و میوه‌ی به‌تام
سه‌روه‌ره‌ ئه‌و که‌سه‌ی لێوی .. چرۆی ماچی پێوه‌ بێ.


به‌ره‌و ئازادی.

به‌ندی عه‌لی
به‌ری ده‌لاقه‌که‌ی ئاسمان بگرن به‌داڵ
تۆڕی جاڵجاڵۆکه‌ی گومان
هه‌ڵخه‌ن بۆ خه‌و
بۆ ئاره‌زوو ، خولیا ، خه‌یاڵ
هه‌وره‌ گرژو مۆنه‌کانیش
له‌کازیوه‌ی به‌یانه‌وه تازه‌رده‌په‌ڕ
به‌رده‌نه‌ گیانی خۆره‌تاو
ناخی شاخی به‌رزی ووره‌ش
بکرێ به‌ئاو
له‌جێی باران .. ته‌ور ببارێ
له‌جێی به‌فریش
ئاسن و گڕی جه‌ور ببارێ
چاوه‌ شینه‌کانی ئاسۆش
پڕکه‌ن له‌دڕکی ڕه‌شه‌با
گه‌وره‌ترین قوفڵیش بده‌ن
له‌گشت گۆشه‌کانی نیگا
ده‌یان ده‌سکی
ده‌ستاڕی خه‌ڕه‌کی مێژووی سواو باده‌ن
سه‌دان په‌رده‌ی وه‌همیش له‌سه‌ر
په‌یکه‌ری پیرۆزیی لاده‌ن
له‌هه‌ر بستێکی گه‌ردوونا
هه‌زاران پاسه‌وان هه‌بن
من له‌یه‌ک شت بێگومانم
زه‌ڕنه‌قووته‌ ته‌ڕه‌کانی نیشتمانم
هه‌ر فێری باڵه‌فڕکێ ده‌بن.




__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #8  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض



باڵنده‌کان.

باڵنده‌کان به‌خته‌وه‌رن
پرسی مۆڵه‌ت له‌که‌س ناکه‌ن
وه‌رزی سه‌فه‌ر
له‌شه‌قه‌ی باڵ ئه‌ده‌ن
ئه‌فڕن
نه‌پێویستیان به‌ڤیزه‌یه‌و
نه‌پاسپۆرت و
نه‌چاوساغی ڕێ و نه‌ته‌ته‌ر
باڵنده‌کان به‌خته‌وه‌رن
گوێ ناده‌ن به‌ده‌شتی مینی
ناوچه‌ حه‌رامکراوه‌کان
ترسیان نیه‌
له‌ خاڵه‌کانی پشکنین
باکیان نیه‌
له‌ته‌لبه‌ندی
سه‌ر سنووره‌ داخراوه‌کان
نه‌پاسه‌وان
کۆڵه‌پشتیان ئه‌پشکنێ و
نه‌زه‌ڕڕه‌یه‌ک سڵیان هه‌یه‌
له ‌شه‌پۆله‌ شێته‌کان و
گێژاوه‌کان
نه‌زیندانه‌ تاره‌کانیش
دوا هه‌واری سه‌فه‌ریانه‌
به‌ره‌و شه‌به‌نگ
نه‌کۆڕه‌ویان شه‌وانه‌یه‌و
نه‌ئه‌بنه‌ خۆراکی نه‌هه‌نگ
باڵنده‌کان به‌خته‌وه‌رن
نه‌ڕۆژنامه‌ زه‌رده‌کانی
ئه‌م سه‌رده‌مه‌ ئه‌خوێندنه‌وه‌
نه‌گوێ بۆ ئێزگه‌ ساخته‌کانیش
شل ئه‌که‌ن
نه‌گۆرانیه‌ سواوه‌کان ده‌ڵێنه‌وه‌
نه‌به‌سووتوی
روحه‌ سوتاوه‌کانی عیشق
چاوی حه‌یا ، به ‌کل ده‌که‌ن
له‌هه‌ر شوێنی
ماندوێتی یه‌خه‌ی گرتن
په‌ریی خه‌ویان ئاماده‌یه‌
بۆ سه‌روه‌نه‌وه‌ز
باڵنده‌کان به‌خته‌وه‌رن
ساڵی یه‌ک وه‌رزی سه‌فه‌ر و
ڕه‌ویان هه‌یه‌
نه‌ک کۆڕه‌وی .. هه‌میشه‌ سه‌وز.


عیشق و من و ئه‌و .

ئه‌و ده‌ڵێ هه‌لوه‌سه‌ی نه‌فسه‌و وه‌سوه‌سه‌ی شه‌یتان و خێو
من ده‌ڵێم کۆنسێرتی روحه‌ .. سۆزی عیشقی نێرو مێ
ئه‌و ده‌ڵێ تێزابی کوفره‌و ژه‌هری دوپشکی بزێو
من ده‌ڵێم تۆفانی هه‌سته‌ .. شه‌ونمی لێوی به‌سوێ

ئه‌و ده‌ڵێ سێوی ناکامه‌ .. سومبلی مه‌کری حه‌وا
من ده‌ڵێم ئه‌وپه‌ڕی تامه‌ .. چێژی میوه‌ی باخی یار
ئه‌و ده‌ڵێ عه‌ینی نه‌فره‌ت بوو .. ئاده‌مێکی ته‌فره‌دا
من ده‌ڵێم ڕه‌شماری زوڵفه‌ .. حاریسی ماهی ڕوخسار

ئه‌و ده‌ڵێ تیری تاوانه‌و شه‌راره‌ی جورمی ئه‌نقه‌ست
سه‌وزو ووشکت ده‌سوتێنێ .. چون بڵێسه‌ی جه‌هه‌نه‌م
من ده‌ڵێم شاباشی خۆره‌ ، نیگای جووتێ چاوی مه‌ست
ده‌عوه‌نامه‌ی پڕ نییازی .. خاتو زینێکه‌ بۆ مه‌م

ئه‌و ده‌ڵێ ئه‌م به‌زمه‌ ڕاوی روحی بێگه‌رده‌و ، ده‌روون
نوقمی گۆمی زه‌وق ئه‌کات و ته‌متومانی ته‌فره‌دان
من ده‌ڵێم ئه‌م هێزی جه‌زبه .. حیکمه‌تی بوونه‌و نه‌بوون
کۆشی گه‌رم و نه‌رمی عیشقه .. نیشتیمانی عاشیقان

ئه‌و ده‌ڵێ وانه‌ی گوناهه‌و مه‌کته‌بی عه‌یب و حه‌رام
باسی عیشق و هه‌ر هه‌وارێ بۆنی عیشقی لێوه‌ بێ
من ده‌ڵێم بوستانی ژینه‌و پڕ گوڵ و میوه‌ی به‌تام
سه‌روه‌ره‌ ئه‌و که‌سه‌ی لێوی .. چرۆی ماچی پێوه‌ بێ.



به‌ره‌و ئازادی.

به‌ری ده‌لاقه‌که‌ی ئاسمان بگرن به‌داڵ
تۆڕی جاڵجاڵۆکه‌ی گومان
هه‌ڵخه‌ن بۆ خه‌و
بۆ ئاره‌زوو ، خولیا ، خه‌یاڵ
هه‌وره‌ گرژو مۆنه‌کانیش
له‌کازیوه‌ی به‌یانه‌وه تازه‌رده‌په‌ڕ
به‌رده‌نه‌ گیانی خۆره‌تاو
ناخی شاخی به‌رزی ووره‌ش
بکرێ به‌ئاو
له‌جێی باران .. ته‌ور ببارێ
له‌جێی به‌فریش
ئاسن و گڕی جه‌ور ببارێ
چاوه‌ شینه‌کانی ئاسۆش
پڕکه‌ن له‌دڕکی ڕه‌شه‌با
گه‌وره‌ترین قوفڵیش بده‌ن
له‌گشت گۆشه‌کانی نیگا
ده‌یان ده‌سکی
ده‌ستاڕی خه‌ڕه‌کی مێژووی سواو باده‌ن
سه‌دان په‌رده‌ی وه‌همیش له‌سه‌ر
په‌یکه‌ری پیرۆزیی لاده‌ن
له‌هه‌ر بستێکی گه‌ردوونا
هه‌زاران پاسه‌وان هه‌بن
من له‌یه‌ک شت بێگومانم
زه‌ڕنه‌قووته‌ ته‌ڕه‌کانی نیشتمانم
هه‌ر فێری باڵه‌فڕکێ ده‌بن.




__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #9  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض



نامه‌کانی یه‌کی مه‌ی.


-1-
ئه‌گه‌ر هه‌موو ڕووباره‌کان
بچنه‌ سه‌ریه‌ک
ئاخۆ ئه‌بێ سه‌مای شه‌پۆل
چه‌ن به‌گوڕ بێ
ئه‌گه‌ر هه‌موو هه‌وره‌کانیش
ببن به‌یه‌ک
ئاخۆ ئه‌بێ لێزمه‌ باران
چه‌ن به‌خوڕ بێ
ئه‌گه‌ر هه‌موو دره‌خته‌کان
ببنه‌ یه‌ک دره‌ختی مه‌زن
ئاخۆ چ ته‌ورێ ئه‌توانی
بیبڕێته‌وه‌
ئه‌گه‌ر هه‌موو ده‌سته‌ زبرو
ماندووه‌کانیش ببنه‌ یه‌ک ده‌ست
کام که‌له‌بچه‌ به‌رگه‌ ئه‌گرێ
نه‌پچڕێت و
کام سنووره‌ به‌رگه‌ ئه‌گرێ
نه‌سڕێته‌وه‌.

-2-
له‌و دیوی ڕه‌نگه‌کانه‌وه‌
ئه‌تانبینم
یه‌ک زه‌مینی به‌خه‌م ته‌نراو
نیشتیمانی هه‌موومانه‌
له‌و دیوی ده‌نگه‌کانه‌وه‌
گوێم له‌هاواری ناختانه‌
به‌ هارمۆنی
یه‌ک سروودی ناڕه‌زایی ئه‌ڵێنه‌وه‌
یه‌ک په‌ڕه‌ی سووری مه‌ینه‌تییش
مێژوومانه‌.

-3-
ساڵی یه‌ک ڕۆژ
هه‌موو هه‌وره‌کانی ئاسمان
ڕه‌نگێ ئه‌گرن
له‌ڕه‌نگی سورباوی پێکی ئێواره‌یه‌ک
که‌سه‌رلێوه‌ له‌شه‌رابی ماندووێتی و
به‌ئومێدی سپیده‌یه‌ک
روون و بێ گه‌رد ، بێ خه‌می نان
سپیده‌یه‌ک ، شایسته‌بێ
به‌مانای پیرۆزی ژیان
ساڵی یه‌ک ڕۆژ ، شنه‌باکان
باڵه‌کانیان لێک گیر ئه‌که‌ن
بۆ پرۆژه‌ی گه‌رده‌لولێ
گه‌ر ئه‌و ڕۆژه‌ درێژه‌ی بێ
با ، که‌فیله‌ به‌گۆڕنانی
عه‌رشی یه‌کجار زه‌به‌لاحی
جه‌خارستان
ساڵی یه‌ک ڕۆژ
خواوه‌نده‌کانی سه‌ر زه‌وی
پاسه‌وانه‌ فریشته‌کانی مه‌له‌کوت
به‌ شمشێر و قه‌ڵغانه‌وه‌
به‌رئه‌ده‌نه‌ گیانی شه‌قام
وه‌ک ئه‌و ڕۆژه‌ ، له‌ته‌قویمی
چاخی به‌ردا
ڕۆژی حه‌شر و قیامه‌ت بێ
دوا سه‌ر ئه‌نجام.

-4-
ئه‌گه‌ر هه‌موو ڕۆژانی ساڵ
ڕۆژی تۆ بن
ئه‌مڕۆ ته‌نیا ڕۆژی منه‌
ئه‌ی گابه‌ردی بێ هه‌ست و هۆش
تۆ ناتوانی ڕێم پێ بگری
من شه‌پۆلی به‌رزی ده‌ریام
ئه‌گه‌ر هه‌موو ڕۆژانی ساڵ
تۆ شاهه‌نشای عه‌رشی که‌ون بێ
ئه‌مڕۆ من ڕابه‌ری دنیام
ئه‌ی گێژه‌ڵۆکه‌ی چاوچنۆک
تۆ ناتوانی تاکو ئه‌زه‌ل
چاوم به ‌خۆڵ بۆ بڕێژی
ئه‌گه‌ر هه‌موو ڕۆژانی ساڵ
تۆ خودا بی
ئه‌مڕۆ من خالقی ته‌نیام
ئه‌ی که‌له‌بچه‌ی جه‌ور و سته‌م
ئاڵتوونی سه‌د عه‌یاریش بی
ئه‌تپچڕێنم
ئه‌گه‌ر هه‌موو ڕۆژانی ساڵ
تۆ قه‌ڵا بی
ئه‌مڕۆ مارشی ملیۆنه‌هام.



کۆڕ


ڕابه‌رێکی ، زۆر سیاسی
له‌سه‌ر باسی دیموکراسی
کۆڕێکی به‌ست
له‌سه‌روه‌ختی گفتوگۆدا و
بۆ دووپاتی قسه‌کانی ئه‌م ڕابه‌ره‌
نابینایه‌ک شایه‌تی بوو
که‌ڕێ ، که‌لله‌ی
قه‌ناعه‌تی بۆ ده‌له‌قان
بۆ به‌شداریی ووتووێژیش
چی لاڵ هه‌بوون له‌و کۆڕه‌دا
ناونووسکرابوون ، به‌سه‌ره‌
پاش ته‌واوبوونی کۆڕه‌که ‌و
بۆ ڕێزلێنان
له گیانی ئاشتی په‌روه‌ری
خه‌نجه‌رێکی ئاڵتونیان
دا له‌قه‌دی و
تاجی یه‌که‌م سه‌رکرده‌یان
نایه‌ سه‌ری.


جیاوازی.
چه‌نێ جیایه ، دڕکه‌زی
له ‌لووتی به‌رزی ده‌رزی
چه‌ن ، کلکی ته‌ور له ‌ده‌سکی
نوێترین جۆری مشار
چه‌ن ، ژه‌هری دووپشک له ‌مار
چه‌ن ، تکه‌ی ئاونگی ڕووی
ڕه‌گه‌زپه‌رستێکی شێت
له‌ ئاوه‌ڕۆی توالێت
چه‌ن جیایه‌ ، لیس له‌ قامچی
چه‌ن ، په‌یامی نه‌زمی نوێ
له ‌نوشته‌یه‌کی فاڵچی
چه‌نێ ، زیکری موریدێ
له‌ فێی مه‌ستی مه‌یخانه‌
پێم وایه .. هێنده‌ جیایه‌
جه‌رده‌یه‌کی خۆماڵی
له‌ دزێکی بێگانه‌.


چرپه‌ شیعره‌کان.


-1-
گوێم له‌چرپه‌ی نێوان په‌نجه‌ و
په‌له‌پیتکه‌ی تفه‌نگێ بوو
باسی ڕاوی
په‌ڕه‌نده‌ی روحێکیان ئه‌کرد
ووتم ئاخۆ ، ئه‌مجاره‌یان
په‌ڕه‌نده‌ی ئه‌و
روحه‌ مه‌ئیوسه‌ هی کێ بێ
گوێم له‌لووره‌ی باڕه‌شێ بوو
ووتم ئاخۆ ، ئه‌مجاره‌یان
ئه‌و گورگه‌ بۆره‌ ، ڕوفاتی
چه‌نده‌هه‌م ئه‌نفالی پێ بێ
ئه‌م گێژاوه‌
به‌ره‌و ده‌لاقی ده‌یجوری عه‌ده‌م ئه‌چێ
تامی ئه‌م خه‌مه‌ زۆر تاڵه‌
ئه‌مه‌ خه‌زانی حورمه‌ته‌و
که‌ی له‌وه‌رزی گه‌رده‌لولا
ژوانی عیشق به‌رکه‌ماڵه‌.

-2-
په‌ڕه‌ ڕه‌شکراوه‌کان زۆرن
زیاتر له‌جۆره‌کانی مه‌ی
سیگارو پول
ئه‌کرێ بڵێین ، هه‌ندێک له‌وان
هه‌مان کاریگه‌ریان هه‌یه‌
ئه‌مانیش وه‌ک گێژه‌ڵۆکه‌و
خۆڵه‌مێش و گه‌رده‌لول
په‌ڕه‌ ڕه‌شکراوه‌کان زۆرن
زیاتر له‌جۆره‌های چه‌ک و سه‌ربازه‌کان
ئه‌کرێ بڵێین ، هه‌ندێ له‌وان
هه‌مان فه‌رمان به‌جێدێنن
ئه‌مانیش وه‌ک
خاڵه‌کانی پشکنین و به‌ندیخانه‌و
قوفڵی گه‌وره‌ی ده‌روازه‌کان
په‌ڕه‌ ڕه‌شکراوه‌کان زۆرن.

-3-
ئه‌گه‌ر بێده‌نگی
بۆ وه‌لادانی ده‌مامک له‌سه‌ر
ڕوخساری درۆ ، ڕێگه‌چاره‌ بێ
زمانم ئه‌بڕم
ئه‌گه‌ر ووشه‌کان
بێ پرسی په‌نجه‌م ، خۆیان بنووسن
نه‌ک ته‌نیا نوکی خامه‌ ئه‌شکێنم
لاپه‌ڕه‌کانی ده‌فته‌ری بوونم
یه‌ک به‌یه‌ک ئه‌دڕم.

-4-
بادڕک لافی جوانی لێ دات
وه‌رزی ڕووت و قووت
به‌رگه‌ ناگرێ
کاتێ چرۆیه‌ک
ده‌می بۆ ماچی خۆر ئه‌کاته‌وه‌
کاتێ په‌پووله‌ش خۆی ئه‌داته‌ ده‌ست
عیشقی ئاگرێ.

-5-
ڕێکه‌وتن نامه‌ی
نێوان دڕک و گوڵ ته‌مه‌نی کورته‌
کێ باوه‌ڕ ئه‌کا
به‌تۆبه‌ی گورگ و به‌ڵێنی ڕێوی
کێ خۆشخه‌یاڵه‌
به‌جۆگه‌ی ئه‌شکی چاوی ئه‌هریمه‌ن
ئه‌ی کێ ئه‌توانێ
ده‌روازه‌ی ده‌شتی مێژوو کڵۆمدا
تا پوش له‌گه‌نم جیا نه‌بێته‌وه‌
به‌شه‌ماڵی شه‌ن.

-6-
گوێ بگرن له‌درۆی ئاشتی
ئه‌ڵێن ، گوایه‌
گورگ و به‌رخ
پێکه‌وه‌ ئاو ئه‌خۆنه‌وه‌و
شێرو پڵنگ
له‌گه‌ڵ ئاسک ده‌ست له‌ملن
ئه‌م جیهانه‌ش ، به‌هه‌شتێکه‌
بۆ ئه‌وینێکی ئه‌به‌دی
گوێ بگرن له‌درۆی ئاشتی
ئه‌ڵێن گوایه‌ ، به‌خشنده‌یه‌ک
چاره‌نووسمان دیاری ئه‌کاو
خێرو شه‌ڕیش
به‌خت و به‌شی له‌سه‌ر ته‌ختی
ته‌وێڵ نوسراوه‌و دێته‌دی
گوێ بگرن له‌درۆی ئاشتی.

-7-
ئه‌گه‌ر بمانه‌وێ بژین
وه‌ژیانێ شایسته‌ بێ به‌ناوی خۆی
له‌گه‌ڵ هه‌موو به‌یانێکا
خه‌نده‌ بگرێ ، لێوی چرۆی
ئه‌بێ به‌ژنی ئاره‌زوومان
به‌رزتر بێ له‌ئه‌ستێره‌و
ئاسۆی سه‌نج ، به‌رین تر بێ
له‌که‌ناری ئه‌فسانه‌یی تراویلکه‌و
چاوی هیواش جلیوه‌دارتر له‌مانگه‌شه‌و
ده‌نا ده‌شتی گه‌نمی ئاوات
هه‌ر به‌که‌سکی هه‌راج ده‌کرێ
پێش هاتنی وه‌رزی دره‌و.

-8-
ناونیشانی ئه‌و هه‌واره‌ی
گوێی له‌یه‌که‌م زریکه‌م بوو
په‌ڵه‌ هه‌ورێکی پاییزه‌ی گرژو مۆنه‌
کێ ئه‌توانێ ، وه‌رزێکی تر
پاش سه‌فه‌رێکی ناچاری
ڕوخساری بناسێته‌وه‌و
پێمان بڵێ .. حاڵی چۆنه‌.


-9-
ده‌با خه‌نده‌
ڕزگار بکه‌ین له‌مه‌رگه‌سات
ئه‌وینیش له‌کڕێوه‌ی زه‌مه‌ن
نه‌وه‌ک هیوا دواهه‌ناسه‌ی فرسه‌ت بدات
به‌ر له‌دوا گاپێڵی ته‌مه‌ن.


__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #10  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,711 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


ئه‌نفالی یه‌ک.

باسی ناڵه‌ی چیا ناکه‌م
که‌گابه‌ردێکی سه‌رکه‌شی
به‌ره‌و هه‌ڵدێر سه‌رهه‌ڵئه‌گرێ و
یاخی ئه‌بێ له‌باوه‌شی.

باسی هاژه‌ی ڕووبار ناکه‌م
وه‌رزی کۆچ و باری ماسی
کاتێ ئه‌یدا به‌که‌نارا
شه‌پۆل شه‌پۆل،سه‌ری کاسی.

باسی هه‌نیسکی باناکه‌م
که‌هه‌ڵاڵه‌ی هاوڕێی سه‌فه‌ر
دوای ته‌مه‌نێ عیشق و ژوان
ڕێی دابڕان ئه‌گرێته‌به‌ر.


باسی گرمه‌ی هه‌ور ناکه‌م
ساته‌وه‌ختی پڕبوونی ناخ
که‌به‌ڕێژنه‌ بارانی روح
ئه‌شواته‌وه‌ ڕوخساری شاخ.

باسی قرچه‌ی به‌فر ناکه‌م
که‌نه‌رمه‌ گورزێکی هه‌تاو‎
به‌یه‌ک غه‌مزه‌ی چاوی کاڵی
کێوی جه‌رگی ئه‌کا به‌ئاو.

باسی له‌رزی گه‌ڵا ناکه‌م
زه‌رده‌ وه‌رزی لێکدابڕان
له‌عه‌زره‌ت بێ میهری چڵ و
دڵ ڕه‌قیی باڕه‌شی خه‌زان.

باسی غه‌دری غه‌دران ئه‌که‌م
له‌ده‌فته‌ری کۆنی ده‌هرا
ئه‌و ده‌قانه‌ی نووسرانه‌وه‌
له‌دوا چرکه‌کانی به‌درا.

باسی شمشێره‌که‌ی عه‌لی و
خه‌نجه‌ره‌که‌ی ئه‌بوسوفیان
له‌نێویانا،چۆن زه‌مانێ
بوو به‌مه‌رگه‌ساتی ئینسان.

باسی پێڵوی داخ به‌پشکۆی
چاوه‌ڕوانی کۆچی گه‌رمیان
باسی لێوی سڕ به‌ته‌رزه‌ی
بێ سۆراخی ڕه‌وی کوێستان

باسی کۆستی هه‌میشه‌ شین
ئومێدێکێ ئه‌ژنۆ شکاو
حوزنێکی شۆڕ وه‌ک شۆڕه‌بی
برینێکی به‌ئاخ برژاو.

باسی دڕکی بیانان و
سه‌گی ڕه‌شی کۆرپه‌له‌ خۆر
کچانی بێ سه‌روشوێن و
چه‌قۆی نامه‌رد ، زامی ناسۆر.

باسی ئه‌نفال ئه‌که‌م ئه‌نفال
ئه‌ی جیهانی مه‌ستی بێ هۆش
نه‌فره‌ت له‌تۆفانی چه‌رخ و
له‌بێ ده‌نگی و بێ باکی تۆش.


ئه‌نفالی دوو.

ئه‌ڵێن .. ئه‌نفال
ئه‌ڵێم ، ئۆقیانووسێکی سوێر
له‌ئه‌سرینی ماسیه‌ سووره‌
یاخیه‌کانی .. حه‌وزی والی
شۆڕه‌بیه‌کی پیری که‌نه‌فت
‌چاوه‌ڕوانیی تارماییه‌کان
پیره‌مه‌گروونێک له‌حه‌سره‌ت
شێره‌ به‌فرینه‌یه‌ک بڕواش
به‌کتێبه‌ پیرۆزه‌کان
بیابانێک له‌نه‌فره‌تی
هه‌میشه‌ داخ له‌ئاسمان و
پڕ به‌مشتێک خۆڵه‌مێشی
ڕه‌حمه‌تی خواش
پوشه‌خورمایه‌ک گله‌ییش
له‌مانگه‌شه‌و
که‌نه‌یوێرا شایه‌تی بات
کۆڵه‌پشتی حوشترێکیش
سه‌برو ئومێد به‌هاتنه‌وه‌ی
هه‌ڵاڵه‌ دزراوه‌کان و
بن‌ ده‌وه‌نێکی دڕکاوی
له‌متمانه‌ به‌هاوسێکانی نیشتمان
هه‌ساره‌یه‌ک سه‌رزه‌نشتیش
له‌سه‌رکرده‌کانی گه‌ل و
ڕه‌هێڵه‌یه‌ک له‌تف باران
له‌سیاسه‌ت
دۆزه‌خێکیش له‌یادگاری
هه‌میشه‌ سه‌وز.


ئه‌ڵێن .. ئه‌نفال
ئه‌ڵێم،هه‌زاره‌ها سندوق
پڕ له‌شمشاڵی لولاق و
کوخی چۆڵی که‌لله‌سه‌رو
له‌‌قه‌فه‌سی بێ په‌ڕه‌نده‌ش
له‌په‌راسوو
هه‌زاره‌ها سندوقی پڕ
له‌بۆنی روح .. بۆنی مێخه‌ک
بۆنی ڕیحانه‌ی باخه‌ڵان
بۆنی خاک و خۆڵی ته‌ڕی
دوای نه‌رمه‌ وه‌شت و دومه‌ڵان
بۆنی شیری خاوی مه‌مکێ
‌بیست ساڵ له‌مه‌وه‌به‌ر له‌ده‌می
کۆرپه‌‌یه‌کیان ڕائه‌پسکان
هه‌زاره‌ها سندوقی پڕ
له‌مێوژی ووشک هه‌ڵاتووی چاوه‌کان و
له‌جیڕه‌ جیڕی ددان و
تۆپه‌ خوریی ڕه‌ش و زه‌ردو
خورمایی قژ
هه‌زاره‌ها سندوقی پڕ
له‌هاوارو له‌قریشکه‌و
له‌هه‌ناسه‌ په‌نگه‌کان و
نیگاره‌بێ ڕه‌نگه‌کانی به‌ر له‌مردن.

ئه‌ڵێن .. ئه‌نفال
ئه‌ڵێم،پیشانگایه‌ک له‌لم
جامانه‌و لم
کڵاو و لم
که‌وش و کاله‌و پێڵاو و لم
پشتوێن و لم .. شه‌رواڵ و لم
مه‌مکه‌شوشه‌ی مناڵ و لم
سوخمه‌و که‌واو ژێرکراس و
ده‌سماڵ و لم
سه‌ر‌پۆش ، ته‌زبیح
به‌رماڵ و لم
سمێڵ ، ڕدێن ، برۆ و پرچ و
برژانگی چاو که‌ژاڵ و لم
سه‌گه‌ ڕه‌ش و
جرج و قه‌ل و داڵی ره‌ش و
پۆستاڵ و لم
زینده‌ کابوسێکی خه‌ون و
ڕه‌وێکی بێ هه‌واڵ و لم
نیشتمانێک گۆڕی وون و
هه‌موو شتێکی تاڵ و لم
ئه‌ڵێن .. ئه‌نفال
ئه‌ڵێم ،چمکێ له‌به‌خشینی
عه‌رشی وه‌ههاب
لاپه‌ڕه‌یه‌ک له‌به‌رنامه‌ی
ڕاو و ڕووت و له‌ئیغیتساب
ئه‌ڵێم مشتێک له‌خه‌رمانی
میراتیه‌که‌ی عاس و خه‌تتاب
ئه‌ڵێم دیاری ده‌ستی ئه‌هلی
وه‌هم و تلیاک و ئیغتیراب.

ئه‌ڵێن .. ئه‌نفال
ئه‌ڵێم ، ده‌قێک له‌کلتووری
ڕق و کینه‌و غه‌در و سه‌راب.



هه‌ندێ له‌یادگاره‌کانی پێش ٢٠٠٠.

حه‌سره‌ت.

جاران ، عیشقێکی مناڵیی
به‌شیعری ئاشنا کردم
قه‌ڵه‌م بوو به‌ڕه‌فیقێکی خۆنه‌ویستم
خه‌یاڵیش ، گۆڕه‌پانێ بوو
بۆ ڕمبازێنی ئه‌سپه‌ باڵداره‌کانی
سبه‌ینێی ڕاز
وه‌لێ ئه‌مڕۆ که‌ته‌نیایی
له‌نێو خۆیدا گیری کردووم
ده‌می تیژی چه‌قۆی ته‌مه‌ن
نوکی قه‌ڵه‌مم دائه‌دات
له‌دوڕیانی ڕێی سه‌فه‌را
بیر له‌پردێک ئه‌که‌مه‌وه‌
وه‌ڵامی گشت پرسیاره‌کانی به‌سه‌ردا
گوزه‌ر بکات
به‌رله‌وه‌ی زایه‌ڵه‌ی ژیان
زه‌نگی دواسه‌فه‌ر لێبدات
ئای قه‌ڵه‌مه‌ ئازیزه‌که‌م
تۆش له‌داخی ئاخی ڕۆژگار
ناخت وه‌کو ناخی من و
شه‌وی لێهات
مه‌رجه‌ هه‌ردوو ، ببین به‌مۆم
ده‌نا په‌روانه‌ی خۆزگه‌مان
زه‌حمه‌ته‌ له‌ ئه‌شکه‌وته‌دا
سه‌ما بکات.

شێت.

سه‌رم خسته‌ نێو باوه‌شی
چرکه‌ساتێکی ده‌گمه‌نی ژیانه‌وه‌
وویستم ژوانێکی هێمن
له‌گه‌ڵ خودی خۆما بگرم
خه‌ون دزانی شه‌وه‌زه‌نگ
هه‌ڵیان کوتایه‌ سه‌ر سه‌رم
له‌به‌ر ئه‌وه‌ی بێ چرا بووم
مانگه‌شه‌ویان شاربه‌ده‌ر کرد
له‌به‌ر ئه‌وه‌ی به‌ته‌نیا بووم
دادگایه‌کی به‌په‌له‌یان بۆ دانام و
دوو سێبه‌ریان کرد به‌شایه‌ت
پرسیاری دوا ئاره‌زووشیان
لێ نه‌کردم
به‌رۆکدانی شێتێتیان کرده‌ به‌رم
چونکه‌ وویستم
له‌سه‌رده‌می گوێڕایه‌ڵی و
نه‌سیحه‌تی باوکانه‌یا
بێ پرس و ڕا ، بیرکه‌مه‌وه‌
چونکه‌ وویستم
بۆ هه‌زاران گرێکوێره‌
په‌نجه‌یه‌ک بم
بۆ سه‌رما برده‌ڵه‌کانیش
به‌پشکۆی ناخ
ئاگردانێک هه‌ڵکه‌مه‌وه‌.

ڕه‌نگه‌کان.

که‌مناڵ بووم ، وام ئه‌زانی
هه‌تاو هه‌ر یه‌ک ڕه‌نگی هه‌یه‌
له‌ڕه‌نگی گڵۆپه‌ زه‌رده‌که‌ی
حه‌وشه‌که‌مان
وام ئه‌زانی ، ئێمه‌ش له‌سه‌ر
هێلکه‌یه‌کی گه‌وره‌ ئه‌ژین
ئه‌ویش به‌ده‌وری ئێمه‌یا
ئه‌خولێته‌وه‌و
هه‌ر ئه‌وه‌نده‌ش گه‌رمه‌،هێنده‌ی
تینی سه‌ر ته‌نووره‌که‌مان
تاکو ڕۆژێکی پاییزه‌
دوای ته‌مه‌نێک لێکدابڕان
باران ، به‌له‌مسێکی نیان
ماچی خۆڵی تامه‌زرۆی کرد
هه‌ر ئه‌و ڕۆژه‌و له‌ئاوێزه‌ی
دڵۆپه‌ بارانێکه‌وه‌
غه‌مزه‌یه‌کی چاوی هه‌تاو
په‌خشی ڕه‌نگه‌کانی خۆی کرد
له‌و ڕۆژه‌وه‌ تێگه‌ییشتم
بۆچی ڕه‌نگی به‌هار سه‌وزو
پاییزیش زه‌رد
له‌و ڕۆژه‌وه‌ تێگه‌ییشتم
ئه‌بێ ئاسۆ ، سووری گه‌ش بێ
ده‌نا ناگاته‌ قوڵترین
ڕه‌گو ڕێشه‌ی ئازارو ده‌رد.

واده‌.

که‌چرکه‌یه‌ک به‌ر له‌ئێستاو
هه‌ناسه‌یه‌ک
به‌ر له‌بۆسۆی ئه‌م تاسه‌یه‌
دوا تیری که‌وانی ده‌ستی
فریشته‌ روح کێشه‌که‌م بێ
جێی ئیره‌ییم نیه‌ دوێنێ
من تینوی ئاوی کارێزی به‌هارێکم
تۆفانیش بێ
زه‌خمی بارانی زستانێ
کریستاڵی تینوێتی من ناشکێنی
به‌ڵێ ئه‌مه‌ عه‌یامێکه‌
تابه‌سه‌رچێ
به‌فری حه‌سره‌ت به‌سه‌ر ته‌رزه‌ی
به‌دبه‌ختیا ئه‌بارێنێ
به‌ڵێ ئه‌مه‌ جه‌نگه‌ڵێکه‌
چڕو پڕتر له‌وی دوێنێ
منیش واده‌ی خۆشه‌ویستی
ناده‌م به‌غه‌یری .. سبه‌ینێ.

دیواری ڕابه‌ر بۆ موریده‌کانی ڕابه‌رێکی ڕۆژهه‌ڵاتی.
ئه‌م دیواره
به‌ئه‌ندازه‌ی به‌ژنی خه‌متان
به‌ژن به‌رزه‌و
به‌ئه‌ستووری ته‌متومانی
به‌ر په‌نجه‌ری بیناییتان .. ئه‌ستووره‌
ئه‌م ڕه‌وه‌ ڕوو له‌سه‌رابه‌و
پێچه‌وانه‌ی میلی زه‌مه‌ن وه‌رده‌چه‌رخێ
ئاسۆ لێڵه‌و
گوڵستانی عیشقی ئێوه‌ش
بۆن و به‌رامی خۆشبه‌ختیی لێوه‌ دووره‌
ئه‌م دیواره‌
له‌خه‌یاڵی ڕاوچیه‌کی به‌دمه‌سته‌وه‌
تۆڕی نه‌خشه‌ی بۆ ده‌چنرێت
بۆ مه‌رامی وه‌رزی ڕاوی هه‌میشه‌سه‌وز
وه‌لێ حه‌یفێ ، به‌خۆتانی هه‌ڵچنیوه‌
ئێوه‌ی ماندوو
ئێوه‌ی په‌رێشان بۆ وه‌نه‌وز
ئێوه‌ش ته‌نیا
له‌مه‌عبه‌دی ئه‌و خوایه‌دا
خێڵه‌ موریدێکی مه‌ستی بێ خه‌به‌رن
په‌نجه‌تان به‌ده‌فی زیکری خۆنه‌ویستی
جۆش کردووه‌
خۆڕاگرن ، به‌ئه‌مه‌کن ، کۆڵنه‌درن
وه‌لێ پاداشت و ده‌سکه‌وتی ئێوه‌ چیه
له‌م بیابانی روحه‌دا
باڕه‌ش به‌ره‌و کوێتان ده‌با
ئاوڕێ له‌دواوه‌ ده‌نه‌وه‌
کۆا سۆراخی هه‌نگاوی ڕێ
شوێن پێیه‌کی لێ دیار نیه
پێم بڵێن بۆ
له‌سه‌ر ئه‌م خه‌یاڵه‌ زه‌رده‌ پێداگرن
قومارچیه‌کی دۆڕاون
ڕێژه‌یه‌کی نه‌گۆڕاون
په‌یکه‌رێکی بێ گیانی ساردوسڕن !؟
نه‌خێر ، وانین
ئه‌گه‌ر خۆشتان بێ ئاگابن
نه‌خێر ، وانین
ئه‌گه‌ر خۆشتان پێداگرن
که‌هه‌ر وابن
ئه‌مڕۆ ده‌رگای سبه‌ینێتان لێ داده‌خه‌ن
تاهه‌ر له‌دوێنێدا بژین
ئه‌و خوا نیه‌و مه‌ی په‌رستن
ئێوه‌ش کۆیله‌ی هیچ خوایه‌ نین
له‌ڕوخساری وورد ببنه‌وه‌
له‌ڕه‌فتاری وور ببنه‌وه‌
له‌ئاوێزه‌ی به‌رژه‌وه‌ندی و ویژدانی ده‌ن
بزانن سه‌ر به‌کام وه‌رزی زینده‌گیه‌
ئه‌وینداره یان ئه‌وین کوژ
مۆمه‌ بۆ ئه‌م شه‌وه‌تاره‌
یان ته‌م و مژ
باخه‌وانه .. یاخو گوڵڕن
مه‌رهه‌مه‌ بۆ زامی به‌سوێ
یاخو سوژن
دیاره‌ کولله‌ش
ماچی کوڵمی گه‌نم ناکا
مه‌رجیش نیه‌ ، هه‌موو هه‌ورێ
وه‌شتی بوژانه‌وه‌ داکا
به‌یه‌ک مانا ، خۆپه‌رسته‌و
ده‌بێ هه‌ر به‌شوێن سێبه‌ری خۆیا ڕاکا
کۆیله‌کانی خواوه‌ندی خه‌و
ڕاسپارده‌ی کازیوه‌ مه‌سپێرن به‌شه‌و
خۆڵه‌مێشی له‌سه‌ر نیشتووی هه‌ڵده‌نه‌وه‌
پشکۆیه‌که‌و
چاوه‌ڕێیه‌ بۆ پاش دره‌و
وه‌لێ ئێوه‌ش په‌پووله‌نین
عیشق به‌گڕ بسوتێنن
دیوار ، خۆتان چنیوتانه‌و
ده‌بێ خۆشتان .. بیڕمێنن.


ئه‌گه‌ر .

ئه‌گه‌ر پێت ناکرێ گوڵ بی
خشتێک له‌ئاسمان ناڕمێ و
چرکه‌ساتێکی ئه‌م ده‌هره‌ ساتمه‌ ناکا
گه‌ردێک له‌گیانی گه‌ردوونیش
فه‌نا نابێ
ئه‌گه‌ر پێت ناکرێ گوڵ بی
سه‌فه‌ره‌ سه‌وزه‌که‌ی به‌هار
دوا ناکه‌وێ و
هه‌وره‌ خه‌سته‌کانی گوڵان هه‌ڵناپروێن
ئێواره ئاڵتونیه‌کانی جۆزه‌ردانیش
کاڵ نابنه‌وه‌
ئه‌گه‌ر پێت ناکرێ گوڵ بی
ئه‌ستێره‌ بێ جلیوه‌ نابێ و
مانگه‌شه‌و بێ عیشوه‌ نابێ و
هه‌تاو نابێ به‌نارنجی زه‌ردی گوشراو
ئه‌گه‌ر پێت ناکرێ گوڵ بی
له‌کازیوه‌ی به‌یانێکی موحیبه‌تا
خۆ ده‌توانی
پوشی ده‌م باڕه‌شی کینه‌ی سرکیش نه‌بی
ئه‌گه‌ر پێت ناکرێ گوڵ بی
خۆ ده‌توانی .. دڕکیش نه‌بی
ئه‌گه‌ر پێت ناکرێ گوڵ بی
خۆ ده‌توانی
گه‌ڵای سه‌وزی لق و چڵ بی.




__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )

ویرایش توسط behnam5555 : 07-17-2014 در ساعت 06:45 PM
پاسخ با نقل قول
پاسخ


کاربران در حال دیدن موضوع: 1 نفر (0 عضو و 1 مهمان)
 
ابزارهای موضوع
نحوه نمایش

مجوز های ارسال و ویرایش
شما نمیتوانید موضوع جدیدی ارسال کنید
شما امکان ارسال پاسخ را ندارید
شما نمیتوانید فایل پیوست در پست خود ضمیمه کنید
شما نمیتوانید پست های خود را ویرایش کنید

BB code is فعال
شکلک ها فعال است
کد [IMG] فعال است
اچ تی ام ال غیر فعال می باشد



اکنون ساعت 03:59 AM برپایه ساعت جهانی (GMT - گرینویچ) +3.5 می باشد.



Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)


سایت دبیرستان وابسته به دانشگاه رازی کرمانشاه: کلیک کنید




  پیدا کردن مطالب قبلی سایت توسط گوگل برای جلوگیری از ارسال تکراری آنها