بازگشت   پی سی سیتی > ادب فرهنگ و تاریخ > شعر و ادبیات > زبان ادب و فرهنگ کردی

زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture

پاسخ
 
ابزارهای موضوع نحوه نمایش
  #11  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


نان و ئه‌وین.
دڵم بێشکه‌ی
کۆرپه‌یه‌کی زۆر به‌نازه‌و
پێم ناکرێ بیخه‌مه‌به‌ر لایه‌لایه‌ی
باڕه‌ش و خۆڵ
بۆیه‌ ئه‌مڕۆش ، به‌ناچاری
هه‌گبه‌ی به‌سه‌ر
دڕکا سه‌فه‌ر .. ئه‌گرمه‌ کۆڵ
هێشتا زه‌وی
جێخه‌وی هه‌ڵنه‌گرتووه‌و
ئه‌ستێره‌کان ، له‌جریوه‌دان
تاریک و ڕوون ، دوو عاشقن
زاتی به‌ردانی باوه‌شی یه‌کیان نیه‌
کاتێ زرمه‌ی هه‌نگاوی من
دڵی ڕێ دائه‌خورپێنێ
به‌ره‌و مه‌یدان
به‌ره‌و بازاڕی بێ مروه‌ت
به‌ره‌و وێستگه‌ی چاوه‌ڕوانیی
ژانێکی تر
به‌ره‌و گۆڕستانی ویژدان
تاکو ئه‌مڕۆش ، وه‌کو دوێنێ
هه‌نگوینی گیان .. بده‌م به‌نان
نان له‌قوڕگی نه‌هه‌نگدایه‌و ماڵی نابێ
دڵم بێشکه‌ی کۆرپه‌یه‌کی زۆر به‌نازه‌و
له‌م هه‌رایه‌ .. حاڵی نابێ.

گرنگ.


که‌گیان بازی ، تاکه‌ ڕێگه‌ی
باخی عیشق و ڕه‌هایی بێ
گرنگ دۆزینه‌وه‌ی ڕێیه‌
که‌داری ئازادی جۆگه‌ی خوێنی بوێ
گرنگ ته‌نیا وه‌ڵامێکه
جه‌ری ئازادی بۆ کێیه‌
ئه‌گه‌ر خوێن مه‌رجه‌ هه‌ر بڕژێ
ده‌با بۆ ئاودانی گوڵی باخچه‌یه‌ک بێ
به‌بێ دڕک و به‌بێ په‌رژین
ئه‌گه‌ر گیان هه‌ر مه‌رجه‌ بدرێ
ده‌با بۆ ڕایه‌ڵی پرد بێ
بۆ به‌سه‌ردا په‌ڕینه‌وه‌ی
که‌ژاوه‌ی ئاواتی مرۆڤ
به‌ره‌و فیرده‌وسی ئه‌به‌دیی
میهرو ئه‌وین
به‌ڵی قورسه‌ باری شان و
سه‌خته‌ هه‌وراز
به‌ڵێ لاوازه‌ گه‌ردن و
گه‌لێک تیژه‌ ده‌می ته‌وراز
به‌ڵێ ڕه‌نگه‌ هه‌ڵبکوڕمێ
ووره‌ی ڕێبوارێکی ماندوو
که‌هه‌گبه‌که‌ی پڕ ئومێدو
نانی که‌م بێ
به‌ڵێ ڕه‌نگه‌ ئه‌وپه‌ڕی ڕێ
چاوخه‌واڵوی
خه‌وی نێو باوه‌شی ته‌م بێ
وه‌لێ کامیان پیرۆز تر
گه‌ڕانه‌وه‌ له‌که‌مه‌ری هه‌ورازه‌وه‌
به‌ره‌و سفری ده‌سپێکردن
یان هه‌ڵکشان
به‌ره‌و لوتکه‌ی به‌رزی ئاوات
وه‌لێ کامیان پیرۆز تره
پاڕانه‌وه له‌ده‌می ته‌ورێکی بێ گیان
یان بڕینی ده‌ست و په‌نجه‌ی
ئه‌وه‌ی فرمان به‌ته‌ور ئه‌دات
له‌که‌مه‌ری پڕی که‌سه‌ری ئه‌م کێوه‌دا
کێ متمانه‌ به‌خه‌و ئه‌کات
باپه‌نجه‌ره‌ی ژووره‌کانیش ئاوه‌ڵابن
ده‌مه‌و به‌یان .. که‌خۆر هه‌ڵات.

ئاواتی ڕوون.


عه‌یامێکی دوورو درێژ
په‌نجه‌ی گومان
گرێکوێره‌ی
له‌پریاسکه‌ی هه‌ستمان ئه‌داو
له‌ژێر په‌چه‌ی نه‌ریته‌وه‌
سه‌یری به‌ژنی عیشقمان ئه‌کرد
چاره‌نووسیش
ده‌فته‌رێکی ڕه‌شکراوه‌ی
ده‌ستی خوا بوو
عه‌یامێکی دوورو درێژ
چرپه‌ ، نامه‌ی
پڕ نهێنی بۆ ئه‌هێناین
ماری شه‌رمیش
به‌پێڵوی گشتمانیه‌وه‌ دابوو
تیری نیگای پڕ ته‌وسو نه‌وس
سه‌ر به‌ره‌و خوار
خۆڵی به‌ر پێی خۆی پێکا بوو
عه‌یامێکی دوورو درێژ
کوڵم و لێوی حه‌بیبه‌کان
سێوی ئه‌فسانه‌ی به‌هه‌شت بوون
کێ ئه‌یوێرا
سروه‌ ماچێکی نه‌رمیان لێ بفڕێنێ
ئه‌وه‌ی کردی
ده‌ردی به‌ده‌ردی ئاده‌می
ته‌ک حه‌وا چوو
ئای به‌سه‌زمان ، پیره‌ مێژوو
چۆن زه‌مانت پڕ خورافه‌و
درۆی شاخداری وه‌ها بوو
بالێره‌وه‌ ئیتر به‌س بێ
خۆشه‌ویستی ، وه‌ک نان و ئاو
وه‌ک نه‌رمه‌بارانی به‌هار
وه‌کو نیگای گه‌رمی هه‌تاو
ئاواتی ڕوون و ئاشکرای
هه‌موو که‌س بێ.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
جای تبلیغات شما اینجا خالیست با ما تماس بگیرید




  #12  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض

والی.

ووتیان ، ئه‌گه‌ر
شایه‌تمان هه‌ق به‌نووری
ماهی تابانی ڕوخساری
ئه‌و نه‌هێنێ
قامکی خورمامژه‌ت ده‌بڕێ
ووتیان ، ئه‌گه‌ر
وه‌کو بولبولێکی شه‌یدا
به‌ڕۆژو شه‌و
بۆ چاوه‌ هه‌نگوینیه‌کانی
ئه‌و نه‌خوێنی
زارت ده‌کات به‌ئیسفنج و
له‌سه‌ر ته‌خته‌ی ڕه‌شی گه‌ردوون
دوایین ووشه‌ی ناوت ده‌سڕێ
ووتیان ، ئه‌گه‌ر
له‌جیاتی تاج ، نه‌ی که‌یته‌سه‌ر
له‌بری پۆشاک ، نه‌ی که‌یته‌به‌ر
له‌شوێن جامانه‌ ، نه‌ی به‌ستی
له‌جێی گۆچان ، نه‌چیه‌ ده‌ستی
وه‌کو خوداش ، نه‌ی په‌رستی
دوو بیلبیله‌ی چاوه‌کانت
ده‌کات به‌دوو ده‌نکه‌ هه‌ڵمات
له‌سه‌ر وه‌ختی بێزاریاو
بۆ سوکنایی ڕوحی په‌ستی
تیل تیلێنیان پێوه‌ ده‌کات
ووتیان ، ئه‌گه‌ر
ووتم ، نه‌خێر
عه‌یامی گورگانه‌شه‌وێ و
شه‌وله‌بان و
حوچه‌که‌ی بن فه‌له‌ک .. گوزه‌شت
من ئه‌و که‌سه‌م پێ ڕه‌وایه‌
بیابانی
ووشک و ڕووته‌ڵی نیشتیمان
ده‌کات به‌گوڵزاری به‌هه‌شت
نه‌ک ئه‌و نیگار کێشه‌ په‌سته‌ی
به‌فڵچه‌ی میزاجی خه‌سته‌ی
تابلۆی ژیان
پڕاوپڕکا له‌چاوی سوور
له‌هێڵی سوور
له‌مه‌ودای ترسی بێ سنوور.


مه‌ته‌ڵ.


ئه‌ی فڕێنێ و
پێشی ناخۆشه‌ پێی بڵێن
باڕه‌شی هار
ئه‌ی دڕێنێ و
پێشی ناخۆشه‌ پێی بڵێن
نوکی جه‌خار
دای ئه‌پۆشێ و
پێشی ناخۆشه‌ پێی بڵێن
ته‌م و غوبار
ئه‌ی بڕێت و
پێشی ناخۆشه‌ پێی بڵێن
دانی مشار
ئه‌ی دزێت و
پێشی ناخۆشه‌ پێی بڵێن
قه‌له‌ڕه‌شکه
شه‌ریکی گیرفانی چۆڵی
هه‌موومانه‌و
پێشی ناخۆشه پێی بڵێن
ئه‌دی تۆ چیت هه‌یه‌ یارۆ
چکێکمان له‌گه‌ڵا به‌شکه
ئه‌شیه‌وێ هه‌ر تاجی سه‌ر بێ
ئه‌شیه‌وێ تاقانه‌ خونچه‌ی
ده‌شت و ده‌ر بێ.


بۆ هه‌ڵه‌بجه‌.


له‌‌پێده‌شتی شاره‌زوورا
باخێک هه‌بوو وێنه‌ی به‌هه‌شت
چریکه‌ی پاساریه‌کانی
ئه‌گه‌یشته‌ گوێی بنارو ده‌شت

گوڵه‌کانی له‌پرچی خۆر
یه‌کی ڕه‌نگێکیان گرتبوو
گوڵاوی شیرینی عه‌شقیان
ئه‌ڕشته‌ سه‌ر لێوی هه‌موو

به‌هار له‌وێ کاتێ ئه‌هات
ژیان ئه‌بوو به‌ڤیستیڤاڵ
په‌پووله‌ سه‌رچۆپی ئه‌گرت
به‌نه‌شئه‌ی شمشاڵی شه‌ماڵ

له‌نێو بێشکه‌ی گژو گیادا
له‌گه‌ڵ چرپه‌ی نه‌رمی کانی
سروشت کۆرپه‌ی دڵی ئه‌نواند
شه‌وانی پڕ سیحرو جوانی

ئه‌و ڕۆژانه‌ عه‌بابه‌یلێ
میحرابی نوێژی دونیا بوو
له‌ده‌روازه‌ی عه‌رشی خوایا
کانی عاشقان پرسگا بوو

ئه‌و ڕۆژانه‌ سه‌رگوزشته‌ی
خه‌وێکی ئه‌رخه‌وانی بوون
له‌گه‌ڵ بۆنی سێوی غه‌درا
کاتێ ئه‌و هات ئه‌مانیش چوون

چه‌نده‌ وه‌رزی نه‌وبه‌هاره‌
ژه‌هری مه‌رگه‌ساتێکی تاڵ
له‌لێوی ووشکه‌ڵاتوومان
نابێته‌وه‌ ساڵ به‌دوی ساڵ

بۆته‌ ئایین له‌لای ئێمه‌
پێش هه‌موو نه‌ورۆزێکی نوێ
چرۆی فرمێسک له‌چاومانا
ئه‌بێ دیسان بپشکوێ

له‌هه‌ر چاوێ چه‌پکێ له‌گوڵ
ئه‌هۆنمه‌وه‌ وه‌ک تاجی سه‌ر
بۆ هه‌ڵه‌بجه‌ی باخی عیشق و
بۆ کۆرپه‌که‌ی کۆشی خاوه‌ر

ئه‌و برینه‌ ته‌ڕه‌ی مێژوو
له‌دڵمانا ووشک نابێ
‌ئه‌گه‌ر گڕی کووره‌ی سه‌قه‌ر
له‌گشت لاوه‌ ده‌وری دابێ

له‌و ڕۆژه‌وه‌ هه‌موو ساڵێ
به‌هار به‌ئاخ ده‌ست پێ ئه‌که‌ین
له‌و ڕۆژه‌وه‌ چاوی دنیا
ئه‌مانبینێ ئێمه‌ش که‌هه‌یین
.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #13  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


نه‌ورۆز .

هێنده‌م به‌سه‌ ، له‌نه‌ورۆزا
خه‌و به‌گوڵه‌
ڕه‌نگاوڕه‌نگه‌کانی عیشق و
به‌هه‌ره‌سی
شاخه‌ به‌فر پۆشه‌کانی
خه‌می ده‌هره‌وه‌ ببینم
هێنده‌م به‌سه‌ ، له‌و ڕۆژه‌دا
پریشکێکی نوێی به‌رکه‌وێ
خه‌ڵوزه‌ دامرکاوه‌که‌ی
هیوا ، به‌وه‌شتی ئه‌سرینم
هێنده‌م به‌سه‌ ، له‌نه‌ورۆزا
سروشتی مه‌نگ
بێته‌وه‌ ده‌نگ
به‌هاژه‌ی چه‌م و ڕووباری
هێنده‌م به‌سه‌ ، له‌و ڕۆژه‌دا
کورته‌ چیرۆکێکی مێژوو
گه‌ر ئه‌فسانه‌و خه‌یاڵیش بێ
ببێته‌ سه‌ردێڕی شیعرێ
بۆ سرودی به‌ره‌نگاری.
بۆ مه‌رگی به‌رده‌وامی دوعاکان.
- نامووس-

-1-
منم له‌ناو پیاوه‌کانی ڕۆژهه‌ڵاتا
تاکو ماوم
له‌نامووسه‌ مه‌رگه‌ساتی
هه‌ر شه‌مێک و غه‌زالێک و
دوعایه‌کدا
ڕه‌هێڵه‌ بارانی شه‌رمم لێ ئه‌بارێ
له‌وه‌ی پیاوم.

-2-
دوێنێ له‌پرسه‌ی خونچه‌ گوڵێکا
ئاره‌قه‌ی شه‌رمی هه‌ڵئه‌ڕشت ، پێنووس

بۆ مه‌رگی په‌له‌ی ره‌سولێکی که‌ی
عیشق و جوانی به‌ده‌ستی نامووس

ئه‌مڕۆش مه‌زاری ئه‌و جوانه‌ مه‌رگه
دوور له‌مه‌رامی دێوه‌زمه‌ی خه‌زان

بۆته هه‌واری عیشقی په‌پووله‌و
شاژنی جوانیی نێو هه‌موو ڕه‌زان

دوێنێ کاغه‌زی سپیی ده‌فته‌رێ
درایه‌ به‌ر دست..ڕێژی پیاوه‌تی

وه‌لێ له‌جێگه‌ی په‌ڵه‌ی خوێنی گه‌ش
گوڵاڵه‌سووره‌ی لێ ڕوا ، خه‌تی

ئه‌مڕۆش هه‌ناوی هه‌ر ئه‌و ده‌فته‌ره‌
فه‌رهه‌نگی شیعری به‌رزی نالیه

که‌بێ به‌رامبه‌ر له‌عه‌رشی عیشقی
هه‌موو دڵێکا هه‌ر خۆی والیه‌

دوێنێ له‌به‌رده‌م ته‌رازووه‌که‌ی داد
ڕه‌نگاڵه‌یه‌کی مێیان سه‌ربڕی

دوای سه‌مای مه‌رگی له‌شێکی بێ سه‌ر
خوێنیان به‌بڕگه‌ی یاسایه‌ک سڕی

ئه‌مڕۆش له‌حه‌وشه‌ی ماڵێکی خوادا
دوو کۆتره‌ شینکه‌ی نێرو مێیان گرت

چونکه‌ له‌واده‌ی کڕنووش و زیکرا
گۆرانی عیشقیان بۆ یه‌کتر ئه‌ووت.

-3-
مه‌یکوژن ئه‌ی شێره‌کانی دارستانی پیاوه‌تی
ئه‌و ده‌لیلی ده‌شتی دێمی ووشکه‌ ساڵی ئێوه‌یه‌

مه‌یده‌نه‌ به‌ر ڕێژنه‌ بارانی تیری مه‌ردایه‌تی
خۆی گوڵه‌باخه‌و که‌مه‌ری سه‌دان دڕکی پێوه‌یه‌

مه‌یکوژن ئه‌ی شێخه‌کانی فاڵ و جادووی سه‌وزوزه‌رد
ئه‌و جنۆکه‌و خێو و دێوی خه‌یاڵی خاوتان نیه‌

مه‌یکوژن ئه‌ی ڕاوچیانی سه‌رده‌می ئه‌شکه‌وت و به‌رد
خۆ ئه‌ویش که‌روێشکه‌ کێوی و ئاسکه‌مێی ڕاوتان نیه‌

ئێوه‌ به‌دمه‌ستن به‌باده‌ی خوێنی چۆڕاو له‌نینۆک
هه‌ست و حورمه‌ت دوو په‌پووله‌ن ، به‌دڕکی ئێوه‌ نامۆن

ئێوه‌ شاگه‌شکه‌ن به‌ڕه‌نگی چنگی سورتان تاکو چۆک
بۆیه‌ ده‌ستنوێژی عیباده‌ت به‌خوێنی مێ گوڵ ئه‌شۆن.

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #14  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


نامه‌کانی هه‌شتی مارس.

به‌های ڕه‌هایی.

ئه‌ی کیژه پێچراوه‌‌کانی نیو قوماتی
ووڵاتی به‌فرو قه‌له‌ڕه‌ش
په‌رده‌ که‌ڕووداره‌کانی‌
سه‌ر په‌نجه‌ره‌ی نیگا لاده‌ن
ڕه‌نگاڵه‌کانی خۆرهه‌تاو
که‌یفیان به‌ژووری نسرم و سیا نایه‌ت
گه‌ر شه‌وانه‌ش چرای روحێ دانه‌گیرسێ
نه‌مۆته‌که‌ی خه‌م له‌سینه‌ دائه‌به‌زێ و‌
نه‌دڵ خورپه‌ی پڕ ته‌لیسمی
عیشقی پیایه‌ت

له‌ڕۆژهه‌ڵات .. ئێمه‌ی بچوک
پێ له‌ئاوه‌ ڕژاوه‌که‌ی گه‌وره‌ ئه‌نێین
به‌ده‌ست خۆمان نیه‌ ، یارۆ
خود ، سه‌روه‌ری هه‌موومانه‌و
خود په‌رستی له‌هه‌ر کوێ بێ
به‌حوکمی کات
به‌حوکمی شوێن .. ئێمه‌ش له‌وێین
گومان هاوڕێی ڕۆژه‌کانی سه‌فه‌رمانه‌و
متمانه‌ ، پولی دانسقه‌
چۆن وانه‌بێ .. ئێمه‌و مانان
به‌زه‌حمه‌ت دێینه‌ دنیاوه‌و
گه‌وره‌ ئه‌بین
وه‌لێ ئاسانیش ئه‌فه‌وتێین

ده‌ورو به‌رمان ده‌شتی مینڕێژه‌ به‌یاساغ
هه‌ر گه‌وره‌کان ، خودا ئاسا
ده‌رسی ڕه‌وشتمان دائه‌ده‌ن
ئه‌وانیشن ، چه‌قۆ کوله‌ی سزاو تاوان
له‌سه‌ر تاڵه‌مووی باریکی مل دائه‌نێن
ئه‌و‌ی پێی وایه‌ تاجی به‌خت
به‌ده‌ستی ڕێکه‌وت و قه‌ده‌ر
ئه‌نرێته‌ سه‌ر
به‌سه‌زمانه‌و خۆشخه‌یاڵێکی بێ خه‌به‌ر

کیژه‌ ڕوومه‌ت سووره‌کانی
سه‌ر ته‌نوری ‌پشکۆ گه‌شی خۆشه‌ویتی
ئێوه‌ له‌گڕ دروست بوون و
سه‌مای قژتان کڵپه‌ی ئه‌وه‌
وه‌لێ حه‌یفێ
هه‌ندێ ووشه‌ی وه‌کو عیشق و
بزه‌ی لێوه‌ په‌مییه‌کانی ژوان و
ناوی کۆتره‌ ته‌ته‌ریه‌کان
که‌نامه‌ نهێنیه‌کانی
خه‌باتی عیشق ئه‌گوێزنه‌وه‌
له‌مانیفێسته‌ کۆنه‌که‌ی گه‌وره‌کانا
له‌زیندانی ته‌پ و تۆزاوی ئه‌رشیفا
له‌ژووری ئه‌شکه‌نجه‌دانا .. داڕزیون
به‌ڵام دانیان به‌تاوانا نه‌هێناوه‌
تاکو ئه‌مڕۆش

ئه‌ی په‌پووله‌ نه‌شمیله‌کانی دۆزه‌خی
ووڵاتی پیاو
پیاوی گه‌وره .. پیاوی نه‌خۆش
به‌ئه‌فسانه‌ی ڕۆژه‌ کۆنه‌کانی ئه‌شکه‌وت
پیاوی سه‌رمه‌ست تاحاڵه‌تی ڕشانه‌وه‌
به‌وه‌همی هێزو ئایه‌ته‌ شه‌یتانیه‌کان
ئه‌ی چۆله‌که‌ هه‌ڵکوڕماوه‌کانی دڵم
من پێوه‌ری ڕه‌هایی ژین
هه‌ر به‌فڕینی ئێوه‌دا ئه‌ناسمه‌وه
.

ڕۆژمێری ژنێکی رۆژهه‌ڵاتی.

-1-
هه‌موو شه‌وێ
بێ پرسه‌ گورگانێیه‌کیش
به‌په‌نجه زبره‌کانی زه‌وق
وه‌ک توێکڵی لاله‌نگیه‌ک
داتئه‌ماڵێ و
نه‌وسنانه‌ ، دانه‌دانه‌ی‌
قاشه‌کانی له‌شت ئه‌خوا
که‌تێریش بوو
ناوکه‌ ووشکه‌کانی روحت
تووڕ ئه‌داته‌
نێو کیسه‌ خۆڵه‌که‌ی ئه‌مڕۆی
پاشماوه‌یه‌ک له‌‌له‌زه‌تیش
ئه‌گه‌ر مابوو
له‌نایلۆنی سلۆفینی ئه‌پێچێت و
ئه‌ی خنێته‌ ‌سه‌للاجه‌که‌ی
خه‌یاڵیه‌وه ‌.. بۆ سبه‌ینێ
ئه‌وجا به‌که‌مالی ڕاحه‌ت
جگه‌ره‌یه‌کی سه‌رکه‌وتنی بۆ ئه‌کێشێ
ئه‌وه‌ی ته‌نیاش
له‌‌ته‌م تومانی دوکه‌ڵا نه‌غرۆ ئه‌بێ
ئازاره‌کانی تۆی ژنه
.

-2-
هه‌موو کاتێ واهه‌ست ئه‌که‌ی
ژماره‌ دووی
له‌پیاسه‌ بێ تامه‌کانی
ئێوارانا
که‌وه‌ک دیکۆر په‌لت ئه‌گرێ
پێ دزه‌یه‌ک دووره‌ لێت و
گوێی له‌چرپه‌ی دڵت نیه‌
ئه‌ڵێی بوکه‌ به‌بارانێی
به‌ده‌ستیه‌وه‌
لاشه‌یه‌کی جه‌سته‌ زیندووی
به‌روح مردوو
ئه‌و به‌ته‌نیا ، په‌یکه‌ری‌ پیاو
تۆش به‌ته‌نیا ، سێبه‌ری‌ ژن
وه‌ختی دوان و گفتوگۆش
به‌قولاپی داب و نه‌ریت
ڕاوی ماسیه‌ سووره‌کانی
ده‌نگت ئه‌کاو
ئه‌و هه‌میشه‌ ، پیاوێک له‌ده‌نگ
تۆش به‌ته‌نیا ، ژنێک له‌گوێ
.

-3-
له‌سه‌ره‌تاکانی بوونه‌وه‌
شه‌رم زاده‌ی
له‌دایک بووی
له‌گه‌ڵ شه‌رما
داره‌داره‌ی پێ گرتنت
هه‌ر به‌شه‌رمه‌وه‌ پێ ئه‌کراو
کاتێ زمانیشت پژا
شه‌ونمی شه‌رمی لێ تکا
له‌و ڕۆژه‌وه‌ی باخی سنگت
دوو به‌هێی گرت
شه‌رم هه‌ر چوار ده‌وری گرتی و
پشت چه‌ماوه‌و چاو له‌زه‌وی
وه‌کو جورمێکت کردبێ
که‌مێردت کرد
هه‌ر له‌شه‌رما
تارایه‌کیان دابه‌سه‌رتا
وه‌ک گوناهێ بشارنه‌وه‌
یه‌که‌م شه‌وی بوکێنیشت
پارچه‌ خامێکی سپییان بۆداخستی
تاله‌ئابڕووی
سووری شه‌رمت دڵنیا بن
وای پێ ده‌چێت دوامه‌تافیش
وه‌ک زه‌رده‌په‌ڕ
له‌گه‌ڵ شه‌رما ئاوا ببیت
.

-4-
ئه‌ی ژنی هه‌میشه‌ پاییز
ئه‌ی دره‌ختی هه‌میشه‌ ڕووت
له‌ئاوێنه‌ی چاوی پیاوا
ئه‌و پیاوانه‌ی
که‌شه‌ریکی ڕه‌شه‌بان و
له‌ووشکه‌ ‌وه‌رزی هه‌میشه‌ هه‌ڵوه‌رینا
گه‌ڵای زه‌ردی ڕۆژه‌کانی
ته‌مه‌نت لێ ئه‌که‌نه‌وه‌
ئه‌شیانه‌وێ گو‌ڵیش ‌بگری و
به‌ریش بگری و
بۆ هه‌میشه‌ ڕووته‌ڵیش بێ
ئه‌ڵێن گوایه‌
ئه‌مه‌ فه‌رماییشی خوایه‌
خوایه‌ک له‌ودیو یاڵه‌کانی سرو‌شته‌وه‌
کلیله‌کانی به‌هه‌شت و دۆزه‌خ ئه‌دا
خوایه‌ک له‌تۆفانی له‌زه‌ت
خوایه‌ک له‌ترۆپکی ڕه‌ها
خوایه‌ک له‌‌پیاو .. پیاوێک له‌خوا
.

-5-
شه‌وی دوێنێ خه‌وێکم دی
له‌خه‌وم دا
به‌زۆرینه‌ی ده‌نگه‌کانی
په‌ڕله‌مانی فریشته‌کان
هه‌ڵبژێردرام
بۆ پۆسته‌ چۆڵه‌که‌ی خودا
ئه‌و شه‌وه‌ ، پاش هه‌ڵبژاردن
قه‌رارم دا .. ده‌زووه‌کانی
نێوان په‌نجه‌کانی خۆم و
بوکه ‌شوشه‌کانی قه‌ده‌ر بپچڕێنم
تاکو ، ئه‌گه‌ر
له‌ده‌نگدانی داهاتووا
که‌سێکی تر .. شتێکی تر
بوو به‌خودا
توانای نه‌بێ
یاری به‌جوگرافیای له‌ش و
ته‌رازوه‌که‌ی به‌خت بکا.

ژنه‌ ئاو.

بوونی من به‌خشینی تۆیه
ئه‌ی ژنه‌ ئاو
ئه‌ی سه‌رچاوه‌که‌ی زینده‌گی
له‌سفری دروست بوونه‌وه‌
کۆژیانی سێ په‌پووله‌
یه‌که‌م سێ وه‌رزی ته‌مه‌نم
له‌زه‌مزه‌می روحی تۆیا به‌سه‌ربردو
عه‌تری گوڵه‌ گوشراوه‌که‌ی
هه‌ناوی تۆم ئه‌خوارده‌وه‌
ئه‌و ده‌مانه‌ من به‌شێ بووم
له‌گیانی ژن
گۆپکه‌یه‌کی نه‌رم و ته‌ڕ بووم
له‌گوڵزاری دڵنیایی و
قه‌تره‌یه‌ک بووم
له‌ئۆقیانوسێکی هێمن
ئه‌و ده‌مانه‌ منێکی نێر
له‌هێلانه‌ی گه‌رم و نه‌رمی
سۆزی مێ دا
زه‌ڕنه‌قوته‌ی هه‌ڵکوڕماوی
ژێر نه‌رمه‌ بارانی خه‌و بووم
ئه‌و په‌یامنێرێکی خوا بوو
بۆ سه‌ر زه‌وی
منیش دیاریی روحی ئه‌و بووم
ئه‌و هه‌ناسه‌کانی با بوو
منیش گوێچکه‌له‌یه‌ک له‌سی
ئه‌و ڕووبارێ بوو له‌شیرو
منیش ده‌مه‌ ووردیله‌که‌ی بێچوه‌ماسی
ئه‌و قه‌دی دره‌ختێکی به‌ردار
چنگی ڕه‌گی
له‌نێو سنگی خاکا مه‌تین
منیش هه‌ر تارمایی چڵێ
خه‌یاڵی بووم پڕ له‌گومان
ئه‌گه‌رێ بووم
له‌مابه‌ینی شه‌ک و یه‌قین
لێم ببوره‌ ئه‌ی ژنه‌ ئاو
ئه‌ی فریشته‌ی میهره‌بانم
ئێسته‌ زانیم ، که‌یه‌که‌مجار
باخی گیانی تۆم به‌جێ هێشت
له‌به‌رچی بوو ، زریکانم
لێم ببووره‌ ئه‌ی ژنه‌ ئاو
که‌گه‌وره‌بووین ئێمه‌ی مناڵ
که‌بووین به‌پیاو
سه‌رچاوه‌که‌ی بوونی خۆمان له‌بیر کردو
به‌خڕکه‌به‌ردی گه‌مژه‌یی
کانی روحی تۆمان لێڵ کرد
له‌ژیله‌مۆی ژێر خۆڵه‌مێشی پیاوه‌تیش
سه‌قه‌رێکمان بۆ داخستی
له‌به‌دبه‌ختی و غه‌درو زوخاو
که‌تۆ خۆت به‌هه‌شتی میهری
ئه‌ی ژنه‌ ئاو

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #15  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


نامه‌یه‌ک بۆ نیوه‌که‌ی روحم.

بێ تۆ دڵم
مه‌لێکی یه‌ک باڵه‌ ، گوڵم
ڕۆژی دووریت
ته‌واوی یه‌ک ساڵه‌ ، گوڵم
بێ تۆ ئاسۆم هه‌ور پۆشه‌
پیاڵه‌ی خه‌یاڵیشم بۆشه‌
کاتێ له‌باوه‌شت ئه‌گرم
ئاسمانی چاوشینی ژینم
سایه‌قه‌ی ساماڵه‌ ، گوڵم

هه‌ر گوڵیت و
هه‌ر گوڵیشت لێوه‌ ئه‌زێ
ئه‌ی گوڵه‌ مێ
چی له‌نێره‌ باڕه‌شی پاییزانه‌که‌م
که‌هه‌ر گڤه‌ی توڕه‌بوون و
خۆڵی جه‌هلی لێ ئه‌وه‌رێ
چی له‌نێره‌ دڕکی غه‌دری زه‌مانه‌که‌م
که‌هه‌ر خوێنی قامکی عیشقی
لێوه‌ ئه‌تکێ
هه‌شتی مارست لێ پێرۆز بێ
ئه‌ی گوڵه‌ مێ.
ئاهێک له ‌سه‌روه‌ختی مه‌ستیدا.

خه‌ڵوه‌تی نادری روحم
لێ مه‌شێوێنه‌ ئه‌ی ده‌روێش
دڵم هه‌نجیری دڕکاوی بیابانه‌و
له‌شم پێده‌شتێکه‌ پڕ ئێش

گورزه‌ بای ناوه‌ختی عومریش
ڕوو له‌شیوو که‌نده‌ڵانه‌
عه‌جه‌ب یاران ، کوله‌که‌ی ناخ
ده‌ڵێی بێشکه‌ی مناڵانه‌

ته‌ماسێکم له‌پرچی خۆر
وه‌لێ شه‌وگارم یه‌ڵدایه‌
شه‌راره‌ی مه‌شخه‌ڵی زامی سه‌رمه‌دیم و
کڕێوه‌ی ترسی ئایینده‌م دوایی نایه‌

وه‌کو قومری ده‌ناڵێنم
وه‌کو بولبول غه‌زه‌ل خوانم
که‌چی له‌گوێی کپی ده‌هرا
نه‌شازترین ژێی که‌مانم

نیگارێکم بێ ڕه‌نگ و بۆن
هه‌وارێکم بێ ناونیشان
خه‌مێکم هه‌ر خۆمک ئه‌خۆم و
له‌شێکم بێ سه‌رابی گیان

ڕێژنه‌ بارانێکی شێتم
له‌وه‌رزێکی که‌ڕو کوێرا
سه‌دای نوزه‌ی غه‌زالێکم
له‌ئه‌شکه‌وتی قوڕگی شێرا

به‌حوکمی به‌ژن و باڵابێ
ده‌نکه‌ موورویه‌کی ووردم
نیشتیمانم سه‌ده‌فێکی بن دره‌یایه‌و
شه‌پۆل ووردوخاشی کردم

له‌و ڕۆژه‌وه ، وێڵم به‌شوێن
پارچه‌ گچکه‌کانی خۆما
له‌هێلانه‌ شێواوه‌که‌ی
روحی قاشقاشی نغرۆما.


ده‌نگ.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌شه‌وی تۆفو زریانا
کۆڵه‌ وشکه‌داری پێ یه‌
بۆ کوره‌تان
باوه‌جو خۆ ، کانه‌کانی
زێڕی سیا
هه‌ر به‌شی تونه‌که‌ی بابای
حووچه‌که‌ی بن فه‌له‌ک ئه‌کا.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌وه‌رزی ووشکه‌ساڵیا
به‌ده‌نوکی
کۆتره‌ شینکه‌کانی ئه‌وین
گوڵه‌وه‌چنه‌ی
ده‌شته‌ کاکی به‌کاکیه‌کان
ده‌خاته‌سه‌ر
بیابانی ده‌فری خوانتان
باوه‌جو خۆ عه‌مباره‌کان
هه‌ر به‌شی ده‌ستاڕی وورگی
نه‌هه‌نگه‌ مه‌زنه‌کان ئه‌کا.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌جیاتی با
نوزه‌و ناڵه‌ی بێدارانی
شه‌وی یه‌ڵدا
بۆ هه‌موو په‌نایه‌ک ئه‌با
باوه‌جو خۆ هه‌وای په‌نگی
ئه‌م هه‌واری ئازادیه‌
هه‌ر به‌شی نه‌عره‌ته‌ی به‌رزی
شێره‌ تێر نه‌خۆره‌کانی
ئه‌م جه‌نگه‌ڵستانه‌ ئه‌کا.

ئه‌مجاره‌یان
حه‌ق هه‌ر حه‌قه‌و نابێ به‌دوو
ئه‌مجاره‌یان
ئه‌بێ له‌سه‌ر سکی تێر بێ
ده‌ستی ماندوو
ئه‌گه‌ر نا ، حه‌ق وایه‌ هه‌موو
جارێکی تر
ده‌نگ به‌ین به‌ کا
ده‌نگ به‌ین به‌پوش
ده‌نگ به‌ین به‌موو.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #16  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


نامه‌یه‌ک بۆ نیوه‌که‌ی روحم.

بێ تۆ دڵم
مه‌لێکی یه‌ک باڵه‌ ، گوڵم
ڕۆژی دووریت
ته‌واوی یه‌ک ساڵه‌ ، گوڵم
بێ تۆ ئاسۆم هه‌ور پۆشه‌
پیاڵه‌ی خه‌یاڵیشم بۆشه‌
کاتێ له‌باوه‌شت ئه‌گرم
ئاسمانی چاوشینی ژینم
سایه‌قه‌ی ساماڵه‌ ، گوڵم

هه‌ر گوڵیت و
هه‌ر گوڵیشت لێوه‌ ئه‌زێ
ئه‌ی گوڵه‌ مێ
چی له‌نێره‌ باڕه‌شی پاییزانه‌که‌م
که‌هه‌ر گڤه‌ی توڕه‌بوون و
خۆڵی جه‌هلی لێ ئه‌وه‌رێ
چی له‌نێره‌ دڕکی غه‌دری زه‌مانه‌که‌م
که‌هه‌ر خوێنی قامکی عیشقی
لێوه‌ ئه‌تکێ
هه‌شتی مارست لێ پێرۆز بێ
ئه‌ی گوڵه‌ مێ.
ئاهێک له ‌سه‌روه‌ختی مه‌ستیدا.

خه‌ڵوه‌تی نادری روحم
لێ مه‌شێوێنه‌ ئه‌ی ده‌روێش
دڵم هه‌نجیری دڕکاوی بیابانه‌و
له‌شم پێده‌شتێکه‌ پڕ ئێش

گورزه‌ بای ناوه‌ختی عومریش
ڕوو له‌شیوو که‌نده‌ڵانه‌
عه‌جه‌ب یاران ، کوله‌که‌ی ناخ
ده‌ڵێی بێشکه‌ی مناڵانه‌

ته‌ماسێکم له‌پرچی خۆر
وه‌لێ شه‌وگارم یه‌ڵدایه‌
شه‌راره‌ی مه‌شخه‌ڵی زامی سه‌رمه‌دیم و
کڕێوه‌ی ترسی ئایینده‌م دوایی نایه‌

وه‌کو قومری ده‌ناڵێنم
وه‌کو بولبول غه‌زه‌ل خوانم
که‌چی له‌گوێی کپی ده‌هرا
نه‌شازترین ژێی که‌مانم

نیگارێکم بێ ڕه‌نگ و بۆن
هه‌وارێکم بێ ناونیشان
خه‌مێکم هه‌ر خۆمک ئه‌خۆم و
له‌شێکم بێ سه‌رابی گیان

ڕێژنه‌ بارانێکی شێتم
له‌وه‌رزێکی که‌ڕو کوێرا
سه‌دای نوزه‌ی غه‌زالێکم
له‌ئه‌شکه‌وتی قوڕگی شێرا

به‌حوکمی به‌ژن و باڵابێ
ده‌نکه‌ موورویه‌کی ووردم
نیشتیمانم سه‌ده‌فێکی بن دره‌یایه‌و
شه‌پۆل ووردوخاشی کردم

له‌و ڕۆژه‌وه ، وێڵم به‌شوێن
پارچه‌ گچکه‌کانی خۆما
له‌هێلانه‌ شێواوه‌که‌ی
روحی قاشقاشی نغرۆما.


ده‌نگ.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌شه‌وی تۆفو زریانا
کۆڵه‌ وشکه‌داری پێ یه‌
بۆ کوره‌تان
باوه‌جو خۆ ، کانه‌کانی
زێڕی سیا
هه‌ر به‌شی تونه‌که‌ی بابای
حووچه‌که‌ی بن فه‌له‌ک ئه‌کا.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌وه‌رزی ووشکه‌ساڵیا
به‌ده‌نوکی
کۆتره‌ شینکه‌کانی ئه‌وین
گوڵه‌وه‌چنه‌ی
ده‌شته‌ کاکی به‌کاکیه‌کان
ده‌خاته‌سه‌ر
بیابانی ده‌فری خوانتان
باوه‌جو خۆ عه‌مباره‌کان
هه‌ر به‌شی ده‌ستاڕی وورگی
نه‌هه‌نگه‌ مه‌زنه‌کان ئه‌کا.

ئه‌مجاره‌یان
ده‌نگ به‌ن به‌حه‌ق
ده‌نگ به‌ن به‌وه‌ی
له‌جیاتی با
نوزه‌و ناڵه‌ی بێدارانی
شه‌وی یه‌ڵدا
بۆ هه‌موو په‌نایه‌ک ئه‌با
باوه‌جو خۆ هه‌وای په‌نگی
ئه‌م هه‌واری ئازادیه‌
هه‌ر به‌شی نه‌عره‌ته‌ی به‌رزی
شێره‌ تێر نه‌خۆره‌کانی
ئه‌م جه‌نگه‌ڵستانه‌ ئه‌کا.

ئه‌مجاره‌یان
حه‌ق هه‌ر حه‌قه‌و نابێ به‌دوو
ئه‌مجاره‌یان
ئه‌بێ له‌سه‌ر سکی تێر بێ
ده‌ستی ماندوو
ئه‌گه‌ر نا ، حه‌ق وایه‌ هه‌موو
جارێکی تر
ده‌نگ به‌ین به‌ کا
ده‌نگ به‌ین به‌پوش
ده‌نگ به‌ین به‌موو.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #17  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


خه‌وی ئه‌رخه‌وانیی خۆشخه‌یاڵێک.

ئه‌م زه‌مه‌نه‌
ئێواره‌یه‌کی هێمنی سیحراویه ‌و
لێوان لێوه‌ له‌ یار و یاوه‌ری شه‌یدا
ئه‌وانه‌ی گێژه‌ڵۆکه‌ی ڕق
هه‌رگیز له ‌سو
وچی دڵیانا په‌پکه‌ ناخواو
هه‌ر به‌غه‌مزه‌ی چاوی خومار له‌یه‌ک ده‌گه‌ن
منیش له‌نێو گوڵستانێکی عیشقا
ده‌گوزه‌رێم
ئه‌وی هه‌ڵی ده‌مژم ته‌نیا
سروه‌بایه‌کی کوێستانی سرک
نییه‌
له
‌گه‌لاوێژی گه‌رمه‌سێرێکا
ئه‌وی هه‌ڵی ده‌مژم نه‌فخێکه
له
‌روحی په‌ریه‌کانی به‌هه‌شت
ئه‌و به‌هه‌شته‌ی .. گورگ و به‌رخی
له‌سه‌ر یه‌ک ڕووباری هه‌نگوین
گه‌رووی مه‌رام ته‌ڕ ده‌که‌ن و
گڕی تینوێتی ده‌شکێنن
ئه‌و به‌هه‌شته‌ی
هه‌موو بستێکی بوستانی سه‌رمه‌د
ییه‌ و
گوڵ و خاری ده‌ست له‌ملن
له‌
هه‌ر کوێیه‌ک دڵت گرتی
ڕه‌شماڵی زینده
‌گییت هه‌ڵده‌و
بێ دڵه‌ڕاوکێ و بێ گومان
ناوی لێ بنێ .. نیشتیمان.

کۆنه‌په‌رست .

جه‌سته‌ی ڕزیوه‌ ، ئه‌و لاکه‌
چی لێ بکه‌ی یان لێ نه‌که‌ی
چی بپۆشێ یان نه‌پۆشێ
له‌ئاوریشمی کرمی لوسی دیموکراسی و
له‌که‌تانی ده‌شتی بێپایانی خه‌ونی
جیهانی نوێ
جه‌سته‌ی ڕزیوه‌ ، ئه‌و لاکه‌
هه‌ر ئه‌پروێ
له‌کاغه‌زی بریقه‌داریه‌وه‌ بپێچی و
به‌قردێله‌ ڕه‌نگاوڕه‌نگه‌کانی دیاری
بی به‌ستیه‌وه‌
یان له‌نێو سندوقی خشڵ و
زێڕی بنێی
کوپه‌یه‌کیش ، گران به‌هاترین عه‌تری
به‌ناوبانگی پێدا بڕژێ
جه‌سته‌ی ڕزیوه‌ ، ئه‌و لاکه‌
هه‌ر ئه‌پروێ.


گله‌یی.

من روحی مه‌لوولم به‌روخت
عاشیقه‌ قوربان
تۆ چنگی موژانت له‌به‌هێی
دڵم گیر ئه‌که‌ی

من فه‌رشی حه‌ریری ئولفه‌تم
خستۆته‌ ژێر پێت
تۆ ده‌شتی به‌راوی روخسه‌تم
لێ داگیر ئه‌که‌ی

من به‌حری ئه‌مه‌کدارم
له‌هه‌ڵچوون و سکونا
تۆ دۆندی چیای قه‌هری
حه‌ز له‌زه‌مهه‌ریر ئه‌که‌ی

من جه‌معی گه‌ڵای عومرم
له‌پاییزتا هه‌ڵوه‌ری
تۆ عه‌ینی گه‌رده‌لوولی
ئه‌به‌یت و له‌بیر ئه‌که‌ی

من قومێ ئاوی ڕوونم
له‌په‌رداخی جه‌سته‌یا
تۆ غه‌رقی مه‌تاهاتی
چاوه‌ڕێی ته‌فسیر ئه‌که‌ی

من خه‌سته‌م وتۆ ئازار
من جه‌سته‌م و تۆ هه‌ر خار
به‌م زه‌برو جه‌فای نازه‌
توفلی دڵم پیر ئه‌که‌ی

ده‌ست به‌رده له‌ئه‌تواری
پڕ ئه‌سراری مه‌کری مێ
به‌م هه‌وری جه‌وره‌ نوری
مانگه‌شه‌و یه‌خسیر ئه‌که‌ی.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #18  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض

میوانی شه‌و .

بۆ ئۆژین پۆتییه.

شه‌وانه‌ دێی
له
‌ده‌روازه‌ی هۆشم ئه‌ده‌ی
وه‌ختی خه‌یاڵ
شه‌وانه‌ دێی
ده‌شتی سه‌وزی ڕازه‌کانم
ئه‌خه‌یته‌ سه‌ر به‌زمی سه‌ما
چه‌شنی شه‌ماڵ
شه‌وانه‌ دێی
گه‌رم هێنده‌ی کۆشی عیشق و
نه‌رم هێنده‌ی خه‌نده‌ی مناڵ
شه‌وانه‌ دێی
فێری یاخی بوونم ئه‌که‌ی
له‌سڕبوونی په‌نجه‌کانی ده‌ستی مێژوو
له‌ڕسوایی ژیانی تاڵ
شه‌وانه‌ دێی
هه‌مان پرس و هه‌مان وه‌ڵام
ئه‌ڵێم تۆ کێی
ئه‌ڵێی ده‌نگی ملیۆنه‌هام
بۆ هه‌ستانی هۆزی هه‌رده‌م
هه‌گبه‌ به‌تاڵ
شه‌وانه‌ دێی.


بۆ یه‌کشه‌مه‌ مه‌سته‌کان.


ئه‌م مه‌ستیه په‌ستم ئه‌کا
په‌نجه‌ره‌کان ، چاو خه‌واڵون
دیواره‌کان
تۆزی مه‌رگیان لێ نیشتووه‌
ده‌روازه‌کان
پاسه‌وانی ئه‌و مه‌زاره‌ن
زیندوه‌کانی تیا مردووه‌
ئه‌م مه‌ستیه‌ په‌ستم ئه‌کا
شه‌قام به‌نێو ناخی خۆیدا ئه‌چێته‌وه‌
تاک و ته‌را
ته‌رمی ڕێبوار به‌دی ئه‌که‌م
ڕێبواری پیر
تۆپه‌ به‌فری سه‌ری خۆیان له‌باوه‌شی
دواڕۆژانی مانه‌وه‌یا هه‌ڵگرتووه‌و
ڕێگه‌ ئه‌بڕن بۆ کڵێسه‌
بۆ فرۆشگای خۆشخه‌یاڵی و
تلیاکی بیر
ئه‌م په‌ستیه‌ مه‌ستم ئه‌کا
ملیۆنه‌ها نیوه‌ ڕۆبۆت
پشوو به‌نیوه‌که‌ی تری جه‌سته‌ ئه‌ده‌ن
ئه‌چنه‌ سوڕی قۆزاخه‌وه‌
تامه‌رگ ئه‌نون
توێژی هه‌توان ئه‌ده‌ن به‌شوێن
قه‌پاڵی کۆت
ئه‌م مه‌ستیه‌ په‌ستم ئه‌کا
په‌یامنێری یاخییه‌کان ، کیسه‌ڵێکه‌
به‌زه‌نگیانه‌ ، به‌یاننامه‌ی ناڕه‌زایی
له‌سه‌ر پشتی داڕشتووه‌
کێ ئومێدی به‌گوڵه‌ نایلۆنه‌کان هه‌یه‌
بێته‌ به‌رو
کێ گیانی خۆی
به‌ئاهه‌نگی گێژه‌ڵۆکه‌ سپاردووه‌
ئاسۆی وێڵه‌ ، نیگای لێڵه‌
پوشی خه‌ونی ، بابردووه‌
ئه‌م مه‌ستیه‌ په‌ستم ئه‌کا
گیانی ژیان ، ژانگرتووه‌
په‌نجه‌ره‌کان ، چاو خه‌واڵون
دیواره‌کان
تۆزی مه‌رگیان لێ نه‌شتووه‌
ئه‌م مه‌ستیه‌ په‌ستم ئه‌کا
.

نهێنی ووشه‌کان.

ئه‌م ووشانه‌،هه‌ر یه‌کێکیان
شه‌پۆلێکن له‌به‌حری ڕاز
ده‌مێ ده‌ڵێی په‌ریی ده‌ریان
ده‌مێ ماسیه‌کن ، بێ ناز

له‌هه‌ڵچوون و له‌داچوونا
ده‌مێ توڕه‌ن ، ده‌مێ هێمن
ده‌مێ نه‌رمن وه‌کو لۆکه‌
ده‌مێ تیژن وه‌کو سوژن

له‌گریانی مناڵێکدا
ده‌بن به‌مرواریی دیده‌
له‌زلفی چاو که‌ژاڵێکدا
هه‌ندێ په‌نجه‌ن،زۆر گه‌ڕیده‌

له‌سه‌ر لێوی ئاڵی گوڵدا
په‌پووله‌ن تامه‌زرۆی ماچن
له‌که‌نیسه‌ی هه‌ندێ دڵدا
کتێبی پیرۆزو خاچن

له‌خه‌ونی نابینایه‌کدا
ته‌لیسمێکن له‌نوری خوا
به‌ڕووی به‌ندێکی دۆزه‌خا
نه‌سیمێکن له‌سروه‌ی با

له‌داڵانی دڵی ته‌نگا
خورپه‌یه‌کن له‌بۆ شادی
بۆ کۆیله‌کانی ئه‌م ده‌هره‌ش
چرپه‌یه‌کن له‌ئازادی

ده‌م ده‌مانێ کش و ماتن
بێ که‌نارو بێ تان و پۆ
هه‌ر له‌ته‌رمی مردوو ده‌چن
ئه‌و ده‌مانه‌ی دوورن له‌تۆ.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #19  
قدیمی 07-17-2014
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


به‌یادی شاملۆوه.

دونیایه‌کی سه‌یره ، گوڵم
چیایه‌کیان له‌که‌لله‌سه‌ر هه‌ڵچنیوه‌و
پێی ئه‌ڵێن .. میحرابی ئیمان
ڕووبارێکی قرمزیی خه‌ست
له‌چۆڕاوی ڕوحی گوڵه‌ گوشراوه‌کان
به‌دامه‌نیا شه‌پۆل ئه‌داو
پێی ئه‌لێن .. جۆگه‌ی حه‌مامی
جه‌سته‌ چڵکداره‌کانی جورم و گوناح
گڕدانێکیان له‌خه‌ڵوزی قه‌ترانیی ناخ
هه‌ڵکردووه‌و
به‌تێزابی بیردۆزی ڕق جۆشی ئه‌ده‌ن
پێی ئه‌ڵێن .. ته‌نووری دۆزه‌خ
باسی شه‌قامێکیش ئه‌که‌ن
له‌قاتێکی نهۆمه‌کانی ئاسمانا
که‌هه‌ر حۆریه‌ که‌مه‌ر ته‌نگ و
به‌ژن به‌رزه‌کان به‌نێویا گوزه‌شت ئه‌که‌ن
پێی ئه‌ڵێن .. شه‌قامی به‌هه‌شت
سێدارو ملوانکه‌یه‌کیش هه‌ڵخراوه‌
بۆ پاساریه‌ لاساره‌کان ، که‌جریوه‌یان
باوێشک به‌ئایه‌توڵایه‌ک ئه‌پچڕێنێ
له‌سه‌ر وه‌ختی خه‌ڵوه‌تیدا
له‌گه‌ڵ سایه‌ی حۆریه‌کی به‌هه‌شتیدا.
ماڵی شیعر.

ماڵێکی خنجیله‌م هه‌یه‌
له‌سه‌ر هه‌سارێکی تری
دوور له‌ئێره‌
ئێره‌ی سیخناخ ، به‌ئاژاوه‌
به‌زه‌رده‌واڵه‌کانی قین و
قالۆنچه‌کانی گومان و
جاڵجاڵۆکه‌کانی پیلان
ئێره‌ی نغرۆ
له‌گۆمی خۆپه‌رستیدا
ئێره‌ی داخ
به‌گرانه‌تای ئیره‌یی
ئێره‌ی پێکراو
به‌ساچمه‌کانی مه‌لاریای درۆ
ئێره‌ی وون
له‌ژێر خۆڵبارینی وه‌هم و
ته‌متومانی خه‌یاڵدا
ماڵێکی خنجیله‌م هه‌یه‌ له‌وێ
به‌سه‌ر باڵێ شه‌ماڵدا
خۆم و قه‌ڵه‌مێک و
په‌ڕه‌یه‌کی سپی و
گیرفانێکی پڕ
له‌نانه‌ وورده‌ی ئه‌وین
بۆی ده‌فڕین .. هه‌موو شه‌وێ
.
سۆزی پاییز .

من و هه‌ورو
با
و گه‌ڵای زه‌رد
له
‌پاییزدا ، له‌یه‌ک ده‌چین
هه‌ور ، ناخی
پڕ ئه‌ندێشه‌ی ئۆقیانووس و
با ، سه‌ری پڕ حه‌سره‌تی خۆی
گه‌ڵای زه‌ردیش
جانتایه‌کی پڕ نائومێدیی سه‌فه‌ر
و
منیش ، شوشه‌ی دڵێکی پڕ
له
‌شه‌رابی تاڵی ته‌مه‌ن
هه‌ور ، وورد وورد ده‌پروێت و
گه‌ڵا ، تک تک ده‌بارێت و
بای بێ ئۆقره‌ی ماخۆلانیش
ووڕ ووڕ ده‌بێت
روحی منیش ، هێدی هێدی
به‌بۆن و به‌رامی غوربه‌ت
سڕ سڕ ده‌بێت
سه‌رئه‌نجامیش ، هه‌ر هه‌موومان
دوای خواردنه‌وه‌ی
پێکێکی که‌ی
شه‌رابی تاڵی خه‌مناکی
له
‌سوچێکی مه‌یخانه‌که‌ی ئه‌م پاییزه‌دا
هه‌ڵده‌کوڕمێین.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
پاسخ


کاربران در حال دیدن موضوع: 1 نفر (0 عضو و 1 مهمان)
 
ابزارهای موضوع
نحوه نمایش

مجوز های ارسال و ویرایش
شما نمیتوانید موضوع جدیدی ارسال کنید
شما امکان ارسال پاسخ را ندارید
شما نمیتوانید فایل پیوست در پست خود ضمیمه کنید
شما نمیتوانید پست های خود را ویرایش کنید

BB code is فعال
شکلک ها فعال است
کد [IMG] فعال است
اچ تی ام ال غیر فعال می باشد



اکنون ساعت 09:09 AM برپایه ساعت جهانی (GMT - گرینویچ) +3.5 می باشد.



Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)


سایت دبیرستان وابسته به دانشگاه رازی کرمانشاه: کلیک کنید




  پیدا کردن مطالب قبلی سایت توسط گوگل برای جلوگیری از ارسال تکراری آنها