بازگشت   پی سی سیتی > ادب فرهنگ و تاریخ > شعر و ادبیات > زبان ادب و فرهنگ کردی

زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture

پاسخ
 
ابزارهای موضوع نحوه نمایش
  #1  
قدیمی 12-02-2013
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض اشعار " فوئاد جه‌هانی " بانه

اشعار

" فوئاد جه‌هانی " بانه

وێڵ

ئێره‌ مه‌مله‌كه‌تی په‌پووله‌یێكی وێڵه‌
شوێن پێی چاوه‌كانی به‌ سه‌ر چه‌تره‌كه‌مه‌وه‌ دیاره‌
هه‌ر جار كه‌ ترووسكه‌ی
له‌گه‌ڵ نوورباڵای شه‌قامه‌كه‌ی به‌رانبه‌رم
شێت ئه‌بێ
تۆ له‌ په‌نجه‌ره‌یێكی وێڵه‌وه‌ دێی
وێڵ به‌ دوای خۆت دا ئه‌گه‌ڕێی
كه‌ له‌وانه‌یه‌ من بم
برژانگت سێبه‌ر و
چاو ... ئاوپژێنی
هاوین هه‌واری گۆناته‌
هه‌ڵمێكی وێڵ
له‌ په‌نجه‌ره‌ی مه‌مله‌كه‌تی سیماته‌وه‌
باڵ ئه‌گرێ
من به‌ شوێن پێی وشه‌كانته‌وه‌ وێڵ
تۆ و كاغه‌ز و خیابان و
هه‌راهه‌رای ئه‌و منداڵه‌ی بنێشتی بووبی ئه‌فرۆشێ
باڵ لێ ئه‌ده‌ن ... وێڵ
به‌ سه‌ر شاری چاوه‌كانم
بێشه‌رمانه‌ چراسووری سه‌ر شه‌قامیش
چاو داده‌گرێ و
ناسك
له‌ناو دووكه‌ڵ و ده‌نگه‌ و هه‌ناسه‌ی خیابانی شار
به ‌باڵای هه‌ورێكا هه‌ڵ ده‌زنێی
كه‌ بچیته‌وه‌ بۆ لای خۆت
منیش وێڵ
شوێن پێی چاوه‌كانت
به‌ سه‌ر گۆنای چه‌تره‌كه‌مه‌وه‌
ژانێك له‌ ناخی پێنووسه‌كه‌مه‌وه‌
زووخاوی زه‌مه‌ن ده‌ڕێژێ
تۆ ...
نازانم . نازانم ڕه‌حه‌تی گیانم
نازانم ڕه‌حه‌تی گیانم نییه‌ كه نه‌بی یا من بی
یا چۆله‌كه‌ی سه‌ر بانی دراوسێكه‌مان
مه‌لی ماڵی دڵم وێڵه‌ له‌ هێلانه‌ی گڵی تۆ دا‌
كه‌ تۆ من بی ئه‌من كێ بم له شانی سه‌ر چڵی تۆ دا
وه‌ره‌ ئه‌ی یاری خیابان و فه‌زای پڕ ڕه‌مزی كه‌یهانیم
كه‌ بێ په‌روانه‌ په‌روانه‌ی هه‌ناسه‌م بۆ دڵی تۆ دا
ئه‌رێ له‌م ژان و بان و خیابان و هه‌ناسانه‌ گه‌ڕێین
خانم ...
له‌ كوێ ئه‌ته‌وێ دابه‌زی ؟
ئیتر هه‌وره‌كان به‌شی سییه‌كانی تۆ هه‌وایان پێ نییه‌
منیش تاقه‌تم به‌ تاقی چاوه‌كانته‌وه‌ وێڵه‌ وێڵ
تا ... نا تای نییه‌
تا مه‌مله‌كه‌تی په‌پووله‌یێكی وێڵ
كه ‌به‌یانیان له‌ ناو هه‌وره‌كاندا
بۆ من ئه‌پاڕێته‌وه‌ وێڵ
تا ئاسمان
كه‌ من له‌ تۆیش دا وێڵ ئه‌و ئه‌بینم
نه‌رم دووووووووووووووووووووووووووووو وووووووووووووووور ئارام وێڵ
نه‌رم نزیك ئارام وێڵ

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
جای تبلیغات شما اینجا خالیست با ما تماس بگیرید




  #2  
قدیمی 12-02-2013
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


وه‌مكوژێنه
په‌نجه‌ره‌م تا ته‌ماشای
نیئۆنه‌كانی چاو
نوتڕۆنه‌كانی پێكه‌نین و
گه‌دای شه‌رمی دڵه‌ قورمیشیه‌كه‌ت نه‌بێ
له‌ پشت چرای سووری ئه‌م چوارِڕێیه‌
سه‌رگه‌ردانه‌ و
تازه‌ شیری قژه‌كانممه‌ستی تاپۆی بزه‌كانته‌
های ئاگات له‌ كوێیه‌
په‌نجه‌ ته‌زیوه‌كانم
چه‌ند جار كووچه‌كه‌تانی سڕِیوه‌ و
ئه‌وا ئیتر سه‌عات دووی نیوه‌شه‌وه‌
به‌ڵام تیشكی مانگ
زایه‌ڵه‌ی ئه‌م فرمێسكه‌چاوه‌
به‌ په‌نجه‌ره‌ی دیوه‌كه‌تدا تابلۆیه‌
ئای تابلۆ
بۆ هێنده‌ ته‌ڕِسه‌یرم ناكه‌ی
تا له‌ سه‌فینه‌كانی ئاسمانه‌وه
بێمه‌ سه‌ر بانیژه‌تان و
باگردێنی حه‌زێكی كۆن
به‌ ئیزۆگامی ئه‌م بارانه بشێوێنم
ته‌ڕ بووی ؟ نانا
تۆ بێده‌نگیت , بێده‌نگ , بێده‌نگی تۆی , بێده‌نگ
بێده‌نگ تۆی
من كه‌ڕم كه‌ڕ
بێده‌نگی تۆ كه‌ڕِی كردووم
هه‌ر تۆ ده‌نگی , بێده‌نگی تۆی
پێ مه‌كه‌نه‌
له‌وانه‌یه‌ شێتابم و
ناوه‌كه‌یشم له‌گه‌ڵ جوابێكی هه‌ڵه‌دا
ئوستاد ئیجازه‌ ؟ تووڕِده‌یه‌ ناو سه‌تڵی ئه‌شغاڵ
به‌ڵام له‌م سیاسووته‌ زه‌مانه‌
خۆڵه‌مێشی ئه‌م حه‌زانه‌یش
هه‌تا به‌ كۆشكه‌كه‌تا هه‌ڵ نه‌گه‌‌ڕِێ و
نه‌چێته‌ ناو فایلی گۆرانییه‌كانته‌وه‌
ژیر نابێ
شات داونم كه‌
من هه‌ر هیچم هیچ , هیچ منم .
هیچ ، پووچنا ،سفر نا ، بێده‌نگی نا
هیچهیچ نیم...

زستانی 82 بانه




له شه‌ونامه‌ی

شاعیرێكیگڕتێبه‌ر بوو
قه‌قنه‌سێكی ئاهوورایی
په‌ڕه‌ی شیعری هه‌ڵده‌گرت و
قووتی ده‌دا
له‌ دواڕۆژا قه‌قنه‌س سووتا
دیوانێ شیعر له دایك بوو
***
ئازاد و ئاواره
له ژێر داری ئاسمانه‌وه
ئه‌ڕوانمه گردی ته‌مه‌ن
تا فرمێسكی په‌ڵه‌هه‌ورێك
بم ماچێنی
ئاواره‌ و ئازاد
***
جادده‌ ئه‌گه‌ڕێته‌وه و
من
ماڵئاوایی له ڕابردوو
ڕێبوارم و
جانتای سه‌فه‌رم له شانه
جادده خوایه و
بۆ هه‌میشه له‌ گه‌ڵمایه
***
به ئازاری حه‌زێكه‌وه
تا دوا هه‌ناسه‌ی دابڕان
ده‌چریكێنم
باڵی ده‌نگم با ئه‌یبات و
به‌ نامۆیی
دوای چه‌ند چركه
ده‌‌گاته‌ گوێم ...
ئای چه‌ند چركه ...
***
له نێو ته‌می كوێستانه‌وه
ده‌ڕوانمه شارۆچكه‌كه‌م
هێنده‌ی دڵم ناحه‌زێم و
لێم ون ده‌بێ
گه‌مارۆی دا
فسفۆڕ و ئاور و بارووت
تا ئه‌مشه‌ویش نامۆ بین و
له تاسه‌ی حه‌ژمه‌تا بمرین
***
له ئاوه‌نگی بیرێكه‌وه
گوێ قوڵاغم
بێده‌نگی گوێم ئازار ئه‌دا
له‌پڕ شریخه‌ی هه‌ورێك و
شه‌سته ‌باران
ڕام ئه‌ماڵێ و ئه‌مشواته‌وه
***
له ده‌لاقه‌ی ده‌روونه‌وه
ده‌ڕوانمه ئه‌ستێره‌كان
تا ئه‌ستێره
شه‌رم ئه‌كا
دائه‌مركێ
***
به‌یانییه و
نه‌رم نه‌رم
له‌گه‌ڵ هه‌تاو
سه‌فه‌ر ئه‌كه‌م
تا ته‌رمی شه‌و
به خاكی غوربه‌ت
بسپێرم
غوربه‌ت ڕۆژه‌ و
لای ئێمه‌ شه‌و
به‌ڵام هه‌تاو
دێت و ده‌چێ
به غه‌ریبی
سه‌فه‌ر ده‌كا

***
به‌رهه‌می ساڵی 1378ی کۆچی هه‌تاوی

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #3  
قدیمی 12-02-2013
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض

بـــــازنــــــه

له ئاوێنه‌یڕژد و سه‌قه‌تی ئه‌م شه‌وه‌دا
دیلانه‌ی باڵایه‌‌كی جه‌غزی جه‌سته‌م یاریگه‌یه و
له پاڵتاوی حه‌زێكی سوور
ژه‌هری مـــــــــــــارێكم چێژ
هێڤی ئه‌زموونی تل و تا تلانه‌وه‌م
كه‌وته خوار و
ئیتر بڕوام
هێمای ئه‌م خواسته ڕه‌ش سوورانه‌ نادا
ده‌وه‌ره‌وه
ده‌وه‌ره‌وه تا كڕنۆشێكی ئاهورایی و
له گۆڤه‌ندی حه‌زێكی سپی سووردا
تلانه‌وه‌ت
ئه‌زموونێكی په‌ڕ شاپه‌ڕ و شاپه‌ڕ په‌ڕ و لێك ئاڵانه
هه‌یهات
لستنه‌وه‌ی جه‌غزی چێژێك
چه‌ند چركه تا چه‌په‌رێكی نهێنراو
چ حه‌ژمه‌تێكی تاریك و
چ كۆسپێكی ده‌روون شیكه‌ر
قۆزاومی
من ئێره‌م تا
له چاوی تانه‌ ون بووه
دیوه‌ته‌وه و
له ‌نساری ئه‌فسانه‌یێكی په‌ڕنده
تیشكی تیژی ئه‌فسوونێكی شه‌رمێونیش
تیری كردووم
به "انالحق" ڕێبوارم و
تا حه‌ق قه‌یرانم سه‌رسوڕمان
من نازانم
ئه‌م سه‌غڵه‌ته بزنه‌ڕێیه‌ی
ڕابردووی خۆم
چۆن هه‌ته‌ر ‌كه‌م‌
هه‌تا خۆم و
چۆن بێمه‌وه ئه‌م ده‌ڤه‌ره
چ كاس كه‌ره دنیایێ‌كی سه‌مه‌ره‌یه ئه‌ی ئینسان
ئه‌ی ئینسان
باڵی فڕینمان پێ دوای و مه‌له ناكه‌ی
ڕابه
ڕابه هه‌تا زه‌نوێرێكی بازنه‌یی و
تۆقانێكی قووڵ
به‌قه‌ده‌ر چاوه‌كانت
تینووی ئه‌م بارانه‌ به
خاڵ له گۆنای ئاسماندا
قه‌ت ناژاكێ
په‌راوێزه‌ی ده‌رگایه‌كی سه‌رمه‌دییه
تاقی ژیان كراویت و
به ژه‌هری هه‌نگوین شه‌هید
ژان ژه‌نیوی
په‌نجه‌ره‌ی تاقه‌تی ئێمه
ئاوه‌ڵایه
بۆ جه‌نگێكی پرته‌قاڵی
له‌م كه‌رنه‌ڤاڵی شه‌ڕه‌دا
له نهۆمی بێ نه‌هایه‌ت
ته‌قینه‌وه‌ی دیدارێكی گڕاوگڕه
ده‌تخوڵقێنێ
كڕنۆش به‌ره
تا بحه‌زێی له ماچاندن
له‌م تاریكه كه‌لاوه‌دا... ‌

پاییزی 84




...(سه‌روا)....

له‌ ئایه‌ته‌كانت تێ نــاگه‌م
تا هه‌توانی ئه‌م زه‌ڵكاوه‌ ئه‌به‌دییه‌
نــاز نرخی جوانی تۆیه‌ و
گه‌ردوون ده‌یبــا
هه‌پـروون به‌ ناو
ته‌وژمێكی حه‌زلێـكراو
پچڕاوم و تازه‌ ئیتر
شه‌وه‌ژانی ئه‌م كه‌سه‌ره‌ شێتی كردووم
تـــۆله‌ هۆده‌ی خه‌یاڵێكی به‌رین
به‌ قه‌رای چـاو
له‌ هه‌نده‌سه‌ی تێك شكانی ته‌وژمێكی شێتانه‌وه‌
ئابڵۆقه‌ی ئه‌م ژینه‌ ته‌ڕه‌ی
تا كه‌ڕه‌نای شه‌ڕێكی تازه‌ژیـر نابم
چ سارده‌ ئه‌م هۆده‌ تاریكه‌ سه‌روا
سه‌روا ...
هه‌ناسه‌كانم ته‌نیا تۆ ناسووتێنێ
منیش ئیتر له‌ بــــاوه‌ڕی شێتانه‌ما
تۆ ناگونجێی....
نـا نــا
نا باوه‌ڕت به‌م چه‌پكه‌ سیسانه‌ نه‌بــێو
دڵنیابه‌ گیرفانه‌كانمخاڵییه‌
له‌ گریان و بێ تاقه‌تی
سه‌روا ...سه‌روا...
ئایه‌ته‌كانت تازه‌یه‌ و
بۆنی مێخه‌ك و ڕێحان و
ئازارێكی كۆنی لێ دێ ...
به‌ قاقای پێكه‌نینتده‌كه‌ڕێم و
له‌ شه‌وبۆیده‌فته‌رێكی ئاواره‌دا
كاسم ، كه‌ڕم ،
بێده‌نگی گوێم ئازار ئه‌دا
تا له‌ به‌رۆكت تێر نه‌بم
ناڕۆمه‌وه‌
تینوویشیـــرم
گڕی بوودا ویونگو ئۆشوو
تا سه‌ره‌تای ئه‌م گێژه‌نه‌ ته‌زاندوومی
سه‌روا ...سه‌روا...
باله‌مه‌ودوا
هه‌ر چی ئه‌ڤینی ئه‌م دڵه‌ سه‌رشێته‌یه‌
بڕژێته‌ ناو
ده‌ماره‌كانی ژێر پێت و چاوه‌كانم
من نامه‌وێ
قه‌ت تێبگه‌م چی ده‌نووسم
با چڕینی ئه‌م قه‌ڵه‌مه‌
هه‌ر ئاشنای ئه‌م هۆده‌ تاریكه‌
ئه‌م هه‌ساره‌خوێناوییه‌ و
ئه‌م شێتیله‌ دڵانه‌ بێت
زستانی81

__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #4  
قدیمی 12-02-2013
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض


په‌نجه‌ره

بێ په‌نجه‌ره‌ترین شه‌قام
چاوه‌ ته‌ماوییه‌كانم ده‌كڕۆسێ و
تـۆ له‌ ته‌ماویترین
ترووسكه‌ی هیواوه‌
تا هه‌ناسه‌ترین هه‌نگاو
چڕ له‌ ژان وپڕ هـــه‌ژان ،
دیــم
له‌ هه‌ینی ترین جومعه‌ی خۆم
دوێنێتا تــاقه‌تی نیوه‌شه‌و
له‌ تارمایی تارانێكی بێ بزه‌دا
چاوه‌كانم ترووكاند و
په‌له‌قـاژه‌م
له‌ گورگه‌زێـی جادده‌یه‌كی تر
بۆ ته‌ڕترین گریان و
وشك ترین پێكه‌نینیش
تامی باوه‌شت نادا ،
دیمنــا
كه‌ جۆلانه‌ی شووڵه‌‌كـانی قژت ده‌كه‌م
تا تاقمی دره‌وشاوی مانگ
له‌ ئــاسمـانی ئه‌ستێره‌ت و
ژانـــی مه‌له‌كووت نــاسڵه‌‌مێمو
تیشكی چاوت
لێـزمه‌ی حه‌یرانێكیسه‌رسه‌راییـم ئه‌كـاته‌وه‌ ،
تا هه‌نگاوه‌كانت پڕه‌‌ له‌ شه‌و
هه‌تـاو چاوه‌ڕێی نه‌هاتنته‌
ده‌وه‌ره‌وه‌
تـا كه‌نینێكی تری زولفت
به‌ ده‌م بـای په‌نجه‌ره‌ی چاوه‌كـانمه‌وه‌
تینـووتر له‌ هــه‌زار هه‌نگاو
برســـیترله ‌بـاڵه‌كانی په‌نجه‌ره‌
بۆ پــــه‌رواز
تـــابێ په‌نجه‌ره‌ترین شه‌قـام
چاوه‌ ته‌ماوییه‌كانم
له‌ ئه‌و په‌ڕی سنــووره‌وه‌
دێــته‌وه‌ نـاو
په‌نجـه‌ره‌تریـنته‌مـاشـات
تا سه‌فه‌ری گه‌ڕانه‌وه‌
ئاوڕێـكو ئـاورێكی ئاهوورایی چـاوه‌كانت

زستانی81
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
  #5  
قدیمی 12-02-2013
behnam5555 آواتار ها
behnam5555 behnam5555 آنلاین نیست.
مدیر تاریخ و بخش فرهنگ و ادب کردی

 
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172

3,713 سپاس در 2,008 نوشته ایشان در یکماه اخیر
behnam5555 به Yahoo ارسال پیام
پیش فرض

په‌یكان

ئه‌ها په‌یكی شه‌هی شاهان چ خۆش په‌یمانه‌ وو په‌نده
په‌راوێزی په‌ڕِه‌ی عه‌شقی به‌‌ڕێژنه‌ هه‌وری گۆڤه‌نده

كه‌ بارین و تریشقه‌ی هه‌وری دڵ ژیلوانی چاوانم
له‌ قه‌ڵبه‌ز شیوی گۆنام و له‌ ڕووباری دڵم مه‌نده

گه‌مارۆی كه‌پری عه‌شق و دڵ له‌ نیساری بزه‌ی تۆ دا
كه‌ دیل و كه‌ل په‌چه‌ی به‌نده‌ و كه‌ ئه‌سری دیده‌ نابه‌نده

بڵێ مه‌ولا له‌ مه‌ولا من له‌ له‌یلا لاده‌م و له‌ی لا
وه‌كه‌م لێرانه‌ من ڕێگه‌م له‌ ڕێگه‌ی تۆ وه‌بم به‌نده

ڕوخی دژوار و دژ داماو و ژێ ژانی نیگاهێكم
په‌ڕی ئاوازی شه‌تره‌نجت له‌ له‌نجه‌ت بۆ سیامه‌نده

كه‌ دیم نا دیمه‌نێكی چڕ له‌ سوڕماوی له‌ سورماوی
دوو چاوی دیم كه‌ نابینێ دوو چاوی ماشقه‌ی ڕه‌نده

ده‌ دیمنا بێژه‌ ڕه‌نجاوی په‌چه‌ت تا كه‌ی به‌ ئاڵۆز و
به‌ داردارداری سێ داره‌ی قژت خاچی دڵم به‌نده‌



تۆ

مۆسیقا جه‌سته‌م ئه‌ته‌زوێنێ و هه‌وار و چاوی تۆ
شاده‌ماری شه‌هدی زارم بۆ به‌هار و ناوی تۆ

تۆ له دونیادا ته‌ك و ته‌ك هه‌ر به‌ واتای بێ منی
من حه‌شاری شاری چاوم بۆ به‌هار و ناوی تۆ

تۆ له‌ پێناوی من و ماتیك و من بۆ چاوی تۆ
من به چاوم ڕێ ئه‌هه‌نگێوم گڕاوم خاوی تۆ

گه‌ر برۆ په‌رژینی چاوی چاوه‌كه‌م بێ ئه‌ی له‌ بۆ
هه‌ر به‌ تاتۆ دێته ‌ڕوو هه‌یوانی ساو و تاوی تۆ

هه‌نگوینی سنگی هه‌ور و چه‌تری چاوی یه‌ك به‌هار
سێبه‌ری هه‌نگاو ئه‌كێشێ بۆ كه‌ناری ساوی تۆ

جا فتۆشاپی جوانیت بێ فلاش و بێ په‌ره‌نگ
من ئه‌خاته‌ سه‌رزه‌مینی بێ به‌ر و بێ ئاوی تۆ

بێ موبایل،دووربین و وێب وێنه‌ت له‌ ئه‌لبۆمی هه‌ور
كام هه‌ور هه‌وری دڵم بۆ،بۆ ته‌وار و باوی تۆ

باو و باوانی من و تۆ شێوه‌كار و شیوی كار
شیوی سه‌ر گۆنات و گۆنا ئاسه‌واری داوی تۆ

له‌نجه‌ وو له‌رزه‌ و له‌رانی بێشكه‌كه‌ی ناو ئاسمان
دێته‌سه‌ر له‌نجه‌ی له‌رینت لێڕه‌واڕ و ماوی تۆ

" فوئاد جه‌هانی " بانه


__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن

دل به هیوات لیده دا , لانکی دلی
تو له وه رزی یادی مه ن دا , سه رچلی

خالید حسامی( هیدی )
پاسخ با نقل قول
پاسخ


کاربران در حال دیدن موضوع: 1 نفر (0 عضو و 1 مهمان)
 
ابزارهای موضوع
نحوه نمایش

مجوز های ارسال و ویرایش
شما نمیتوانید موضوع جدیدی ارسال کنید
شما امکان ارسال پاسخ را ندارید
شما نمیتوانید فایل پیوست در پست خود ضمیمه کنید
شما نمیتوانید پست های خود را ویرایش کنید

BB code is فعال
شکلک ها فعال است
کد [IMG] فعال است
اچ تی ام ال غیر فعال می باشد



اکنون ساعت 10:39 AM برپایه ساعت جهانی (GMT - گرینویچ) +3.5 می باشد.



Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)


سایت دبیرستان وابسته به دانشگاه رازی کرمانشاه: کلیک کنید




  پیدا کردن مطالب قبلی سایت توسط گوگل برای جلوگیری از ارسال تکراری آنها