ده‌ترسم له‌وه‌ی ڕۆژێک بێت هه‌واڵی من نه‌گا ت به‌تــۆ
تۆش نـــاوی من له‌بیربکه‌یت دڵت عه‌شقم نه‌گرێته‌خۆ

ده‌ترسم خۆری ئـــــــاواتم له‌به‌یانیدا ئــــــــــــــــاوابێ
ده‌ترسم عه‌شقم تا مردن له‌ دڵی تۆدا ســـــــــاوابێ

ده‌ترسم زاوایه‌ک په‌نجه‌ت کۆت و به‌ندکـا به‌ئه‌ڵقه‌یه‌ک
ده‌ترسم له‌و ڕۆژه‌ی حاکم تۆم له‌ده‌ستبا به‌ به‌ڵگه‌یه‌ک

ده‌ترسم کاتێ بتبینم تۆ بوک بی له‌ ئاهه‌نگێــــــــــــکا
ڕوخساری گه‌شت لێم دوربێ له‌ژێر تارای هه‌ر ڕه‌نگێکا

ده‌ترسم زۆریش ده‌ترسم ئه‌مـــــــــانه‌ هه‌مو بێنه‌ دی
نه‌ من ده‌ستم بگا به‌ تۆو نه‌ بهێـــــڵن تۆش بۆ من بی

رؤح سوك وسبى و خربنى
له ناسكى دا ئه لييى هه لبه سته كانى منى
بؤيه هه رجى ئه تبينى له جى خؤيا وه ستاوه
سه يرى هه مووكيانت ئه كامن نه بى هه رده م جاوه
هه رله دوورخؤشه ته ماشاى تؤيه كى وه كوبه رى
هاوسه ريت خه يالى سه رى هه موو كه سه
من نه بى روخؤش و مه يل و ووته م به سه
نازانم ئه م خؤشه ويستيه له كويوه به يدا ئه بى
به بووله بؤجرا بولبول بؤكول بؤجى شه يدا ئه بى
سوعبه ته ئه كينا ئه زانم بؤ جييه
حه زى عه شق و ئه وين هه مووى هؤى جوانيه
كه مادام تؤيه ك ئه وه نده شؤخ وشيرين و جوانى
وه كو حه زره تى يوسف نسخه ى تايبه تى يه زدانى
حه قى خؤته جاوه كه م ئه كه ر نازيش بكه ى به سه رما
جونكه به ركى باشاى عه شقت كردووه به به رما

ديوانى نامه ى كله يى
عبدالكريم عبدالله كريم

شيتى عه شقى تؤم

كاتيك ئه ليم خؤشم ئه وى بؤبه شيت ناوم ئه هينى
كالته ت به قسه كانم دى و به نازه وه بيئه كه نيت

بيم ئه ليى وه ره وه سه رخؤت تؤهؤشت لاى خؤت نه ماوه
يان به ته واوه تى تيكجويت عه قلى خؤشت له ده ست داوه

ئاخركيانه ئه كه ر شيت بم ته نهابؤعه شقى تؤشيت بووم
خؤبه رله وه ى تؤبناسم خاوه ن عه قليكى كه وره بووم

به لام جيبكه م هينده دورى ته نها خه يالى تؤئه كه م
ئه ى نازانى وه كوفرميسك به كلينه تا ريى ئه كه م

له خؤم زياترخؤشم ئه وى تؤش جاريك بؤلام نه هاتى
ئه كه ر عه شقى تؤنه بوايه قه ت بيت نه ئه وتم شيتى

تۆم هه‌ر له‌ بیره‌


له‌شایدا له‌ وه‌ختی هه‌ڵپه‌ڕینا
له‌ خۆشیدا له‌ کاتی پێکه‌نینا
له‌ کۆڕی ماته‌م و گریان و شینا
ئه‌من ئه‌ی نیشتیمان تۆم هه‌ر له‌ بیره‌

به‌ شه‌و تاکو به‌ سه‌رما زاڵ ده‌بێ خه‌و
به ‌ڕۆژ تاکو دووباره‌ دێته‌وه‌ شه‌و
له‌ کاتێکدا که‌ د‌ه‌دوێنم ئه‌م وئه‌و
ئه‌من ئه‌ی نیشتیمان تۆم هه‌ر له‌ بیره‌

زه‌مانێکی که‌ ده‌چمه‌ سه‌یری گوڵزار
له‌ گه‌ڵ پۆلی ره‌فیقانی وه‌فادار
ته‌نانه‌ت وه‌ختی ده‌سبازی له‌گه‌ڵ یار
ئه‌من ئه‌ی نیشتیمان تۆم هه‌ر له‌ بیره‌

له‌ کوێستانێ وه‌ختی ڕاوو شکارێ
له‌ مه‌زرایه‌ که‌ خۆم هه‌ڵکرد له‌ کارێ
له‌ جێژوانێ که‌ ده‌گوشم ده‌ستی یارێ
ئه‌من ئه‌ی نیشتیمان تۆم هه‌ر له‌ بیره‌

ده‌که‌م ته‌رخان له‌ ڕێی تۆدا ژیانم
لو سه‌نگه‌ردا به‌ره‌و ڕووی دووژمنانم
به‌ خاکی تۆ ده‌می ئاویلکه‌ دانم
ئه‌من ئه‌ی نیشتیمان تۆم هه‌ر له‌ بیره‌


له‌ شیعری ( هێمن )
سه‌رچاوه‌ له‌ دیوانه‌که‌ی شاعیر وه‌رگیراوه‌

وه‌فا بۆ کچێک

وه‌فای ئه‌و کچه‌ له‌ لامه‌
بریا ساتێ لایبامه‌
تا له‌ ناخم هه‌ڵ ڕێشتبا
ئه‌وه‌ی له‌ دڵم مه‌رامه‌
به‌ڵام دووری ڕێ نادا
هانام برده ‌ به‌ر ( نامه‌ )
به‌ خوێنی دڵ ده‌نووسم
وه‌فاکه‌ت چه‌ند به‌ تامه‌
که‌ چاو له‌ چاوم ده‌بڕی
چه‌ند شێت و چه‌ند شه‌یدامه‌
له‌ دووریت هۆ شل و مل
دایم له‌ دۆزه خ دامه‌
به‌ چه‌ند سۆزه‌ هۆنراوه‌
ده‌رم بڕی به‌ وه‌فامه‌
ده‌تۆش وه‌فا ده‌رببڕه‌
له‌ بۆم بنێره‌ نامه‌

نووسينى: حاتةم باتاسى

گۆرانی وه‌ته‌ن


شاعیر( فایق بێ که‌س )

خوایه‌ وه‌ته‌ن ئاواکه‌ی
چه‌ند دڵگیرو شیرینه‌
ده‌شتی خۆش و ڕه‌نگینه
‌ئاوی که‌وسه‌ره‌ ، خاکی گه‌وهه‌ره‌
پڕ له‌ گوڵ و نه‌رسرێنه‌

سه‌یرانگای به‌هارانی
سه‌وزه‌ گیای نه‌رم و جوانی
سه‌د دڵ ئه‌بێ حه‌یرانی
‌ئاوی که‌وسه‌ره‌ ، خاکی گه‌وهه‌ره‌
پڕ له‌ گوڵ و نه‌رسرێنه‌

شاخی به‌فرین و به‌رزه‌
بۆ ڕابردوومان ڕه‌مزه‌
چیمه‌نی جوان و سه‌وزه‌
‌ئاوی که‌وسه‌ره‌ ، خاکی گه‌وهه‌ره‌
پڕ له‌ گوڵ و نه‌رسرێنه

ئه‌م شوێنه‌‌ شوێنی کورده‌
جێی قاره‌مان و گورده‌‌
لانه‌ی شێری نه‌به‌رده‌
‌ئاوی که‌وسه‌ره‌ ، خاکی گه‌وهه‌ره‌
پڕ له‌ گوڵ و نه‌رسرێنه‌

وه‌ته‌ن چاوی لێمانه‌
ده‌ری که‌ین له‌ ته‌نگانه‌
حه‌یفه‌ بێته‌ وێرانه‌
‌ئاوی که‌وسه‌ره‌ ، خاکی گه‌وهه‌ره‌
پڕ له‌ گوڵ و نه‌رسرێنه‌


سه‌رچاوه‌ / له‌دیوانی ( فایق بێ که‌س ) ی شاعیر وه‌رم گرتووه‌ .

بڕۆ گیانةخوات له‌گه‌ڵ بێ

خۆشه‌ویستی منیش با بۆ ژێر گڵ بێ

چه‌نم ووت زووه‌ بۆ بڕیاردانت له‌ خۆشه‌ویستی

به‌ڵام خواستی دڵت بوو ویستی

ئێستاش ئه‌م خاکه‌ وه‌فاداره‌

بێ وه‌فای وه‌ک تۆ ده‌دا له‌ سێداره‌

بڕۆ ئیتر بڕۆ بێ وه‌فا

بڕۆ وازبێنه‌ با بێ وه‌فاییت نه‌م گرێته‌وه‌

شه‌رمه‌زاری به‌رامبه‌ر من و خاکه‌که‌ت

چونکه‌ سه‌دانی وه‌ک تۆی بێ وه‌فا ئه‌م خاکه‌ له‌ که‌دار ئه‌که‌ن

سه‌رانسه‌ر دونیا بێ وه‌فای وه‌ک تۆناگرێته‌ خۆ

شه‌رمه‌زاری شه‌رمه‌زاری بێ وه‌فا تۆ

بڕۆ نه‌فره‌ت له‌ تۆ و له‌ عیشقی تۆ

منت کرده‌ قوربانی بێوه‌فایی و درۆ

دیاری

گیانه‌ وه‌نه‌وشه‌وچنوور له‌گه‌ڵ گوڵ
سه‌ودای دیده‌نی تۆیان که‌وته‌ دڵ
چنوور له‌ کێوان ، وه‌نه‌وشه‌ له‌ چه‌م
گوڵ له‌ گوڵستان یه‌کیان گرت سه‌رجه‌م
هاتنه‌ لام ووتیان ؛ تۆ رابه‌رمان به‌
ئه‌مه‌مان بۆ بکه‌و تاجی سه‌رمان به‌
ئه‌وا هه‌رسێکم به‌ستن به‌ده‌سته‌
هاتنه‌ خزمه‌تت به‌ ده‌ستی به‌سته‌
هه‌ر یه‌ک به‌ ڕه‌نگێ مه‌رامی پێته‌
بۆ نیازی خۆی خاکی به‌ر پێته‌
چنوور بۆ زووڵفت لوول و په‌شێوه‌
وه‌نه‌وشه‌ مل که‌چ خاڵی لای لێوه‌
گوڵ که‌ نازکی گۆنای تۆی دیووه‌
چقڵی خۆی له‌ ژێر پێی هه‌ڵچه‌قیووه‌
تۆ پایه‌ به‌رزی شای شیرین ئه‌ندام
با له‌ سایه‌تا بگه‌ن به‌ مه‌رام.

هه‌ڵبه‌ستی ( پیره‌مێرد ) ی شاعیر

له‌ ده‌رزی پچه‌وه‌

جاده‌ چۆڵ و سێبه‌ر بوو کاتی به‌یانی
ئه‌ڕۆیشتم خه‌یاڵاوی ئه‌مڕوانی

بۆ سه‌وزایی ده‌وروپشتم بۆ ئاسمان
بۆ شاخی به‌رز خانووی تازه‌ دنیای جوان

ئه‌ڕۆیشتم به‌ ئه‌سپایی کش و مات
لاشه ‌سست و دڵ که‌یلی تاسه‌و ئاوات

له‌ پڕ نازانم چۆن سه‌رم هه‌ڵبڕی
به‌رامبه‌رم به‌ژنێک ده‌رکه‌وت وه‌ک په‌ری

له‌گه‌ڵ ئه‌وه‌ی له‌ عه‌باوه‌ ئاڵا بوو
له‌ دیمه‌نی شیرینی ئاشکرا بوو

باڵا به‌رزو بچکۆڵه‌ پێ و ئیسکارپین
گۆره‌ی و پووز سفت و سپی و ئاوڕیشمین

ئه‌ڕۆیم و دزه‌ی نیگام جار جارێک
له‌ ژێر عابای ڕه‌شا ئه‌یدی نازدارێک

به‌ ڕه‌وتی که‌و له‌نجه‌ی تاوس و قومری
گورج گورج جوان جوان ئه‌هات و جاده‌ی ئه‌بڕی

مابووی بگاته‌ عاستم چه‌ند هه‌نگاوێ
درزێ که‌وته‌ په‌چه‌و دیم نیگای چاوێ

ده‌ستو په‌نجه‌و مه‌چه‌کێک و نیگایه‌ک
چی بنووسم ؟ خوایه‌ هێزی ئینشایه‌ک

قۆڵ و مه‌چه‌ک ساف و سپی وه‌ک شووشه‌
سه‌رپه‌نجه‌کان یاقووتێک بوون به‌ ووشه‌

بێینه‌ سه‌رچاو، چاوێک بڵێم چ چاوێک
کانی سیحر ده‌ریای عیشوه ‌ گێژداوێک

که‌وا که‌وته‌ به‌رشه‌پۆڵی هه‌ستی من
له‌و ڕۆژه‌وه‌ هه‌ر نوقم ئه‌بێ به‌ره‌و بن

شیعری ( گۆران )

چــه‌ند جار ده‌ستت کرده‌ ملــم

چــه‌ند جــــار ده‌ستت كـــرده‌ ملم ووتت ته‌نها تۆم خۆش ئه‌وێ
چه‌ند جـــــــار بــــــــۆ ئێش و ئازارم خه‌وت زڕاند نیوه‌ی شه‌وێ

چه‌ند جــــــــار لـــــــه‌ خوا پاڕایته‌وه‌ ووتت مــه‌رگ پێشت كه‌وێ
چه‌ند جـــــار ووتت جێــــــم مه‌هێڵه‌ بـــــه‌ بـێ تۆ دڵ ناسڕه‌وێ

ئه‌ی بۆ ئێستا خــــــۆشه‌ویستی و ئێش و ئازاری مه‌رگی مـن
ئاواتـــــی شیرینی تۆیه‌ لــــه‌ گیانــــــی مـــــن بوی به‌ دوژمـن

خـــــۆشـه‌ویستم زۆر له‌ مـــــێژبوو بــــه‌ دوای تۆدا ده‌خولامه‌وه‌
له‌ پێنـــــــــاوی خۆشه‌ویستیت هــــــــه‌زاران جــــار ئه‌توامه‌وه‌

تــــــــــۆش ئــــــــــه‌وكــــــاته‌ لــه‌ من زیاتر عشقت له‌ دڵدابــوو
زۆر چاك پارێزگاریت ئه‌كرد هــــــه‌رچی په‌یمـــــــان و وه‌فـا بــوو

بــــه‌ڵام ئیستا هه‌رچی وه‌فا و چی خۆشه‌ویستی و په‌یمــانه‌
له‌بـــــه‌ر چــــــــاوی تـــــــۆ ڕه‌ش بوه‌ هه‌مووت لا بوو به‌ بێگانه‌

تۆ چۆنی بویــی منیش وامه‌ ئـــــه‌ی خۆشه‌ویستی ڕابـردووم
منیش وه‌ك تۆ په‌شیمانم ده‌ڵێم دیـــــاره‌ زۆر هـــــه‌ڵـــــه‌ بووم

زیـاد ئه‌سـعه‌د