زنجیر

زنجیر فه‌رمووی ئاوه‌دانه‌ ئازاری رووناکی
زنجیر گێڕانه‌وه‌ی دارستانی دڕنده‌کانه‌
زنجیر جیڕه‌ جیڕی ده‌رگای بکووژه‌کانه‌
زنجیر ملوانکه‌ی په‌پووله‌کانی دوکه‌ڵه‌

زنجیر، خۆشم ده‌وێی.

به‌ پێی چ به‌ڵگه‌یه‌ک شاعیرێک دزه‌؟
به‌ پێی چ به‌ڵگه‌یه‌ک پیاوکوژێک شاعیره‌؟

مه‌مله‌که‌تی من دژی تاریکییه‌.
رووناکیش ده‌فه‌وتێنێ.
مه‌مله‌که‌تی من دژی شه‌ڕه‌.
ئاشتیش ده‌خنکێنێ.

زنجیر، ره‌گه‌زت ده‌چێته‌وه‌ سه‌ر سروودی سه‌رگه‌ردانی.
به‌ پێی چ به‌ڵگه‌یه‌ک به‌خشه‌نده‌یه‌ به‌ڵێنی رزگاری؟
لاجانگی زه‌رده‌گیای ده‌شتی بێده‌نگی ده‌لێسمه‌وه‌
سینگی به‌سته‌ڵه‌کی شارێک ده‌ڕنمه‌وه‌.
که‌لێنی گه‌نده‌ڵی گریان ده‌هۆنمه‌وه‌.

ئازادی فه‌رمووی:
زنجیر هاوڕێی هه‌رێمی ئاشتییه‌.
هاواری خۆشه‌ویسترین زۆرداره‌.
سه‌لماندنه‌، تێگه‌یشتنه‌، قووڵایی قیژه‌ی مردنه‌،
ره‌وتی رووداوی روونترین رووباری رووناکییه‌.

ئه‌رسه‌لان چه‌ڵه‌بی

بێ‌ئاڵۆزی و پێچ و په‌نایه‌ک

سه‌رما سه‌ر له‌ به‌یانی
ده‌ناڵێنێ (خڵته‌ت دێته‌وه‌) به‌ که‌لێنه‌ رزیوه‌کانی له‌شت
خوێنت نوێ ده‌بێته‌وه‌
که‌ (ت-ر-ا-م-ا-دۆڵ
پێشکه‌ش ده‌کا، سڵاوێک له‌
"گورچیله‌ت"
زبڵ زۆرداره‌ له‌ کۆڵان
شه‌قام به‌ ئارامی ده‌تتڕێنێ...
شان به‌ شانی شه‌قێکی سه‌رما
له‌ به‌یانییه‌کی بۆگه‌ن
ده‌ستت له‌ گیرفان و
خخخخخخخخخخخخخخخخخخخخخخخخخخ: خڵت ، خڵت ، خڵت
ئیسفاڵتی ژێر پێڵاوه‌کانت ده‌خووسێنی
گه‌رووت گه‌ندڵترین رسته‌ ده‌بزوێنێ
به‌ لووتی سه‌گێکه‌وه‌
بۆن ده‌که‌ی برینی بن ملت
سه‌رگه‌ردان
سه‌ر له‌ به‌یانییه‌کی سارد
سه‌رما ده‌تبه‌زێنێ و
به‌ قاناو
به‌ زبڵ
به‌ ئافتاوه‌
به‌ هه‌ڵمی گه‌رمی میز
به‌ بزه‌ی پیسی مرۆڤت ده‌ناسێنێ.
چوارڕایه‌ک نه‌خۆشی ده‌تگه‌وزێنێ
سیگار ده‌ستت ده‌کێشێ
بۆچرووکی خوێنت
گۆشتت ده‌ناڵێنێ.
مژ به‌ دوای مژ
بڕژۆڵت ژه‌نگ دێنێ
دڵدارت ده‌بینیه‌وه‌ و
(هه‌ڵبه‌ت له‌ خولیای خوێریه‌تیتدا)
دڵدارت کچێک بوو
گاڵته‌ی تێچه‌قاندی، ماچێکی ره‌قی تێگه‌یاندی
به‌ هه‌ڵترووشکان پێیاسه‌ "ده‌که‌ی"
بۆنی مرۆڤ ده‌که‌ی
مرۆڤ ده‌که‌ی
ده‌که‌ی
د
ه‌
ک
ه‌
ی.

ئه‌رسه‌لان چه‌ڵه‌بی

ئه‌و شێعره‌ پێشکه‌ش ده‌که‌م به‌ هه‌موو مناڵه‌کانی "وان"

نهێنییه‌ک

ده‌ڕووخێ بنمیچی ماڵێک
که‌ شه‌یداتر دایکێک ده‌نووسێته‌وه‌:
"چاوه‌ڕوانی"
"وان" په‌پووله‌ی شه‌مزاوی داوێنی نیشتمانمه‌
یه‌خه‌ی که‌س ناگرێ و
باڵنده‌ی هیچ وڵاتێک نافه‌وتێنێ.


ده‌ڕووخێ دڵی دووره‌ده‌ستی مناڵێك
که‌ خه‌ون به‌ خنکانی جه‌ڵلاد ده‌بێنێ و
خنکاوتر خه‌ونی باوکی
که‌ خه‌رمانی خه‌فه‌ت ده‌ی‌هاڕی.


له‌ "وان" چۆله‌که‌یه‌ک گڕی گرت...
ناخی دووکه‌ڵێک ئۆقره‌ی لێ له‌ت کرد
رۆچنه‌ی هه‌تاوی لێ په‌ت کرد
به‌ ده‌م بزه‌ی پێش گریانی مناڵه‌کانه‌وه‌،
ته‌پ و تۆزێک لێی هه‌ڵکرد.

ئه‌رسه‌لان چه‌ڵه‌بی

پێشکه‌ش به‌ گوڵی بیابان

بێ جیاوازی

له‌ سوور گه‌ڕێ که‌ ره‌گی ناو له‌شت زه‌رده‌ی دێ له‌ ژان...
تۆ پیاویکی که‌ پارووی قه‌ڵا با ناده‌ی؛
به‌رۆکی خۆت ده‌گری و
حوکمی خۆت ده‌ده‌ی...


"ئازادی"
بیری پچڕاوی ئاسک له‌ چنگی شێردا...
"ئازادی"
هه‌رێمی ئاوه‌دانی کۆمه‌ڵێک قالۆنچه‌...
"ئازادی"
شه‌ڕه‌ ئێسقانی دوو سه‌گ له‌ که‌لاوه‌یه‌کدا...


له‌ سوور تێپه‌ڕه‌ که‌ ره‌گی ناو له‌شت پچڕا
تۆ کچێکی که‌ ژان ده‌ناسی؛
سینگی خۆت ده‌دڕی و
مرۆڤ ده‌سه‌لمێنی.

ئه‌رسه‌لان چه‌ڵه‌بی

ئه گه ر ویستیان

شێعره کانم
به تاوانی دراوسێتی
له گه ڵ باڵنده کانی دارستان
ده سبه سه ر که ن

رسته کانم

به تاوانی دۆسایه تی
له گه ڵ هاژه ی چه م و رووبا ر
بخنکێنن
وشه کانم بسووتێنن
له به ر ئه وه ی
له گه ڵ زایه ڵه ی ده نگی کوێستاندا
هاوپه یمانن ،
ده ربه ست نایه م
یه که یه که
پیته کانم دائه سپێرم
شوێن پێ بازه کاني كوێستان هه ڵبکه ن و
بگه ن به ئه و ناونیشانه ی
زه ریا به گوێ
دارستان و چه م و چیادا چرپاندی...

بيان عليرمايي

ئه مه ش شێعرێكي هورامي :

ئانا زمسان
کۆڵی‌ وه‌روینش پێچنان
به‌ڵام هیشته‌ی
چی که‌وێڵوو ته‌نیاییمنه‌
وازم چه‌نه‌ نمارا و
حه‌ر زیاڏ مه‌که‌را.....
جه قووڵی كام حه‌ساره‌و تاسه‌و وێم
په‌يت بنويسوون؟...
هه‌وارو دڵيم
بێ که‌وێڵۆ چه‌مه‌كات
چۆڵ و هۆڵ و
پێسه‌و يانه‌كه‌و مه‌وله‌وی
عاڏه‌تش به ته‌نيایی كه‌رده‌ن.
ئي وه‌هاره
ده وه‌ڵگێم
جه ده‌فته‌روو دووری تۆ سياو كه‌ردینی
ئي دڵه شێته مانيا
سياوچه‌مانه‌كه‌و وێش وانان و
هه‌ر چه‌مه‌ڕان
... جا بۆرێوه
با ئي دڵه ، ویانێ دووريت نه گێرۆ
با خه‌مه‌كا
چه‌نه‌م دوور گنا
با ئي فه‌سڵه قات و قڕوو جوانيه
بلۆ و گردیما
بياومێ وه‌هار.
...ئازيزه‌كه‌م تۆ ناماي و
ئي فه‌سڵه‌یچمه‌ جه ده‌س شي.

بيان عليرمايي