ترف تيون!

http://taftan.persiangig.com/Crocus4.jpg

گول ئه‌سره‌يل ئاهوو پر له‌خيونه
خودا زاني گ حال ئيمه چيونه

چه‌نيگه كه‌وتره‌يل گومبه‌زه‌يلي
له داخ نوو گوله‌يلد ته‌رف تيونه

عطرگه‌ي شوبو

http://www.golnazvala.com/weblog/images/kokab1.jpg

كه‌مي كه‌وتر ، كه‌مي ئاهوو بوارن
خودايا عه‌تره‌گه‌ي شه‌وبوو بوارن

دواره له‌ي كه‌وين گومبه‌زه‌يله
ده‌سيگو يه‌ي عه‌له‌م چيو كوو بوارن

چه‌نيگه ...!

http://theorganicgardeners.com/photos/coleus.jpg

چه‌نيگه ژان به‌ش باله‌يل ئيمه‌س
چه‌نيگه شه‌و ره‌نگ تاله‌يل ئيمه‌س

عه‌له‌مدار و خه‌م وخيون و په‌ژاره
چه‌نيگه مه‌خش ئي ساله‌يل ئيمه‌س

آگر بریل !

http://www.aftab.ir/lifestyle/images...ee970ab17c.jpg
خودايا شين و وه‌ي چوه‌س له‌ي شه‌وه‌يله
چماني رو رو ئاگر به‌ره‌يله

دواره شام عاشووراس و شين كه‌ن
فريشته‌يل فه‌له‌ك راي بي‌سه‌ره‌يله

زه‌لان هات‌و...

http://www.florifacts.umn.edu/Trials...0Sun%20378.jpg

چنگي واران ، چنگي گيسه ، چنگي خيون
زه‌لان هات‌و وه‌قينه‌و هه‌لكه‌ني سيون

به‌ش ئات و عه‌يالد ده‌ردو داخه
حوسه‌ين گيان ! خه‌يمه‌گاند جار تر بيون

دواره هاتيه...

http://daneshnameh.roshd.ir/mavara/i...llidaceae2.JPG

دواره هاتيه رووژي‌گ ده‌رده
دلم گير خه‌مه‌يل ده‌وره‌گه‌رده

دواره ئمته‌حان سه‌خته ياران
ئراي ياري حوسه‌ين كي له‌يره مه‌رده ؟!

به‌شم ئاگر...

http://mw2.google.com/mw-panoramio/p...um/8879026.jpg


به‌شم ئاگر له‌ئي زمسانه بارن
رچگياس ئاسووه‌يلي گ ديارن

هزار و سيسه دو چه‌ن سال سه‌خته
تمام ئه‌وره‌گان خيون له‌يره وارن

بي چراخ ...


http://www.brantflorist.com/images/P...s/BF2453_m.jpg

تمام ئه‌وره‌گان گيرن وه داخه‌و
تمام وه‌لنگه‌گان شين كه‌ن وه باخه‌و

هزار وسيسه دوچه‌ن ساله سه‌ركه‌ن
تمام شامه‌گان وه بي چراخه‌و

عه‌له‌مدار خه‌مه‌يل خيون وه شان...

http://www.golnazvala.com/weblog/images/kokab2.jpg

بيه‌ن ئاگر له ئازاگه‌ي سقانم
گ شايه‌د زه‌خمه‌گه‌ي گيان هه‌لكلانم

له‌داخ ئه‌و عه‌له‌مدار شه‌هيده
عه‌له‌مدار خه‌مه‌يل خيون وه شانم

هه‌ناي ئي مانگه ‌تي...

http://www.rosaflora-flowers.com/ima...st-red-lge.jpg


هه‌ناي ئي مانگه ‌تي ئاگر گري گيان
مه‌له‌يل خه‌م خوه‌نن له سه‌ر كلاوان

ته‌مام شانيه‌يلي به‌ش به‌شه‌و كه‌ن
خه‌م مه‌رگ حوسه‌ين داوان وه ‌داوان