|
جێ ژوان
جێ ژوان ئه‌و په‌نجه‌ی وا له بێ هێزی ده‌له‌رزێ کوشیویه‌تی مه‌مکۆڵه‌ی باڵابه‌رزێ ئه‌و ددانه‌ی ئێستێ نه‌ماوه تاقی گه‌ستوویه‌تی زۆرجار چه‌نه‌گه‌ی ساقی ئه‌و چاوانه‌ی سۆمایی لێ بڕاوه هێند له جوانان داگیرا، داگیراوه ئه‌و لێوه‌ی وا ئێستێ باری گرتووه کوڵمه‌ی نه‌رم و نۆڵی یاری گرتووه ئه‌و باهۆیه‌ی زه‌مانه لێی بڕی هێز کام کیژ جوانه گرتوویه‌ته نێو ئامێز ئه‌و دڵه‌ی وا ژوانی ده‌ویست و جوانی ئێستا پڕه له خه‌م ، له نیگه‌رانی ئه‌و پێیانه‌ی شه‌ره‌زه‌ی کردوه کوتر و کوان ماندوو نه‌بوو قه‌ت له هاتوچۆی جێ ژوان هێمن |
کوشتمی و شه‌ش‌خانی ئومێدی له‌من گرتن حه‌ریف مۆره هه‌ڵداوێم و بێ هوده به‌هیوای دوو شـــــــــه‌شم "هێمن |
چاویلكه
چاویلكه له‌وده‌مه‌ی ڕا دڵم لێی داوه بۆ ژوان من دێوانه‌ی چاوی جوانم چاوی جوان گه‌رچی خه‌ڵكی وڵاتی چاو جوانانم چاوی جوانم نه‌دی تێر به چاوانم هه‌تا لاو بووم چاوی جوانم لێ ون بوو په‌چه و ڕووبه‌ند و چارشێوم دوژمن بوو ئێستا پیرم و كه‌وتومه‌ته ئاویلكه چاوی جوانم لێ ون ده‌كا چاویلكه "هێمن" |
ماچی شیرین
ماچی شیرین بــە منداڵی لە لێـــوی ئاڵی تـــۆم ئەستاندووە مـــــــاچێ بە پیریش لــــەززەتی ئەو مــــاچە شیرینەم، لـە بیر ناچێ بەسەد دوکتۆر و دەرمان و پەرستار ناکـــــرێ چــــــارەی کەسێك تیری مژۆڵی ئـــەو کچە کــــوردەی لەدڵ راچێ دەکــا گیرۆدەتر پیرانــی دڵـــتەر، ئەوکــــچە کــــــوردە بچێتە مەکتەب و بسکی بە مــــۆدەی تــازە هــــەڵپاچێ خەم و دەردی زەمـــانە پیری کــــردم ، وشك بێ زەوقم کەشاعیر وشك و بێ شۆربوو دەبێ لەناو خەڵکی لاچێ لــەگـــۆشەی بێکەسیدا ئێسیە وا دڵتەنگ و خــــەمبارم نیە باکـــم ئەگـــــەر ماڵــــــم بەجـــــارێکی بەقوردا چێ بەشی کوردێـــکی زانـــا لەم ووڵاتــــە مەینەت و دەردە ئەوی نەتویست بڵــێ رەببی بەدەردی کــوردی زانا چێ لەناو بازاری ئەورۆکەی ئەدەبدا شیعری تۆ (هـــێمن) وەکــوو پووڵی چرووکە ، هیچ رەواجێکی نیە ، ناچێ هێمن |
یادم بكه‌ن
یادم بكه‌ن |
ئه‌سیری که‌زیه‌ته کۆتری دڵی من ده‌بێ حاڵی چ بێ کۆتر له تۆڕا ؟ سه‌ر و ماڵ و که‌ماڵ و بیر و هۆشم له نه‌ردی عیشقی تۆ دا پاکی دۆڕا "هێمن" |
له به‌ر ده‌رکی ڕه‌شماڵان
له به‌ر ده‌رکی ڕه‌شماڵان ده‌بینی چاو که‌ژاڵان دڵان ده‌به‌ن به تاڵان کاس ده‌که‌ن کوڕ و کاڵان ..... لێو ئاڵن، ده‌م بچووکن خوێن شیرن ، ڕه‌زا سووکن کوڵمه‌یان وه‌ک گڵوکن گه‌وره کچن ، نه‌و بووکن ..... شل و مل و له‌بارن چاو به‌کل ، گوێ به گوارن ده‌سماڵ پووڵه‌که‌دارن شه‌ده و گێلگێله‌دارن ..... ناسک و نه‌رم و نۆڵن خاوێنن ، سپی و سۆڵن بڵباسی و توند و تۆڵن به مژۆڵ جه‌رگان ده‌کۆڵن ..... هه‌ڵیان ماڵیوه باسک باسکی قه‌ڵه‌و و ناسک که ده‌که‌ن تاسکه تاسک ڕه‌وه‌کترن له ئاسک ..... کیژی مه‌زرینگ و سه‌کردن به له‌نجه و لار ڕاده‌برن ناز ده‌که‌ن چاو داده‌گرن کوڕگه‌ل ده‌به‌ریان ده‌مرن "هێمن" |
چۆن ده‌بێ سه‌ربه‌ست، گه‌لی ژێرده‌ست، که کچ دابه‌سته بێ؟! بـــه‌س نــه‌بـــێ ئــــه‌و کــۆیله‌تی و ئــه‌و کچ له ژوور دابــه‌ســتنه! ده‌رکی داخستـــــوه لــــه تــــۆ بـــابت کــه‌چـــی ده‌رکـــی نـــیــه ده‌رکــه داخـــســتـن لــه تـــــۆ، ده‌رکــــی هــومــێــد داخـسـتـنـه هێمن |
ڕه‌نجی دووری دولبه‌رم بۆ كوشتنی من كافیه گه‌ر له دنیادا ئه‌من هیچ مه‌ینه‌تی دیكه‌م نه‌بێ "هێمن" |
داڕزینه، مردنه، ئاخر هه‌تا که‌ی پێت بڵێن نابێ بێته‌ده‌ر له ماڵێ، مافی ژیانی کوا؟ ژنه لاده چارشێوی ڕه‌شت با ده‌رکه‌وێ کوڵمه‌ی گه‌شت چون له قه‌رنی بیسته‌ما زۆر عه‌یبه ئه‌و ڕووگرتنه هێمن |
| اکنون ساعت 09:09 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)