دارستانی سووتاوو

هه‌ر نازدارێ دڵی دامێ
له‌ بناری دڵدا ناشتم ، وه‌ک نه‌مامێ
تا وام لێهات
له‌سای سه‌ری خۆشه‌ویستان
بوومه‌ ماخۆی شادارستان
که‌ تۆم ناسی
ئه‌ی نه‌مامی شلک و نه‌مر
وامزانی تۆش ده‌چیته‌ پاڵ ئه‌وانی تر
ده‌ڕوێی ، ده‌بیت
به‌ فێنکایی ... بۆ هاوینم
به‌ گه‌رمایی ... بۆ زستانم
که‌چی ، له‌پڕ ، بوی به‌ شه‌مچه‌ و
گــڕت به‌ردا دارستانم

په‌شێو

کاتێ سەیری شینی ئاسمان دەکەم
هەست بەپاکی ‌ژین دەکەم
کاتێ چاوەکانم دەتروکێنم
تەپوتۆزی ژین وێرانی کردوم
چی لەو هەموو بێباکی ئەو مرۆیانە بکەم
هەموو لە ئاستی خۆی خۆی بە..؟!
بەڵام سەد حەیف
"دڵیان دەڵی دەریایە هەرسات هەڵدەچێ دەڵێ باو دەڵێ نا"
ئەو چەپکە گوڵانەی هەرسات دەمان دەنێ
دڕکێکی زۆر تیژی پێوەیە کە جوانی ئەم گوڵە دەوەرێنن
بڕوا بەچی بکەین
بەجوانیەکەی یان دڕکەکەی......؟؟؟

♦شـــــانــــاز کــــــــه‌ریـــــم♦

دایکم ده‌چێته‌ به‌هه‌شت

دایکم نوێژ ده‌کات ...
تا ،
ترومبێلی کوڕه‌کانی وه‌رنه‌گه‌ڕێن .
تا ئیفلیج نه‌بن .
تا جه‌رگی نه‌سوتێ .

دایکم به‌ رۆژو ده‌بێت ..
دوعا ده‌کات ، زاواکانی
واز له‌ مه‌یخانه‌ بهێنن
روو بکه‌نه‌ ماڵی خودا .

دایکم ده‌چێ بۆ حه‌ج ..
به‌ر ده‌گرێته‌ شه‌یتان
به‌رده‌ ره‌ش ماچ ده‌کات .
تا ،
کچه‌کانی به‌دبه‌خت نه‌بن .

دایکم زه کات ده‌به‌خشێت ..
به‌ دزیه‌وه‌ ده‌ستی خه‌ڵک ده‌گرێ .
به‌ڵکو شێرپه‌نجه‌ ،
ده‌ست له‌ مه‌مکی بووکه‌ نازداره‌کانی هه‌ڵگرێ .

دایکم ده‌چێته‌ سه‌ر مه‌زار ..
په‌ڕۆی که‌سک ،
له‌نێو چاوانی کێله‌کان گرێ ده‌دات .
تا ،
خوشکه‌زاکانی نه‌زۆک نه‌بن.
برازاکانی کوڕیان ببێت .

دایکم له‌ شه‌وی " لیلة القدر " دا ،
ناخه‌وێ .
تاکو مشتێک، له‌ نووری خودای به‌رکه‌وێ .
تا به‌و نووره‌ ،
"بودا " ئاشت کاته‌وه‌ ، له‌گه‌ڵ "موحه‌مه‌د" .
موحه‌مه‌د ده‌ستکاته‌وه‌ ملی " موسا " .
به‌و نووره‌ ،
کڵێساکان ، پاک کاته‌وه‌ له‌ خوێنی " عیسا ".

دایکم به‌ده‌م ته‌سبیحاته‌وه‌ ،
له‌سه‌ر به‌رماڵه‌ خوریه‌که‌ی ،
خه‌وی لێ ده‌که‌وێ .
دایکم پێغه‌مبه‌ری ،
له‌ هه‌موو کوڕه‌کانی خۆی ،
خۆشتر ده‌وێ .

ئه‌وه‌ من نیم ،
ئه‌وه‌ دایکمه‌ ..
گه‌ر بۆی بلوێ ،
ناوی هه‌موو کوڕیک ده‌نێ
موحه‌مه‌د
ناوی هه‌موو کچێک ،
فاتیمه‌ !

یه‌که‌ یه‌که‌ ، کوڕه‌کانی مردن .
زاواکانی ، پێکیان پڕ کردن له‌ کوفر.
شێرپه‌نجه‌ ،
مه‌مکی بووکه‌کانی تژی کردن له‌ کرم .
برازاکانی وه‌جاغ کوێر.
خوشکه‌زاکانی نه‌زۆک .
کچه‌کانی به‌دبه‌خت .
پێغه‌مبه‌ره‌کانی خوێنرێژ !
دوعاکانی دایکم گیرا نه‌بوون .

دایکم ،
هه‌موو سبحه‌ینه‌یه‌ک ده‌چێته‌ به‌هه‌شت .
ته‌نیا خۆی
خۆی و‌ به‌س .
ئێمه‌ له‌وێ نین .
که‌سمان له‌وێ نین.
که‌سمان .
که‌س !

ئێمه‌ رۆحمان به‌یه‌کتری سپاردووه

قه‌ت ناپرسم له‌ کوێ بوویت و
بۆ کوێ ده‌چیت
له‌ هه‌ر جێ بیت
ئاساییه
چه‌ند لێم دوور بیت
هه‌ر نزیکیت
دووری چییه‌؟

گه‌ر به‌ جه‌سته‌ لای من نه‌بیت
لای هه‌ر که‌س بیت
گرنگ نییه
هه‌ر تۆ شاد بیت به‌رگه‌ ده‌گرم
‌جه‌سته‌ چییه‌!
‌‌ئێمه‌ رۆحمان تا هه‌تایه‌
ئاوێزانی یه‌کترییه.

قوبادی جه‌لیزاده‌

ئیشی من ئه‌وه‌یه پاسه‌وانی حه‌وشه‌ی پڕ کۆترت بم،
گوڵت بۆ بکه‌م به‌ ده‌رمان،
نه‌هێڵم بووکه‌شووشه‌که‌ت بگری،
وا بکه‌م مانگ له‌لات ژیر بێت.

ره فيف سابير

كه مردم شين و گريانت به من چي؟

كه گوڵ چوو، ئاوي بارانت به من چي؟


له سه ر ته رمي مني عاشق به قوربان
ئيتر زولفي په رێشانت به من چي؟


له هۆده ي ماته م و غه مدا كه سووتاوم
سه فايي باغ و هه يوانت به من چي؟


كه هێلانه ي شه هێني دڵ خرا بوو
قه‌دي سه روي گوڵستانت به من چي؟


به پاييز پووشي ويشكي ته ن كه فه وتا
به هاري لێوي خه ندانت به من چي؟


كه مانگي به ختي من رووي نا له كه سري
تريشكه ي رۆژي كوڵمانت به من چي؟


به كاسي غه م دڵم شێواو و كاسه
شه ڕابي سافي فينجانت به من چي؟


كه تووشي له شكري ده رد و خه فه ت بووم
ده وايي ده رد و ده رمانت به من چي؟


كه په يدا بوو شه وي تاريكي دووريت
ده سي مووسايي عيمڕانت به من چي؟


له شم گه ر كه وته مه يداني نه بووني
له وه دا باسي لوقمانت به من چي؟


كه بڕوا نووري بينايي له چاوم
جواني ره نگي باغانت به من چي؟


له نێو چاڵي غه مي ‌تۆد ا كه گيرام
جواني ده شت و كێوانت به من چي؟


«فيدايي» گه ر نه ما ، بۆ ته عزيه ي

ئه وده م و لێوي غه زه لخوانت به من چي؟

فیدایی

مـه‌گـه‌ر ئـاگـرێـكی گـه‌نـج بـدات لـه‌ پـایـیزی مـرۆڤ
تـا سـه‌حـراكان، دیــوه‌خـانـی لـێ دروسـت نـه‌كـــرێ
مــه‌گــه‌ر بـخـنكێ، قـرشـی بـــرســی
تـا رۆحـه‌كـان، نـه‌كرێـنه‌ ژێـرپـیـاڵـه‌ بــۆ مـردنـی مۆمێ

جه سیم شوانی

ئه ى ته نها ئاواتى ناو
خه ونه كانى من...
دلكَران مه به له بيده نكَيم
ئاخر تؤ نازانيت...
وه رزى دلى من بايزه و
تنؤك تنؤك..دلؤب دلؤب
قه تره قه تره...
خوينى وشكى لئ ئه وه رئ.

منداڵی من،
لە چاو شاركێكدا
وونبوو!.

ئەگەر منداڵ ببمەوە
لەسەر تەختە رەشەكە،
بەخەتێكی گەورە ئەنووسم:
تكایە..
نامەوێت گەورە بم.

خۆم زۆر سەرقاڵم
بەس تكایە، بە دایكم بڵێن:
با ئاگای لە منداڵیم بێت،
چۆلەكە نەیخوات!.

ئەگەر
منداڵیم لێ وونبێت.
لە ناو گوڵی، كراسەكانی دایكمدا
ئەیدۆزمەوە!.

حەزدەكەم
تا ئەو سەری كۆڵان،
لەگەڵ منداڵەكان راكەم.
بۆ ئەوەی، گەورەیم بیر چێتەوە!.

" نەبەز گۆران "‬

وەک جەلادی لەئاست دڵم
فێری گشت شەو بێیتە خەوم ...
فێری خۆت لێم بشاریەوە
تا بەخەیاڵ لات بخەوم ......

لەو کاتەوەی تۆ دەناسم
وەکو دووژمن دێیتە بەرچاو ...
لەگەڵ ئەوەش سەیرم لێدێ
بۆ من بوویت بەخۆراک و ئاو ...

ئاشقێکی زۆر سەرسەختم
تۆش بێ باکی وەک نەفەسم ...
لەو ساتەوەی تۆم خۆشدەوێ
واهەست دەکەم کەدوو کەسم ...

سۆران جاف