من هیچ ناڵێم:
زۆر باشم،
سەرم داویەتی لە سپیەتی و
دڵیشم لە تەنگی!.
من هیچ ناڵێم:
زۆر باشم،
هەندێك مرۆڤ هەن، ئەوەندە گەورەن ،
لە دڵدا رێییان نابێتەوە!.
من هیچ ناڵێم:
خۆت لەبری من، شتێك بڵێ‌:
بۆ نمونە بڵێ‌:
جار بە جەهەنەم،
دونیا با هەر گەورەبێت،
خۆ رێی منی تیا نابێتەوە!.

" نەبەز گۆران "

هـــــه‌ژاری مــــن تـــــاوان نه‌بــــوو به‌م جــــــۆره‌دڵــــــت شـــکانــــدم
وه‌ک چــــــرۆی ســــــه‌ره‌تای به‌هـــار عه‌شقــــی بێگـــه‌ردت وه‌رانـــدم

ئێســته‌ش ڕازیـــم نه‌وه‌ک جــــارێ سه‌دان جــــار پێم بڵـــــێی هــــه‌ژار
خـــــۆ وه‌کــــو تــــۆ که‌ ده‌رکــــه‌وتــم که‌س پــێم ناڵـــــێ خـــــیانه‌تـــــکار

ڕامەوەستە بە دیارمەوە سۆزت لە من دەست ناکەوێ
بڕوامەکە گەر بە درۆش بڵێم ڕەنگە تۆم خۆش بوێت
....
تازە هەستم پێ کردوە کە چەنێ لە عوومرت بردوم
... ... بەڵام هیچ پەشیمان نیم چونکە زۆر شتت فێر کردووم
...
... ڕاستە ئێستا شێوەت لای من وەک گوڵێکی بێ بۆنە
بەڵام لە عەشقی تۆ فێربووم كورى بێوەفا بێت چۆنە

وه‌ره‌ گیانه‌ به‌ کامێرای ئه‌و ڕوخساره‌ کش و ماته‌ت
وێنه‌ی ڕه‌نگی زه‌ردم بگره‌
له‌ ئه‌لبومه‌ شێواوه‌که‌ی په‌ڕه‌ی دڵدا
بۆ ئه‌به‌دی هه‌ڵی بگره

گیانه‌ من که‌شکۆڵی غوربه‌تم له‌ شانه و‌
ئه‌م وه‌سیه‌ته‌ت پێ ئه‌سپێرم
نه‌ک گه‌ڵا ڕێزانی ته‌مه‌ن بێت و
ئیتر نه‌توانم له‌ دوریشه‌وه‌ نامه‌یه‌کت بۆ بنێرم

د.فەرەیدون عبدول بەرزنجی

لاوکی هەڵەبجە

بە تەنیا جێی مەهێڵن
ئەمشەو زریان دەیچێنێت
تەم‌ومژ دایدەپۆشێت
مانگەشەو دەیڕفێنێت
گەرووی بە گزنگ تەڕکەن
زامەکانی بە شیلان
بە گۆرانی دایپۆشن
یان بە سەوزی دارستان
سەری بە شەپۆلان کەن
با ئەم شەوە ڕایژێنێت
باڵای لە هەور بگرن
برووسکە و با دەچێنێت
بە تەنیا جێی مەهێڵن
منداڵێکی لاسارە
شار بەردەباران دەکات
مانگ دەکات بە کۆلارە
سوارە، چ شۆڕەسوارێک
ئەسپی هەتاو زین دەکات
بە گۆرانی و تیشک و ماچ
سەر زەمین بەرین دەکات
با کەژاوەی لە گوڵ بێت
یان لە پەلکەزێڕینە
زەماوەندی خوێن دەگرێت
ئەمشەو پاشای ئەڤینە
ئاشقێکی لاسارە
برووسکە و با دەچێنێت
بە تەنیا جێی مەهێڵن
مانگەشەو دەیڕفێنێت

ڕەفیق سابیر