له‌ ڕوو سوری عیباده‌ت لام و ڕوو زه‌ردی خه‌جاڵه‌ت مام
به‌ ناوی سێوی ناوم باغه‌وان و من به‌هێ ئه‌گرم

له‌سه‌ر خۆ چوونه‌ شه‌یدا بوونه‌ قوڕ پێوانه‌ سوتانه‌
هه‌تا مردن محه‌ببه‌ت ئیشی زۆره‌ ڕێزی لێ ئه‌گرم

چ شۆخه‌ ئاگرم تێ به‌ر ده‌دات و پێم ئه‌ڵێ یا شێخ
به‌ خاشاکی ئه‌وت شوعله‌ عه‌سامه‌ ده‌ستی پێ ئه‌گرم

که‌ سینه‌ی ڕێشمی به‌و تیغی نازه‌ ئه‌نجن ئه‌نجن کرد
وتی په‌شمورده‌یه‌ ئه‌م لاله‌ زاره‌ ئاوی تێ ئه‌گرم

بەراستی خۆشم دەوێیت

بەراستی خۆشم دەوێیت
ئەگەر چی لەوانەیە
برێكجار بۆشت گرنگ نەبێت
كە عاشقتم.
لەوانەیە بۆشت گرنگ نەبێت
ئەگەر خۆشیشم نەوێیت.

بەڵام باشتر بوو لە هەمووكاتێكدا
پێش هەمووشتێك
هەست بە من بكەیت
چون من لە هەمووكاتێكدا
پێش هەمووشتێك عاشقی تۆ بووم.

هەست بە بریندار بوون ئەكەم
نامەوێت
ئەو هەموو ساردییە تۆ ببینم.
وەلێ‌ لە هەموو كاتێكدا دەیبینم
كە چەند سەختە بۆ من
هەستم بریندار دەكەیت
ئەشێت لای تۆ شتێكی بچوك بێت!!.

بەڵام ئەگەر جارێك كەسێكت خۆش ویست
بیرت نەچێت كە منیش تۆم خۆشدەویست.

هەركاتێك، رۆیشتیت
ئەوە بە خەیاڵمدا دێت كە تۆ
منت خۆش نەدەویست.

تكا دەكەم ئارامبە لەگەڵم
دەمەوێت لەگەڵ هەستەكانم
راستگۆتربم
هەوڵدەدەم زۆر پەرێشانت نەكەم
بەڵام بە هەموو شێوەیەك
بیردەكەمەوە تا دڵنیابیت
بۆ هەمیشە
لە هەموو جێگایەك
لە هەركاتێكی مەحاڵدا
من عاشقی تۆم..

" سۆزان پۆڵس "


" وەرگێرانی: نەبەز گۆران

ڕوشته یی لوئلو، له دانه ی ئه شکی من، ده گرینه وه
بۆیه هه رده م ئاشنا ، بۆ حاڵی من، ده گر ینه وه

که ی ده بێ، وه ک بولبول و گوڵ دابنیشین پێکه وه
ئه و به خه نده ی لێوی ئاڵ، من به گریه و شینه وه

باغێ روخساری له من پۆشی ،به سه ر پۆشی نیقاب
یانی لاچۆ عاجزم ئێمڕو ،به ده س گو ڵچینه وه

تا قیامه ت سه ر له سوژده ی شوکردا هه ڵنابڕم
گه ر بڵێ لاچۆ له به ر چاوم، به خه شمو قینه وه

تورکی چاوی گه ر ببینێ عابیدی خه ڵوه ت نشین
دێته جونبوش، ئه و به جوببه و خه رقه یی په شمینه وه

با نه کا عاشق گله ی ناهه ق، له به د بختی ڕه قیب
خۆینی فه ر هاده و گوناهی وا به سه ر شێرینه وه

سیحری غه مزه ی وه رده گیرێ زاهید و عاله م له ڕێ
ئه م به کۆڵێ عیلمه وه ، زاهید به بارێ دینه وه

گه ر بڵێم قوربانی تۆ بم، روو له من که له حظه یه
وه رده گێڕێ شه معی روخساڕی به ده م ئامینه وه

ڕیشه یی جه رگی له بن هێنام ، به قوللابی موژ ه ی
بۆ ده کا حاشا به پنجه ی قرمز و خوێنینه وه

چی ده کا ئینگلیزی هیجرت عه سکه ری لوتفت که هات
زوو به زوو به سره ی ویصالت بێ صه دا ده گرینه وه

من که وا مات و پیاده م گه ر روخی شا ڕێگه دا
ته ی ده که م عه ر سه ی کو مه یتی ئه و به سه د فه رزینه وه

ناری ا بێژه ن سیفه ت تاکه ی له بۆ تورکی جیهان
قه یدی زیندانی ب ه ده ستی نه فسی وه ك گورگینه وه


ناری

شیرین تەشی دەرێسێ

تایێــــکی ریشــــــەی دڵ بەنـــوکی غەمــــزەدادا
دەستێکی بۆ ســەما برد روبەنــدی ماهـــــی لادا
نافەی گولی بەدەرکەوت عەطری بەدەم صــــەبادا
باریــک و لوس و نازگ وەک زولفــی خـــــاوی بادا

وەک شاخی گول بەلادا،شیرین تەشی دەڕێسێ

نوکی تەشــــی بەگەردوش چەرخـێکە قوطـبی پێوە
مــــجرب و بەداوی کەچـــەرخی کـــــــەوتە نێـــــوە
وەک زوهرە دەستی کێشا کەبەندی قوســـی زیوە
ئەســــتێرەماهــــی داگـــــــرت ثابـــت کرابەپێـــوە

عارەق بەرو بەرێوە ،شـــیرین تەشی دەرێســـێ

لەبانی عارەقی رشـــــت لە پیـــکەنیـــــنی زاری
بەخـــەندەخونچـــە گـــول بو گــوڵاوی لی دەبـاری
وتــــــم بفــــەرمو ســــەر دوچــــاوی من بەیاری
بەچاوی من ببیـــنن طەلســــمی ســـحر کــاری

کەسەروی جۆباری، شـــیرین تەشــی دەرێسێ

وفائی مهابادی