کچێک ته‌ماشا ئه‌کات دایکی ملوانکه‌یه‌کی زۆر جوانی له‌ ملدایه‌ ‌ پێی ئه‌ڵێ:
" دایه‌ ئه‌و ملوانکه‌یه‌ چه‌ند جوانه‌ له‌ ملتا، ئه‌وه‌ باوکم بۆی کڕیت؟"
دایکه‌که‌ش ئه‌ڵێ:
"نه‌وه‌ڵڵا کچم باوکتی چی، من به‌ ته‌مای باوکت بومایه‌ تۆشم نه‌ئه‌بوو."

پیاوێك له‌گه‌ڵ ژنه‌كه‌یدا ده‌مه‌بۆڵه‌ی ئه‌بێت و به‌ عاجزی له ماڵ ئه‌چێته ده‌رێ.

كاتی نیوه‌ڕۆ ئه‌یه‌وێت ژنه‌كه‌ی ئاشت بكاته‌وه، بۆیه‌ ته‌له‌ٿفۆن ئه‌كات بۆ ماڵه‌وه‌ و ئه‌ڵێت:
" گوڵه‌كه‌م چیت لێناوه بۆ نیوه‌ڕۆ؟"
ژنه‌كه‌شی که‌‌ هێشتا هه‌ر توڕه‌یه، به توڕه‌ییه‌وه ئه‌ڵێت:
" زه‌هری مار."
پیاوه‌كه‌ش ئه‌ڵێ:
".ده‌ باشه گوڵه‌كه‌م تۆ نانی خۆت بخۆ من له بازاڕ نان ئه‌خۆم.".

اغا و نۆکه‌ر

ئاغایه‌ک ده‌گه‌ڵ نۆکه‌ره‌که‌ی ده‌چنه ڕاوێ. تا ئێوارێ ده‌خولێنه‌وه هیچیان وه‌گیر ناکه‌وێ.
ئاغا سه‌یر ده‌کا ده‌بینێ ته‌نیا یه‌ک گولله‌ی پێ ماوه.
له‌و ده‌مه‌دا ته‌نگاو ده‌بێ تاپڕه‌که‌ی وه‌نۆکه‌ره‌که‌ی ده‌دا ده‌ڵێ ئه‌من ئێستا دێمه‌وه نه‌که‌ی ته‌ققه‌ی بکه‌ی هه‌رئه‌و گولله‌مان پێ ماوه خه‌ساری نه‌که‌ی.ئاغا له‌سه‌ر پێشاوێ داده‌نیشێ له‌پڕڕا ته‌ققه له تفه‌نگێ دێ.
دووایی ئاغا ده‌چێ ده‌ڵێ ئه‌دی ئه‌من نه‌مکوت ته‌ققه‌ی مه‌که چ بوو چت کرد؟

نۆکه‌ر ده‌ڵێ قوربان وه‌ڵڵاهی ده‌سته‌ که‌وێک به‌وه‌ی دا هاتن، نه‌م ئه‌نگاوتن به‌ڵام ته‌رکی ئه‌و دۆڵه‌م پێ کردن....

زه‌مانی زوو له دێهات مدبه‌ق هه‌بوو که ژن و منداڵ به تێکڕایی له وێ ده‌خه‌وتن.

هه‌ر له‌و سه‌رده‌مه‌دا کابرایه‌ک حه‌زی له کچێک ده‌کرد، هه‌موو شه‌وێ له ده‌وری ماڵیان ده‌خولاوه بۆ وه‌ی که بزانێ له‌ کوێ ده‌نوێ.
شه‌وێک به‌ هه‌ڵکه‌وت له‌سه‌ر کولانه‌ی (کونێکه له‌سه‌ربانی مدبه‌ق)ڕا چاوی لێکرد دیتی درووست له حاستی کولانه‌که‌ی نوستوه.
خێرا چوو به ڕه‌فیقه‌که‌ی کوت ئه‌و کچه‌تتیوه له راستی کولانه‌که‌ی نوستوه ئه‌وه شێت ده‌بم چ بکه‌م؟
هاوڕێکه‌ی کوتی خه‌مت نه‌بی ئێستا ده‌تبه‌م یا له‌سه‌ر کونێت داده‌نێم یا ده‌کونێت داوێم......(هه‌ڵبه‌ت مه‌به‌ستی کولانه‌که بوو)

قه‌رزداری


دۆستێکم گێڕایه‌وه کوتی مامێکم هه‌یه که له کوڕه‌کانی زۆر ناڕازییه.
ده‌یکوت هه‌موو جارێ به‌حه‌سڕه‌ته‌وه ده‌ڵێ سه‌دخۆزگه به‌قه‌دیم، ئه‌وده‌م شه‌ش که‌رم هه‌بوون هه‌موو دونیاپێم قه‌رزدار بوو، ئێستا شه‌ش کوڕم هه‌ن به‌ هه‌موو دنیایه قه‌رزدارم.

مام قادری گه‌رگولێ


ده‌گێڕنه‌وه مام قادر که ئاغای گه‌رگولێ بووه ، کابرایه‌کی زۆر قسه‌خۆش و قسه‌له‌ڕوو بوو.
مام قادر نۆکه‌رێکی هه‌بوو ئه‌ویش هه‌ر نێوی قادر بوو.
ڕۆژێکیان پێی ده‌ڵێ بچوو جیبێکم بۆبگره ده‌چمه شاری.
قادری نۆکه‌ر ده‌ چێ جێبێکی ده‌گری کابرای راننده(لێخوڕ)ش هه‌ر نێوی قادربوو.
موسافیرێکیان له‌گه‌ڵ سوار ده‌بێ ، به هه‌ڵکه‌وت ئه‌ویش نێوی قادربوو.
له‌ڕێگایه تووشی سێته‌ڕه ده‌بن، جه‌ناب سه‌روان ده‌رگای پشته‌وه‌ی جیبی ده‌کاته‌وه و به‌ قادری نۆکه‌ر ده‌ڵێ؛ کارت شناسایی، ده‌ڵێ وه‌ڵڵا نه‌داره‌م. پێیده‌ڵێ؛ اسمت چیه؟ (نێوت چیه) ده‌ڵێ قادر. ئه‌وجار روو له موسافیره‌که ده‌کا و له‌ویش ده‌پرسێ اسمت چیه؟ وڵامی ده‌داته‌وه ده‌ڵێ قادر.
پاشان هه‌مان پرسیار له راننده ده‌پرسێ، ئه‌ویش هه‌رده‌ڵێ قادر. جه‌ناب سه‌روان پێی وایه که ئه‌وان خه‌ریکن گاڵته‌ی پێده‌که‌ن. تووڕه‌ ده‌بێ و به‌سه‌ریاندا ده‌گوڕڕێنێ، مام قادریش له پێشی ماشێنه‌که له په‌نجه‌ره‌ی سه‌ر وه‌ده‌ر ده‌نێ ده‌ڵێ وه‌ڵا ده‌نا پێت خۆش بێ و پێت ناخۆش بێ منیش هه‌ر نێوم قادره، جه‌ناب سه‌روان هێنده‌ی دیش تووڕه ده‌بێ.
هه‌موان له‌ماشێن دێنێته خوارێ و به پێیان ده به‌رپاڵی شاخیان ده‌کا.

مام قادر که ئاره‌قه‌ی ره‌ش و شینی ده‌رکردبو.

ڕقی له قادری نۆکه‌ری هه‌ستا و کوتی :

هێستا ئه‌من کوتم بچوو جیبم بۆ بگره یا ته‌ویله‌کم قادران وه‌سه‌ر گێڕه

ره‌سووی نادری


ره‌سووی نادری گێڕایه‌وه کوتی ڕۆژێک له‌گه‌ڵ ره‌فیقه‌کانم ده‌چوین له‌ گوندێک زه‌ماوه‌ند بگێڕین.
دوور و نیزێکی ئه‌و دێیه بووین دیتم چوارپێنج ژن دانیشتوون له‌سه‌ر پێشاوێ ده‌ستیان کردوه به قسه و مه‌ته‌ڵۆکان.

یێکێکیان که ئێمه‌ی دیت خێرا خۆی خڕکرده‌وه و کوتی ئایاڕو پیاو هاتن. ئه‌وی دیکه به‌سه‌رسوڕماوی ده‌یڕوانی و ده‌یکوت کچێ وه‌ڵڵاهی چاوت ره‌شکه‌ و پێشکه‌ی ده‌کا کواپیاو؟
کوتی ئه‌دی ئه‌وه‌نی له په‌نامه‌نه.

ژنه‌که‌ی دی کوتی کچێ ماڵت خرانه‌بێ پیاوی چی ئه‌وه چاوه‌شن چاوه‌ش...

ده‌نگی به‌فر


کابرایه‌کی درۆزن بۆی گێڕامه‌وه کوتی ساڵیکی زستانی زۆر سه‌خت بوو له‌گه‌ڵ ره‌فیقێکم به نێوی ڕه‌سوو چووین بۆشاخی.
ته‌پ و مژێک بوو چاو چاوی نه‌ده‌دی.
کوتی وه‌ختێکی ره‌سووم لێ ون بوو هه‌ر هه‌رام کرد ره‌سوو، ره‌سوو..ره‌سوو هیچ جوابی نه‌بوو.
له‌گه‌ڵ خۆم کوتم حه‌تمه‌ن چۆته‌وه ماڵێ تا ئه‌میش شه‌وم لێ دانه‌اتوه بابچمه‌وه.

سوێندی خوارد کوتی به‌هارێ چوومه‌وه ئه‌و جێگایه‌ی ده‌نگم ده‌به‌فرێدا سه‌هۆڵی به‌ستبوو، که به‌فره‌کان ده‌توانه‌وه ده‌یکوت:سووو، سووو، سووو

كوڕێكی گه‌نج چوو بۆلای باوكی و ووتی:

باوكه‌ ئه‌مه‌وێت ژن بێنم...

باوكی به‌خۆشحاڵیه‌وه‌ پرسی...كچه‌كه‌ كامه‌یه‌؟

ئه‌ویش ووتی فڵانی دراوسێمان...

باوكه‌كه‌ی ناڕه‌حه‌ت بوو ووتی : نابێت

داوای لێبوردن ئه‌كه‌م كه‌ وا ئه‌ڵێم به‌ڵام ئه‌و كچه‌ له‌ڕاستیدا كچی منه‌و خوشكته‌....

داواشت لێئه‌كه‌م ئه‌م قسه‌یه‌ به‌دایكت مه‌ڵێ بانه‌زانێ،،،

كوڕه‌كه‌ ناوی دووكچی تری ووت به‌ڵام باوكی هه‌مان وه‌ڵامی ایه‌وه‌و داوای كرد به‌ دایكی نه‌ڵێت............

كوڕه‌كه‌ ناچار ڕۆشت بۆلای دایكی و ووتی:

ئه‌مه‌وێت ژن بێنم ،،به‌ڵام ناوی هه‌ركچێك دێنم باوكم ئه‌ڵێت نابێ ئه‌وه‌ خوشكته‌و ،،،به‌دایكیشت مه‌ڵێ،،،،،!!!

دایكیشی خه‌نده‌یه‌كی كردوو ووتی:

بێ تاقه‌ت مه‌به‌ كوڕم ...تۆ ئه‌توانی به‌هه‌ركچێك دڵت بیه‌وێ داوای بكه‌ی چونكه‌ ئه‌و باوكی تۆ نیه‌ ههههههههه