بۆخۆت نێوێک بۆ ئه‌و شێعره‌ دانێ

سارد بۆوه‌ له‌شی پیاوێک

که‌ سه‌رکه‌وتووانه

سه‌رما لووراندی به‌ له‌شی شاردا.

لێره‌ دارستانیک به‌دی نایه‌

باڵنده‌یه‌ک نافڕێ

سه‌رناکه‌وێ هێمایه‌ک که‌ بمان سه‌لمێنێ.

رووه‌و وڵاتیک شۆڕش ده‌با،

کرمی بن به‌ردی چۆڵه‌وانیک.

ئه‌وین تێده‌گا

ئاواره‌یی له‌شی ساردی پیاوێکه‌،

شار، ده‌یسه‌لمێنێ.

رووه‌و وڵاتێک هێرش ده‌با

ویستی دڵی ئێوه‌ ئه‌گه‌ر یه‌ک نه‌گرێ.

تاریکی تێده‌گا

وێرانی، روانگه‌ی ئاڵۆزی ئێمه‌ بوو،

شه‌قام، ده‌ی به‌زێنێ.

رووه‌و وڵاتێک ده‌بزوێ

خیانه‌تێکی خۆشه‌ویست

له‌ باخه‌ڵمان دایه‌ و

بۆن به‌ له‌شمانه‌وه‌ ده‌کا

که‌ گه‌رم بێته‌وه‌ وێڕای ویستێک

پیاوێک تێده‌گا

که‌ سارد بۆوه‌ له‌شی

که‌ سه‌رکه‌وتووانه‌

سه‌رما لووراندی به‌ له‌شی شاردا.

ئه‌رسه‌لان چه‌ڵه‌بی ــ بۆکان

وێنه‌ی چه‌ند دیمه‌نێک

سیسرکه‌ ده‌خوێنێ

کاتژمێر له‌ تک تکایه‌

ژێر باڵی شه‌و

گۆڕه‌پانی کزه‌بایه‌

خه‌ڵکی گوند، بێ شه‌ون

تێکۆشان له‌ کۆڵن له‌ نوێنا

شوان دوای پشوویه‌ک

ران راده‌دا له‌ شه‌وێنا.

تیری تریفه‌ ده‌هاوێ مانگ

له‌ ده‌لاقه‌ی ئاسمانه‌وه‌

له‌ دوندی چیا تاپۆیه‌ک

له‌ ترسان خۆی ده‌خواته‌وه‌.

ئه‌ستێره‌یه‌ک له‌وی تر

به‌ هێمنی چاو داده‌گرێ

له‌ ژێر پووش و پڵاشی باخ

ژیژکێ هه‌دا ده‌گرێ.

کوێره‌ رێگه‌ی بێ ریبوار

چاوه‌ڕوانی ڕیبوارێکه‌

خوڕه‌ی مه‌ندی کانیاوه‌کان

به‌ڵگه ‌له‌ تین و تاوێکه.

وه‌رزێڕی شه‌وه‌ ئاوی دارستانی

له‌ سه‌ره‌خۆ ده‌دێرێ

شه‌که‌ت و ماندوو جوتێرێ

بۆ کێشان جگه‌ره‌یه‌ک ده‌ردێنێ.

له‌ ژێر ئه‌گریجه‌ی ره‌شی شه‌و

دوو چاوی وێک نا ڕێبوارێ

خوێنی تێزا ناسک ده‌ستی و

دای له‌ زیڕه‌ مناڵێ.

چرایه‌ک کووژایه‌وه‌

له‌ تاریکیدا چرایه‌ک هه‌ڵکرا

هاوارێک کز بوو

له‌ بێده‌نگیدا هاوارێک هه‌ستا.

ئێسته‌ش لێره‌ من بیرم

لای ئه‌و ماڵه‌ی ئه‌و سه‌ری دێیه‌

که‌ له‌وێدا ته‌نیا رووگه‌ی

هونراوه‌ و دڵ و چاوی منی لێیه‌.

گوند ده‌ملاوێنێ

به‌ به‌سته‌ی ئێش و تێکۆشان

ئه‌وم له‌ بیردا ده‌سڕێ و

پێم داده‌دا خه‌ونی گران.

هه‌روه‌ها سیسرکه‌ ده‌خوێنێ

کاتژمێر له‌ تک تکایه‌

ژێر باڵی شه‌و

گۆڕه‌پانی کزه‌بایه‌.‌

حسِێن جه‌وانشێر سائین قه‌ڵا

شارێک له جنسی خوێن

له مه‌داری بێ شوێن‌ترین خڕۆکه‌ی جیهان

سێبه‌ر هه‌ڵئه‌خات

ڕۆچنه‌ی تاریکخانه‌کانی شه‌ڕ

نه جه‌للاد خه‌ونی سه‌رسه‌وزترین تووتییه‌ک ئه‌یبات

نه شار هرووژم و شه‌قه‌ی گولله‌یه‌ک بردبووی

گومانی سێبه‌ر نیازی وایه

به قه‌د هه‌موو نه‌درکاوه‌کانی جیهان

غه‌ریبیت ئه‌کا

وه شار له ئاسۆی نهێنی چرا

گڵۆپ گڵۆپ بووژایه‌وه

له مه‌ودای خوێن‌مژترین هه‌ست

سێبه‌ر "با" ئه‌یبا

هه‌واڵێک شۆڕ ئه‌بێته‌وه سه‌ر شه‌قام و

تۆش له تاپۆی خه‌باتا شه‌هید...

هه‌رمان وه‌تمانی ــ مه‌هاباد

وێنه‌یه‌کی بێ‌هاوتا

سێ هه‌زار دۆلار "بوورژوایه‌ک"تکا ده‌کا!

دووکه‌ڵی کارخانه‌ی وڵاتێک،

کرێکارێک گه‌شاندییه‌وه‌.

سێ دۆلار "کرێکارێک" تکا ده‌کا!

دووکه‌ڵی مه‌نجه‌ڵی ماڵێک،

بوورژوایه‌ک کووژاندییه‌وه‌.

ئه‌رسه‌لان چه‌ڵه‌بی ــ بۆکان

من و چه‌پکێک له‌ بۆی حه‌زره‌تت

شه‌و به‌ فیراقێکی زامداره‌وه‌ ئه‌تلێین،

تا ته‌ریکه‌ سه‌لامی کۆترێکی‌تر

چه‌ن چرکه‌یشه‌ تێپه‌ڕیوه‌...!

ئه‌وه‌ تانێ...!

تا چاو بڕکا کولوو کولوو په‌ڕ ئه‌بارێ و

تۆ چه‌مه‌ڕاو

هه‌رگیز له‌ به‌ڵام تێناگه‌ی...

به‌ڵام ئاخر سێوه‌کانت له‌ به‌ر وه‌سوه‌سه‌یێک کرمان!

ئیتر له‌ نه‌خشینی سجده‌مێک دوان

له‌ گۆڕستانی کفرترین پیرۆزی ئاواتی باڵنده‌

بێژی و نه‌یێژی قه‌فه‌زه‌...!

من به‌م بوومه‌لێڵه‌ ئاشنام کزه‌ی جه‌رگم...

تۆ له‌ ده‌لاقه‌وه‌ مه‌رگ،

من له‌ ئاسمانه‌وه‌ باڵسووکییەکی مه‌حاڵ،

تۆ سییه‌کانت تاهه‌تایه‌ شاخێ نامژن

من باڵه‌کانم بۆ ئێواره‌ نامکۆترێنن...

تۆ ئاسمانت شه‌واڵووه‌،

ئیتر شێعری سپی له‌ چی؟

من به‌ خاچی ڕه‌شێکیکلاسیکه‌وه‌ ئه‌مه‌سیحێم...

ئاممان نه‌که‌ی ده‌س له‌ هاوساری خه‌یاڵم بته‌کێنی

ئاممان ئاسمانی که‌لله‌م نه‌که‌ی به‌ گوانتانانانانای هزر و قه‌ڵه‌م بریا...

تۆ ئاسمانت شه‌واڵووه‌و

من...

له‌ سه‌ر دارجۆلانه‌ی ئه‌وین

ئه‌م به‌ساڵاچووه‌ ڕائه‌ژه‌نم،

تۆ ئاسمانت...من

تا خه‌وه‌ نووچکه‌ی به‌ری به‌یان شلی نه‌کا

چاو لێک نانێم

ئیتر ئه‌رێ کزه‌ی جه‌رگم

من له‌و دیوی حه‌ژمه‌تی ڕوخسارێکی شپرزه‌وه‌

خۆم له‌ بێشکه‌ی چاوه‌کانتا ڕائه‌ژه‌نم...

چ ئێوارێکه‌ ئه‌زانی...؟

ئاڕمان که‌ریمی ــ سه‌قز

بۆ ئه‌وراز

گاشربرووم

بوووکی جوان و باڵابه‌رزی هیمالیا

قاره‌مانی زۆربه‌ی بنچینه‌ و میله‌تان پێیان

له‌سه‌ر لووتکه‌ی به‌رزی تۆ دانابوو

شه‌رمه‌ بۆ تۆ

که‌وا توانای راگرتن و هه‌ڵگرتنی هه‌ڵۆی به‌رزه‌فڕت نه‌بوو

ئه‌ی دایکه‌ مێهره‌بانه‌که‌

هه‌رگیز بڕوام به‌وه‌ نه‌بوو رۆژێ ببیه‌ باوه‌ژنمان

هه‌ورازی کورد

په‌نای بۆ لای تۆ هێنابوو

تا دوور له‌ ده‌ستی ناحه‌زی زۆرداره‌کان

له‌ سه‌ر لووتکه‌ به‌فرینه‌که‌ت ئوقره‌ بگرێ و

هه‌موو جیهان بانگهێشت بکا بۆ ئازادی

جووڵایته‌وه‌ و وا راپه‌ڕیت

راپه‌ڕینت رۆڵه‌ی راپه‌ڕیوی کوردی

سپارده‌ ده‌ستی هه‌ره‌سی بێ هاوماڵت

بێ ئه‌وه‌ی دوای کاره‌ساتی دڵته‌زێنت

گوێت له‌ قه‌ندیلی لێو به‌بار

له‌ نه‌که‌رۆز و له‌ شاهۆ

له‌ چلچه‌مه‌ و داڵاهۆ بێت

که‌ سه‌ره‌خۆشییان له‌ ته‌ره‌غه‌ی ره‌شپۆش ئه‌کرد

سامان مه‌نسووری ــ دیوانده‌ڕڕه

دێرتر له دێر

بەختەوەرترین مردووەکانی ئەم جیهانه بێ‌دەرەتانه

به میچی ئاسمانی ئەم شارەوه هەڵواسراون

پێکەنینه ڕەنگ هەڵپڕووکاوەکانیش

له گیرفانی ژنێک‌دا قۆتماخەی بەستووه و

خۆڵەمێشی ئەسپەنەر سووتاوەکانی ڕۆژەکانی هەینی و

خەفەته تۆزاوییەکانی داوێنی کراسەكەی

تابڵوکانی شاری داپۆشاوه

له هەموو دێره بێ‌نەهایەت خەت‌ خەتیتەکانەوه

له بێ‌نەهایەتی چاوەکانتەوه

بێ‌نەهایەت حەز له خەڵوەتی پەنجیرەکان‌دا نووستون

چەنێ دێرتر له دێر ئەم هاتنه

ویستنمان کەر بووه

ئەو بەرماڵانەی وا

چۆلەکەکان لە سەری نوێژیان ئەخوێند

ڕوحیان نەماوه

لاشەی شەقامه لاڵەکان له هەموومان عاشق‌ترن

چەنێ پیادەڕەوی بێ‌پیاده و

چەنێ پیادەی بێ‌پیادەڕەو قژەکانم ئاڵۆز و ڕوحم بێزار

لەم هەموو هاتن‌وچوونانەی

لەچکه ڕەشەکانی پەژاره لەسەر

هەموو تاقەته بێ‌تاقەتیەکانم لا ئەبم و

ئەیفرۆشم به تۆفانی چاوەکانی با

هەر ئەڕۆم و سێبەرەکەم له خۆم درێژتر ئەبێ

ئاخرین بزەی مەرگیش

بەزەیی بەم تابۆته بێ‌مردووەی لەشم ناکا

پێڵاوەکانیشم کەوتنه هەناسەبڕكێ

لەم ڕۆیشتنەدا چرکەی سەعاتەکەم

گرێ ئەدەم

به تریفەی مانگەوه

با شاره بێ‌چراکانی ئەم ئاسمانه

له خەڵوەتی پەنجەره درۆزنەکان‌دا

دەرکەون.

لەیلا وەزیری ــ سنه

به ش..

گه ر سیویک بوو....

گه ر سیویک بوو....

گه ر سیویک بوو، له تی ده که م

له تیک بو خوم، له تیک بو تو،

بزه یه ک بوو، له تی ده که م

له تیک بو خوم، له تیک بو تو

خه فه تیک بوو،به شت ناده م،

هه لیده مژم وه ک دوا په تو!

-عه بدو للا په شیو-

گه ر خه فه تیک بو به شم ناده ی؟؟؟

که چی؟؟من بی تو له شایی بم؟؟

ئازیزه که م..گوی بگره:

شایی بی تو,

شینه

خه فه ته...

ئازاره..

گیانه که م ..

ئه م جاره یان با من ژیان له ت که م;

شایی بو تو...

خه فه ت بو من..

که تو شاد بی..

له دلی من

خه فه ت وشه ییکی بی مه عنایه...

(بهار)

واران

سه وزی گه لا و...

نم نمی واران...

بونی ته ری خاک...

زیوینی عاشق!!

هه نگاوی ماندوم..

ریگای نه رویشتوم...

ریبندانا دل!

ئه ی داد و بی داد..

له چه رخی زه مان!!!

دوینی" به بی تو...

إمرو..... تو بی" من!

أی گیانی گیانم

چاوانی ئازیز...

روژگار ...

دادی بی داد بوو!

به ینی من و تو ...دیواری ساز بو!

هاوارم سازا..

سوتانم کارا...

په ی تماشای بالات...

چه مانم ماتا...