|
ئامانجی قەڵەم |
مافی خۆتە |
ژار |
یادێ |
نوێژی شێوان له کاتی نوێژی شێوان بوو ، گه‌یشتم پێی وتم ڕۆژ باش به غه‌مزه و ڕه‌خنه‌وه فه‌رمووی غروبه، نۆێژی شێوانه وتم گیانم فیدای گیانت که ڕۆژی ڕووت له من ده‌رکه‌وت جه‌هانی وا له من ڕوون کرد که وام زانی تلوعانه نالی |
دیل وەکوو ئاوی بنی گۆمێ کە جێمابێ لە ڕووبارێ وەکوو بەردی سەری شاخێ کە دانرابێ لە دیوارێ وەکوو کاتێ گەڵای زەردێ دەسی بەربێ لە سەر دارێ دڵم تەنگە لە تەنیایی نە هاوڕازێ نە خەمخوارێ من ئەو بەردەی گرفتارم، کە دیلی چینی دیوارم من ئەو ئاوەی بنی گۆمم کە جێماوم لە ڕووبارم گەڵای زەردم، مەلێ پیرم، من دڵداری زنجیرم لە بیرم دێ کە سی ساڵە لە بەندیخانە یەخسیرم لە تاریکی ژیانم دا لە سووچی سەردی زیندانا بە مۆرەی بەردی ناکامی بە جارێ عومری خۆم دانا بەڵێ ئەو ساتە لاوێ بووم وەلێ ئێستا وەها پیرم هەیە جارێ بەسەرهاتی خەمینی خۆم نییە بیرم قەرەوڵ دێت و ڕادەبرێ، شەوانی عومرم ئەژمێرێ شەوێکیش وا منی دیل، بە دەستی مردن ئەسپێرێ شەریف حسەین پەناهی |
ڕەق هەڵاتم من لە داخی خزمی خوێڕی و ئاشنای ئەحمەق هەڵاتم من لە ترسی زاق و زووقی ئەمینەی چاو زەق هەڵاتم کوا بە خۆشی خۆم بەجێ دێڵم وڵاتی خۆشەویستم؟ من لە ترسی زللە و باتووم و دار و شەق هەڵاتم هەر بەپێیان و بەکۆمە کۆمە گەیمە ئەم وڵاتە ڕەنگە پێت وابێ بەسواری مایەنی گوێ لەق هەڵاتم (نۆکەری بێگانە ناکەم) هاتە جێ فەرمایشی خۆم وا لە برسان و لەبەر بێ بەرگی ئیمرۆ ڕەق هەڵاتم هێمن |
گومان |
فرمێسکی هەژارێک لە سەر چۆمی « ڕاین » لە ڕۆژگارێ جارێ تکا ئەشکی ئاوارە کوردێ، هەژارێ بە سەریا خوڕی: کوێندەریی ئەی تکەی سوێر ئەتۆ و ئێرە چی دەنکە فرمێسکی بێ خێر؟ وتی: ئاوی چاوی کوری کوردستانم لە دەجلە و فوراتڕایە ناو و نیشانم لە زێڕینە ڕوود و تەتاهۆ سەلامێ لە بەژنت لە چل چەشمە پێمە پەیامێ لەسەر خۆبە ئەی ڕاینی شۆخ و شیرین شتێک بوین ئەمەش گەرچی ئێستا ئەسیرین هەچەند دیل و بێچارەشە نیشتمانم ببەخشە لە جێی تۆی بە خۆشتر دەزانم چ کەڵوە و چ سیروان و ئاوێزەڕۆیە بە دیمەن هەمووی شۆخ و شەنگتر لە تۆیە ئەگەر لادەچێ ئەم تەمەی نەگبەتیمان بە خاوەن دەبێ کێو و چۆم و زەویمان لە دڕکی نەیاران بژارێکی دەکرێ هەزارانی وەک تۆ لە شاباشی دەدرێ بەڵێ ئاوی چاوم لە دڵ هەڵکزاوم لەڕێی سەربەخۆبوونی کوردان ڕژاوم وتی ڕاین: ئەی تیشک و هێزی دڵی من وەرە باوەشم بت بەمە بەحری بێ بن بە هاوار و دادت موحیت بشڵەژێنە لە چەپگەردی گەردوون بەشی کورد بسێنە هەژار |
|
| اکنون ساعت 09:05 AM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)