|
چاوه‌که‌ت مه‌سته به ناحه‌ق فێری مه‌یخانه‌ی مه‌که لێ گه‌رێ مه‌خموری به‌زمی دوردی په‌یمانه‌ی مه‌که زوڵفی سازاوت ده‌سا ته‌رتیب و چینی تێک مه‌ده حه‌یفه توشی جه‌وری ریشو کێشی له‌رزانه‌ی مه‌که په‌رچه‌مت جێ ئاشیانه‌ی بولبولی ته‌بعی منه چونکه کێشکچی شه‌وه ،تۆ مه‌نعی هێلانه‌ی مه‌که گه‌رده‌نم پێ خۆشه حه‌ڵقه‌ی تای ته‌نافی زولفه‌که‌ت چاوه‌که‌م ئیتر حه‌واڵه‌ی ته‌وق و زۆڵانه‌ی مه‌که مامۆستا ئه‌دیب وه‌هه‌روه‌ها له‌لایه‌ن (محمد ره‌ئوف كركوكی) كراوه به گۆرانی |
به‌جێ نایێ، ده‌بێ روو که‌ینه سارا حه‌قی ئادابی مه‌جنوونی له شارا که چه‌رخ ئه‌سکه‌نده‌ری دی ده‌رده‌داره وتێ: ئه‌م هه‌م بووه هه‌م ده‌ردی دارا هه‌تا حه‌ق ناسیره، هه‌ر حه‌قمه مه‌نزوور وه‌کوو مه‌نسوور ئه‌گه‌ر بمکه‌ن به دارا نه‌گه‌یمه ئه‌و جوانه و گه‌یمه پیری مه‌ده‌د یا پیری پیرانی بوخارا له‌به‌ر زار و نه‌زاری بوومه وه‌ک پووش ده ئه‌مجا رابوێره من به زارا مه‌گه‌ر تۆ عه‌رزی خاڵم که‌ی له کن یار قه‌ڵه‌م، ساغی قسه: من نیمه یارا له‌ڕم دی زاهید ئه‌م زستانه، زانیم کلک نادا به زڕپنگی به‌هارا وه‌ره ده‌ستێ به خوونم که نیگارین خوێنی من حه‌ڵاڵت بێ، نیگارا! زوو ئه‌و شۆخه له عاشق وه‌رده‌چه‌رخێ له‌گه‌ڵ که‌س، چه‌رخه ئه‌و، ناکا مودارا موژه‌ی خوێنێ ده‌کا هه‌ر له‌حزه، سه‌یره! ئه‌مه‌نده گوڵ له بن یه‌ک نووکه خارا که‌شک به‌م [مه‌حویا] هه‌ر شه‌ربه‌تی مه‌رگ له‌سه‌ر ئه‌رزا نیه ئاوی گه‌وارا مه حوی |
مەمکوژە تۆ، گەردنی خۆت ڕوو لە زوڵفان دەرخەوە ئەی سەبای ساڵحان، ئەتۆ بکەی، ئەمشەوە ڕۆژ بێتەوە تاقەتم چوو، ئارەقی گەردنت بە زوڵفان ون مەکە ئەی ستارەی سوبحدەم، ئەوشۆکە زووتر دەرکەوە سووتبووم، خۆم دا پەنای زوڵفت، دەمێک ئاسودە بم ڕووت نیشاندام، باز لە سایەی تۆوە ئاورم گرتەوە زوڵفت ئەفشان کرد و پەنهان بووی و دونیات کرد تەم خۆت وەدەرنا، عالەمت سوتاند و ئاورت کردەوە نە بە هەویای پایە بۆست، عەمری من کۆتا نەبێ مەیخە پشتگوێ مەرگی من، بێ، زوڵفەکانت بەردەوە ئولفەتی زوڵفتت چییە قوربان، لەگەڵ ڕووخساری تۆ؟ خۆ بە هیچ دینێکی نابێ کوفر و ئیمان پێکەوە! هاتە سەر خەندە: کە من، سوڵتانی حوسن و دولبەرم غایەتی سوڕەت نمای ڕۆژی جەمالی من، شەوە بای سەبا بەرقەع گوشابوو، یا ئەتۆ بووی خۆت نواند؟ یا نە ڕیزوان، دەرکی گوڵزاری بەهەشتی کردەوە؟ من لەبەر عەکسی نیگاهت کەوتووم، هۆشم نییە چاوەکەی تۆ هەر نەخۆشە، یا نە سەرخۆشی خەوە؟ (خارق لعادات)ی زوڵف و خاڵ و خەندەی زاری تۆ میشک و عەنبەر، شەهد و شەککەر، لەعل و گەوهەر پێکەوە حه زره تى وەفایی |
وێنه‌که‌ت ده‌رمانی سه‌ر جه‌رگی برینداری منه کاتی دڵته‌نگی به بێ تۆ هه‌ر ئه‌وه یاری منه دیتنی رووناکی بۆ دوو چاوی جۆباری منه تاکو لێت دوورم عه‌زیزم، شێوه‌نت کاری منه هێدی |
وه‌ک بولبول ئه‌و دڵه به گوڵی روو که روو ده‌کا په‌روانه‌یه زیاره‌تی شه‌مع ئاره‌زوو ده‌کا من وه‌سڵی ئه‌و به‌رابه‌ری جه‌ننه‌ت ده‌گرم و ئه‌و... دۆزه‌خ به ئاهی سینه‌یی من روو به روو ده‌کا ریشێکی پان و تووکی بنا گوێ درێژ و لوول سۆفیی له دینی به دیمه‌ن له جوو ده‌کا گه‌ر عاشقی له خوونی جگه‌ر قوم ده، ده‌م مه‌ده مه‌ی خواره، خام کاره هه‌تا هاو و هوو ده‌کا دنیا به حیله مه‌یلی به ئه‌بنای ئه‌گه‌ر ببێ ئه‌م [دایه رێزبار] به فرزه‌ندی شوو ده‌کا ئه‌شکه‌وتی بایه‌که ده‌می واعیز که دێته وه‌عز وه‌قتی سکووتی نه‌قشی سمێڵی له قوو ده‌کا دا عه‌کسی جیلوه ده‌رنه‌که‌وێ، نه‌ک له چاکییه ئه‌و شۆخه چاکی سینه‌یی [مه‌حوی] رفوو ده‌کا مه حوی |
نه‌وید ئه‌ی عاشقانی دڵ فیگار یان هاته سه‌ر خه‌نده سه‌دایی بولبولان دیسان دره‌ختی گوڵ به‌ری هێنا مه‌گه‌ر رووی كه‌وته زولف و رووی حه‌بیبم بادی نه‌ورۆزی حه‌یاتێكی به دونیا داوه بۆی گوڵ عه‌نبه‌ری هێنا وه‌فایی |
دڵفریبی دڵبه‌ری دڵدار، هه‌ی! فیتنه‌گه‌ر، هه‌ی! ره‌ند هه‌ی! عه‌ییار هه‌ی! بوویه یاری غه‌یر و من بێگانه مام بێ وه‌فا، هه‌ی! هه‌ی جه‌فا کردار، هه‌ی! خۆ موسوڵمانم، به‌م ناحه‌ق خوێنی من... بۆ ده‌ڕێژی، کافری خوونخوار، هه‌ی! چا نیه ره‌فتاری وا به‌د به‌س بکه ده‌رحه‌قی من، شۆخی به‌دڕه‌فتار، هه‌ی! تۆ دڵت دێوانه کردم، ئێسته‌که‌ش نانوێنی روو، په‌ری توخسار هه‌ی! قه‌ت له تیری ئاهی مه‌زڵوومانی عیشق تۆ نه‌ترسی، زاڵمی غه‌ددار هه‌ی! غه‌یری به‌د نه‌یدی له تۆ [مه‌حوی]، ئه‌تۆش هه‌ر به‌دت رێ بێ، به‌دی به‌دکار هه‌ی! مه حوی |
تـــــاكه‌ی فه‌له‌ك ئاواره‌و مه‌حرومی گـــــه‌لم كــــــه‌ی ؟ لـه‌م به‌ختی بـــه‌دو تـــــالعی به‌رگــــه‌شته خــودا وه‌ی من ده‌روێش نیم كــه‌وتومه دوو عیله‌ت بـــه حه‌ی حه‌ی له‌یلا من مه‌جنون نیم به‌رو بــــه‌حرت له دووبـــكه‌م په‌ی موتریب وه‌ره بــــه‌فیدات بـــــم بۆ ده‌فعی هــه‌موو غه‌م لێ‌ده له ده‌ف و به‌ر بـــــه‌ت و ســـاز و چـــه‌قه‌نــه‌و نه‌ی سه‌متوره به تـــــه‌نبــــوره ده‌ڵـــــێ بــه فـــــه‌سیـحــی كه‌س به‌زگ وه‌های نه‌بوه، جـــم كـــه‌ی بــووه كه‌ی‌كه‌ی هاتونــه ره‌قس مــــوشته‌ری و زوهــــره لـــــه خـۆشی ئه‌م به‌زمه كه« خاڵی له ره‌قیب» بــــی به‌ده هه‌ی‌هه‌ی ساقی وه‌ره بــۆ خـــــاتـــری ئــــــه‌و پیری مـــوریـــدان هه‌‌ڵبــــــگره پیـــاڵــــه به‌قـــــــه‌ڕابه بـــم ده‌رێ مــه‌ی ساقی سه‌ره‌كه‌م بێ به فیدای گــــه‌ردنـــی شوشه‌ت له‌و جـــــامه بلورینه لـــــه بـــۆم تێــــــكه پـــه‌یــــا په‌ی ساقـــــی قـــــــه‌دی زۆر نـــــازك و بـاریــــكه و چـــاكه دوو باره بــــــــكه‌م« قاڵ» هه‌نـاسه‌م بۆ هــه‌یـــاسـه‌ی ساقـــــــی ئــــه‌گه‌ر ئـــــه‌م له‌نــــجـه‌یه بێنێته فـرۆتـن مولك و دین و دنیام، كـــــه‌مه بۆ قیمه‌تی لــــه‌نــجــه‌ی ساقی تـــــه‌ڕ و مه‌جلیس پـــه‌ڕ و مه‌عشوقــه به‌رابه‌ر ئــــــــه‌م ده‌ردی سه‌رو میحنه‌ت و غه‌م خواریــه تاكه‌ی فـــــه‌خری كـــه تۆ روحت بكه‌یه پێشكه‌شی ســاقـی فــــه‌رقت چیه بــــه‌د به‌خت له گــه‌ڵ هــاته مه‌كـــه‌یتی "شێخ ئه‌حمه‌د محێدین به‌رزنجی" |
لەم شیعرەدا (مەدهۆش)گەردوون لەناو جوانی دولبەردا دەتوێنێتەوە، ئەوهەموو شتێکە بۆی ئەم شیعرە لەسالی(١٩٤٢)هۆنیویەتیەوە.... قوربــــان وەرە زوو دەسکە ملم مــاڵ و سەرم تۆی فـــەوتاوی دەستی تۆم و بەڵــــێ چارەسەرم تۆی بەینێکە لەژێر دەستی جەفـــا وتەعنەیی عەشقم یەك دەفعە دڵــــم بێنەوە جێ خێر و شــــەرم تۆی ڕوو دەرخــــە پەچــــەت لابەرە لێـــو بێنەرە پێشێ ماچێــــك ئەفڕێنم لە دەمـــــت نەشئە دەرم تــۆی من بولبول و تۆ غـــونچەیێکی سەر چڵی عەشقی ئێشکچییە دڵ شەو کە ئــــومێدی سەحــەرم تۆی عەشقت کــــە هەموو ئــــان و سعاتێك لە دڵم دا کردوویە بە غـــەوغایە کەچــــی بێ خەبەرم تۆی (مەدهۆش) کە وەکو شایە لەژێر سێبەری عەشقا غـــەم لەشکر و دڵ دوژمنە مــــایەی زەفەرم تۆی شاعیری گەورەی کورد حەمە عەلی کوری حەمە ساڵحی کوری محمدی قوربانی) ناسراو بە (مـــــــەدهـــــۆش) |
پێنج خشتەکی "دیلان" لەسەر شیعرێکی "سالم" من برۆی پەیوەستی ئەو نازدارە شیر و تیرمە پرچی لوول و زولفی ئاڵۆز، کۆتە و زنجیرمە قوژبنی مه‌یخانه دایم گۆشه‌ی ته‌دبیرمه سوجده بردن بۆ نیگایه‌ک کرده‌وه‌و ته‌فکیرمه شێخی ئەو پیر و موسینە، من جوانــــێک پیرمە نەکەی هەرگیز نەمامی گوڵ، ببێتە سێبەر و سایەت بە نینۆک گەر بژاری کەی، بە پولـێک بەرهەم و مایەت ئەوی بۆنی وەفا و عەهدە بە هیچ جۆرێک، لە گوڵ نایەت هەتا ماوم ئەچـێنم تۆوی هەر خارێک، لە دڵ شایەت کە بــێی بۆ سەر مەزارم، دامەنت بگرن ئەگەر مردم |
| اکنون ساعت 05:55 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)