|
هێلانه‌ی دڵی من ئـێواره‌یـه و زه‌رده‌پـــه‌ره واجــــیهان تاریـــك دادێ هه‌ناسه‌کانی ئــه‌شقم هـێــدی هێدی به‌ره‌و لات دێ گله‌یی ده‌که‌ی که ئه‌مبینی گوایه فه‌رامۆشم کردووی ئه‌گه‌ر له چاوم بڕوانی تێ ده‌گه‌ی چه‌ند بیرم کردووی هـاتــووم لــه ئــامێزت بـــگرم تـا ساڕێژکه‌م زامه‌کانت مـه‌ستـی نیگای جوانیت بکه‌م ڕوحم بکه‌م به قوربانت گیــانه دڵــه‌ی ســه‌رگه‌ردانــم بێ لانه‌یه زۆر نــامــۆیه چــه‌ند دوور بڕۆم هێلانه‌ی من ته‌نیا دڵی ناسکی تۆیه هێنه‌ده‌هــۆگرتــم ڕوحـی مــاندووم هـــه‌ر تۆی ئه‌وێ ساتـێ بێ تۆ ئۆقره ناگرم ئـه‌و دڵـه‌ی شێتم ناسره‌وێ تـــۆ بــــۆ مـــن بــووی بـــه وه‌رزی ژیــان له‌م دنیــایه بوویته ئـاوێنه‌ی هه‌سته‌کان ، ئـــه‌وئاواته‌ی لــه دڵمایه |
به‌هار به‌هاره ، جێژنه ، شادی و پێکه‌نیـنه داوه‌ته ، به‌زمه ، شایی و هه‌ڵپه‌ڕینه ئاگری نه‌ورۆزی کوردان کرایــــــه‌وه به تیشکی خۆر به‌فری ده‌م که‌ل توایه‌وه سه‌ری هه‌ڵدا ئومێد و به‌خت و ئیــقباڵ خه‌م و ته‌م وا به کۆ خسترانه ژێر چاڵ نه‌ما ده‌ردی نه‌داری و بێ نه‌وایی بڕا ده‌وری هه‌ژاری و بـێ په‌نایی به سه‌ر چو، کوا ؟ نه‌ما زستانی سه‌ر شێت له مـــه‌ولا خونـــچه دیمه‌ن دائــه‌پــــۆشێت له داوێــــــنی چـــــــــیا و لاپاڵی کوێستان سه‌ره وده‌ر بوون که‌ما و مه‌ندۆک و بێژان هه‌ڵاڵه و سوێــــسن و به‌یبون و شللێر ده‌نه‌خشێنن چیا و پێده‌شت و هه‌ڵدێر گه‌زیزه و نێرگس و نه‌سرین و هێرۆ دڵی دڵدار ده‌که‌ن سه‌ودا ســـه‌ری خۆ زستانی 1374 کۆیه کاوڵانی |
نه‌ورۆز و سرووشت کوردستان کڕیوه وه‌و تۆف بێ ڕۆخساریه‌و جێ پای لێز بودن وه‌ره‌و لاریه‌و وه‌فر هه‌ڵکشیه‌د وه‌ره‌و بان شاخ چونویر تێه‌ده‌وبان له ناو ڕاخو زاخ شاهۆ، داڵه‌هۆ، مانشت، ئارارات سه‌روه‌ن چه‌رمگ مه‌که‌نه خه‌ڵات هاژه‌ێ وه‌فراوان له شاخو له دۆڵ چمان سێ جاره وه ساز و ده‌هۆڵ واران وه‌و ئه‌سرین نیمه واریه‌و ته‌رزه وه‌و سرۆشت جۆر ڕێویاریه‌و سه‌یمه‌ره‌و سیروان، وه زۆڵف شۆڕه‌و شنه‌ێ باڵیان تێ له مه‌وداێ دیوره به‌ڕه‌زا له تاش وه‌و زۆڵف شۆڕێ کام که‌ێدن ئه‌ڕاێ، لیرگت داچۆڕێ چیمه‌ن وه‌و ڕۆخسار پانو شیرینه‌و وه هاتن نه‌ورۆز هه‌ڵسێدن له خه‌و گه‌زیزه‌و شه‌وبو له وه‌رماێ مانشت موژده‌ێ وه‌هار ده‌ن وه قه‌ومه‌ێل پشت سروه وه چه‌وه‌ێل ئه‌ر‌خه‌وانیه‌و شه‌ماڵ وه مشکیو ئالیخانیه‌و وه‌نه‌وشه‌و نه‌رگس، له‌ی وه‌رو بنه تیه‌نه پێشوازمان وه زه‌رده خه‌نه هه‌ڵاڵه‌و شه‌وبو وه‌گه‌رد هه‌ڵمه‌ڵێ گۆڵوارانمان که‌ن، هه‌ر سه‌رێ چڵێ گه‌زیزه‌و سوسه‌ن، وه لاره‌و له‌نجه چۆپی گه‌ردنن وه توک په‌نجه نه‌رگس وه له‌نجه له‌رنێده‌و له‌شێ کانی وه خۆڕه داوا که‌ێ به‌شێ گشتیان وه‌یه‌کوه به‌زمیان گه‌رمه له هۆره‌و شمشاڵ له هه‌زار نه‌زمه نه‌ورۆزه جه‌ژنه، جه‌ژن کوردانه وه‌هار هاتگه و له‌ێره میوانه ئێقباڵ سه‌فه‌ری |
دڵت نه‌شکێ ! له سه‌ر ڕوو کازیبه‌ی زولفت وه‌لا به که سادق بێ تولووعی ئافتابه! دڵ و دین هه‌رچی بوو قوربانی تۆ بوو هه‌تا که‌ی ئیدی ئه‌و ناز و عیتابه؟ بڵا به‌و ڕۆژه نیلووفه‌ڕ نه‌سووتێ به مه‌رگی من سه‌ری زولفت وه‌لابه! له عه‌کسی عاریزت فرمێسکی چاوم گوڵاوی ڕووته، هه‌م خوونابی نابه! وه‌ره بنوێنه خۆت, بمکووژه قوربان! به دینێک کوشتنی عاشق سه‌وابه! وه‌ره بنواڕه به‌زمی عاله‌می دڵ چ خۆش ده‌ورێکه! هوشیاری خه‌رابه! ئه‌گه‌رچی ناڵه‌یه هه‌ر شه‌وق و زه‌وقه ئه‌گه‌رچی گریه‌یه عه‌ینی سه‌وابه! به ناڵینی دڵی سووتاوی عاشق هه‌موو هه‌ر نه‌غمه‌یی چه‌نگ و ڕوبابه به چاو و گه‌رده‌ن و ڕوخساری، ساقی هه‌موو هه‌ر شاهید و شه‌مع و شه‌رابه کوتم با قیمه‌تی وه‌سڵت به دڵ بێ به ماچێکیش له زاری خۆت ڕه‌زا به! که‌چی فه‌رمووی دڵت نه‌شکێ وه‌فایی ئه‌وه سه‌ودایه زه‌ڕڕێکیش حیسابه! وه‌فایی |
ده‌مکوژێ و پێشم ده‌ڵێ ئالووده دامانم مه‌که! غه‌مزه‌ده‌ی خۆتم، نیشانه‌ی تیری موژگانم مه‌که! عاشقی ڕووتم عه‌زیزم! تیره‌بارانم مه‌که! به‌س دڵم بشکێنه به‌م ئه‌برۆیه بۆ ماچی ده‌مت مه‌مده به‌ر تیغ و له‌سه‌ر هیچێ له گریانم مه‌که! چیم له ئه‌برۆت داوه من، پابه‌ندی زولفم، لێم‌گه‌ڕێ! کافری عیشقم، به قیبله‌ی خۆت موسوڵمانم مه‌که! عاشقی خه‌ندێکی تۆم، با به‌س به ئاھ و ناڵه بم بولبولم په‌روانه نیم و حه‌ز له سووتانم مه‌که! دڵ به من ناکا له‌به‌ر ئاوری ده‌روونم دێته جۆش تۆ - که سووتانت نه‌دیوه- مه‌نعی گریانم مه‌که! مه‌مده به‌ر تابووری موژگانت هه‌تاکوو غه‌مزه بێ ها به جارێ بمکوژه! یه‌خسیری تورکانم مه‌که! سه‌د که‌ڕه‌ت کوژراوی یار بم لێم مه‌پرسه ئه‌ی ته‌بیب! ده‌ردی یارم خۆشتره، بێهووده ده‌رمانم مه‌که! پێم بڵێ: یاقووت و ڕیحان خه‌تتی کامیان خۆشتره؟ وا غه‌واره‌ی چاو و ئه‌برۆ و له‌علی خه‌ندانم مه‌که! په‌نجه‌که‌ی پاکی له‌سه‌ر خوێنی وه‌فایی بۆته گوڵ ده‌مکوژێ و پێشم ده‌ڵێ: ”ئالووده‌دامانم مه‌که |
نالی له‌کاتی نوێژی شێوان بوو ، گه‌یشتم پێی وتم رۆژ باش به‌غه‌مزه‌و ره‌خنه‌وه‌فه‌رمووی غروبه، نۆێژی شێوانه وتم گیانم فیدای گیانت که‌رۆژی رووت له‌من ده‌رکه‌وت جه‌هانی وا له‌من روون کرد که‌وام زانی تلوعانه که‌خاکی، خاکی دامن به‌وه‌گه‌رنه‌تۆزی به‌ر بادی که‌ئاوی ئاوی گه‌وهه‌ر به، وه‌گه‌رنه‌بڵقی سه‌ر ئاوی به‌په‌ل په‌ل بوونی سبحه‌ینێ ئه‌گه‌ر ببوایه‌باوڕیان ده‌بوو قه‌د به‌م حه‌ده‌نه‌بوایه‌بۆدونیا په‌له‌ی مه‌خلووق به‌ئاوێ تێگه‌یشتین ئێمه‌دونیا هه‌ر سه‌رابێ بوو هه‌موو ده‌شچن به‌خنکانوو له‌وشکیشه‌مه‌له‌ی مه‌خلووق له‌سوقی ده‌هردا دوکانی هه‌ر که‌س موودده‌تی عومره گه‌وهه‌ردانه‌به‌پشکه‌ڵ دانه‌مه‌حوی مامه‌ڵه‌ی مه‌خلووق سه‌ر که‌جۆشێکی نه‌بێ من زرکه‌تاڵم بۆ چیه؟ دڵ که‌هۆشێکی نه‌بێ شیشه‌ی به‌تاڵم بۆچیه؟ |
بلی چی چاره ی خه مه ی من مه ی نی یه مه یخانه بلی چی ه و دهردهوه مه ی نامگری په یمانه بلی چی پیم وا نیه له م غه دره وه فریام بکه وی که س ئه و دوست بو و وه فای بوم نه بوو بیگانه بلی چی هه ر عاشقه سوو چیشی نه بی ده یخه نه ئه ستو شه م ئاگری کردوته وه په روانه بلی چی تاوانی منه ده ربه ده ری ده ردی سه ری من مه ل خوی سه ری خوی هه لگری هیلانه بلی چی؟ |
ئيواره يه وا هه لگره سا گوزه يي تازه ريي كاني قوبان مونتظيري جلوه نازه به رده ر گه كه تان قيبله ي روي ئه هلي نيازه ئيواره يه وا هه لگره سا گوزه اي تازه چه ن جوانه به رو مغريب ئه چي زه رده ئه دا ليت پرشنگي خشل ئه بلق ئه كا دوري به ري ريت روژي ده مي كه ل حاضره بو بو پيشكه شي به ر پيت ئيواره يه وا هه لگره سا كوزه اي تازه ئيواره يه وا ده ر كه وه سا جوانه كچي دي ئه ي وردي قصه و به سته ي گشت كور گه لي سه ر ري سوتاوي جوانيتن هه مو كي كوري كي بي ئيواره يه وا هه لگره سا گوزه اي تازه وه ك سويسكه برو ئاسكه نيگاي چاوي ره ش و مست پر ئيشوه بچرخينه ئيتر هيچ مه به ده ربست چه ن مال ئه رمي چه ن شل ئه بي هيزي دل و ده ست ئيواره يه وا هه لگره سا گوزه ي تازه وه ختي كه ئه چي چه شني نه سيم له نجه به رو مال ئه گريجه ي ته ر پخشه له سه ر كولم و خه ت وخال شه ريانه شه مال پنجه له سه ر ره نگي گه ش و ئال ئيواره يه وا هه لگره سا كوزه ي تازه گوران |
ئەمەگی گوڵان هاتــــە دەر مــــانـگی یەکـــەمی بــــەهــــار مێلاقــــــە ســـــوورە لــــە لـێــــوی جۆبـــــار هــەروا کەمێــک دوور وەنەوشێك بوو شـــین وەنەوشێکی چۆن؟مـــل کەچ و سەر شـــین بـــە وەنــەوشــەی گــوت مێلاقـــە جـارێـــک: لــە مێـــژە هەمــــە لـــە تــــۆ پرســــیارێــــک ئــــەتۆ کــە پــــەلکت وا ســـــوور و گــەشــــە دەروونــــت بـۆچــــی خـــەڵــووزی ڕەشـــــە؟ مێلاقە: چــت لـــەوەی داوە دەس هــــەڵـــگرە لـێــــم رازی دەروونـــــــم بـــــۆ بـــــە تـــــۆ بڵـــــــێـم ... تاریک و ڕوون/هێمن |
پرسیار و وه‌ڵام " گوتم: ده‌فعێک ته‌که‌للووم که، گوتی: شه‌ککه‌ر به با ناده‌م گوتم: جارێک ته‌به‌سووم که، گوتی: قه‌ت گوڵ حه‌وا ناده‌م گوتم: لاده نیقابی ڕووت، جه‌ماڵت با ته‌ماشا که‌م گوتی: به‌سکه قسه‌ی بێجێ، خه‌لایق به فه‌نا ناده‌م گوتم: په‌رچه‌م په‌رێشان که، سه‌با با عه‌نبه‌رئه‌فشان کا گوتی: چۆن ئه‌ژدیها به‌رده‌م، هه‌موو که‌س به‌ر به‌ڵا ناده‌م گوتم: چۆن بچمه مه‌یخانه، له‌به‌ر ئه‌و چاوه کاڵانه گوتی: بۆ مه‌ستی بڕوانه، له‌وه زیاتر ڕه‌زا ناده‌م گوتم: چه‌ن چاوه‌چاو که‌م، تا هیلالی نه‌و ته‌ماشا که‌م؟ گوتی: ههرچهن ته‌ماشا که‌ی، سه‌ری زوڵفم وه‌لا ناده‌م گوتم: ئه‌و نازی چاوانه، به مه‌ی بفرۆشه به‌و جانه گوتی: مه‌جنوونی دێوانه! نیگا وا بێبهها ناده‌م گوتم: ڕۆح هاته سه‌ر لیوم، گوتی: چاره‌ی به چی ده‌کرێ؟ گوتم: قه‌ندی له‌بی له‌علت! گوتی: به‌خودا ده‌نا ناده‌م! گوتم: قوربان که‌ره‌م که پێم، له باخی سینه لیمۆیه گوتی: لیمۆیی تازه‌ڕه‌س، به سه‌د لیره‌ی ته‌ڵا ناده‌م گوتم: ئیزنه له باخی ڕووت، که سه‌یری سێوی سوورت که‌م گوتی: گه‌ر ماری ڕه‌ش بێڵێ، ئه‌من لێت له هه‌را ناده‌م گوتم: بینایی چاوانم، وه‌ره بینا که چاوانم گوتی: به نه‌شته‌ری موژگان، له دۆستی با وه‌فا ناده‌م گوتم: با بێمه گوڵزارت، ئه‌گه‌ر شه‌وبۆی شه‌وبۆ که‌م گوتی: غه‌یری سه‌حه‌رگاهان، ئه‌من عه‌ترم به با ناده‌م گوتم: تۆ هێنده مه‌حبووبی، به‌شه‌ر نازانێ وه‌سفت کا گوتی: زانا به‌سه خۆ من به که‌س مه‌دح و سه‌نا ناده‌م گوتم: بێ تۆ دڵم تاریکه، ڕازیت بێ چرا بێ وا؟ گوتی: نووری سه‌ری کۆڵمم به‌سه، ئیدی چرا ناده‌م گوتم: باڵات ئه‌گه‌ر سه‌روه، توره‌نجی بۆ چی هێناوه؟ گوتی: تۆ زۆر ده‌ڵێی! من ده‌س له کرداری خودا ناده‌م گوتم: ئاخر عیلاجی که به‌سه، کاریگه‌ره ده‌ردم! گوتی: ئه‌مری خودا وایه "ئه‌سه‌د"، بمری شه‌فا ناده‌م ئه‌سه‌دوڵڵا غوڵامعه‌لی |
| اکنون ساعت 11:45 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)