http://t3.gstatic.com/images?q=tbn:Y...7087p3/741.jpg

خه‌مپه‌رست

بریا چه‌شنی‌ پاییز بام... بریا چه‌شنی‌ پاییز بام
بریا وه‌ك پاییز خه‌مۆش‌و زیز بام
گه‌ڵای‌ هیواكانم یه‌ك یه‌ك زه‌رد ده‌بوو،
هه‌تاوی‌ دیده‌م سڕ‌و سارد ده‌بوو
ئاسمانی‌ سینه‌م پڕ له‌ ده‌رد دبوو، له‌پڕ تۆفانی‌ خه‌مێك گیانی‌ ده‌كردم خه‌ده‌نگ،
فرمێسكه‌كانم به‌ چه‌شنی‌ باران،
سه‌ركۆشمیان پڕ ده‌كرد له‌ ره‌نگ،
ئای‌ چه‌ند جوان ده‌بوو گه‌ر پاییز بایه‌م،
شێت‌و زیته‌ڵه‌‌و ره‌نگاڵه‌ بایه‌م
شاعێرێك له‌ چاوما خوێندبای‌ ... شێعری‌ ئاسمانی‌
له‌ په‌نای‌ دڵی‌ عاشق‌و شه‌یدام كڵپه‌ی‌ ده‌سه‌ند
له‌ناو گڕ‌و پزیسكه‌ی‌ ئاوری‌ ده‌ردی‌ په‌نهانی‌
سۆزی‌ من ...
هه‌روه‌ك سۆزه‌ی‌ شنه‌ی‌ په‌ڕ‌و باڵ شكاو
عه‌تری‌ خه‌می‌ پژاند بۆ دڵانی‌ داماو
له‌به‌ر ده‌مما: سیمای‌ مۆن‌و تاڵی‌ زستانی‌ لاوی‌
پشتی‌ سه‌رم: كه‌تن‌و ئاژاوه‌ی‌ هاوینی‌ عه‌شقی‌ ناكاوی‌
سینه‌م: مه‌نزڵگای‌ خه‌م‌و ژان‌و به‌دگومانی‌
بریا وه‌ك پاییز بام ... بریا وه‌ك پاییز بام.

فرووغ فه‌ڕوخزاد
ورگیر:شه‌ریف فه‌لاح

سێ‌ شێعری‌ فه‌ره‌یدوون موشیری‌

ده‌نگێك له‌ سه‌نگه‌ره‌وه‌

http://tbn1.google.com/images?q=tbn:...0286p3/991.jpg


ده‌ستم بـــگره‌، كه‌ ئاو به‌سه‌رمــا داگــــه‌ڕی‌
خوێن له‌ڕووم بسڕه‌، كه‌ تیر به‌ باڵ‌و په‌ڕما تێپه‌ڕی‌

له‌ نــاخی‌ دووكه‌ڵی‌ خه‌ستا سه‌رم هێنایــــه‌ده‌ر،
تاكــوو ئه‌مشه‌و له‌ حاندی‌ چاه‌ی‌ ته‌ڕمــا تێپه‌ڕی‌

هه‌ستی‌ رزگـــاریم له‌ زینــدانی‌ خه‌ما تێك شكا
بــۆنی‌ خۆشی‌ ئه‌م سپێده‌ به‌ سه‌نگه‌رمـا تێپه‌ڕی‌

به‌ هه‌ڤــاڵان بڵێ‌: (( شوێـن پێی‌ نیشتمان كه‌وت،
به‌هه‌ر جێدا كه‌ گه‌ردیـــله‌ی‌ خۆَڵه‌كه‌وم تێپه‌ڕی‌))

مانگ‌و خــۆر هه‌ڵاتن له‌هه‌ر دلــَۆپه‌ی‌ خوێنی‌ من
له‌و ئــاسمانه‌ی‌ به‌نێـــو زامی‌ دڵی‌ له‌تمــا تێپه‌ڕی‌

لــه‌ بیلبیله‌ی‌ نیــگاما باخی‌ گـــوڵ پشكــووت
هــه‌ركــه‌ ناوی‌ نیشتمانم بــه‌ ده‌فته‌رمـــا تێپه‌ڕی‌

ته‌می‌ ئه‌م بیبانه‌

هه‌تا چاوان هه‌ته‌ر كا، ته‌م دێته‌ رێ‌
چــرای‌ چاوان له‌به‌ر رێن وا چاوه‌ڕێ‌

ته‌می‌ سارا بۆته‌ سوار چاكی‌ ده‌وران
به‌بێ‌ سواريش‌، ته‌می‌ بیابان ناگـه‌ڕێ‌

سه‌رگــه‌ردان

له‌ عه‌وداڵیی‌ مانگی‌ روو دڵم دێته‌ سوێ‌
كـــــه‌ شه‌و تارۆژ هه‌موو رێــــگا ده‌پێوێ‌

به‌یـــــــــــــان دێت‌و له‌ باڵای‌ خۆر بئاڵێ‌
له‌ ژینی‌ كورت مات‌و حه‌یــــران ده‌مێنێ‌

ورگیر: فه لاح

چه‌ند كورتیله‌ شێعر


(.....)
ئه‌وینت هاوینێكی‌
گه‌رمه‌و،
تووڕه‌ییت زستانێكی‌
سارد،
دڵی‌ منیش باڵنده‌یه‌كی‌
كۆچه‌ره‌و
له‌ هیچكام له‌م دوو
وه‌رزه‌دا
ئۆقره‌ ناگرێ‌.

(......)
دڵمان تیشكی‌ هه‌تاوی‌ ده‌وێ‌،
نه‌ك هه‌ور،
داری‌ هیوا،
لق‌وپۆپی‌ ده‌وێ‌،
نه‌ك ته‌ور.
(.....)

به‌ردی‌ نیگات،
شوشه‌ی‌ په‌نجه‌ره‌ی‌ دڵم
ده‌شكێنێ‌،
بۆنی‌ گوڵی‌ هیوات،
هه‌ستی‌ شاعێریه‌تیم
ده‌بزوێنێ‌.
(.....)

كه‌ شه‌و دادێ‌،
پێنووسه‌كه‌م،
كه‌زیه‌ی خاوی‌
شێعری‌ ئه‌وین،
داده‌هێنێ‌،
كه‌ رۆژ هه‌ڵات،
ده‌فته‌ره‌كه‌م لانكی‌ هیوا،
بۆ كۆرپه‌كه‌م
راده‌ژێنێ‌.

(تۆران)

ئێواره‌یه‌‌و كاتی‌
تۆرانی‌ هه‌تاوه‌،
زۆر له‌مێژه‌،
تیشكی‌ هه‌تاو،
له‌ وڵاتی‌ ئه‌وین‌و گڕ،
تۆراوه‌.

(له‌دایك بوون)

مێشكی‌ سه‌ری‌
شاعێرێكیان،
دا به‌ ماری‌ سه‌رشان
زوحاك،
هه‌ر ئه‌وكاته‌
دوو كۆرپه‌ شێعر،
وێنه‌ی‌ كاوه‌
هاتنه‌ سه‌ر خاك.

شه‌ریف فه‌لاح

با بچینه هۆبان

با بچینه هۆبان، هۆبه‌ی بێنگوینێ
جێ ڕاوگه‌ی مه‌مێ و جێی خاتوو زینێ

گۆڕی مه‌یدانێ و سه‌ری ئه‌سته‌ڕێ
شللێر سوور ده‌چێ هه‌ر وه‌ک مه‌خمه‌رێ

گوڵی مێلاقه و شه‌شپه‌ڕ و بێژان
بۆنیان تێكه‌ڵ بوو مه‌ندۆكی كوێستان

گوڵۆپكی بیزا تۆمار به تۆمار
بۆ عه‌تری ده‌ڕوا وه‌ک به‌رۆكی یار

چاو جوانم، چاو بازی چاو مه‌ست
دین و ئیمانم بۆ تۆ چوون له ده‌ست

هه‌واری مێرێ قیبله‌ی دڵداران
جێ هۆبه‌ی جوان و ناز و نازداران

یاری نازدارم گه‌ر مه‌ڕ ده‌دۆشێ
چاوی خوماری به ناز ده‌فرۆشێ

له به‌ردی بێری و كانیێ چۆڕچۆڕێ
سه‌تی وه‌ک لاس و خه‌زاڵه شۆڕێ

په‌روه‌رده‌ت كردن خه‌ج و سیامه‌ند
لاس و خه‌زاڵ و خاتوونی د‌م قه‌ند

یاخوا ئاوا بی، قه‌ت نه‌بی نه‌وی
قه‌ت نه‌گاته تۆ ده‌ستی نه‌ته‌وی

هاشم نانوازاد گان

كوێستان

كوێستان زۆر خۆشه، فه‌سڵی به‌هاران
ده‌نگی بولبولان، نم نمه‌ی باران

ده‌نگی ئاوهه‌ڵدێر، نه‌غمه‌ی بلوێرێ
وه‌ختێ چاوبازان ده‌چنه به‌ر بێرێ

ته‌قڵه‌ی شۆڕه‌سوار، حیلكه‌ی چاوبازان
قاسپه‌ی خاسه‌كه‌و له چیاو له ڕازان

چۆپی و ڕه‌شبه‌ڵه‌ک، گرمه‌ی سێ‌پێیی
خرمه‌ی خڕخاڵی كیژی لادێیی

گوڵۆپكی بیزای ڕه‌شانگی كوێستان
له ڕێبازان دا نازی چاومه‌‌ستان

تریقه‌ی كیژان، خه‌نده‌ی كچۆڵان
باللۆران داوێن له شیو و دۆڵان

چاوه‌بڕكێنه و شه‌وقی سه‌رچۆپی
بۆنی وه‌نه‌وشه‌ و هه‌ڵاڵه‌ی قۆپی

ده‌نگی خڕخاڵ و ده‌رزیله و گواران
وه‌ختێ كه مه‌ڕ دێ فه‌سڵی ئێواران

بێری له به‌ر بێر، كه مه‌ڕ ده‌دۆشێ
چاوی خوماری به ناز ده‌فرۆشێ

ده‌نگی هۆ مه‌شكێ به‌ری به‌یانان
سه‌دای بلوێر و لاوک و حه‌یرانان

تۆبه ده‌شكێنێ، دین ده‌كا به‌تاڵ
بۆنی مێخه‌كبه‌ند، كوڵمه‌ی پڕ له خاڵ

دنیا خه‌مڵیوه وه‌ک بووكی تازه
یار له غه‌ریبی كوێر بم بێ نازه.

هاشم نانوازاد گان

یادی به‌خێر

ئه‌و گوڵه‌ی مه‌شهووری گشت عاله‌م بوو، كوا؟ یادی به‌خێر
لوتفی وی ده‌رمانی ده‌ردی من بوو، كوا؟ یادی به‌خێر
چۆن ده‌بێ فیكری نه‌بێ؟ تیری له جه‌رگم كارییه
ئه‌و ده‌مه‌ی بوومه نیشانه‌ی تیری وی، یادی به‌خێر

من ده‌ناڵێنم كه بولبول بۆ له گوڵزارا نییه
ئه‌و ده‌مه‌ی بولبول ده‌هاته گوڵشه‌نم، یادی به‌خێر
یار كه ده‌یفه‌رموو وه‌فادارم به عه‌هدی ئاشقی،
چۆن له بیری كه‌م كه‌لام و خه‌نده‌كه‌ی؟ یادی به‌خێر

گه‌ر به غه‌مزه‌ی چاوی مه‌ست و زه‌رده‌خه‌نده‌ی لێوه‌كه‌ی،
شێت و شه‌یدای كردم و ڕۆیی له لام، یادی به‌خێر
چۆن بژیم بێ تۆ گوڵم؟ ئه‌وڕۆ كه دوور كه‌وتووی له من
گشت جیهان زیندانه بۆ من، ئیشقی تۆ یادی به‌خێر

ڕووحه‌كه‌م! تاكه‌ی وه‌كوو مه‌جنوونی شه‌یدا ناڵه كه‌م؟
هه‌ر له ‌سه‌ر شه‌رتی قه‌دیمم، شه‌رته‌كه‌ت یادی به‌خێر

هاشم نانوازاد گان

وازم لێبێنه‌ _
بۆ وازناهێنى له‌م دڵه‌م ،
تۆ زۆر دوورى له‌هه‌ڵوێستم ؟
هه‌تاكو من تۆم خۆشبوێ ...
هه‌رگیز ناگه‌م به‌ مه‌به‌ستم !!.

بۆ وازناهێنى له‌چاوم ،
وێنه‌ى تۆى تێدا نه‌ماوه‌ ؟
ئه‌و چاوه‌ى جاران لانه‌ت بو ..
ئێستا له‌ ئه‌شكا خنكاوه‌ !!.

بۆ واز ناهێنى له‌ لێوم ،
تازه‌ قه‌ت ناوت ناهێنێ ؟
هه‌ڵه‌ناكات جارێكى تر ...
یه‌ك وشه‌ت لا نادركێنێ !.

ده‌برِۆ وازبێنه‌ له‌ دڵم و
یه‌خه‌ى چاو و لێوم به‌رده‌
په‌شیمانیت بێئه‌نجامه‌ و
خۆشه‌ویستیت داخ و ده‌رده‌.

گه‌شبین مه‌به‌ به‌بونى من ،
تۆ دڵت كوشتم به‌سزات
چیتر لێم مه‌ پارِێره‌وه‌ ...
گوێم كه‌رِه‌ له‌ ئاستى نزات !.

ئارام ئه‌بوبه‌كر ...... سلێمانى

فرمێسكى شه و

ئه مشه و لەگەڵفرمێسكه كان نقومم بوبوين له ناو خــه مــا
هينده ئــــــــاهمان هەڵكيشـا بــوو گيانمان ئه دا له مــاتــه مــا

له و رۆژه وه ى تـــۆ رۆيشتوويت خه نده ى من گـــــرى گرتـــوه
پــاشــماوه ى عه شقەكه ت بـۆ من ته نها خه ميكى قوڵ بووه

من هه ستم كرد كاتيك رۆشتى كـه وته شوينت وه رزى به هار
كوا دواى به هار پايز هاتوه و لەگەڵى بيت خــــــــــــه م و ئازار

رۆژيـــــك نييه بـــــڵێم ئـــه مـــرۆ بيخـــه م و ئــاسوده و شــادم
هه موو رۆژيـــــك له به ر دووريت پـــــــــەريشان و نـــــا مـــورادم

يــــادتـــت بــــۆ ته ترپەى دڵم بــۆ ساتيك نــــــاجى لـــــــه بيرم
خــــــوانـــــه كــــرده لـــــه بيـــرم جيـــت دڵــنيابه ناژيم ئه مرم

مه گەر مردن بيت ب ــۆ لام و رووح مالئــاوايم لـــــ ێبـــــكــــــات
ده نـــا هيج هيزيك ناتوانيت عه شقت له نـــاو دڵم ده ركــــــــات