|
ته‌مته‌مه‌لیولان
مجموعه شعر کردی کرماشانی : ته‌مته‌مه‌لیولان جلیل آهنگرنژاد حه‌زره‌ت واران ! ده‌روه‌چه‌گه‌ی سه‌وز وه‌هار و گه‌نم ! هه‌م ده‌ف هیور تنه له‌یره ژه‌نم ؟! هه‌م وه ته‌موره‌ی نه‌فه‌س دارهگان عه‌تر تِ واری له دهس دارهگان ؟! هه‌م ره‌نگ گه‌رم تنه دیونم وه چه‌و ؟! یا په‌ری عشقه گِ دیونم وه خه‌و ؟! هه‌چه‌گه هه‌س عه‌تر تِ ها گیانیه‌و یاس ده‌سه‌یل تنه ها شانیه‌و تک‌تک‌تک تک‌تک شه‌ونم ئه‌یوه نم‌نم‌نم نم‌نم‌نم‌نم ئه‌یوه تک‌تکِ وارانِ وه‌هاره دلی مانگه شه‌وِ فه‌سل ئه‌ناره دلی گیری شه‌وقه‌و گولِ ئه‌سره چمان باخِ خوه‌ش لیموِ قه‌سره چمان هه‌ر چگه هه‌س تام سیه‌ی شه‌و نیه مانگه‌شه‌وِ هیولِ شه‌وه‌یل تنه هه‌رچگه هه‌س مه‌ی چه‌وه‌گان ت که‌ی گول له وه‌هارِ خه‌وه‌گانِ تِ که‌ی … حه‌زره‌ت گول ! عه‌تر که‌و ئاسمان ! یه‌ی شه‌و ئه‌گه‌ر بایده خه‌وِ ئاسمان ، ! بان له‌ش زه‌یو گولِ واران چه‌قی جامه‌کِ هه‌فتا ره‌نگِ داران چه‌قی له‌یره وه‌هاره‌یل خودا چیوزه ده‌ن هه‌م وه گه‌ل و هه‌م وه جیا چیوزه‌ده‌ن واروه تیدِن دِلنگ شه‌ر که‌نی گووش شه‌واره‌یل سیه‌ی که‌ر که‌نی گور خه‌یه سه‌ردی نه‌فه‌س بیستیون وه‌ر ده‌یه داوان شه‌وا گیول خیون له‌ی زه‌یوه هه‌م شه‌و سه‌رِ خوه‌ی هه‌لگری تا وه گه‌ری چوود و له ورسی مری حه‌زره‌ت گول ! وه‌رجله ت سه‌ور هات له‌ی ریه هه‌م تاشِ سیه‌و که‌ور هات له‌یره ئه‌وه‌ل سالِ ئه‌زه ل بیوچمان واروه بیو ، وه‌فر ئه‌وه‌ل بیوچمان سه‌رد و سیه باخ هساره‌یل شه‌و سه‌ر و سیه بال هناسه‌یل که‌و سه‌رد و سیه هه‌م زیو و هه‌م ئاسمان هه‌م نه‌فه‌س ده‌روه‌چ و هه‌م باخه‌گان حووز کوچگ هاتن و به‌یداخ دان ئاگر هه‌رچی نه‌فه‌س باخ دان وه‌رجله تِ قسمه‌تمان جه‌ور بیو دارِ تِ بومن به‌شمان ته‌ور بیو هه‌رچگه شه‌و بیو له دل که‌شکه‌شان » وه‌رجله‌تِ هاتنه‌سه مالمان ! دار زقم بی تِ به‌ر تیخ داس هه‌رچی له‌شه تام سه‌ر تیخ داس ! حه‌زره‌ت واران ! تیه‌نیِ ئاوِدیم عاشق خوه‌زیه‌و له وه‌رِ ناوِدیم که‌وتره‌گان له‌یلِ خه‌ویلِ تنن هه‌رچگه هه‌ن وه‌یلِ چه‌ویلِ تنن نه‌رمه‌گیا ماچ گولِ که‌و تِ که‌ی تک‌تک واران هه‌وه‌سِ چه‌و تِ که‌ی نوگوله‌گان مه‌خشِ چه‌وِ ساده دِن چیمه‌نه‌گان هه‌رچگه هه‌ن جاده دِن له بنِ باله که‌وه‌گه‌ی خوه‌زیه‌وه‌یل ناو تِ نیوسایه خودا خوه‌ی وه مه‌یل ناو تنه له‌رزه خه‌یه گیان شه‌و عشق تِ ئاگر خه‌یه داوان شه‌و حه‌زره‌تِ گول ، حه‌زره‌تِ واران ، تنی ! ئاو زولال تیه‌تِ جاران تنی ! دهس وه دوا هه‌رچگه داره وساس هه‌چگه واران وه‌هاره وساس به‌وره و و هه‌م خوه‌د نه‌فه‌سِ شه‌و بچن ! رای زه‌یوه ملوانکِ که‌و که‌و بچن ! … عه‌ترِ گول گولوه‌نیِ دالگه‌یل ! ئه‌زره‌تِ واران له دل ئیمه مه‌یل ! له‌و فره لیژی ریه‌گه‌ی ئاسمان ، واز بکه ده‌روه‌چ چه‌و کاله‌گان واز بکه ده‌روه‌چ هه‌ر چی چه‌وه واز بکه هه‌ر چگه ئاسوو که‌وه دالگِ وارانیِ یاسه‌یل سوو سه‌وزیِ ئحساسِ هناسه‌یلِ سوو سه‌ردیِ زمسانِ سیه باره سه‌ر خه‌ت بیه مه‌خشِ شه‌وِ شل‌شل له وه‌ر حه‌زره‌ت گول ! عه‌ترِ که‌وِ ده‌روه‌چه‌یل ! یه‌ی شه‌و ئه‌گه‌ر بایده خه‌وِ ده‌روه‌چه‌یل ، ! بال مه‌لیوچگ ره‌نگ که‌وکه‌و گری حال چه‌وه‌یله سیه‌گه‌ی شه‌و گری منبع : سایت tamtamalulan |
|
|
|
|
|
|
|
ليموه‌يل قه‌سر |
له خه‌يال ساله‌يلِ بانان |
سجيليگ ئراي مه‌ليوچگ ؟ |
|
|
له‌ناو په‌ر كوچگين تاريخ |
|
خه‌م ديوري تنه‌ئي ئه‌وره واري ! |
|
| اکنون ساعت 09:52 AM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)