جێژنی به‌هار

http://lh6.ggpht.com/amirhome53/SGOD...jpg?imgmax=512

به‌هاره‌ ده‌شت و کێو یه‌کسه‌ر لیباسی ئه‌تڵه‌سیی پۆشی
به‌سه‌رچوو کاتی دڵته‌نگی و وه‌ده‌رهات سه‌رده‌می خۆشی
ته‌ماشای گوڵشه‌ن و چیمه‌ن دڵان دێنــــــــــێته‌ سه‌رخۆشی
ده‌سا موتریب به‌ ده‌نگی ساز و نه‌ی بشکـــــــێنه‌ خامۆشی
نه‌وای عیشق و ئه‌وین لێ‌ده‌ که‌ دڵ دێنــــــێته‌ سه‌رخۆشی

http://s7d2.scene7.com/is/image/Tele...ayer=2&opac=55



بگێڕه‌ جامی مه‌ی ساقی به‌ دوو ده‌ستی بلووریــــــــــــــــنت
سه‌ما که‌ و له‌نجه‌ بێنه‌، ناز بده‌ چاوانی نه‌خشــــــــــــینت
به‌ عیشوه‌ تێ‌بکه‌ بۆمان شه‌ڕابی کۆنــــــــــی ڕه‌نگــــــــینت

ده‌سا موتریب به‌ ده‌نگی ساز و نه‌ی بشکێنه‌ خامۆشــــــــی
له‌ باڵای دڵبه‌رم بدوێ که‌ دڵ دێنـــــــــــــێته‌ سه‌رخۆشــــــی


http://asriran.com/files/fa/news/138...107806_848.jpg


له‌ خه‌و چاوی هه‌ڵێنا گوڵ که‌ دیتی عه‌رزی ڕه‌نگاوڕه‌نگ
به‌ قاقا پێکه‌نی پشکووت، له‌تیف و جوان و شۆخ و شه‌نگ
گوتی:"بولبول ده‌می وه‌سڵه‌ وه‌ره‌ بخوێنـــــه‌ بۆم ئاهه‌نگ"
ده‌سا موتریب به‌ ده‌نگی ساز و نه‌ی بشـــــــــکێنه‌ خامۆشی
که‌ ڕۆژی شادییه‌، دایکی ته‌بـــــــــــــــــیعه‌ت پڕ گوڵه‌ کۆشی


http://www.tabnak.ir/files/fa/news/1.../25741_526.jpg


شنه‌ی بای به‌ربه‌یان هێنای له‌ گه‌ڵ خۆی بۆنی عه‌تری گوڵ
ده‌خوێنن بولبول و قومری له‌ نێو باخا به‌ ســـــــــــۆز و کوڵ
خه‌ریکی به‌زم و گۆرانین مه‌لی خۆشـــخوێن له‌ بانی چڵ
ده‌سا موتریب به‌ ده‌نگی ساز و نه‌ی بشـــــــــکێنه‌ خامۆشی
نه‌وای عیشق و ئه‌وین لێ‌ده‌ که‌ دڵ دێنــــــێته‌ سه‌رخۆشی

http://www.tabnak.ir/files/fa/news/1.../25736_702.jpg



له‌ شاخا ده‌نگی که‌و هه‌روا له نێو باخــــــا هه‌زارده‌ستان
به‌ نه‌رمی ڕازی زیندوومان ده‌چرپێــــــنێته‌ گوێی مه‌ستان:
"ده‌می کار و ژیان ئێستایه‌، ســــبحه‌ی دووره‌ بۆ هه‌ستان"
ده‌سا موتریب به‌ ده‌نگی ساز و نه‌ی بشـــــــکێنه‌ خامۆشی
له‌ باڵای دڵبه‌رم بدوێ که‌ دڵ دێنێــــــــــــــــــته‌ سه‌رخۆشی


http://www.tabnak.ir/files/fa/news/1.../25738_316.jpg

ته‌وژمی خێروخۆشی دای‌چه‌ماند پشـــــــتی په‌ژاره‌ و ده‌رد
کراوه‌ چاوی کانی، هه‌ڵقوڵی فرمێســـــــــــکی ڕوونی هه‌رد
به‌ ڕێژنه‌ی ئه‌شکی شادی زه‌رده‌خه‌نده‌ که‌وته‌ لێوی به‌رد
ده‌سا موتریب به‌ ده‌نگی ساز و نه‌ی بشــــــــکێنه‌ خامۆشی
که‌ ڕۆژی شادییه‌، دایکی ته‌بیـــــــــــــعه‌ت پر گوڵه‌ کۆشی

http://www.tabnak.ir/files/fa/news/1.../25745_991.jpg

له‌ هه‌ر شوێنێ که‌ ده‌ڕوانی بیــــــــساتی عه‌یشه‌ به‌رپایه‌
به‌ ده‌سته‌ بۆ سه‌یاحه‌ت کۆمه‌ڵی عاله‌م له‌ ســــــــه‌حرایه‌
قریوه‌ی به‌زم و خۆشحاڵی له‌ هه‌رگۆشـــــه‌ و له‌ هه‌ر لایه‌
ده‌سا موتریب به‌ ده‌نگی ساز و نه‌ی بشـــــکێنه‌ خامۆشی
نه‌وای عیشق و ئه‌وین لێ‌ده‌ که‌ دڵ دێنێته‌ ســـــه‌رخۆشی



http://www.tabnak.ir/files/fa/news/1.../25735_784.jpg

ئه‌تۆش "ئاشق" مه‌که‌ سستی بچۆ ســـه‌یرانی نێو گوڵزار
له‌ بن دارێکی دانیشه‌ و به‌ یادی لێو و کوڵـــــــــــمه‌ی یار
ته‌ماشا که‌ گوڵ و سه‌وزه‌ و به‌ دڵگه‌رمی بڵێ ئه‌شـــــــــعار
ده‌سا موتریب به‌ ده‌نگی ساز و نـــــــه‌ی بشکێنه‌ خامۆشی
له‌ باڵای دڵبه‌رم بدوێ که‌ دڵ دێنێته‌ ســــــــــــــــه‌رخۆشی




http://www.tabnak.ir/files/fa/news/1.../25746_846.jpg
به‌ڵی خۆشه‌ به‌هارت کورده‌واری نیشـــــــــــــــــــتمانی خۆم
به‌هه‌شتم، ڕووگه‌که‌م، ئه‌ی دڵبـــه‌ر و دڵداری جوانی خۆم
له‌ ڕێگه‌ت دا وه‌ته‌ن هه‌رگیز درێخ ناکــه‌م له‌ گیانی خۆم
ده‌سا موتریب به‌ ده‌نگی ساز و نه‌ی بشـــــــــکێنه‌ خامۆشی
سروودی ڕاپه‌ڕین لێ‌ده‌ که‌ گه‌ل دێنێــــــــــــــــته‌ سه‌رخۆشی

ئاشق به‌هاری ساڵی 1353ی هه‌تاوی