شعر طنز کوردی: خر قیوله!


بار پنجلم جمع کردم/لا شان اِرای خَم کردم


بار پنجلم دامو شان/مِن چیم ورو کرماشان


کَفتم و ری وپیاده/تا گر چیمه بان جاده


لَه بان جاده گیر کردم/نِره خَر قیوله وِی کِردم


کَفتم و یاد خر قیوله/دَویم وِرو ناو طیولَه


وَختی چِمه ناو طیوله/چاوِم کفته خر قیوله بسیایو و گرد میخ طیوله


میخ طیوله گی وا کردم/پالان اِرای تا کردم


پالانَگی خِسمُو جا/چیزگان ورو خَرمَنجا


وختی چِمه خرمنجا/دیم هر خویدو کِیدَ جا


داویم پَریم وکولی/خِر دا کَله و کَپولی


اِرا جیوَ غین کردیو/تِف بِه خرَ سین کردیو


نقیزه نامَه لای دِمی/دیم هر جفتک خِید هر رِمی


بردِمی اِرای ژیر پیولی(پُلی)/و لَقَ دامَ ناو تیولی


شو تا شَوَکی سِران/پالان مالان خوی دِران


تِفم و ریو اِی خرَ/چیو چقیامَ اِی شرَ


مِل جَر نیه ناز نَکه/هوسار اِرام واز نکه


تفم و یادِ هوشد/یه قسیِه بنمَه درِگوشد


بچم بارم خری تِر/ویرَم بِکَمو شاری تِر


چیم هاوِردم خری تر/ویرَم کِردمَ شاری تر


یه شیرینَه و یَه بیَه/یه آخوری پِر کِیَه


یه شیرینه و یه بیه/یه خَر خَرک در خویه کوره یه آخوری پر کیه


اَر بار پنجلم جمع کردم/لا شان اِرای خم کردم


بار پنجلم دامو شان/مِن چیم ورو کرماشان.