ده مه ته قیی وه رزه کانی سال
به‌هار
بــه‌هـارم شـای وه‌رزانــم
ملشـكێنـــی زســـتـانـــم
باخچه‌ی جوانی سروشتم
بــڕوانــه ده‌وروپـشـتــم
هـاژه‌ی قه‌ڵبـه‌زه‌ی ئــاوم
ڕوونــاكیـیـه بــۆ چــاوم
وه‌رزی سه‌یران و گه‌شتم
له شـاخ و كێـو و ده‌شتـم
هه‌ر خۆم خاوه‌ن نه‌ورۆزم
جـه‌ژنــی كوردی پیـرۆزم
هاوین
مـن هاویـنـم هـاویـنـم
تیـشكی خۆری زێـڕینـم
خاوه‌ن سێبـه‌ری خۆشم
هه‌ر ئاوی سارد ئه‌نۆشم
میــوه‌ی زۆرم لـه لایــه
خه‌رمـانــم له‌بـه‌ر بایــه
وه‌رزێــكی بـێ ئــازارم
جـل و بــه‌رگی هـه‌ژارم
كه مـن ده‌ركه‌وتـم تاوێ
كه‌س لێفه‌و به‌ڕه‌ی ناوێ
پاییز
پایـیـزم وه‌رزی چاكم
له نــاو ئێـوه‌دا تــاكم
منــم بــاران ئه‌هێنــم
تـۆوی زۆر دائه‌چێنـم
بــاران زۆر ئه‌بارێنـم
تـا كاتــی پـه‌ڵـه دێنـم
ئاوی كانی زۆر ئه‌كه‌م
وه‌ك ئاڵتوونه گه‌ڵاكه‌م
كه دێـم و ئـه‌ڕۆمـه‌وه
ڕووی زه‌وی ئه‌شۆمه‌وه
زستان
نـه‌خێــر من كه زستـانــم
گه‌وره‌ی سێ وه‌رزه‌كانـم
به وه‌یشوومه و به سه‌رما
كێ خۆی ئه‌گرێ له به‌رمـا
بــه ده‌ســتـه‌ڵاتــی زۆرم
ئـاو به سـه‌هۆڵ ئـه‌گـۆڕم
من به كلـووی بـه‌فـره‌كه‌م
كـه‌ژوكێـو دروست ئه‌كه‌م
لــه لادێ بـم یـا لـه‌شــار
سڕ ئه‌كه‌م دوپشك و مـار
شیعری: كاكه‌ی فه‌لاح
__________________
سوال نکن تا به تو دروغ نگویند
|