سه‌گ‌وگورگ
ته‌زووی بایه و پرووشـــــه‌ی به‌فر و باران
له هه‌ورێکی چــــــڕی وه‌ک خــۆڵه‌مێشێ
ئه‌بارێ رێـــــــــــزه ڕێــــــزه و نه‌رمه نه‌رمه
جلێکی ته‌ڕ به ســــــــه‌ر هه‌ردا ئه‌کێشێ
** **
سروودی ژووره‌که‌ی بێ‌ڕۆچنی " شـــه‌و "
چپه‌ی به‌فر و خــوڕه‌ی بارانه ئه‌مشــــــه‌و
له لـــــــــــووره‌ی دووری زریانڕا دییــــــاره
که شه‌و میوانی لای تۆفـــــــانه ئه‌مشه‌و
** **
به سه‌ر ســـــــنگی به‌فـــردا راده‌کا " با "
به باڵی " با "وه چـــــــــــۆپی‌کێشه باران
له ژووری بێ‌کولاوکه و تاری" شــــــه‌و"دا
شـــــــه‌وی تۆفانی و پڕ ترسی زســــتان
** **
گۆرانی سه‌گه‌ل
زه‌وی سڕ ، هه‌رچی لایه به‌فر و شه‌خـته
گه‌له‌ک دژواره تۆفـــــــــان دابســــــــاکێ
ئه‌لــــــــوورێنێ - گورگ‌ئاســـایی - زریان
به‌ڵام ئێمه شــــــــوکور نیمــــــــانه باکێ
** **
له کن ته‌ندووری "خــــــــاوه‌ن" هۆ له‌وێدا
له سه‌ر ئه‌و کــه‌وڵه نه‌رمه خۆشه خه‌وتن
چه‌نێ خۆشـــــــــه و دڵه‌ستێنه و بلاوێن
"عه‌زیزگیــــانه" و "به‌ڵێ‌گیــــانه" ژنه‌وتن
** **
له به‌رماوه‌ی خووانێ تێـــــــــــر ئه‌بێ زگ
ئه‌گه‌ر نه‌شـــــبوو ؛ ئه‌وا قاپێ ، سوقانێ
چه‌نێ ژین خــــــــۆش و دنیا دڵ ڕفـــێنه !
دلۆڤانێکی وه‌ک " خـــــــاوه‌ن " کووانێ ؟!
** **
به‌ڵام قامچی ؛ ئه‌وه‌ش وه‌یشـــــوومه‌یێکه
به‌ڵێ،ئه‌مما ده‌ڵێی چی تۆ له گه‌ڵیـــــــا ؟
به ژان و ئێشه زۆر کســـــــــــــپه و برینی
به‌ڵام "خاوه‌ن" به‌زه‌ییه‌ک دێ به دڵیــــــــا!
** **
خه‌ڵاســـــی دێ رقی ، ده‌یخـــــــــاته لاوه
که‌پۆیێک گــــه‌ر له‌پێـــــڵاوی بســـــــــاوین
له پاشـــــــــان ده‌یژمێرێ زامه‌کــــــــانمان
هه‌ر ئه‌و تۆزه‌ش به‌ده‌ســــــکه‌وتێ ئه‌زانین
** **
ده‌گــرمێ هـــــه‌ور و دیســان به‌فر ئه‌بارێ
له میچی ژووره‌که‌ی، بێ‌ڕۆچنی"شــــــه‌و"
شه‌وی تۆفان به کۆڵی ســــاردی زسـتان
چ‌زستان؟ شاســــواری مه‌رگی خۆشڕه‌و !
** **
گۆرانی گورگان
زه‌وی ســڕ، هه‌رچی لایه به‌فر و شــه‌خته
"شــــــه‌و" و "تۆفــــــــان" دڕنده و ناله‌بارن
ده‌لــــــــوورێنێ - گه‌ماڵ‌ئاســایی - زریان؛
"زه‌وی و ئاســـــمان " له گه‌ڵماندا نه‌یارن !
** **
شـــه‌وه و باڕن ، شـــــڵێوه و " با " و بۆران
شه‌وه و پڕله ته‌زووی مه‌رگ ئه‌م هـــه‌رێمه
به‌ڵای"مه‌رگ"و برووسکه‌ی ساردو سه‌رما
هه‌ڕوگـــــــــــیفن له پێده‌شـــت و له ئێمه
** **
نه زنجێ ، قوژبنێ ، یاکـــوو په‌ســــــیوێ
نه ئه‌شـــکه‌وتێ ، که خۆی تێدا وه‌شارین؛
ته‌نانه‌ت کـــــــــــــــــۆڕه دارێکیش نیه دیار
که تێی‌په‌ســــتێین هه‌تا کــــــۆتایی بارین
نه یه‌ک دوژمـــن، که دوودانه هه‌میشـــــه
له سه‌ر چــــــــــز ، دایمه لێـــمان به قینن
گڕی برسێتی و چــــــــــڕنووکی ســـه‌رما
جه‌رگ ده‌بڕن ، خه‌ریــــــکی دڵ ســـمینن
** **
ئه‌مه‌ش‌سێهه‌م...نه‌یاره..... وا له پڕدا.....
په‌لامارێکی هانی و...... ده‌م هه‌راشه...
چه‌کێکی‌وڕ......خڕوپڕ........ گڕوه‌ڕ و دڕ....
نه هێزی رۆین و رێیه‌ک له پاشه...........
** **
ده‌ده‌ی: ئاڵ‌هه‌ڵ‌گه‌ڕێ،ئه‌ی‌به فری چه‌رموو !
ئه‌مه خــــــــــــوێنی ره‌وه‌ی بێ‌خان و لانه
ئه‌مه خوێنی گه‌شی گورگــانی برسـی و
کوڕی هه‌قـــــــــــــداری پێده‌شت و ته‌لانه
** **
له ئه‌م "سه‌رما "یه‌دا ، برســــی و بریندار
به راکردن به سه‌ر به‌فــــــــــرا وه‌کوو " با "
به‌ڵام بۆ رێزی ســــه‌ربه‌ستی ، هه‌میشه
نیــــــــــــــــــــــــگاوا نین و ئازادین و ئازا !!- وه‌رگێڕدراوی شیعری " سگها و گرگها " له کتێبی "زمستان "ی شاعیری گه‌وره‌ی فارس " مهدی اخوان ثالث
ساراڵ – هه‌ژان بابامیری ـ ساڵی حه‌فتاودووی هه‌تاوی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
ویرایش توسط behnam5555 : 05-12-2011 در ساعت 06:18 PM
|