سرينادێك بۆتريفه
(1)
له‌و دوورييه‌وه كه ده‌ستم ناگا به سوخمه‌ت
چه‌ند خۆشم ئه‌وێى
كه هاتم ئه‌بوايه كراسێكى تۆم هێنابا
بۆنى گه‌رده‌ن و مه‌مكه‌كانتى گرتبا
ئاى له‌و بێزارييه چه‌ندخۆشم ئه‌وێى كه ده‌ستم ناگا به سوخمه‌ت.
* * * * * *
له‌م خاكه غه‌ريبه‌دا كه نه بۆنى تۆى لێدێ و
نه بۆنى من .. چه‌ند خۆشم ئه‌وێى كه ده‌ستم ناگات به بۆنت
* * * * * *
كه ئه‌نووم ماچت ناكه‌م
كه هه ڵ ئه‌ستم ماچم ناكه‌ى
له‌م خاكه دووره‌وه
چه‌ند خۆشم ئه‌وێى .. كه ده‌ستم ناگا به ماچه‌كانت
* * * * * *
له‌يه‌كه‌م رۆژى ئه‌م خاكه‌وه
تۆزى روحت كه‌وته چاوم
له‌يه‌كه‌م شه‌وى ئه‌م خاكه‌وه ، خۆشه‌ويستيت كه‌وته ده‌ستم
* * * * * *
له نێوان تۆ و خاكه‌كاندا
منێك هه‌يه تێنوو به تۆ
تێنوو به خاگه‌كان
* * * * * *
خاكستانى سينگ و مه‌مكت
پڕه له تۆزى په‌نچه و ئاره‌قه‌ى رۆحم
ئێستاش له‌م خاكه‌دا
په‌نچه و هه‌ناسه و ئاره‌قه‌م بێ تۆزن
* * * * * *
له نێوان سه‌فه‌ر و تۆدا
پڕم له دوكه ڵ و بۆنى جگه‌ره
(2)
* * * * * * *
من ژنێكم ئه‌وێ له‌گه‌ڵ خه‌ونه‌كانى مندا خۆى بير بچێته‌وه
تۆ ئه‌ى ليمۆ ، ئه‌ى رێحان، ئه‌ى زريان
له‌گه‌ڵ مندا بوويته با .. بوويته تريفه و بوويته هه‌نار؟
من ژنێكم ئه‌وێ له‌گه‌ڵ هه‌ر ماچێكى بيرم باته‌وه
من چه‌ند جوانم .. چه‌ند سه‌خيف و چه‌ند به‌نازم
ده‌وه‌ره ئه‌ى تۆفانى سڕينه‌وه .. له ناو لێوه‌كانتدا
فه‌نام كه ئه‌ى ژنى ئازيز .. ئه‌ى ژنى بێناو
ناوه‌كانم بۆ ئه‌به‌د فه‌ناكه
* * * * * * *
(3)
قوربانت بم
دلَۆپ دلَۆپ له‌و چاوانه‌ى تۆوه با بڕژێم
له‌گه‌ڵ تۆدا مه‌رگيش ره‌نگى ترێى هه‌يه
له‌گه‌ڵ تۆدا فرمێسكيش تامى شه‌ڕابى هه‌يه
بمڕژێنه وه‌ك دوو دلۆپ ژه‌هر با له لێوه‌كانته‌وه بێمه خوار
با وه‌ك هه‌تاو به پرچته‌وه گير بم
با وه‌ك با به‌نێو يه‌كديدا وه‌ربين
له‌گه‌ڵ تۆدا گه‌لاَرێزانيش ره‌نگى ماچى هه‌يه
(4)
بۆ چاوه‌كانت، تريفه
رۆما
ئه‌ستێره‌يه‌ك له‌سه‌ر جاده كه‌وتبوو
له ره‌نگى برژانگه‌كانت
* * *
مژى زستانى ئه‌م شاره
ره‌نگى تۆزى چاوه‌كانتى گرتووه
* * *
ئه‌رێ ئه‌كرێ ئه‌مشه‌و كچێ ماچ كه‌م و
تۆ نه‌مبينى؟
* * * *
كه دوێنێ شه‌و هاتيه خه‌ونم
له كه‌نار ئه‌چوويت ..
به‌يانى كه هه‌ستام گشت جه‌سته‌م لم بوو
* * *
(5)
مه‌مپه‌رسته
هه‌رگيز مه‌مپه‌رسته
من نه خودام و نه ده‌ريا و نه‌ئاگر و نه‌هه‌تاو و نه‌باران
مه‌مپه‌رسته عه‌زيزم
ئه‌گه‌ر ئه‌كرێت تامى ترێ و ره‌نگى هه‌نارێكم پێ ببه‌خشه
ئه‌گه‌ر ئه‌كرێت سێبه‌رى شه‌نگه‌بييه‌ك و سه‌وزايى عه‌شقێكم له دلَدا بچێنه
ئه‌گه‌ر ئه‌كرێ وه‌ك شيرين و زوله‌يخا و زين و ئه‌وانى دى
من به فه‌رهاد و يوسف و مه‌م و ئه‌وانى دى مه‌زانه
ته‌نيا وه‌ره جگه‌ره‌يه‌ك له‌گه‌ڵ يه‌كدا بكێشين و بۆنى و هه‌نار و ليمۆ و رێحان له ده‌مماندا بفڕێت
تامى كاژ و ره‌نگى شاتان له به‌ژنمانه‌وه هه‌ڵسێت
(6)
چه‌ند هه‌ناسه‌يه‌كى دى بۆ تريفه
هه‌ناسه‌يه‌ك له گيانته‌وه به‌سه‌ر برژانگه‌كانم وه‌ركه
گيانێك به سۆمات ده‌به‌خشم
هه‌ڵمگره و له كوريكه‌يه‌كى چاوانته‌وه نيشانى هه‌موو خه‌لياقه‌ته‌كانم بده
* * * * * * *
با ئه‌و گه‌ردوونه هه‌مووى بزانێ من و تۆ وه‌ك ئاو به‌ناو يه‌كتريدا ئاوێته‌ين
با ئه‌و ژيانه له سه‌ر په‌رچه‌مى خۆيدا وه‌ك تۆقه‌يه‌ك له رێحان
وه‌ك بروشێك له گولَ مه‌حه‌مه‌دى له هه‌ناسه‌كانى خۆيه‌وه گيرمان كات
* * * * * *
با هه‌ميشه رووت رووت وه‌ك نه‌رمه‌ى په‌ڕه‌كانى رێحان
به‌سه‌ر يه‌كديدا ئامێز ببارێنين
* * * * * *
مه‌مشاره‌وه ، با هه‌ميشه له به‌ر هه‌تاوى دونيا، ڤيناو به‌يه‌ك دا كه‌ين
* * * * * *
روحێك ته‌نيا بۆ برژانگه‌كانت
روحێك ته‌نيا بۆ چاوه‌كانت
روحێك ته‌نيا بۆ په‌نچه‌كانت
روحێك ته‌نيا بۆ مه‌مكه‌كانت
روحێك ته‌نيا بۆ لێوه‌كانت
نزانم چه‌ند روحم گه‌ره‌كه بۆ خۆشه‌ويستى؟!
(7)
هه‌ناسه‌ى تر بۆ تريفه
له سۆزى تۆ ره‌نگى بايه‌ك ئه‌پێچمه‌وه
له هزرى تۆ بۆنى شعرێك به جه‌سته‌م وه‌رئه‌بێت
له جه‌سته‌ى تۆ شه‌هوه‌تى گولَ ته‌ڕم ئه‌كات.
* * * * *
وه‌ك باران و تاڤگه و جۆگه‌كان نا
وه‌ك خۆت . وه‌ك شه‌نگه‌بى .. بڕژێ به‌سه‌ر دونيا
* * * * *
من به ئاوى لێوه‌كانت ژيان ته‌ڕ ئه‌كه‌م
* * * * * *
عه‌شقت ئاوه.. له هه‌ناسه‌مدا
* * * * * *
به‌كوريكه‌يه‌ك ئه‌ڵێم با ته‌ڕت كات
ته‌ڕ ته‌ڕ له ئاوى ره‌نگاوره‌نگى روحم
* * * * * *
به سێپه‌ڕه‌يه‌ك ئه‌لێم بتبارێنێ به‌سه‌ر
برژانگه‌كانى مندا وه‌ك خوناوێك به‌رببيه‌وه ناو گلێنه‌م
*** * *
هۆشه‌نگ شێخ محه‌مه‌د
مانچسته‌ر. ته‌مموزى 2006
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
ویرایش توسط behnam5555 : 06-18-2011 در ساعت 09:39 PM
|