پهلكهزێرینهی پاش وهرزی ئاشنابوون
پێش ئاشنابوون
لە پێش تیركىِ لە كەوان دەرچووى قەڵەم و
چەمى تاسەو
خوڕەى تاڤگەى تێكەڵاوبوون
لە پێش باڵەفرەى قامك و..
موچركى یەكەم شەپۆلى بۆ ئەبەدى گیرسانەوەت
پێش بڵاچەى نێڵەى چاوت و
داگیركردنى جەستەیى ویلایەتى بێسنوورم و ..
ئۆخژنى دواى حەوانەت
ئیتر منیش سەرماوەرزىَ..
سەرى عەشقم خستە كۆشى سەفەرێكى شێتانەوەو ..
لە پێنجەم وەرزى كۆكتێلى گڕوبەفرا لە دووت گەرام
نە رێگاى سەخت ماندووى كردم
نەش بەستەڵەك وكرێوە
پەنجەكانیان لە گۆ بردم
بە لێرەوار و دەربەندى جەنگێكى درێژخایەنا گوزەرم كرد
بیرەوەریم لەگیاكەڵەى تەمتومانا خۆى حەشارداو..
چاوم لە تاشەبەردێكى كەژىَ ئاڵا گیرسایەوە
لێوم بەدیوارى خوێنى زێدى چەقۆ و
مەرگ و جورئەتەوە نووساو
مێژووى رژاوى قوربانیم بەتروسكەى خۆر زاخاو دا
بەسەر پردى ئازارەگانى شەهید و
بەردەبازى بەرائەتدا پەریمەوە
ناوچەوانى بووكى خەڵتانم رامووسى
لەسەر گەڵاى خەزانێكى تەنگەپشوو
ئەسكڵەكان بوون بە سووتو
بۆ یەكەم جار قەدى دارێكم هەڵكۆڵى و ..
لە ژێر دڵۆپەى تێزاب و
تارماییەكانى نیساندا
بە گڕ ناوى تۆم لىَ نووسى ..!!.
****
هێندەى جوانییەكانى ناخت
چاوەروانى كرۆشتمى و ..
تلەبەردى داخ بووى هەردەم لە شوێن پێكانما بۆ چاندى
ئەزیەتت دام
زویر نەبووم
باخێكم رادەستى خۆركرد
تا بتداتىَ ..
لە شوێن هەرلەیەك چوونێكمان
چەپكىَ گوڵى وەنەوشەیم بۆ رواندى
ئەزیزى من ..ئەى هاورێكەم
*فاتیح سهلام *
29-9-2011