[behnam5555]

هەڵبەست

کآ وەکو من لەتاریکیت، خۆرى کرد بە کانى چاوت؟
کـآ وەکـــو من دیوانێکى پڕگـۆانى کرد بەنــاوت؟
لە دوورەوە کآ تۆى بردە بەر ئاوێنەى روونى کانى؟
لە گریـان و پێکەنینـا ، وەرزى دڵى تۆى ئەزانى!
لە دڵتەنگى بــارانت بووم ، لــە خۆشیدا هـەر گۆرانى
وەکو گەڵا زوو هەڵوەریم ، کەوتمە سەر ڕێت بەئاسانى
یەکەم حەرفى ناوەکەى تۆ، بوو بەشیرینى زمانم
بەڵام گۆڵێ دڵنیـابە ، من بـەبآ تۆ سەرگەردانم
تازە لەناو شەوو رۆژتا ، یادگارى من داگیرساوە
ناونیشانم هـەڵبەستێکە ، لەنـاو دڵتـا بەجێماوە
چۆن ئەتوانى رەزى شیعر و بــاخى وشەم فەرامۆشکەى
بآ ئاواز و گۆرانى من ، بەعەشقى تر دوا پێک نۆشکەى

سەرمەست

بڕوا بێنە بەو قەدەرەى، کە من و تۆى بەیەک ناسان
بەو ئەوینەى بــە هێمنى، هــاتە دڵت زۆر بە ئاسان
بڕوا بێنە بە هاتنەوەو گەڕانەوەى بەفرى ئەمسالڕ
بەو هەڵبەستەى بـە شێتانە، چـاوەڕێتە وەکو منالڕ
بـەو نــامەیەى کە بــاڵدەگرآ، تــا دەگــاتـە دوورە وڵات
وەک چیرۆکى ئەفسانەیى، تا بەدەستى خەیالڕ دەگات نەکـەى

بڕۆى بـەجێم بێڵى، دوا ئـاوازم بکـەى بـەشین
من سەرمەستم بە ناوى تۆ، لێم مەبەستە دەرگاى ئەوین
یادت ماوە تۆ خۆت وتت، من بە خۆرت دەکرێمەوە
وەکـو بـەفر لـە نـاو گڕى، تـەنیـایتـا ئـەتوێمـەوە
چۆن فرمێسکێک کە ئەوەرآ، ناچێتەوە ناو چاوانت
یا وەک رۆژێک تێئـەپـەرآ، نـایەتەوە سەر ژیانت

تەزیوو

تۆ لە دڵماى بەڵام چیبکەم، کە من هێشتا لە خۆم دوورم
لەوەتەى هـەم دڵشکاوم ، لەنـاو عومرى سەوز و سوورم
توو ئەو خۆرەى لە چاوتایە، توو ئەو هەستەى لە ناختایە
لـە ئێسـتـاوە تـا هـەمیشـە ، دەرگـاى دڵـم ئـاواڵایـە
منیش ئاوا لەسەر رێتـا، بـاڵداریکى هـەڵکورماوم
بەڵام چیبکەم بۆ لەباڵدان، کۆترێکى باڵبەستراوم
توو بەهارێک کە چاوەرێى، لەسەر ئەسپى خەیاڵم بیت
کە هـاتییەوە ئـاراممکـە، تەنیـا چـراى نـاو ماڵم بیت
لەبەهارا رەنگم دانا ، لەگەلڕ بەفرا دڵم تەزى
بەنیگاى خۆر تووامەوە ، لە پاییزا چاوم وەرى
رووبار هـات و بەجـێى هێشتم، ئـاوڕى لێم نەدایەوە
خۆر بەخەندە لەمن هەڵهات ، شەوى هێنا بەدوایەوە

بارین

دڵم هێندە بەتەنهایە، وەک ئەستێرەى لە شەو جێماو
ئەڵێى بەفرى دواى بــارانە، وا خـەریکە ببێت بە ئاو
نەمدەزانى هاوڕآى دڵم، گرآى خۆزگەم ناکاتەوە
بەهارێکى وشکە ساڵە و ئـاوڕ لـە گولڕ ناداتەوە
رۆژانێک بوو دوو گەڵا بووین، شەمالڕ دەستى ئێمەى ئەگرت
دوو هەور بووین لەنـاو یەکا، هـەتاو ناخـى ئێمەى تەى کرد
کەچى تۆ وەک بەفرى بەرخۆر، لەسەر لوتکەم توایتەوە
دەرگـایەکى داخـراو بوویت، بـۆ پێشوازیم نەکـرایتەوە
کـآ ئێوارەى هێندە روونە، کـەخـۆر تیـایـا هەڵبێتەوە
کآ رێگایەک ئەگرێتە بەر، کە سەد رێگەى لێ بێتەوە
هەورێک نەبووى لە ئاسمانا، بەهیچ بایەک دانەنەوى
ئەشک نەبوى تـاهـەمیشە لە چـاوانى من دەرکەوى

غوبار

هەراسان بووم، چونکە عەشق، سەرابێکى پڕ غوبارە
وەک رەشەباى سلێمانى، گولڕ شکستەى ناو بەهارە
ئیتر بـە گـولڕ فریو نـاخـۆم، بـۆنى دیارە بآ وەفـایە
ساتێک لەگەلڕ پەپوولەداو ساتێک لەگەلڕ شەماڵدایە
تۆ نەتدیوە کە پەپوولە بە عەشقەوە بۆ مۆم ئەچآ
بەڵام ئەو زۆر بآ باکانە ، ئـاگر بەسەر دڵیـا ئەنآ
تـۆ بڕوانـە هـەنگـەزەردە ، کـە بەسـەر گـولڕ ئەخـولێتەوە
شەمالڕ دەستى چڵى ئەگرآ و گولڕ لە ماچ دوور ئەخرێتەوە
من لـە دەرگـاى گۆرانیمدا، فـرمێسکم لێ کـرایەوە
لەو شوێنەى گوڵى تیا وەرى ، دڕکێکى لێ رووایەوە
باسى خونچەو چرۆ مەکە، من بەهارم لە دەست داوە
زەردەخەنـەم کـەوتە ژێر لێو ، چـرایـەکى کز کراوە
عەشق بەفرى پێش بارینە، کە گەشتە خاک ئەتوێتەوە
چـاوى کـز و دڵى پڕە ، هـەر بە گریـان ئـەکـرێتەوە