02-15-2012
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
شنەباى هەست
شنەباى هەست
چـراى خـامۆشـى لێلڕ و بێڕەنگم
ئەستێرەى دوورى ناو شەوەزەنگم
رێگەى نەهاتى هەزار دوڕیانم
شەپۆلى توڕەى دەریاى ژیانم
چاوم بەهار و رێژنەى بارانە
وەرزى رەنگینم گەڵاڕێزانە
دڵى غەمـگین و شنەبـاى هەستم
ئاوێتەى ئەشکە روخسارى مەستم
دواین دەوارى پیرە جوتیارم
لـەناو پـاییزا وێڵى بەهـارم
ناسین
کە تۆم بینى خۆر ئاوا بوو ، ئەستێرەکـان کەوتنە سەما
لە ناو وەرزى تەنیاییدا ، شوێن هەنگاوێک بۆ من نەما
تیشکى نیگات، خەندەى بەخشى، بەئاسمانى چاوى تارم
بـڕوا بکـە مـن بـە بـآ تـۆ لـە بینینـى خـۆم بێــَزارم
فریشتەکەم تۆ هـەتاوى، زەردەپەڕى ئێوارانى
وەرە لە ناو شیعرى منا، خۆت ببینە چەند نیانى
ساتێک وەرە ناو دڵمەوە، بە ئارامى خۆت ببینە
دڵم بە تۆ ئاوەدانە ، چـونکە ژیـان خـەم و شینە
لەو رۆژەوەى تۆم ناسیوە، خۆرەتاوێک لە ناخمایە
بۆ بینینت دواهـەنـاسەى، چـاوەڕوانى لە ئاخمایە
چـراى روونى ئـاسوودەیى دارى ماتى ئەرخـەوانى
ئیتر بۆچى لە تاو خەمێک ، لە هاتنە بوون پەشیمانى
چەتر
بـەهارێک دانـآ لە رێى ژیــانم
مانگبە بۆ بەرزى تاقى ئاسمانم
باران لە دڵما خۆشـناکــاتەوە
دە بمخەرە ژێر چەترەکەتەوە
هەر کاتێک چویتە کەنارى دەریا
دڵۆپێک فرمێسک بکە بـەبەریـا
با رەنگى ئاویش وەک چاوت رون بآ
نهێنى دەریــاش ئــاشکراو رون بـآ
من زۆر جار خەونى ئاڵۆزم دیوە
زۆر جـاران بەخـەم دڵم تەزیوە
بەڵام هیچ جارێک دڵم وەک ئێستا
وەک هەرمآى بەر (با) هەڵنەلەرزیوە
فرمێسکى خۆشى
ئــەمشەو چاوانت بـدە بە دەریا
شەپۆلى خەیالڕ دەرژآ بەسەریا
تۆ لە خــەونێکاو من لــە راستییا
دەستى یەک ئەگرین تاکو ئەو دنیا
ئەمشەو رژایتە نـاخ و هـەستمەوە
فرمێسکى خۆشى کەوتە دەستمەوە
ئەستێرە هەڵهات لە شەوى تارم
بە خەندەى تۆ رۆى خەم وئازارم
چەندین بەهارى گەشم بینیوە
هەزاران گوڵى رەنگینم دیـوە
بەڵام هیچ جارێک وەک ئەم پاییزە
رەنگ بـەسـەر دڵمـا دانـەبـاریـوە
هاوڕێى تەنیایى
لە ناو سەرنجى ژینى تەماویم
هەنگاوم وێڵەو هاوڕآى تەنیایم
رێگاى شیرین و تاڵیم بڕیوە
مـەلى ئاواتم لـە دلڕ تەریوە
لالەى بەهار و هەورى پڕ باران
وەکو عومرى من گشتى هەڵوەران
دارى خۆزگەى دلڕ، گوڵێکى نەگرت
شەو چراى روونى لە من هەڵنەکرد
دوا بەفرى سپى بەسەرما بارى
چیبکەم هەتاوى رووناکم نەدى
دێتەوە یادم عومرى رابردووم
ئومێدى وەریو رۆژى لە دەست چووم
ئالودەى ئەشکم بەیادى بــاران
بەیادى خونچەو شنەى بەهاران
بۆچى؟
بۆچى ئازارى منت پآ خۆشە؟
خۆ من هەڵوەرم پاییزى تۆشە!
بۆ لە گومانا ئەمبەى ئەمهێنى؟
کە تۆ بمکوژى بۆچى ئەمژێنى؟
من بەهارێکم بآ ناونیشانم
کزەى پاییز و وەرزى گریانم
ئیتر پێم بڵێ تۆ چۆن ئەتوانى؟
زوو بەجێم بێڵى وا بە ئاسانى!
ئەترسم رۆژێک رۆژ نەبێتەوە!
خۆرى کازیوەم نەگەڕێتەوە
رەنگەکان هەمووى ماتى بنوێنن
تاریکى بەسەر دیدەما بێنن!
.............. .......... ..............
هەورى دڵتەنگ
من کە هەورێکى دڵتەنگ ئەبینم
ئەیکەم بە هاوڕێى گریان و شینم
من خەندە زوو زوو ژیرم ئەکاتەوە
کـآ دڵنـەوایى هـەور ئـەداتەوە ؟
بـۆیـە دڵـى تۆ ئـاوا دوو رەنـگـە
رەنگێکیان رونەو رەنگێکیان مەنگە
هـەر من ئـەزانم ئـەو دڵە پـاکە
وەک دڵى خونچە ناسک و تەنگە
من کـە دارێکى دوورە دێــراوم
بەڵام ئێستاکە شەتڵى پڕ ئاوم
هەر کـە پێت وتم ئـەگـەرێمەوە
هەرچەند وشک بووم وا ئەژێمەوە
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|