[behnam5555]

چۆارینه‌کانی خه‌ییام به‌ لاتین

( 70)

به‌س هه‌ڵ بخولێ به‌ ده‌وری پیس و پاکا
تا که‌نگێ به‌ شوین هه‌موو خراپ و چاکا
گه‌ر زه‌مزه‌می، یان دای بنێ ئاوی ژیانی
ناچاری ده‌بێ ڕۆچی به‌ سینه‌ی خاکا

bes hell bixulé be dewrí pís u paka
ta kengé be shwín hemú xirap u caka
ger zemzemí, yan day biné awí jhíyaní
nacarí debé rocí be síney xaka



ئه‌و خوایه‌ که‌ گه‌ردوون و زه‌وی به‌رپا کرد
ئه‌و ڕۆژه‌ مه‌کۆی ده‌رد و خه‌می په‌یدا کرد
وه‌ک ڕژد و چنۆک هه‌رچی به‌ نرخ و جوانه‌
هێنای به‌ په‌له‌ و گورجێ ده‌خاکی ڕاکرد

ew xuwaye ke gerdún u zewí berpa kird
ew rojhe mekoy derd u xemí peyda kird
wek rijhd u cnok hercí be nrx u jwane
hénay be pele u gurjé dexakí rakird



ئه‌و ڕۆژه‌ که‌ مردووم و له‌ دنیا نابم
ئه‌و کاته‌ که‌ له‌ش تۆز و گڵی به‌ر با بم
خاکم بکه‌نه‌ گۆزه‌ڵه ‌، بۆ مه‌یخانه‌
تا مل پڕی مه‌ی بکه‌ن ، له‌وانه‌م ڕابم

ew rojhe ke mirdúm u le diníya nabm
ew kate ke lesh toz u gllí ber ba bm
xakm bikene gozelle ‌, bo meyxane
ta ml pirrí mey biken , lewanem rabm



له‌م بیره‌ که‌ چین نهێنی پشتی په‌رده‌
هه‌ر بیره‌وه‌رێ کاس و به‌داخ و ده‌رده‌
ئه‌فسانه‌یه‌کی دوور و درێژ و بێ بن
ده‌ستێ به‌ره‌ بۆ پیاڵه‌ ، ده‌ست له‌و به‌رده

lem bíre ke cín nhéní pishtí perde
he‌r bíreweré kas u bedax u derde
efsaneyekí dúr u diréjh u bé bin
desté bere bo píyalle , dest lew berdh