کورێکم ئەوێ کوڕی مەیدان بێ
بۆ جێماوی خۆی پیشەی گریان بێ
بۆ گەڵ و هۆزی قۆچی قۆربان بێ
لە رێگەی خەبات راست و رەوان بێ
لە تێکوشیندا بە بێ وچان بێ
کوڕێکم ناوەی بیکارە وەک من
نەوێرێ بڕۆات بۆ جەنگی دۆژمن
سڵکا و داچلەکێ لە دەریای بێ بن
بیری بخاتە سەر کچۆڵە و ژن
هەموو خەباتی بۆ بەرگ و نان بێ
کورێکم ئەوەێ کە کوڕی قۆز بێ
خاکی نیشتمان لە لا پێرۆز بێ
هەوڵ و تەقەلای بۆ بەرزی هۆز بێ
خۆشترین جەژنی جەژنی نەورۆز بێ
خزمەتگوزاری گەلی کوردان بێ
کورێکم ناور ڕۆن دا لە سەری
چەپکە گوڵ بدا لە بەر کەمەری
کۆڵانە و کۆڵان هەر وەك سەرسەری
سوررێتەوە لە شوێن موشتەری
گرێی دڵەکەی داخی کچان بێ
کورێکم ئەوەێ دەست بداتە شیر
چاو نەتروکێنێ بەرامبەر بە تیر
خەمی وڵاتی دەرنەکا لە بیر
بە هەڵمەت لاو بێ پیر بێ تەگبیر
لە نەوەئ کاوە و شای کەریم خان بێ
کوڕێکم ناوێ شێت بێ بۆ دۆلار
ڕوو بکاتە دەرگای پیسی ئیستعمار
بۆ چلکاو خواردن بێ بە خزمەتکار
پێکەوە بنێ هەیوان و تەلار
کەری ژێر باری مام کاپیتان بێ
کورێکم ئەوەی وریا و زانا بێ
رۆژی تەنگانە زۆر بە توانا بێ
لە رێی نیشتمان سەری دانابێ
ئەگەر وا نەبێ لە گەڵما نابێ
مردن و ژیان لە لای یەکسان بێ
مامۆستا قانیع
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )