غەزالی چینە یاخۆ پیاڵەی سەهبایە ئەو چاوە
شەرابی نابە یاخۆ نێرگسی شەهلایە ئەو چاوە
ئەرێ مایەی حەیات و قووتی رۆحە لێوی رەنگینت
وەیا غارەتگەی دینی فەقێ و مەلایە ئەو چاوە
موسەللەح بوو بە موژگانی سیاەو تیغی دوو ئەبرۆ
مەزننە مایلی فیتنەو شەر و دەعوایە ئەو چاوە
بە گۆشەی چاوی تۆ نابن ستارەی تارمی ئەفلاک
لەسەر ئەرز و سەما بێ میسل و بێ هامتایە ئەو
چاوە
بە تیغی ئەبرووان و تیری موژگانی سیاهی خۆی
لە بۆ قەتڵی دڵی عاشق چ بێ پەروایە ئەو چاوە
غوڵامی ئاستانەت(ئەحمەد)ی بێچارەیە جانا
شەهی ئیقلیمی حوسن و ئامیر و مەولایە ئەو چاوە
ئەحمد موختار جاف
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )