دڵم لێ پیس مەکە گیانە ئەگەر بێگانە ئەدوێنم
بە خۆشی تۆیە سەربەستم کەوا سەربەستی ئەنوێنم
هەزار کەس بێنە خوازبێنیم بە سینی پارە هەڵڕێژن
هەموویان دەر ئەکەم و قسەی سەد باوک ئەشکێنم
ئەوەی ویستی دڵم کون کا بە نوکی تیری دڵداری
لە سایەی گوللە بەندی عیشقی تۆوە دەسی دەشکێنم
لەسەر تۆ سەد تف و دار و جنێوم پێ بدەن هێشتا
بە دڵما نایە بێزاربم، لەلای تۆش ناوی ناهێنم
لە داخی دوو زمان و زۆر بڵێ دڵ بۆتە بەحری خوێن
ئەگەر بۆم ڕێک کەوێ شەرتبێ ڕەقیبی تیا بخنکێنم
ئەوەی سەیرە دایک و باوکیشم دڵخوازی یەکتر بوون
کەچی لێم بوون بە سۆفی و ڕێگە نادەن دەم بجوڵێنم
هەموو کەس حەز ئەکەن سەربەست بژین هەر من نەبێ تەنیا
بە پێی خۆم یەم کە سەربەستیت بەمێ و دیلی بەدەست بێنم
گەر من خۆشەویستی تۆم ئەوەندەم بیانوو پێ مەگرە
ئەوەندەم دڵ بسوتێنی بە جارێ خۆم ئەسوتێنم
کە سەیری ڕووم ئەکەی گیانە ئەبێ زەردەخەنەی تیابێ
ئەگینا من بۆچی خۆم جوان ئەکەم کە بۆ تۆ نەنوێنم
ئەبێ ڕێگەی دڵی جوانان نەگیرێ مافی خۆیانە
بە ناحەزمان بڵێ گەر چاوی نەپۆشێ چاوی دەردێنم
لە کاتی ماچی لێوا چاوەکەم هۆشت لەلای خۆت بێ
کە من ئاگام لە خۆم نابێ نەوەک لێوت بقرتێنم
مەدهۆش ١٩٦٦
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )