یار له‌به‌ر نازی جوانی مامزه سا ڕه‌م ده‌کا
یاله ناڵه‌ی عاشقانه رووله عاله‌م که‌م ده‌کا
له‌علی لێوی شاهیده مڵکی دڵم خاسی ئه‌وه
حه‌قیه‌تی به‌و خاته‌مه ده‌عوایی جامی جه‌م ده‌کا
ئاهی سـینه‌ی عاشـقانه وا جیهانی گرتووه
له‌و بزانه گه‌ر ده‌ماوه‌ند به‌عزه جارێ ته‌م ده‌کا
من ئیجاره‌ی خه‌رمه‌نی غه‌م بۆ دڵی مسکین ده‌که‌م
سـوئی تالع دێت و هیجرانی له‌سـه‌ر من زه‌م ده‌کا
دڵ ئه‌مه‌کداره و که‌چی مه‌حبووبه ئازاری ده‌دا
خه‌ڵقی بۆ بیگانه وایه ئه‌و له‌گه‌ڵ مه‌حره‌م ده‌کا
سافیا گه‌ر مائیلی ته‌نهایی بێ عه‌یبی نی یه
عیلله‌تی سه‌ودایه‌تی هه‌ر حه‌ز له جێی بێ غه‌م ده‌کا
سافـی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )