[fatemiii]

شیعری کوردی
سوفی گۆشه ی خانه قا بووم ، ئیسته پیری مه یکه ده م
زاهیدی خه ڵوه نشین بووم،ئیسته مه ست و مه یزه ده م
سه روی ئازادیش له بار و دڵکه ش و به رزه، به ڵام
گیانه که م ! من شێت و شیدای لار و له نجه ی ئه م قه ده م
جیلوه یی جوانی له هه رچی دا بێ من خۆشم ده وێ
ڕۆژێ کوشته ی مینی ژۆپ و رۆژێ گیرۆده ی شه ده م
هه ر یه کێ بۆ خۆی ده جووڵێنێته وه هه ستی ده روون
زه رده په ر ، کاروانکوژه ، تاریک و ڕوونی سوبحده م
ئه سمانی ساو و ده ریای مه ند و تارمایی چیا
سێوی لاسوور و به هێی زه رد و هه ناری گول به ده م
کێ وه کوو من سارد و گه رمی ڕۆژگاری چێشتووه ؟
گا له ده شتی گه رمه سێر و گا له کۆێستانی گه ده م !
وه ک شه پۆلی زێی خوڕه م ساتێ هه دادانم نیه
گێژ ده خۆم ، پێچی ده ده م ، من ڕۆڵه کوردی ئه م سه ده م
ڕێگه سه خت و پڕ له که ند و له ند و هه ڵدێره و گه وه
هه ر ده بێ ببزووم ، ده بێ بکشێم ، و چانی لێ نه ده م
سێبه ری مه رگم له پێشدایه و به ره و مه نزڵ ده روم
ناخی گوڕی ته نگه جێگام ، هه ر تل ئاسا بێ قه ده م
من به ره و ئاسو، به ره و ڕووناکی باڵم گرتوه
چون به ره و تاریکی ده خشێم ، پاڵ وه شه یتانی ده ده م!
کانی ڕوونم دی به لێشاوی به هار شلوێ نه بوو
به فری گه وره م دی چیای گرت و به تاوێ بوه قه ده م
ژینی کورتم دی پڕاوپڕ بوو له شانازی و شه ره ف
عو مری زورم دی که دوایی هات به ڕیسوایی و نه ده م
ئاگری سینه م بڵێسه ی دێ و وڵات رۆشن ده کا
ئه و ده مه ی خۆم وه ک دڵۆپێک ده چمه نێو ده ریای عه ده م