01-05-2014
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
عەشقی تۆ باڵندەیەكی سەوزە
نزار قەبانی
عەشقی تۆ باڵندەیەكی سەوزە
باڵندەیەكی سەوزی غەریب
گەورە دەبێت وەك هەموو باڵندەكانی تر
دندوك لە پەنجەكانم و پرچەكانم دەدا...
چۆن هات؟
باڵندە سەوزەكە لەچ كاتێكا هات؟
هەرگیز بیرم لەم پرسیارە نەكردوەتەوە ئازیزم!.
چون عاشق هەرگیز بیر ناكاتەوە.
عەشقی تۆ منداڵێكی پرچ زەردە
هەرچی پێی خۆشبێت دەیشكێنێ و
كاتێك باران دەبارێ دێت بۆلام
دەرژێت بەسەر تورەیمدا و یاریم لەگەڵ دەكا
منیش بەئارامی لەبەردەمیا دەوەستم.
عەشقی تۆ منداڵێكی هارو هاجە
هەموومان دەخەوین و ئەو بێدارە
منداڵێكە بەر بە فرمێسكەكانی ناگیرێت.
عەشقی تۆ بەجۆرێ باڵی بەسەرماندا كێشاوە
مرۆڤەكان باخی گوڵ دروست دەكەن
مرۆڤەكان گوڵی سوور لەبەردەم ماڵەكانیان دەروێنن
هەرلەبەر ئەمەیە دار چوالە و سنەوبەری بنارەكان سەوزن
هەرلەبەر ئەمەیە دراوسێكانمان حەڵواو شیرینیمان بۆدێنن.
عەشقی تۆ ، ئازیزی من!
وەك با شەپۆلمان پێدەدات و
دەریاش نین.
عەشقی تۆ چیە؟
خەیاڵێكە بۆم ناگیرێ.؟
خەونێكە
باس ناكرێ... تەفسیر ناكرێ؟.
بەراستی عەشقی تۆ چیە؟.
گوڵە یان خەنجەر؟
یان چرای روناكی؟
یان تۆفانێكی وێرانكەر؟
یا ئیرادەیەكی شكست خواردوە لەبەردەم خودادا؟
ئەوەی دەیزانم هەر ئەمەیە:
تۆ ئەوینی منی
ئەوەی كە عاشقە
بیر لەهیچ شتێ ناكاتەوە.
" وەرگێڕانی : نەبەز گۆران "
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|