هەتاو
پێم خۆشە نەمرم ببینم هەتاو
هەوری ڕەش لاچێ وەدەركەوێ ساو
لەبەر بەرۆچكەی هەتاوی بەتین
بزانــــم چۆنـــە تام و مانای ژین
ببزوێ خوێنم وەك ئاوی كانــــی
وەبــــــــــەر بێ باغم بۆ ئاوەدانی
سەهۆڵ و بەفریش وەتوێن ببنە ئاو
لەپڕ هەڵستێ لێفاو و شێــــــــڵاو
لەگەڵ خۆی بەرێ گەند و گەڵای پێیس
لەسەر ڕێ لادا ماری كەڕ و سیس
گزینگـــــــی هەتاو گەرم كا زەوی
هەڵـــــم هەڵستێ لە بەرز و نەوی
ببارێ نمنم بارانــــــــی ڕەحمەت
گوڵ بێنە دەرێ بێدەرد و زەحمەت
بە تیشكی ڕۆژی ئاسمانی ڕووناك
وەبووژێ وڵات بڕەنگێ سەرپاك
سەرزەوی تێكڕا ببێتە گوڵــــزار
بەستێن بكرێتە مێرگ و مێر غوزار
جووتێری ماندوو بە نیر و ئامـــوور
زەوێ بكێڵــــێ بیكا سەروژوور
قەرەی خۆشنشین لە نێو ئاوایی
هەڵپەڕێ بیكا بە بەزم و شایی
«هومێد»یش بڕوا بەرەو پیری تاو
لەسەر ڕێی نەبن تەپكە و تەڵە و داو
پێمخۆشە نەمرم ببینم هەتاو
ڕۆژێ وڵاتم جوان بێتە بەر چاو
حوسێن حەیدەرپوور «هومێد» ــ مههاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )