چەپڵە لێدەری دەرەوەی مەیدان
بێبایەخە سەرمایە
بەرهەڵستی مەینەتی قووڵ
مێلۆدی لە ژیان دادەخا
گەورەترین كۆتاڵی شار
سەنگسار دەكا
كەلامێكی هاڵۆز
گرێێ خستە سەر گرێ
پرچی شەوم هەڵوەشاند
چرای بیری زامەكانم
بە ژیلەمۆ داپۆشی
ئافرەتی پڕنەفرەت
لەڕۆژی تاپۆی ئازاری ژن
بە چارەنووسی ڕەشی دۆعا
لەموومیك شێعر
لەڕەندی بێوچان
دەتوێتەوه
كیژۆڵەی خوێندەواری سەر چنار
یان ژنە گەڕیدەی لۆتی
ئەرژەنگی نەریت نەیتوانی دەلاقەی بیری لێ داخا
باسی حەكایەتی لۆتی
(مەنیج حەیران)
یان ئەوكیژەی دەستی بەسەردوگمەی شاتێر
والانتاینی سێوەلاسوورەی كێشا
ئای سێوە لاسوورە زامی نەشتەرت كێشا؟
ڕازایەوە....................
گوڵە مەسنوعێكانی پاش ویترین
بەستوویەتی
شەهیدی نێژراو
یان تەرمی نێو قەبرستان
شاهیدن
كەرنەواڵی ئەوین هەلینگ دەدەن
بۆ دەرفەتێك
بۆ خۆنواندن
بۆ ڕەك بەرەكایەتی
بۆنی مێخەك
بەقامكە خەناوێكان
یان مانیكۆڕ لێدراوەكان
هەر دووك مووسیقان
دڵەكان لێك لەبان
ئافرەتی پڕنەفرەت
خۆی بەسەر دارهەلووچەكان هەلواسیوه
خەڵۆسی لێ هەلناستێ
كۆڵانە حەرامەكان چاویان بە مەمك ئاوسە
نازانم چاوی كۆڵان پیسە، یان یاناتۆمی جەستەم
قەڵەمێك بەقەد شارێك دەفتەرەكەم ڕەش دەكا
تابلۆیەك لە گزینگ و سێو و خولیا و ئەوین
دەریا دەدەم بە ئێوارە
ئێوارەیەكی سوور هەڵگەڕاو
لە سەر هەتاوی زەردی ئاڵتوونی
چەندە خۆشە پیاسە...
لە سەر تابڵۆی شار بە دەگمەن بۆنی زۆڵی لێبێ
ئێستا سێو قەپاڵ لێدەدرێ
لە ژێر چەتری ئاسمان
چڵكنی نیگا ئاوێتەی بلوتوسێكی
وە كەیسی ئازاد
چاوی نەریت ؟
كەیسی ئازاد ؟
من ئازایەتیم دا بە سێو
كە دژبەر بوو لە ڕۆژی ئادەم و هەوا
ئێستا لەتەسێوەكان بێ باغەوان
هیوا بە كەیسی ئازاد
خۆ دەدۆزنەوە لە وڵاتی ئازاد ...
....
سێوی والانتاین
دایە پیرە دایبوو بە گوڵ
لەگەڵ دەسرۆكەی گوڵدۆزێ
ئەسپی بێسوار گەڕایەوە
ئێستا میراتی وی
دوای نیوجیل
سێوی مێخەكڕێژ
ڕێژنە بارانی خۆشەویستی ئاسمان
زەوی قاقڕی بووژاندەوە
لە سەر زەوی ئەوین پێك هات.
سەحەر مێهرەبانی _مەهاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )