کوردی
ئەگەر مەیلت لە دڵ دەرکەم
ئەگەر مەیلت لە دڵ دەرکەم غەریبی کویی دولبەر بم
ئەگەر ساتێ لە یادم چی هیلاکی ژەهری ئەژدەر بم
بە غەیری بۆسەیی چاوت ئەگەر قەسدی ویساڵت کەم
بە شوعلەی قەهری تۆ یا رەب سەراپا قەتڵی ئەخگەر بم
ئەگەر یەک لەحزە سستی کەم لە ژێر باری خەمی عیشقت
بە میسلی پەنجەرە قوربان لە بەتەن سوراخی خەنجەر بم
لە سەر تەعریفی ئەگریجەت ئەگەر بێم وەسفی کاکۆڵ کەم
بە زەربەی تێغی ئەبرۆی تۆ ئەمن مەقتوولی بێ سەر بم
ئەگەر یەک لەحزە غافڵ بم لە شوعلەی ماهی روخسارت
لە حەشرا بێ نەسیبی جەننەت و هەم حەوزی کەوسەر بم
چاوەکەم بۆ چی
چاوەکەم بۆ چی لە گەڵ عاشق ئەمەند دەعوا دەکەی؟
چونکە مەعشووقی بە قوربان عاشقت ریسوا دەکەی؟
دایما کارت جەفا و هیجران و دەرد و غوسەیە
قوڕ بە سەر عاشق ئەتۆ مەعشووقی بۆیە وا دەکەی؟
کۆمەڵی عاشق ئەمێسا وێڵ و سەرگەردانی تۆن
جارێ ناپرسی لە کوێن گۆیا لە لای خۆت چا دەکەی
حاکمی نابێ بە دادی بێ کەسان دا رابگەی
تۆ دڵی خەڵقی دەبەی ئێستاکە وا حاشا دەکەی
ئێمە وا رۆیین بە مەئیووسی لە لات دەوڵەت زیاد
دا بزانن عەبدی وەک ئێمە لە کوێ پەیدا دەکەی
دڵ ئەوا لۆمەم دەکات و پێم دەڵێ (کوردی) ئەمن
گەر شکایاتم حەقە بۆچ وا قسەی بێ جا دەکەی؟
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )