ئه‌گه‌ر هاتی ته‌نیا وه‌ره‌!
ئه‌و بارانه‌ په‌ستم ده‌كا
كه‌ ره‌شه‌بای له‌گه‌ڵدا بێ
په‌س ت ده‌بم به‌و گوڵه‌گه‌نمه‌ی
له‌گه‌ل ژه‌نگا
په‌نجه‌یان تێك هه‌ڵكێشابێ!

* * *
ئه‌ی بارانی ساڵی نه‌هات:
ئه‌گه‌ر هاتی ته‌نیات وه‌ره‌
بێ ڕه‌شه‌با و بێ ده‌نگ وه‌ره‌
ئه‌ی گوڵه‌ گه‌نمی زێڕ كفتم:
ئه‌گه‌ر هاتی بێ ژه‌نگ وه‌ره‌ !

* * *
ئه‌گه‌ر هاتی ته‌نیا وه‌ره‌
هه‌روه‌ك له‌ناو دڵما ته‌نیای
سه‌رینه‌كه‌م بۆ دوو كه‌سه‌
دوو كورسی تامه‌زرۆم هه‌یه‌
دوو پیاڵه‌شم هه‌یه‌ بۆ چای !

* * *
كاتێ به‌ ته‌نیا دێیته‌ لام
مه‌مكی دایكم سواری پشتی چیاكان ده‌بێ
چیاكانیش دێن،
ده‌رگه‌ی غه‌مگینی ژووره‌كه‌م ده‌كه‌نه‌وه‌
ناوچه‌وانی ده‌ركراوم
ماچ ده‌كه‌ن و ده‌یسڕنه‌وه‌ !

عبدالله په‌شێو

روژی روون

وتی:
تا که ی فریشته چاوی له خه و بیت
تا که ی روژی روون له لای من شه و بیت
وتم:
تا ئه و کاته ی دوور له تو بی هه ر یادی تو بی
یا خوا روژی روون له لات هه ر به خوشی بی
به لام روژی روون لای من تا ئه و کاته شه وه
که دوور له توم، ئه شی بزانی به م حال و ده رده
ئه ی یاره که ی دایمه خه ندانم
بی تو خوشی به ده رد و سندانم

بۆ رۆژی دایک .....

خۆ ئه گه قه له ڕه شکه ی مێ
وه کوو نه وره س
عه باکه ی فڕێبدات و
چۆله که ی دایکه، له ده نووک ئاژنی
چۆله که ی باوکه یاخی بێ و
حاجی له ق له ق، یه ک حاجی ژنی هه بێ
نه ک چوارو
ئه گه ر ته واره کان وه ک هه ڵٶکان
ئه وانیش به شه و بێنه ده ره وه
کلیلی ده رگای حه وشه به خۆیان بێ و
ماکه وه کان به دڵی خۆیان شووبکه ن و
به زۆر نه یانده ن به نێره که وه پیره کان
ئه و ساکه ئیتر
ئاسمان و فڕین
له شیعری مندا
زۆر جوانترئه بن!.

شێرکۆ بێکس