[behnam5555]

بـۆ کـۆچی شێرکـۆ بێ کـه‌س

تۆ جگه‌ره‌که‌ت داگیرسان و وتت ده‌بێ بڕۆم

دره‌نگه‌،ده‌بێ هه‌ر ئێسته‌ بڕۆم

خامه‌ کورته‌ڵانه‌کت له‌ باخه‌ڵت ده‌رهێنا و

له‌ ته‌نیشت چاویلکه‌که‌ت داتنا

- بمبووره‌ ده‌بێ تا شۆێنێکی تایبه‌ت بڕۆم

له‌وێ گوڵه‌ باخێ چاوه‌ڕێمه‌

دڵخۆشی په‌نجه‌ره‌که‌ت ئه‌داوه‌

-ئامانه‌تی تۆ و ئه‌م ژووره‌ سه‌وزه‌م

ده‌سێکت به‌ ڕوومه‌تی وێنه‌که‌تا هێنا

واده‌یه‌تی پیره‌مه‌گروون واده‌یه‌تی

تۆ ته‌نانه‌ت ماڵ ئاواییت له‌ گڵۆپه‌ ڕه‌نگ هه‌ڵپڕووسکاوه‌که ی شه‌وانه‌شت کرد

-بمبوره‌ده‌سم ناتگاتێ بمبووره

‌ژاکه‌ته‌که‌ت له‌ به‌ر کرد و بۆ دواهه‌مین جار ئاوڕێکت داوه‌ له‌ ژووره‌که‌ت

-بمبووره‌ ژووره‌ سه‌وزه‌که‌م بمبووره‌

ماڵ ئاوا

پرتووکێ باوشی کرد به‌ خامه‌داو

خامه‌ بوو به‌ کوڕی ژووره‌که‌ و

په‌نجه‌ره‌که‌ش بوو به‌ دایکی هه‌ر هه‌موویان

-بمانبووره‌ شاعیره‌ سه‌وزه‌که‌ بمانبووره‌

بمانبووره‌ پیره‌مه‌گروون بمانبووره‌

بمانبووره‌ باوکی خۆشه‌ویست بمانبووره‌

بمانبووره‌ شێعر بمانبووره‌

ته‌نانه‌ت دوو کورته‌ به‌یڤی فڕێدراوی زبڵه‌دانه‌که‌شت له‌م ڕۆینه‌ت نیگران بوون

-ئای چۆن نه‌بووین به‌ شێعر به‌ ده‌س ئه‌م پیاوه‌ سه‌وزه‌وه‌

ئای چۆن نه‌بووین به‌ ژوورێ له‌و دیوه‌خانی په‌رتووکه‌دا

ئای چۆن نه‌بووین به‌ نامیلکه‌یه‌کی خۆشه‌ویستی به‌ ده‌س ئه‌م شاعیره‌ سه‌زه‌وه‌

بمانبووره‌ شاعیری سه‌وز بمانبووره‌

بمانبووره‌ شێعر بمانبووره‌

له‌م شین و هه‌رایه‌شا

ئه‌وه‌ی له‌ هه‌موان شه‌رمنتر غه‌ریبیتی ده‌کرد

ئه‌سرینه‌ خانی هاوسه‌رت بوو

دواهه‌مین بڕیارت بوو

دواهه‌مین کۆچ

دواهه‌مین چاو پێ که‌وتن

به‌ڵام بۆ دواهه‌مین قسه‌

تۆ هیچت نه‌بوو پێی بڵێی

- بمبووره‌ وڵاته‌که‌م بمبووره‌

بمبووره‌ ئازادی بمبووره‌

بمبووره‌ هه‌نگی خۆشه‌ویستیم بمبووره‌

گوڵه‌‌کانی باخچه‌ش ده‌گریان

ئه‌وان دڵنیا بوون

تۆ نه‌سرینه‌ خانت هه‌ر خۆش ده‌وێ

ئای نه‌سرینه‌ خان

چه‌ن جار جگه‌ره‌ دانه‌گیرساوه‌که‌یت هه‌ڵگێرسان و

ئه‌و هه‌ر نه‌هاته‌وه‌

چه‌ن جار خامه‌ گچگه‌له‌که‌یت ماچ کرد و

ئه‌و هه‌ر نه‌هاته‌وه‌

چه‌ن جار په‌نجه‌ره‌که‌ت داخست و

که‌س نه‌یکرده‌وه‌

چه‌ن جار گڵۆپه‌که‌ت دا گیرسان و

که‌س شێعری بۆ نه‌وت

چه‌ن جار باخچه‌ت نووسی و

که‌س ماچی نه‌کرد

تۆ له‌ کۆی

نه‌سرینه‌ خان خه‌ریکه‌ پێ ده‌گات

نه‌سرینه‌ خان خه‌ریکه‌ پی ده‌گا و

تۆ هێشتا ساوه‌یه‌کی ڕووت ڕووت

نه‌سرینه‌خان حه‌ز له‌ تۆ ئه‌کا و

تۆش مناڵێکی له‌ پارکی ئازادی

ئه‌و داوای شێعرت لێ ده‌کا و

تۆ گوڵه‌باخێ بۆن ئه‌که‌ی

ئه‌و گڕوی تۆ ئه‌گرێ و

تۆش سه‌رقاڵی باخچه‌که‌تی

ئه‌و بیرت ده‌کا و

تۆ هه‌ر هیچ ناڵه‌ی

ئه‌و له‌ بن کڵۆنجه‌ ڕه‌شه‌که‌یه‌وه‌

خامه‌ کورته‌ڵانه‌که‌ت بۆ دێنێت و

تۆ زۆر بیری چاویلکه‌که‌ت ده‌که‌ی

نه‌سرینه‌خان خه‌ریکه‌ پێ ده‌گات

نه‌سرینه‌خان خه‌ریکه‌ پیر ده‌بێت

نه‌سرینه‌خان قژی پڕ بوه‌ له‌ زستان و

تۆش له‌ پارکی ئازادی گڵۆپه‌ به‌فرێنێ ده‌که‌ی

نه‌سرینه‌خان ده‌بێته‌وه‌ بووک و

سپی سپی دێته‌وه‌لات

تۆش گوڵه‌باخه‌که‌ت له‌ قژی ده‌ده‌ی و

ماچێکی ده‌که‌ی

-ئای که‌ چاوه‌ڕێت بووم نه‌سرینه‌ خان

له‌ دواجاریش دا کارت پۆستاڵی بۆ ژووره‌که‌تان ده‌نێریه‌وه‌

به‌ ڕێزه‌وه‌

نه‌سرینه‌خان و شێرکۆ بێ که‌س

پارکی ئازادی

حوسێن فه‌یزی "هۆمان" ــ سارووجه