"لە باخچە خڕەكانی كوڵمە، خڕۆڵە، شەمێ"
چەغە!چەغ!
چەغەگیانهەدادە هەدا، دە دەرهەڵمەبە
شناسەتم شەڕكەر، هێندە خۆ هەڵماوێ سەروگوێلاكم،
خەریكە دەتۆپێم، دەتۆپێ
***
چەقە! چەق!
كچێ
ڕاكێشێ سەر ئەم سیمتە
ئێرە باڵاخانەی شەڕابی تیف‌تیفەت نێ
بەندەكان شل كەرەوە لە ئاوڕێ لە هەناسەدا
خەریكە بە زەهرەمارم دەبێ
لە تاوی تینی ئەم ئاسمانە
***
قاوچە قاوچ
كەژێ
دەمێ هەڵی‌لووشەوە
خەریكە لیكاوی قاچی باریكم كرمێ ئەبێ
***
پخەپخ
پەخمە گیان چ لاسارە دڵ
وا ڕەنجاوی ئەم كەوشانەتە
كە سەگ‌ڕاوی ئاغایە و هەڵدەشەپن گۆلاوێ
***
فیتە فیت!
قڕ پێوەربوو، قڕانەمنداڵێتی سەری ئەم داڵانە
لە زمان وێژەریدم بەپێكەنینێ
قڕم دێ شەوكەت
دە ڕۆ كە سەر دم، قۆمێ ئاوی ئەم زەم‌زەمەت
خەریكە زامێ لە دڵم ئەڕژێ.
***
حەپە‌حەپ
حەپۆ
چەنێ بارگرانە
"سەفەر"
ئەو دەمانەی چاو شتۆ دەكا بۆ ڕژیانەیەك و
تاجی برایمەئاغاش مەچەكی ڕێوی لە قەپاڵ ناوێ
***
چڵپە چڵپ
قێزم دێتەوە،
چڵپن
لەم كوڵمانەی دەمێ ئەدرەوشانەوە بە فڵچەی سووری ڕۆژ گۆنەتەوە
***
شڵپە شڵپ
شەڵپن گیان
قوڵپێ لە شڵپەكانت‌دا ئەڕوێنەوە
ئاخێك،
لۆ؟!
"جوانێ، ئەسمەر گیان لە بێ‌مرادی‌دا خنكای"
***
ڕنە! ڕن!
ڕزاوە تاقەتم و
ئەمهەوێ هەناسە دەم تۆزقاڵێ لەم شەقامە،
كەچی خەریكە پشووكانم دەمڕووتێننەوە و
ڕووتێن دەڕنێ‌ێ‌ێ‌ێ‌ێ‌ێ‌ێ‌ێ ڕنكە
***
كڕە! كڕ!
گۆشتی سەگباب‌خێو
سەفەرێكە لە سەرزەوی سەوزدا
خێویش تێكی داوە لێم
خەریكە خوێنم ئەنێ
***
فسە! فس!
فسی داوە لەم دێڕەدا، هێلكە
شەوكەت داخی چووە لە تامێ
تازە دایكم دەڵێ خۆشترە هێلكەی وشتر مریشكێ
قەپاتە گازیش لە داخی قوڵتەقوڵتی چل و پێنج خولەكی ڕاگەیانراوی بنكەی تەندرووستی
قرپ باشترین خەڵاتە لەبۆ شەوكەت!
***
خڕە، خڕ
خڕۆڵ
خركانەی گرتووە كوڵمەت
"چ باغێكی شەددادە، شەدەلار"
خەجێ خڕی داوە لە دەوری شەدە و
بە كۆش دەسەری گەڕێ، خڕە پیاوە، بابی شەمێ
شه‌ویار گولابی ئازه‌ر ــ مه‌هاباد