کورته چیروک

[behnam5555]

له‌ ئاسمانه‌وه‌ بۆ زه‌وی، چه‌ند چرکه‌

ئه‌و کاتی که ده‌عه‌رزدا بووم زۆرشۆخ و شه‌نگ بووم. لوت بڵیند رووم له ئاسمان کردبوو. وام ده‌زانی له من زیاترکه‌س نییه.به‌ سۆزه بایه‌ک له‌نجه‌ و لارم ده‌کرد. خۆم باده‌دا.
ساڵ بۆساڵ جوانتر ده‌بووم.کیژوکوڕی گه‌نج ده‌هاتن له بن سێبه‌رم داده‌نیشتن و باسی ده‌رد و دڵ و خۆشه‌ویستیان ده‌کرد. هه‌رچوار لام پڕبوون له‌ ره‌فیقانم.
ساڵی جارێکی ده‌ستیان به سه‌روپۆڕ دادێنام و جوانیان ده‌کردم
زۆر له‌خۆبایی ببووم واشم ده‌زانی تا سه‌ر هه‌رواده‌بم. تێرئاو بووم
و ده درێژایی و ئه‌ستوربوونم ده‌کرد. رۆژ ده‌هاتن وده‌ڕۆیشتن به‌ته‌مه‌نم زیاد ده‌بوو.
ساڵی یه‌ک دوو دانه له‌و هه‌واڵ و جیرانانه‌م به ده‌ستی مرۆڤ به‌عه‌رزی‌دا ده‌که‌ووتن.
هه‌تا ئه‌وکاتی که"ئاش به‌نۆبه‌ش بی، نۆبه‌ی خۆمه"، هات.
مشاریان ده‌به‌رنام . له ئاسمانه‌وه دوور که‌وتمه‌وه به‌عه‌رزێکی ره‌ق و رووت‌دا که‌وتم.
ته‌واوی له‌خۆبایییه‌کانم هاتنه‌وه بیر:"دونیا تا سه‌ر بۆ که‌س نابی بۆمن ببی؟"
بردیانمه کن دارتاش. له‌ت له‌ت کرام .له‌تێکم چوو بۆ ناو ته‌ندوور.بووم به خه‌ڵووس.
له‌تێکم بۆ به راویج .له‌تێکم بوو به ده‌سکی داس . له‌تێکم بوو...
هه‌رجێگایه‌ک که چاوت پێی‌ده‌که‌وت له‌تێکی له جسنی من و ره‌فیقانم له وێ‌بوو.
ورده ورده هه‌ستم پێ‌کرد که به له‌تیش هه‌ر به نرخم .ئه‌م جاره‌یان زۆرتر له‌خۆ بایی‌تر بووم و ئاخرله‌تیشم بوو به داره‌بازێک که ته‌رمی گه‌وره پیاوێکیان له‌سه‌ردانام. جا ئه‌م جار به یه‌ک‌جاری کۆتایی به ته‌مه‌نی من و مرۆڤ هات.

(ئوومید خوڕه‌م) شنۆ

فه‌رهه‌نگۆک

له‌خۆبایی = مغرور
راویج، رایج، داره‌ڕێ